رواية ترويض الاسد الفصل السادس 6 بقلم ايه الدسوقي
ترويض اسد
الحلقة 6
*هام وضروري *
ليث ...فهد عمتي خلتلتي وصية
فهد...اكيد كتبتلك كل املاكها عندها حق انت الوحيد الي قعدت مع بوي عمتي ديما تقول هكي
فهد...صيح متقولش خلتها لي ياسر مستحيل نرضا بالشي هذا ياسر مستهتر ومينفعش لي ادارة دكان مش شركة
ليث...لا راجل عمتك كان متزوج مراة غيرها وجاب منها بنت وخلتها التركة كلها
فهد..ضحك
بجديات تحكي عمر راجي كان متزوج امراة غير عمتك معناها حني علي صح الحب اكبر كدبة
ليث ...ايه لاكن حتا عمتك ظلمت المراة وبنتها وبعداته من عليهم لانه شخصيته ضعيفة قدامها وكان يسمع في كلامها لاكن بعد عرف بي بنته حاول يرجع دارتله مؤامرة وخلت مرته التانية ترفضه وترفض الرجوع ليه منعرفش شن دارت المهم تبي تكفر ذنبها وجي علي راسي انا
فهد...كيف ؟
ليث..خلتني اب للبنت
فهد مكانش راقد كويس ورقد علي كرسيه لانه متعب من السفر مرقدش يومين جت في وذنه الجملة
الاخيرة
وليث يحسابه مركز معاه
فهذ...من الي خلاتك بو للبنت
وحدة حملت منك 
وحدة حملت منك ليث...الله يلعنك زي عوايدك رقدت وانت مقعمز
فهد ...شن ندير مرقدتش يومين مرهق وتعبان سفر ومؤتمرات
ليث...وسهور من العاهرات
فهد... ضحك هههههه 3 ايام مرقدتش مع بنت
تفكر ليث انه معنداش عشيقة وهذا نادر حدوته
ليث...انا اسبوعين مقربتش مرا
فهد...قولي توا من الي حملت منك قصة راهي وضحك بي شماتة 
ليث قعد يتامل فيه
ليث...الله يلعنك انت وافكارد قتلك عمر راجي عنده بنت من مرا تانية وعمتي خلتني مسؤل عليها
فهد..هاهاهاهاها انت ليث مسؤل علي بنت ؟؟؟
الف مبروك والله حتربيها افضل تربية
ليث...لو كنت نعرف نربي كنت عرفت نربيك انت واؤس
فهد يضحك انا و اؤس اكبر منا بعامين ولا اربعه بس
ليث...البنت اصغر مني بي 15 سنة
فهد ابتسم ...معناها شابة؟؟
ليث...شابة شن قتلك اصغر مني بي 15 سنة
فهد...ابتسم لو كانت حلوة منرجع للحوش استاحشت بوي
ليث ... تامله ؟؟ استاحشت من بوي ؟؟ تبي نشريلك سرير وردي ولا ازرق وشن تبي تشرب حليب من امتا فهد الصياد ؟؟
فهد ..يضحك الولاد حجاتهم زرق الشري الوردي لي حبيبتنا الجديدة
ليث..يحبك شيطان عموما اكيد عندها ام مسؤلة عليها ومش حتحتاج الا دعم مالي بس كل نهاية شهر وبعد متوصل لي 21 سنة حنعطيها كل حقوقها ونستريح
فهد... عطاتك صورة ليها ؟
ليث..لا قالت انه مرته اخت مدام حسناء مرت جلال
فهد ...بجديات ؟؟
ليث..ايه
فهد..يعني بنت خالة نسمة اخت ناجي وبنت عم ياسر خلاص متشرليش حليب وسرير انا منقعد في حوشي
ليث..ضحك عليه ههههه
***
تمارة وشادية وبشير في حوش رحاب يحاولو يطلعو رحاب من حزنها الي قعد شهر كامل تبتسم ابتسامة صفرا باهتة مع حديتهم ومتردش عليهم
تمارة..خلاااص نوضي رحاب اطلعي من الحزن هذا سادك علاش تخلي في حزن يقتل احلامك واحلام خالتي الله يرحمها كانت تتعب باش تتعلمي باش تولي شي مهم علاش تقتلي في حلمها بعد ما ماتت هيا رحاب حرام عليك الي ديري فيه نوضي وارجعي زي مكنتي وتفكري وصية خالتي نوال الله يرحمها
ناضت رحاب...بتخش لي دارها بعدين دارت وقالت لي شادية
رحاب...خالتي منبدا نخدم بدال امي
تمارة ..صيحت شنوو والجامعه ؟
رحاب.معاش بنكمل من وين مندفع حق الايجار الحوش مياء وكهرباء
شادية..كشخت عليها حترجعي لقرايتك وبتخلي الحوش وبتسكني عندي مع خواتك تمارة وداليا وانا مسؤلة عليكم ال3 مش حنخليك تسيبي قرايتك
حركت راسها
رحاب...ياخالتي تمارة تقرا طب مصاريفها هلبا انا مش حنقبل بان ...
قطع بشير عليها
بشير..انسي انك تسيبي القراية رحاب
خشت هيا الداخل
تنارة وامها حايرين وبشير مشي وخلاهم
ليث..كلم ناجي بعد مروح
ليث..نبي نمشي لي امك اليوم
ناجي..شنوو تبي تشوف امي ؟
ليث...ايه امر ضروري وعاجل علي تخبيط الباب
ليث...ريان خشي وقفت قدام الباب
ريان...ليث باشا يبيك ياسر باشا يبي يقابلك
ليث...الله يلعنه خليه يخش
ياسر خش وخش طول في موضوع قبل ميسلم
ياسر..علاش مقتليش علي موتت عمتك
تامله ليث بغضب لامه معنداش درة احترام وادب انه يعزيه
ليث..وانت شن دخلك في عمتي ؟ لو كانت ميتة ولا عايشة
ياسر...دخلي انها شريكتي كانت ولازم نعرف وين مشت املاكها لي بوك باش تكونو انتم شركائي ؟ ولا لي ولد عمك عز الدين وهكي يكون هوا شريكي
طبعا هوا مستحيل يقول لي ياسر علي بنت عمخ لين يلقاها
ليث..مدخلكش بالموضوع هذا ياسر
ياسر ...نبي نشوف الوصية
ليث..تكلم بصوت هادي لاكن يقطع المرش
نوريهالك بي مزاجي والوقت الي نحدده ونقرره انا ياسر راجي وعلي اي حال انت مش من ضمن الورثة
ياسر ..امتا بتفتحو الوصية
ليث..قتلك مدخلكش لما نفتحها ونجيب الورثة حناديك بي قراية الوصية يعني استريح
ياسر ..تامله بغضب كيف يتعامل معاه بي برود كانه ميساويش شي غير يعيط بس منه
ليث...مافيش حد يخلي فيا نعيط غير وحدة بس زعما شن صار في امها ؟؟
بعد المحاضرة بنمشي لي ناجي ان شاء الله يقولها
بدت المحاضرة وكرسي رحاب جنب بشير فارغ
ليث...معناها مجتش وهكي مش حتخش الامتحان هاذي اخر محاضرة ليها حتا لو جت متاخرة حندخلها باش مضيعيش فرصتها انها تكون الاولة علي دفعتها زي متعودت
كمل ليث المحاضرة كان يبي يصحح اسمها في قائمة الحضور والغياب انها جت
بعدين بطل لانه هوا مش مزور
يعجبه الطالب الذكي ورحاب ذكية
ليث..شن الي دراته في روحها بعدم جيانها زعما ضروف خاصة امها مريضة هلبا
لازم تجي الادارة وتجيب سبب قوي باش يخلوها تخش الامتحان كانت جابت المبرر حنقبل بيها وندخلها الامتحان وقعد يتأمل في اسمها
رحاب عمر سليمان الراجي...نهار ابيض زعما تكون صدفة بس ؟؟
طلع بسرعه يبي يقابل حسناء ويقرا ويعرف اسم البنت باش يقرو الوصية بعد 3 ايام عن طريق محامي عمتهم بعد سفره هوا وفهد
لي كندا
****
تمارة وشادية مقدروش يأثرو علي رحاب ومشت للمصنع بدال امها لانها حسمت امرها متبيش ترجع للجامعه
رحاب...اكيد دكتور ليث فرحان وبيحتفل انه مجتيش
الغريب انه اخطر عليها هوا دون البقية
ليث مشي لحوش حسناء الي تصل بيها ولدها وقالها ليث يبيها بأستناء اذا كان ليث يبي يخطب بنتها نسمة الي ميجمعهاش بيها شي وكان الامر هكي معناها بيكلم بوها وخوها
حسناء ابتسمت ... اهلا وسهلا ليث باشا شرفتنا في حوشنا شن تشرب
ليث..مدام حسناء الامر ضروري
برعب ..تفضل
ليث..نبي نوصل في اختك وبنتها
نصدمت حسنا
حسناء ...مني اختي ؟
ليث ..الي تزوجها عمر راجي
حسنا ...منعرفش علي شن تحكي بجد ليث باشا
*****
الحلقة الايضافية
**حبل**
شافلها ليث لمدة
ليث..مش عارف شن تقصدي بس دليني علي مكان اختك وبنتها بس
حسناء..اختي ماتت وبنتها منعرفش عليها شي اني نفسي منعرفش انت شن تبي منها ؟
مدام حسنا انا نعرف كل شي المؤامرة الي درتوها انتي وعمتي ياتقوليلي وين مكانها ولا مش حتفتكي من شري
وحسابي عسير وانتي تعرفي من ليث الصياد
خافت هيا
ل..ليث باشا انا بالحق منعرفش مكانها
ليث..باش يرتاح قلبك انا نبيها في خير
حسنا ..والله منعرفش
ناض ليث وقالها
عندك 6 ساعات بس ياتعطيني معلومات كاملة ولا نتهمك بالي درتيه ونطرد راجلك من شركتي الي يديرها هوا وناجي وطلع
خافت بي برعب
هوا هذا اللعنة شن يبيه من رحاب زعما ميعرفش انه طالبة عنده اكيد مش حينصف رحاب وامها علي عمته
خش ناجي شن يبي ليث ماما
حسنا..يدور علي رحاب
ناجي..رحاب بنت نواى ؟
حسنا..ايه
ناجي ...شن يبي منها هوا وكيف يعرفها علاش يدور عليها وهوا الي دفع تكاليف عملية امها
حسنا..شن هوا الي دفع التكاليف ؟
ناجي..ايه ريتها طالعة تبكي وطلب مني نعرف السبب
حسنا..قتله انه بنت خالتك
ناجي..لا
حسنا..ممتاز لازم نتصرفو هوا اعطاني مهلة 6 ساعات بس ولا بيلزك انت وبوك
ناجي..صيح قوليله بسرعه شن بتخسري لو عرف مكانها
حسنا..لازم نعرفو شن يبي منها
انت اتصل بيه وحاول تعرف
ناجي ..انا منطلع معلومات من ليث انتي شورك متعرفيشي محدش ياخد منه معلومات
حسنا ..الله يلعنه وانا منقوله علي اساس شن لازم نعرف شن يبي منه وشن مصلحتنا نضريرو ولا لا
ليث..ربط الاحدات في بعضها ويجمع ويطرح
شافها تطلع من حوش حسنا وناجي يقول انها من قريتهم وبوها هجر امها ونفس الاسم اصلا كان عليه يعرف انه المشاكل الي تجيه من كل مكان كانت وراه رحاب راجي
وتوا بدي مسؤل عليها لو صدقت حسنا انه امها ماتت لانها عرف من بشير انه امها مريضة
ليث...نهار اسود من بين البنات كلهم مافيش غير رحاب
حسنا ..تحكي لجلال
حني كيف منعرفو نوايا ؟؟هوا هددني لو مقلتش حيطردكم اعطاني مهلة 6 ساعات بس
جلال..قوليله بمكانها اصلا نوال ماتت والبنت متعرف شي علي الماضي والي سمعته انه ثريا ماتت
حسنا...صيحت ثريا هانم ماتت ؟
جلال ..ايه
حسنا..معناها قالت لي ليث شن صار
جلال...مستحيل تقوله ولو قتله مش حيشوه صورة عمته قوليلها يا حسنا
حسنا...ممكن تكون خلت شوية املاك لي رحاب باش تكفر دنوبها
جلال..منعتقدش علاش بتخليلها فلوس وهيا عندها خو ولاد خو ورتة
حسنا..مقتلكش خلت ميراتهت قلت شوية فلوس
جلال..اتصلي بيه وقوليله مكانها مدخليناش في حرب معاه
حني مناش في مكانته باش يديرلنا الف حساب
حسنا..نقدرو نبعدوها علي المكان نبعتو حد يرعشها نخلوها تهرب وتخلي المدينة ونرتاحو منها
جلال...فكرة ممتازة عندنا وقت باش نفدوها ؟
حستا توا نتصرف
**
في الوقت نفسه ليث مشي للجامعه يدور في ملف رحاب وعنوان حوشها لين الشمس غربت
رحاب هيا مروحة مع شادية قصت عليهم سيارة ونزلو زوز رجالة شدو رحاب وناضت تعيط ناضت شادية تعيط صكر واحد منهم فمها والتاني شد رحاب ودار موس علي رقبتها
هيا خافت
شادية..كانت تقاوم لان شارعهم كان ضيق وفرعي مافيش حد يخطم
الرجالة كانو ملتمين
واحد منهم ...انتي لازم تمشي من هني وتخلي المدينة تلمي حجاتك وتختفي نهائيا ولو رجعتي حندبحك في فراشك
رحاب ..ترعش وتفكر شن يبو منها
شن تبو مني ؟؟؟
صكري فمك ونفدي الي قلناه وطيحها علي الارض وهربو
شادية جتها تجري وتبكي وترعش
تمارة فتحت الباب وعيطت
شن في خيركم
رحاب قعمزت تبكي برعب
وشادية تحكي لي تمارة
تمارة ...لازم نبلغو الشرطة اكيد القانون يحميك
رحاب...علاش يبيني نسيب الحوش والمدينة وانا معنديش اعداء
شادية ...نمشو للشرطة لازم زي مقالت تمارة
رحاب...حنخليلهم المدينة زي مطلبو مني منبيش نقعد بعد امي
شادية..من امتا تستلمي رحتب
رحاب..مستسلمتش لاكن امي ماتت ومرات خيرلي نغير المدينة
شادية...مش حتمشي لي ولا مكان وحني عيلتك
تمارة ..نعرف موت خالتي اتر عليك وقاعدة متجاوزتيش الحزن وبعدين حترجعي رحاب القديمة
خبط الباب ومشت داليا تفتح
فتحاته لقت واحد طويل قدامها لدرجة قامت راسها باش تشوفه
الشخص...السلام عليكم
داليا...انت من ؟؟
هوا ابتسم ... انا نسال علي جارتكم رحاب تعرفي مكانها ؟؟ ولا امتا ترجع لان خبطت بابهم مفتحلي حد
حطت ايدها في وسطها تبي تتعارك هوا مرعبهاش لاكن الهيبة بتاعه بهرتها
داليا ...انت شن تبي من اختي
هوا ...رحاب اختك ؟
داليا ..شن دخلك انت قولي شن تبي منها
ضحك ليث...
نبيها شخصيا مش الحارس القصير طويلة اللسان
حاولت تصكر الباب في وجه هوا شد الباب
ليث..نهار ابيض والله شكلك اختها دليني عليها توا
داليا ...انا منخافش ياعملاق متخلف
ليث..عملاق ومتخلف ؟
داليا ..ايه شن تحساب نفسك
داليا ...مني الباب ؟؟
داليا ..عملاق متخلف يسال علي رحاب
جت بسرعه تمارة وشادية مع بعض وعيطو مع بعض زي الاسد والنمر
بصوت واحد ...من انت ؟؟شن تبي منها
رحاب...شن في فهموني وجت عينها في عين ليث 
رحاب...شن جاي تطمن عليا ؟اني منخلي المدينة ؟
مفروض عرفت انه انت وراها
معنديش اعداء غيرك اطمن اني ماشي ومخليتهالك حتا الجامعه سيبتها ارتاح
تمارة ...بصوت عالي هذا الي بعت يهدد فيك
رحاب...مافيش حد غيره
تمارة بغضب جاته
انت مستحيل تطردها من مدينتها ياغبي الحقود ملعون في شرطة وحنبلغو عليك
مشت تجري داليا لداخل وتقول
حنجيبلكم حبل شدوه انتم ال3 ياماما باش نربطوه ونرفعوه للشرطة
واخيرا تكلم ليث وهوا مصدوم
ممكن نتكلم مع حد عاقل ؟؟ جيبولي واحد عاقل نقدر نتفاهم معاه في حوش المجانين هذا 
.....يتبع
