رواية ترويض الاسد الفصل الخامس وعشرون 25 بقلم ايه الدسوقي
ترويض أسد
الحلقة 25
... لست امراتك ...
ليث..انتي مش حتسيبي القصر رحاب نهائي
رحاب.. حنسيبه ولو مسيبتنيش مش حناكل شي
ليث...لو قتلك علي خاطري اني كولي رحاب
حست بقلبها بيوقف علي خاطره هوا تاكل سم لاكن مش حتتراجع
رحاب...نبيك تستريح ليث بعدي
ليث ..من كدب عليك وقالك اني نستريح بي بعدك رحاب الاسبوع الي قضيته بعيد علي زي النار
رحاب ..استغربت
ليث...كولي
رحاب...الاسبوع زي النار
ليث..ايه ملقيتش بنت طايشة بلسان لاذع علي خاطر هكي اسبوعي زي نار
رحاب...بنت طايشة ولسان زي سم علي خاطر هكي بس
ليث ...ايه
رحاب..عيطت اطلع من وجهي ..ليث اطلع حنطلع من حياتك كلها
سمعو صوت ضجة البرا طلع ليث يجري ورحاب ...
شافت رحاب راجل كبير في عمر السبعين ممكن لابس عربي وفي ايده مسدس وعيط
الراجل...نبي بنت ولدي توا
سراج الدين يحمي في فريدة ورغد ..
ليث... سليمان راجي انت شن تبي منا
رحاب...من الخوف قعمزت علي السلوم لما سمعت اسم جدها
سليمان...نبي نقتلها بي ايدي
سراج الدين..تقتلها علي دنب مش ليها قعمز نشرحولك
سليمان مش حنقعمز ..
ليث طلع سلاحه ..مندامه انك متتفاهمش الا بالرصاص حنتكلم بلوغتك
رحاب..بدت ترعش لما حط المسدس في رقبة ليث وليث بالمقابل مسدسه في راسه فكرت تنزل لاكن خافت وقفت
سراج الدين ..سليمان خلينا نوروك الفيديو وبعده احكم
بغضب سليمان ...وروني فيديو النحس هذا
جاب ليث اللابتوب وشغل الفيديو الي اعترفت بيه ريان ونسمة
سليمان..الله يلعنهم انا نبي توا بنت ولدي كيف يكون عندي حفيدة تسكن في حياش الناس وانا منعرف عليها شي مش حنطلع الا وهيا معاي
ليث...بغضب انا قانونيا مسؤل عليها
سليمان...قانونيا هندسيا اني منفهمش غير اني نبي حفيدتي ..كيف تسكن في حوش فيه رجالة غرباء
ليث...الحوش فيه بوي وخالتي واختي
سليمان...اني منفهمش نبي بنت ولدي وانت كيف تسكن معاك راجلها ولا خوها
ليث...تمام زوجهالي
رحاب...عيونها قريب طاحو منها وقريب طاحت من السلوم الي سمعاته حق ولا لاء ليث طلب يتزوجها من جدها الي عمرها وحياتها مراته وسمعت عليه قبل اسبوع
سليمان...خلاص جيبو الشيخ ولا نرفعها معاي
ركبت الدرج لين وصلت دارها بعدين سمعت تخبيط باب في دارها
وقفت قدامه
ليث..رحاب انتي سمعتي الي صار وانا بعتت الشيخ حنتزوجك باش مياخدكش هوا
رحاب..حسن الدموع بينزلو منها ...هوا بياخدني بس باش مياخدنيش هوا ؟؟
رحاب...تمام اني منبيش نتزوجك ليث
وحصت بغصة
ليث..رحاب خليك عاقلة حنطلقك اني بس نبي نبعدك من جدك راهو شخص واااعر وسليط حيعاملك بعنف انا مش حنسمح انه ياخدك
رحاب..لو كان الموضوع هكي خلي فهد ولا اوس يتزوجني
حس بقلبه قريب يوقف هيا فضلت خوته عليه
ليث...وعلاش من اني
رحاب..لانك تكهرني وخليت حوشك علي خاطري وقرايتي
ليث..انا نكرهك انتي ؟؟ انتي مافيش شخص علي الارض يكرهك رحاب انتي ملاك ...وطمني حنطلقك
رحاب...في خاطرها الله يلعنك تقول كلام حلو وتفسده مشوش انت واني تعبت منك
فهد بس حضر قراية الفاتحة وكان شاهد اوس سافر قبل ساعات وبعتلهم رسالة جماعية تهنئة
رغد..فرحانة هلبا بالزواج
فهد يبتسم لانه متاكد انه ليث ميديرش شي ميبيشي
و كان ليث يقدر يخفي رحاب علي جدها ويأمنها بالحراسة ومش حيوصلها سليمان راجي لاكن هوا تزوجها باختياره ويحللها قدام الناس وفي سبب بعته ربي ليه باش يتزوجها واتق هوا انه مش حيطلقها
بعد ما مشي سليمان راجي الي سلم علي رحاب سلام جاف وطلب يشوفها باش يتعرف عليها من باب الفضول
ليث مشي طول للذهاب جابلها دبلة ذهبية مرصعة بالزمرد ومعاه خاتم تاني وسنسلة وخرصات وطاقم تاني الماس
رحاب مقعمزة في الحديقة سرحانه بعد ما مشت رغد لداخل لما قعمز جنبها وشافتله وحط الحجات قدامها
ليث..خودي
رحاب..شن هادم
ليث.. دبلة وشوية حجات
رحاب..علاش دبلة
ليث..حني تزوجنا رحاب درنا عقد زواج رسمي وتبي دبلة
رحاب..منحتاجش دبلة ليث حني مش متزوجين وانت تعرف انك متبينيش ليث ومتحبنيش انت بس تزوجتني باش تنهي المشكلة طلقني ليث
ليث...توا نطلقك
رحاب..ايه
ليث...كيف مستحيل زواج ساعتين بس
رحاب..علاش مستحيل
ليث..الناس حيحكو عليك واي راجل تتزوجيه ميقبلش انه يكون زواجك ساعتين بس رحاب
رحاب..ميهمونيش الناس ليث والراجل الي حنتزوجه حيكون شخص عافل ويوتق بيا ولا مش حنتزوجه
سكتت فترة وقالها
ليث...انتي عندك حد تحبيه ؟
رحاب..مش حنرد عليك
ليث..انا نعرف الجواب انتي معندكش حبيب وانا معنديش حبيبة خلينا نقعدو مع بعض ومننفصلوش نخليك تتخرجي ونكملو الزواج
شافتله بغضب وصفقت
رحاب...مشاء الله كويس ممتاز الله يلعنك طلقني طلقني ويكون في علمك اني عندي حبيب والله العظيم عندي انا نحب رغم انه ميستاهلش حبي لاكن نحبه
ليث..نصدم وتعفلق ..عندك حبيب تحبي راجل
رحاب..نحب قرد
ليث...من وين تعرفيه رحاي كيف وامتي حبيتيه اكيد منافق طامع في فلوسك
رحلب بغضب
رحاب..في رايك اني مافيش حد يصلح يحبني راجل ولو صار علي خاطر فلوسب طلقني ليث توا طلقني
ليث...مستحيل مش حنطلقك
رحاب...تمام مش حناكل ولا حنشرب لو مطلقتنيش
ليث..تاملها موتي من الجوع والعطش ومش حنطلقك وطلع برا
ضرب الارض برجليها
رحاب..صبر صبر بس ياليث الصياد
نزلت بالدرقة رغد للمطبخ خدت ماكلة رفعتها لي ليث قعمزت وبدت تاكل
رغد..ههههههه خنابة
رحاب...خلاص معاش قادرة نصبر جعت
لما حطو لوطة العشي سال
سراج الدين ...رحاب منزلتش للعشي
ليث..توا ناخدلها عشاها دريه نجوي
نجوي..حاضر ياباشا رغد كانت تبتسم رحاب مكارة كلت قبل متاكل بمساعدتها
سراج الدين ابتسم وقال لفريدة ورغد
سراج الدين...ليث يحب رحاب ومش معترف
رغد..لاحظتها انت
بوها ..ايه
رغد..للان مكانتش تنادي فيه بابا
خبطت الباب ليث وخش كانت راقدة في الفراش
ليث..ابتسم هيا ياقمر الصغير نوض كول
رحاب...اني مش بيبي ومش حنوض ليث ومش حناكل شي
ليث..علي خاطري اني
رحاب...الااااااا ميهمنيش
ليث..انتي كنتي متعفلقة لاني معاش منقريك
لاكن اني رجعت
فرحت هيا لاكن مظهرتلاشي
ليث..ابتسم ميستحقش توا اننك تاكلي
رحاب...لا مبستحقش وتلعب بي شعرها
ليث...نوضي ملاكي
رحاب..اني مش ملاكك ومنخصكش
ليث..انتي مراتي رحاب
رحاب..انا مش مرتك تسمي الورقة هاذي مراتك
ليث..نقدرو نخلوها حق
رحاب..قلبها قريب وقف في مكانه ليث قال هكي صح ...
ليث ابتسم وناض بيصكر الباب .....
