رواية موعد مع الوحوش الفصل الحادي وثلاثون 31 بقلم مروة شطا

رواية موعد مع الوحوش الفصل الحادي وثلاثون 31 بقلم مروة شطا

#الفصل 31 (لعنه الجارحي)

وصلوا للبيت في دقائق لتترجلا. للبيت الهادئ في هذا الوقت ليصعدا بهدوء الي جناحهما الذي لم يدخلوه همس

#معلش بقي ياصفاء كان بودي اشيلك ادخلك بس اخوكي قضي عليا

ربتت علي كتفه

#انا بحبك اوووي ياسليم مش عارفه لومكنتش جنبي كنت عملت ايييه، ، ربنا يخليك ليه

ابتسم وهمس بعشق

#اهم الكلمتين دول يشيلوا تعب اليوم كله

قال جملته ليرفعها بين ذراعيه وينزلها بالغرفه

#نورتي بيتك يااحلي عروسه في الدنيا

دارت بعيناها في الغرفه وقالت

#القوضه حلوه اوووي، ،، انت طمنت ماما زينب

ربت علي خدها

#متقلقيش ياحبيبتي اتصلت بيها بس طبعا مقلتلهاش حاجه غيرإن حياه تعبانه بس، ،، وانتي متقوليش

جلست علي طرف الفراش وقالت

#ااقول اييه ياسليم هو اللي حصل دا يتقال، ،، عارف انا مرعوبه بجد

جلس بجوارها ليضمها اليه فتتعلق به

#خايفه وانا جنبك ياصفاء

اعتنقت خصره وقالت

#اللي حصل دا مش طبيعي، ،، انا مش قادره اتخيل ازاي صقر يعمل كده، ،، دي كانت هتموت في ايده ياسليم، ،،،،، صقر اللي روحه في حياه يعمل فيها كده، ،، عارف انا كنت شيفاه شيطان مش بني ادام، ،، قلبي وجعني اوووي عليها

قبل جبينها وقال

# الغريبه انها سامحت، ،، دي نايمه في حضنه وكان مفيش حاجه حصلت

رفعت راسها ليتلاحم فحمها بخضار عيناه لتدمع عيناها

#انت مش فاهم حياه ملهاش حد ياسليم، ،،وهو عارف ده، ،، عارف ان محدش.هيمنعه، ،، محدش هيقفله داس عليها اوووي

مسح دموعها وقال

#شوفي علي قد مانا زعلان من صقر بس الموضوع عنده مش حكايه انها ملهاش حد لاء، ،،، صقر لما بيبقي غضبان فعلا مبيشوفش خالص، ،، انتي بس عشان مشوفتيش غضبه قبل كده، ،،الغضب اللي جواه يبيقي عامل زي النار، اللي بتاكل اللي قدمها،،، مبيفرقش وقتها اللي قدامه مين انا متاكد من ده عشان مره كان بيتخانق في الجامعه الولا اللي كان بيضربه كان هيموت فعلا حاولت ابعده كسر دراعي وهو مش واعي، ،،،

#انت بتبررله ياسليم، ،،

احتضن وجهها بين كفيه وقال

#خالص،،،،، بس انا بوضحلك بس،حاجه انتي متعرفهاش، ،، واللي يثبتلك

كلامي شكله لما فاق، ،، انا اول مره في حياتي اشوف صقر منهار بالشكل ده، ،،،

هزت كتفيها # بس هي معملتش حاجه تستاهل دا كله، ،،

#في دي عندك حق، ،، بس انتي عارفه يعني اييه جدك بالنسباله،،،، اللي شافه صقر في حياته مش هين

قالت بحيره

#اللي انا مش فاهمهاه بجد موقف حياه، ،، ازاي قدرت تسامح وتامنله داانا خايفه منه

ابتسم # حياه دي حاله لوحدها، ،، عارفه هي كلمت جدك ليييه حياه عاوزاه يخرج من ديره الانتقام اللي هو عايش فيها، ،،، وعلي فكره محدش بيعرف ياثر عليه غيرها، ،، طب انتي تصدقي انه يشارك غيث في مشروع

اتسعت عيناها وقالت

#دا بجد ازاي يعني

#كلمني من اسبوعين واحنا في شرم وفالي ان غيث راحله وعاوزه يشاركه وهو بيفكر، ،،انتي عارفه هي سامحته ليييه

هزت راسها رفضا فقال

#عشان حياه هي الوحيده اللي قرت صقر صح اوووي، ،، عارفه هو من جوا ايييه، ،، وعارفه ازاي توصله، ،، انتي شيفاها مستضعفه ومنكسره بس اللي متعرفهوش انها سبته لضميره يحاسبه، ،، مهما عملت عمر عقابها ليه مهيبقي زي عقابه لنفسه، ،،، انا النهارده بس اتاكدت ان حياه بتحبه اوووي.،،، وهو بعشقها

قالت بحنق #دا مش حب دي لعنه

تلمس شفتيها

#حب ولاد الجارحي لعنه اللي تقع عليه ميقدرش يهرب منها ابدا يعيش جواها وبس ميشوفش غيرها، ،،

قال جملته ليلتهم شفتيها الصغيره حبيبته قربها عيناها لمستها كل شئ،يجعله بعالم اخر بعيد عن هذا العالم الشرس، ،،

،،،،،،،،،،،،،،،،،،،،،،،،،،،،،،،،،،،،،،،،،،

#خصام

بدات تشعر بما حولها تدريجيا وكانها تستفيق من غيبوبه، ،، شعرت بهذا الشعور من قبل عندما كانت في بيت المختل خالها، ،،، بدات احداث الامس تعبر امام عيناها كشريط سينمائي بكل تفاصيله والمه الذي زاد من الم جسدها، ،، لقد رات الموت الحقيقي بعيناها ،،، كانت تعرف ان رد فعله لن يكون بالامر اليسير ولكن لم تتوقعه بهذا العنف، ،، لعل هذا مايجعلها تلتمس له العذر، ،،، تعلم من البدايه انها ستعاني لتجعله يعيش حياه جديده، ،، لقد كانت حريصه الايصل غضبه وبطشه لصغارها ولكن احد الاجنه تضرر، ،،لقد علقت مسامحتها علي نجاه اطفالها، ،، لقد نجي احداهم، ،، تعلم جيدا انه مزبوح حرفيا، ،، عيناه دموعه كلماته التي تقطر الم تثبت هذا، ،، ولكنها اخذت الوعد، ،، الوعد بحياه نظيفه بعيده عن الانتقام ،،،، ضربات قلبه المتسارعه اثبتت انه استيقظ ليرفع شعرها ويتحسس وجهها كدماته لتتاوه بالم.وتقطب بين عيناها ليمسد قطبتها ويهمس

#انا عارف انك صاحيه، ،، فتحي عنيكي وكلميني ياحياه عاوز اسمع صوتك

فتحت عيناها.لتتلاقي العيون

#انتي كويسه

اومئت براسها.موافقه ليطبع قبله علي جبينها

# الحمدلله، ،، حياه انا بجد اسف، ،، عارفه مش عارف انسي شكله وانا واخده في حضني، ،،،

سقطت دموعها لتربت علي بطنها المنتفخ بيدها السليمه مسح دموعها وهمس

#الحمد لله، ،، ربنا نجاه عشانك انتي بس، ،، اتكلمي ياحياه لوميني اعملي اي حاجه بس متسكتيش كده

هزت راسها نفيا ليقول بالم

#يعني مش هتكلميني

اغمضت عيناها.ليربت علي خدها

#انا راضي باي حاجه تعمليها ،،، ليكي الف حق تعملي اكتر من كده، ،،،بس متاسيش عليه اوووي، ،،، عشان انا ملييش غيرك ،،،، وعشان خاطري بلاش دموع معنتش مستحمل اشوفها.

قطع كلامه دخول الطبيبه

#كيف حالك اليوم مدام حياه

هزت راسها بابتسامه باهته لتقترب الطبيبه منها وتبدا فحصها

#حسنا نحن بخير وابنتنا الصغيره ايضا بخير. ستظلي معنا لحين ولادتك لان الحركه ستكون خطر اتفقنا

هزت راسها موافقه صقر

# بس هي كويسه مش كده يادكتوره

#نعم مستر صقر هي بخير، ،، لقد قمت بحجز هذه الغرفه لها

#تمام هعدي علي الحسابات بس لما تيجي اختي عشان مش هينفع اسيبها لوحدها

#يمكن حجز غرفه مجاورة لها لمن يريد المبيت معها

#لاء مفيش داعي انا اللي هبات معاها انا متشكر جدا علي تعبك معانا

#لاداعي هذا عملي مستر صقر سارسل لها احد الممرضات لتساعدها بوضع بعض الكريمات لكدماتها

# انا هساعدها شكرا

#وهو كذلك سارسل لك العلاج عن اذنك

تابع الطبيبه تخرج ليتصل بهاتف سليم

لياتيه صوته الناعس

# صفاء انتي فين

#متفوق يلا صفاء،مييين، ،،،

#يخربيتك يااخي انت هتطلعلي من كل حته حتي من تليفون مراتي عاوز ايييه يااخر صبري

#قول لصفاء تجيب هدوم وهي جايه عشان حياه وانت جاي ابقي عدي علي الحسابات عشان احنا هنطول

# مش فاهم احنا دي هو سيادتك هتتحجز في

مستشفي النسا

قال بغيض #متتعدل يلا، ،، مش هسيب مراتي لوحدها يلا اخلص ،،وابقي هاتلي تليفوني من مكتب الشركه

#صقر مش محتاج واحد يليفك ياحبيبي

#لما اعوز هقولك وغور بقي بطل استظراف علي الصبح

اغلق الخط ليضع هاتف صفاء بجيبه ويجلس علي طرف الفراش

#انا عارف انك مش بتقرفي من هدوم صفاء لحد بس مااروح اجيبلك شويه هدوم.

هزت راسها موافقه.تابعته يخرج لتنظر الي اثره وتبتسم رغما عنها صقر هذا المتجبر الحنون القاسي الذي تجتمع به كل المتناقدات علي وجهه الارض ورغم هذا تعشقه ،،،وموقنه انه يعشقها، ،، نظره عيناه توسله الاتطيل الصمت الاتقسو يؤكد هذا رغم كل ماكان

اتي بعد قليل وخلفه احد الفتيات تحمل ادوات نظافه ليشرح

#نظفي القوضه برحتك انا هدخلها الحمام تمام

#تمام

حملها بين ذراعيه ودخل الحمام ليغلق الباب مستسلمه لاهتمامه المبالغ فيه. وكانه يعطي حمام لطفله لم تتجاوز السنه انتهي سريعا ليجفف جسدها ويبدا بوضع الدهانات عليه ،،،،،،ملمس يده علي كدماتها المتفرقه جعلها ترتجف حرفيا ،،،،،،،والكارثه انها موقنه انه فهم معني ارتجافها، ،، اغمضت عيناها بقوه ،،،،،،،ضعيفه واللعنه الف مره علي ضعفها امامه، ،، كما تعلم ضمنيا ان لها نفس التاثير عليه، ،، تسارع انفاسه منذ نزع ثيابها تؤكد هذا، ،،، تلكؤ يده يثبت هذا، ،، شعورها بقربه انفاسه الساخنه، ،، لحظات قرب حميميه صامته بشده، ،، كميه الدهان التي وضعها تثبت ان جميع جسدها يحمل كدمات، ،، فوجئت بيده تصل لوجهها لتبعد راسها تلقائيا.،،،،،،لتفتح عيناها وتلتقي بعيناه المتالمه، ،، الراغبه بشده، ،، غريب هو صقرها، ،، متالم مثار كيف يجتمعان بوقت واحد

#متخفيش ياحياه، ، مع ان عندك حق تخافي، ،،، داانا خايف من نفسي

تنهدت بارتياح صقرها صار احمق بالكليه وهذا رائع حاليا، ،،، لقد فسر ارتعاشها بالخوف، ،،انتهي ليضع حولها رداء نظيف خاص بالمشفي لحين حضور صفاء رفعها مره اخري بين ذراعيه ليريحها علي الفراش ويرفع عليهاالاغطيه جلس بجوارها ليمشط شعرها بيده

#هجيب الفرشه بتاعتك وشاور الياسمين والبرفيوم ،، وكام قميص من الطوال وطقم خروج عشان لما تطلعي بالسلامه ،،،، هتبقي محتاجه حاجه تانيه

اشارت الي بطنها فقال باسما

#تمام والشنطه اللي فيها هدوم العيال ااقصد

اغمض عيناه بقوه بلع ريقه بصعوبه وقال بالم

#هتبقي محتاجه حاجه تانيه

اشاره علامه غسيل الاسنان

#تمام وفرشه السنان والمعجون اجيبلك بطانيه

هزت راسها موافقه

#تمام هروح اجيبلك الاكل انتي ماكلتيش حاجه من امبارح

هزت راسها رفضا ليقول بتاكيد

#مفيش حاجه اسمها كده انتي تعبانه ولازم تاكلي كويس

تابعته يخرج لتتنهد بقوه وتربت علي بطنها كالعاده هامسه

# عجبك اللي بيعمله ابوكي دا ياست بطه، ،، انا مش عارفه اعمل ايييه، ،، اصل اللي عمله مش قليل برضه، ،، داانا كنت هموت يابطتي، ،،

تنهدت بقوه واسندت راسها للاعلي بعد قليل دخلت صفاء لتحتضنها وتقول بلهفه

#عامله ايييه طمنيني

#انا كويسه ياصافي اهدي

صفاء بتاكيد #داانا بموت من امبارح مش هو اخويا بس كنت هنط في كرشه

ابتسمت وقالت بامتنان حقيقي

#ربنا يخليكي ليه ياصفاء، ،، لواختي مش هتعمل اللي انتي عملتيه

#يابنتي عيب عليكي ربنا عالم انا بحبك اد ايييه، ،،، امال هو فين

#راح يجيبلي الاكل

همهمت بغيض #يقتل القتيل، ،، الواد ده مختل اكيييد، ،،

هزت كتفها وقالت

# مش مختل، ،،، بس وجعه كبير انا عارفه، صقر مفيش اطيب من قلبه، ولااحن منه في الدنيا، ،،، بس الوجوع اللي جواه غطي علي كل ده، ،، انا بحسه اوووي، ،،

ايقنت صفاء ان كلام سليم صحيح فابتسمت

#تصدقي سليم قالي كده

تنهدت #عشان عارفه كويس سليم قريب منه اوووي، ،،، بجد تعب اوووي معايا امبارح، ،، وعكننت عليكوا وانتو لسه راجعين من شهر العسل

#وانتي ذنبك ايييه،،،، المهم طمنني عامله ايييه معاه

#مش بكلمه

#مخصماه يعني

#لاء مش بكلمه بس

صفاء بغيض #لاياشيخه دا ايييه القسوه الرهيبه دي يعني بتتعاملي معاه عادي بس مش بتكلميه صح

هزت راسها موافقه

#طب اشد في شعري ولاالطم انا هو دا العقاب ياست الشملوله

ابتسمت # امممم استني قبل مايجي عاوزاكي تقوليله يجبلي المراجع اللي علي المكتب ويقدملي علي اجازه من الكليه عشان مش هينفع اتحرك.امال فين سليم ماجاش معاكي

#راح الحسابات ،،، يعني انتي عاوزه تفهميني انك مش زعلانه منه داانتي كنتي هتموتي في ايده ياحياه

هزت كتفيها

#واخده علي خاطري منكرش، ،، في حاجه مكسوره جوايا اه، ،،، بس زعلانه عشانه مش منه، ،، صقر مكنش شايفني، ،، صقر كان بيخرج غضبه من جدك فيه، ،،، عارفه فاق امتي لما قلتله انا بموت، ،،، في اللحظه دي بس شافني عشان كده طلع يجري.،،،، كنت عارفه ان رد فعله هيبقي وحش صحيح متصورتوش كده

قاطعتها #طب اييه اللي خلاكي تعملي كده

#لازم الديره تتفك، ،، جدكوا بيحبكوا بجد في حجات محدش يعرفها الاهو، ،، كان لسه هينطق بس صقر طب علينا

قالت بحيره #معرفش ااقولك حاجه عمري ماقلتها لصقر، ،،، انا اتسحبت مره وطلعت كلمته عارفه كانت عينيه بتقول انه بيحبنا فعلا ومقليش يابنت الخدامه زي مابيقول لصقر، ،، عارفه يوميها قالي ابقي تعالي شوفيني بس انا خفت لحسن صقر يعرف

#ودا يثبتلك كلامي، ،، جدك مش راجل شرير زي ماشيفه صقر، ،بس بقي عشان هو جاي

قطبت #وعرفتي منين

#بعرف خطوه رجله متكلمنيش وهو واقف

ثواني وانفتح الباب ليدخل بظهره ثم يلتف بما يحمل

# ازيك ياصفاء، ،، جبتي هدوم لحياه

اشارت الي الحقيبه علي طرف الفراش وقالت

#الهدوم اهه.

وضع الطعام علي ساقيها وقال

#طب يلا اقعدي افطري معاها

#لاء انا فطرت الصبح مع سليم، ،، ااقعد انت افطر

جلس امامها وقال بحنو

#نزلت المطبخ قلتلهم عاوز طبق بيض ببسطرمه كتييييييير عشان بنوتي

هزت راسها وابعدت الطعام ليقول برجاء

#عشان خاطري، ،، انتي تعبانه ولازم تاكلي كويس.شوفي جبتلك شيكولاته بس لما تاكلي الاول افتحي بقك بقي

فتحت فمها لتاكل فقال بحماس

#شطوره يابنوتي، ،، يلا حبيبتي هتاكل اكلها كله عشان اديها الشيكولا، ،اللي هي بتحبها

علقت صفاء بحنق

# عباسيه رسمي، ،،، انت مجنون يابني محتاج تتعالج

صقر بغيض # متخليكي في حالك انتي

تابع اطعامها بيده ولم ياكل شئ لتعلق صفاء

#هو سيادتك مش هتاكل

عيناه تلتهم وجهها المنتفخ الذي تنطبع عليه اثاره الوحشيه

# لما بنوتي تاكل كاني اكلت بالضبط، ،، بنوتي بخلانه عليا بصوتها،،،، مش عاوزه تكلمني، ،،

صفاء بحنق #مش عاوزه تكلمني لاء عملت اللي عليها وزياده الصراحه اقسم بالله انا لومكانها كنت جبت شومه ضربتها في نص دماغك

صقر بضجر

#اووووف وبعدين معاكي متعدي ساكته بقي

جلست صفاء بمحازاه حياه لتقول باسمه

#طب حته شيكولاته وانا اسكت ارشيني

#لاء دي بتاعه حياه، ،، خلي جوزك يجبلك.

#هي بقت كده ياصقر ماشي

رفعت حياه الشيكولاته لتفتحها وتقسمها وتعطي قطعه لصفاء التي هتفت

#حبيبتي يايويو، ،، شوف بقي لما تروح البيت هات المراجع بتاعه حياه اعمل حسابك تقدملها علي اجازه من الكليه عشان هي هتغيب كتير

#الاجازه تمام بس مذكره ايييه يااذكي اخواتك وهي تعبانه كده

احتضنت كتفها وقالت

#اذكي اخواتي دا اكيييد، ،،، هي اللي عاوزه كده، ،،

نظر الي عيناها بعتاب

#يعني بتتكلم معاكي

#ليه حد قالك اني عملتلها حاجه.

#طب ينفع تقوليلها صقر بيحبك اوووي ووحشه صوتك اوي اوي

صفاء #لاء انت مش واخد بالك هي مبتردش عليك بس بتسمع كويس،

حظي اخيرا بابتسامه ناعمه علي كرزتيها وتلون ناعم بخدودها.لتقطم المجنونه شفتيها كعادتها الحمقاء، ،، مغيب فقط بفتنتها التي لاتقل لاتتغير ابدا، ،، عشقها يجري بدمه ليحرر شفتيها ويهمس كما اعتاد

#سيبي الكريز بتاعي

تصفيق صفاء اعاده من شطحته المشتعله لتسكب عليه دلو ماء بارد

#برافو حلو اوووي شغل النجف دا.

قال بضجر #اوووف بقي، ،، سليم فين

#راح الحسابات وهات تليفوني وابقي عدي علي الشركه خد تليفونك جوزي مش شغال عندك

#متاكده من الكلام دا،،،، امال شغال عند مييين

قالت بتحدي #اسمها شغال معاك مش عندك بطل بقي يابن الجارحي

قال بتحذير #انتي مش ملاحظه ان لسانك طول زياده عن اللزوم

عقدت ذراعيها وقالت

#ليه راجل يحميني منك.

جمله بسيطه يعلم جيدا ان صفاء تريد مشاكسته كالعاده ولكنها طعنت قلبه، ،، بلع ريقه بصعوبه وهب واقفا

#انا هروح اشوف سليم وهطلع علي البيت مش هتاخر

قال جملته وخرج صفاء

#هو اتقمص لييه انا بهذر معاه

حياه #لاء متقمصش الجمله وجعته

#ومن امتي يعني وصقر حساس اووي كده

هزت كتفيها #علي فكره انا من يوم ماعرفته وهو كده، ،، صقر ممكن كلمه تجرحه، ،، يمكن مش بيبين بس هو طبيعته كده اصل معني كلمتك انه ملووش امان وانتي كمان خايفه منه

#طب ماهي دي الحقيقه، ،، انا فعلا بقيت بخاف منه اوووي، ،، صقر طول عمره هو سندي الامان بتاعي، ،، بس بعد اللي حصل امبارح ده، ،، حسيت بجد انه ملوووش امان، ،،

#انتي غلطانه ياصفاء، ، صقر بيحبك اووي عشان كده بيتاثر بكل حاجه

#حقيقه

ترجل داخل البيت لتقابله عائشه

#حمدلله علي السلامه ياباشا

#اهلا ياعيشه

#صقر باشا مدام انعام كانت سالت عليك اكتر من مره واااااا

حدق بوجهها #في ايه ياعيشه

قالت بتردد #هي ااقصد الست حياه يعني

قاطعها #كويسه بس هنفضل شويه في المستشفى لحد ماتولد

قالت بارتياح #الحمد لله صقر باشا غيث باشا

ربت علي كتفها #عارف قالي ياعيشه

قالت بدهشه #قالك انه عاوز يتجوز غاده

تنهد #شوفي غيث صحيح دلوعه جده وابوه بس جواه خير ،،،، وبيحب غاده بجد ....اساليها ولو وفقت جهازها كله عندي ...

#بس يا باشا انت عارف البيه الكبير و

قاطعها #متقلقيش لوغاده وافقت هتبقي في حكايتي انا

#ربنا يطمن قلبك يا باشا و يفرحك يااارب

#امين

قال جملته وصعد ركضا للاعلي فتح الباب لتتسمر قدماه عبق حبيبته مازال عابق في الغرفه برغم تنظيفها الاانها مازالت تحمل روحها الطيبه جال بعيناه الغرفه الواسعه تبدو كالسجن الطابق علي انفاسه بدونها، ،، تنهد بقوه وتوجه ناحيه الخزانه ليخرج حقيبه كبيره ليفرغ ماستحتاجه في الاسابيع المقبله اغلق الحقيبه ودخل الحمام يحتاج ان يغتسل ويبدل ثيابه، ،، حزين مثقل بالحزن نعم ولكن مجرد رؤيتها سينزع هذا من داخله.،،،، انتهي وكان في سبيله للنزول عندما قابل انعام

#صقر باشا

لم يخفي عليه ارتباكها لذا سال

#مالك ياانعام

#اااابدا مممفيش حاجه، ،، هو حضرتك اجيت امتي

ترددها وارتباكها زاد شكه

#طلبتيني كنتي عاوزه ايييه

#لاابدا داااا الباشا الكبير كان عاوزك وهو دلوقتي نايم

ترك الحقيبه بيده وتحرك للاعلي ليستوقفه صوت العجوز الباكي

#انا متاكد انه موتها انا سمعت صفاء بتقول لسليم انها ماتت، ،، اول مره في حياتي احس بالعجز ياصفيه

##############

#لاء متجيش، ،، معدتش تفرق، ،، عارفه لوكنتي شوفتيها كنتي هتحبيها، ،،،، دي كانت حامل بس يمكن كدا احسن، ،، طب انا كنت بلم من ورا ابوه هو مين هيلم من وراه، ،،، بس انا متاكد انه مش مريض، ،، انا تعبت اوووي ياصفيه، ، خلاص معنتش قادر استحمل اعيش هنا لحظه واحده، ،،

فتح الباب لتتلاقي عينيه بعين العجوز الجالس علي الفراش يحدث احدهم بالهاتف.حسنا رؤيته جالس بعنفوانه القديم جعل شئ،ما بداخله يرتجف حياه محقه انتبه علي صوته العالي

#اطلع برررره

تمالك نفسه ليرسم قناع البروده وقال

#انت بتطردني من بيتي

قال بقوه #سيبتهولك بمزاجي بس انت متستهلش موتها عملت زيه ايييه شايف برضه الموت هو الامان الوحيد، ،، بس عارف كده احسن، ،، بدل مايجيلك عيال شيلين نفس المرض، اطلع بررره

الكلمات جذبته بقوه اقترب غير مبالي بغضبه ليجلس امامه

#مرض ايه اللي بتتكلم عنه وكنت بتكلم مين وعملت مشلول اربع سنين لييه، ،،

#دي حاجه متخصكش اطلع بررره

قال بعصبيه #لاء تخصني، ،، انت من يوم ماظهرت في حياتنا وكل حاجه باظت، ،، عذبت امي لييه سيبت محمود يتفق مع عزت يقتله ليه، ،، ادتله امي ليه،،،،، ليييه عملت فينا كده

قال بحده #عشان مكنش المفروض يتجوز مكنش المفروض يبقي عنده اولاد

قال بغضب #هو انت ربنا هتحكم وتتحكم في الناس

قاطعه بغضب #لاء انا عارف ربنا كويس اوووي يابن احمد، ،،وربنا عرفوه بالعقل، ،،هحكيلك كل حاجه عارف ليه عشان انت متستهلش،،،احمد كان اصغر

ولادي الدلوعه زي مابيقولوا من وهو صغير احنهم، ،،، كبر وبقي في الكليه كنت فرحان اوووي وهو جاي يشتغل معايا وحب بنت مكنتش كويسه حذرته بس مسمعنيش، ،، واتجوزها بعد الجواز انا اكتشفت انها بتخونه، ،،،وزي اي اب بيخاف علي ابنه قلتله، ،، كدبني وفضل شهر معاها كنت خايف من رد فعله، ،، بس هو معملش حاجه طلقها وراحت لحالها اتبدل حاله بقي كل يوم مع واحده شكل اللي ينام معاها يذهق منها وخلصت علي كده،،،،، قلت فتره وهتعدي بس للاسف معدتش.،،، كانت بتجيله حاله هياج يكسر كل حاجه حواليه،،،،، وبعدين يقع ينام يوم بطوله ويقوم مش فاكر اي حاجه،،،،،، في الوقت ده جدتك ماتت فضل حابس نفسه في قوضه شهر كامل، ،، كنت بقول لنفسي ازمه وهتعدي ااقعد معاه واكلمه ،،، بس من غير فايده، ،، القصر كله كان عارف بحالته ومره واحده السايس ساب الشغل في القصر وهو كل يوم من سئ لاسؤ بيختفي يوم واحد بس بيرجع كويس قلت خلاص بدا يفوق سنه اتنين تلاته، ،، حاله اتعدل اه كل يوم مع واحده بس متزن وبيشتغل ومشت الايام علي كده، ،، لحد مافي يوم اجا جايبله واحده من اياهم البيت وقلي بحبها اتجوزتها ،،، راح اتجوز رقاصه في كباريه، ،،زعقت وغضبت وضربته، ،، وقلتله طلقها ومش هتشوفها تاني عارف عمل ايييه كان هيموتها خنقها خلصتها من ايده بالعافيه واخدته وديته مصحه في مصر الدكتور هناك قال عنده حاله اسمها هوس اكتئابي، ،، الحالات اللي زي دي لازم تفض?

الثاني وثلاثون والاخير من هنا

تعديل المقال