رواية انجبته بالخطأ الفصل الخامس عشر15 بقلم همس حسن
البارت 15 صالح : ادخلي البسي هدومك .. احنا هنروح نعمل تحليل DNA للطفل اللي في بطنك .. انا عايز اتأكد بنفسي إنه يبقى إبن مروان
صالح : مالكو بلمتوا كدا ليه .. هو انا مش بتكلم ؟؟
مروان : لا ياحج سامعينك احنا بس مستغربين .. ازاي تحليل DNA وهي لسة مولدتش ؟؟
صالح : مهندس كمبيوتر قد الدنيا ومش عارف إن العلم اتطور لدرجة إن تحاليل الحمض النووي بقت تتعمل والام لسة حامل 
رهف : بس انا مش عايزة أعمل كدا يابابا .. ليه أحط نفسي في الموقف دا
كلها ٧ شهور واولد ووقتها أعمله التحليل اللي يعجبك
صالح بيبرق : انا لما اقول كلمة تتسمع من غير نقاش
خشي البسي
رهف : ايوة يابابا بس ...
مروان : خلاص يارهف اسمعي كلام ابوكي وخشي البسي يلا
رهف : ......
ماشي
سابتهم ودخلت تلبس و وشها جايب ألوان
مروان نزل عينه في الأرض
بينه وبين نفسه : هتعمل ايه في المصيبة اللي وقعت نفسك فيها دي ياقرمط 
مروان : إنما انت ايه اللي طلع في دماغك الحوار دا فجأة كدا ياعمي
صالح : مفيش .. إحساس كدا جوايا بيقولي إن فيه حاجة مش مظبوطة أو انت بتداري على حاجة
واحنا اصلنا صعيدي وبنعرف في الأصول يابني .. ولو الواد دا مش إبنك يبقى متشيلش شيلة مش بتاعتك 
مروان : ايوا ياعمي بس انا قولتلك إنه إبني وإني ...
صالح : المهم .. المكان اللي هنروح نعمل فيه التحاليل هيكون تبعي انا من الألف للياء
عشان انا مش عايز أي تلاعب ولا حركات
مروان : تمام ياعمي تحت أمرك
*في عيادة امراض نساء*
حازم وأسماء قاعدين مستنيين دورهم
حازم طلع تليفونه وعمل مكالمة
حازم : أيوة ياعاطف
عاطف : ايه يامعلم اؤمرني
حازم : خلاص احنا جوزنا اختي واتطمنا عليها وكله تمام .. جهز الرجالة بقا عشان نروح بكرا نستلم الطلبية من الحاوي
عاطف : اعتبروا حصل يامعلم
حازم : يلا سلام
السكرتيرة : أستاذة أسماء .. انتي اللي عليكي الدور اتفضلي
حازم بيمسكها يسندها عشان يدخلوا للدكتور
*في عربية تامر *
في الكنبة اللي ورا قاعدة شمس بتعيط
شمس : تامر انت واخدني على فين
تامر : شششش .. مش عايز أسمع صوتك ولا توجهيلي كلام
انسي إني اخوكي واعتبريني سواق اوبر
شمس بتعيط زيادة بحرقة
إيمان رايحة جاية في الشقة متوترة
ماجدة : يابنتي اقعدي في حتة خيلتيييييني
إيمان : ما انا متوتره يا ماما قلبي مش مرتاح للمشوار اللي هو نزله ده
ماجدة : يابنتي ابوكي مش صغير عارف هو بيعمل ايه سيبيه بقا
إيمان : أصلي بعت لرهف من شوية ع الواتس اب بقولها بتعملي ايه قالتلي بابا هنا وقفلت ومن ساعتها مش عارفة ايه اللي بيحصل
ماجدة : ايه دا ! وهو ايه اللي هيوديه عند أختك فجأة كدا
إيمان : بقولك ايه ياامي انا مش هفضل قاعدة كدا لازم أتصرف .. انا هنزل اروحلهم أشوف ايه اللي بيحصل
فتحت الباب ونزلت بسرعة على تحت
رهف خرجت من اوضتها لابسة .. ماشية ببطئ
صالح : ما تيلا يابنتتتي ماشية على نقش حنة حضرتك
رهف : خلاص انا جهزت أهو
مروان : يلا .. هنروح بعربيتي تمام
صالح : لا .. هنروح بعربيتي انا وانا اللي هسوق ، يلا ورايا
نزلوا على تحت ، ركبوا العربية واتحركوا
*في العيادة *
الدكتور : تمام ياحبيبتي انا خلصت كشف .. البسي هدومك وتعالي بقا
راحت الدكتور قعدت على مكتبها وقدامها حازم
حازم : ايه الاخبار يادكتور طمنينا
كيس الماية بتاع البيبي اتفتح والماية بتقل .. ودا هيخلينا نضطر نقدم الولادة شوية
حازم : نقدم الولادة !!
نقدمها لامتى يعني يادكتور ؟
الدكتور : يعني ممكن اديكم مهلة بكرا كدا تظبطوا أحوالكم واولدها بعد بكرا بإذن الله
أسماء : ايه ؟؟؟؟ بعد بكرا على طول
الدكتور : للأسف .. اكتر من كدا هبقى بأذيكي انتي والجنين يااسماء
حازم : طب ازاي ؟؟؟
دا انا عندي سفرية بكرا ضروري جداااا لازم اسافرها
الدكتور : خلاص سافر وحاول تيجي بكرا بالليل وتكون موجود يوم الولادة بعد بكرا بإذن الله
وصلت إيمان عمارة رهف .. طلعت قعدت تخبط على الباب كتيييير اوي .. محدش بيفتح
إيمان : ايه دا هما راحوا فين !!!
طب أعمل ايه دلوقتي
طلعت تليفونها تاني وجربت تتصل برهف .. مبتردش
تتصل بمروان .. ميردش
تتصل بابوها .. ميردش
إيمان : لا كدا فيه حاجة مش طبيعية .. انا لازم أتصرف
نزلت جري على تحت .. وقفت تاكسي وادتله عنوان شركة مروان
حازم وأسماء خرجوا من العيادة وراكبين العربية مروحين
حازم : وبعدين بقا في الحوار الأسود دا .. أعمل ايه انا دلوقتي
أسماء : حازم الشغل بيروح وييجي وياما سافرت براحتك وروحت جيت .. بس انا مبولدش كل يوم
حازم : قصدك ايه
أسماء : قصدي كنسل السفر دا ياحازم .. خليك جنبي المرة دي
حازم : هو اااايه اللي اكنسل السفر انتي بتقولي اي كلام .. فاكراها ببساطة كدا كنسل السفر فاكنسل السفر
دي طلبيات وفلوس ناس وحوارات لا تقل أهمية عن ولادتك ١٪
أسماء : لا تقل أهمية عن ولادتي ياحازم !!!
حازم : يوووه اقلبي بقا واقفليلنا اليوم
أسماء بكسرة نفس : لا ولا هقلب ولا اقفلك اليوم .. سافر شوف شغلك
وانا معايا ربنا
حازم : ماشي .. انزلي هنا بقا اطلعي انتي البيت وانا هروح أخلص شوية حوارات كدا
أسماء : ماشي
فتحت باب العربية وراحت على العمارة عشان تطلع
وهي طالعة ع السلم تعبت .. وقفت ترتاح شوية
زياد نازل ع السلم
زياد : أسماء مالك في ايه .. انتي كويسة ؟
أسماء : كويسة كويسة متقلقش
زياد : طيب تعالي اوصلك لحد فوق لا تدوخي ع السلم ولا حاجة
أسماء : لا لا متتعبش نفسك انا هطلع عادي
زياد : والله ابدا .. تعالي يلا
بدأ يطلع وراها عشان يخلي باله منها .. وهي بتطلع واحدة واحدة ومبتسمة وبتقارن بين تصرفات زياد وحازم
"مكنتش أتخيل في يوم من الأيام ألاقي حد مهتم بأمري كدا !"
زياد : كنتي فين دا .. شكلك راجعة متدايقة
أسماء : كنت عند الدكتورة
زياد : تمام وقالتلك ايه .. خير صح ؟
أسماء : والله يازياد انا ما عارفة هو خير ولا شر
بتقول إن فيه خطر على حياتي وحياة البيبي .. ولازم أولد بعد بكرا
زياد : بعد بكرا اللي هو بعد بكرا 
أسماء : اه
زياد : امممم .. طب مايمكن دا الأحسن ليكو فعلا
أسماء : مش عارفة يازياد والله قلبي مقبوض
واللي قابضني اكتر حازم ميكونش موجود
زياد : وحازم مش هيكون موجود ليه
أسماء : عنده سفرية شغل بكرا .. بيقول هيحاول يرجع بدري ويبقي معايا بعد بكرا بس انا مش واثقة في كدا
حاسة اني هكون لوحدي كالعادة
زياد : لا طبعاً لوحدك ايه .. وانا روحت فين ؟
أسماء : انت !
زياد : اه انا .. اكيد هاجي معاكي
أي نعم ممكن مقدرش أظهر اوي بس هبقى معاكي وشايفك من بعيد ... متخافيش
بتبصله وبتبتسم
صالح ومروان ورهف وصلوا المكان .. دخلوا يعملوا التحليل
رهف ومروان وشهم مخطوف وجايب ألوان .. مرعوبين من اللي داخلين يعملوه
وصلت إيمان الشركة .. يادوبك داخلة من الباب لقت دينا في وشها
دينا : مش انتي أخت رهف بردو
إيمان : أيوة انا .. انتي تعرفيني ؟!
دينا بتكشيرة : اؤمري ؟؟
إيمان : هو فين مكتب مروان
دينا : عايزاه في ايه ؟؟ ماهو متلقح في شقة أختك .. ولا انتو عايزين تسيطروا عليه هنا وهناك
إيمان : مبدأيا احنا ملناش مصلحة نسيطر هنا وهناك لأنه كدا كدا معانا كله على بعض .. تاني حاجة بقا ودي الأهم
انتي ايه الأسلوب اللي بتكلميني بيه دا ؟!
دينا : والله انا اتكلم بالاسلوب اللي يعجبني .. انا موظفة مهمة في الشركة دي وأقدر انده الأمن ييجوا يخرجوكي برا دلوقتي
إيمان وشها بيحمر : هي ميييين دي اللي يخرجوها برا
كريم جاي من بعيد
كريم : ديناااا
دينا : افندم !!!
كريم : انتي ايه الطريقة اللي بتكلميها بيها دي ! ماتتكلمي عدل
دينا : نعم ؟
انت بتكلمني انا كدا ؟؟
كريم : اه أكلمك انتي كدا ولو انتي موظفة مهمة في الشركة فأنا المدير التنفيذي يبقى صحبي الانتيم وممكن ارفدك أصلا .. اتفضلي على شغلك يادينا
دينا عينيها بتحمر من النرفزة : مااااشي ياكريم .. ماشي
مشيت على جوا والعفاريت بتتنطط في وشها
كريم : تعالي معايا المكتب ياايمان
رهف ومروان عملوا التحليل وخلصوا ... خرجوا هما التلاتة على برا
مروان بتوتر : هما قالولك النتيجة هتطلع امتى ياعمي ؟؟
صالح : بتسأل ليه ؟
مروان : عادي يعني حب استطلاع بس
صالح : ان شاء الله اول ما النتيجة تطلع هبقى أقولك .. لكن مواعيد مش هقول
معلش الحرص واجب بردو ، خصوصا في الحاجات دي
مروان : تمام
ركبوا العربية في اتجاههم للبيت
*في مكتب كريم *
كريم : ايه يابنتي مالك بقا جاية تجري ليه كدا
إيمان : انت تعرف حاجة عن مروان او رهف ؟؟
كريم : اعرف حاجة عن مروان او رهف !
ما زمانهم في البيت اكيد يابنتي هيكونوا راحوا فين يعني
إيمان : مش في البيت ومبيردوش علب تليفوناتهم كمان
كريم : اهااا .. طيب تلاقيهم خرجوا يتفسحوا ولا حاجة
إيمان : يتفسحوا ايه ياكريم مانت فاهم اللي فيها ... وبعدين انا عرفت كمان ان بابا راحلهم وهو كمان اختفى معاهم
والصراحة كدا انا قلقانة اوي من مرواحة بابا دي
كريم : انتي هتقلقيني انا كمان كدا
طب استني هجرب انا اتصل بمروان كدا
بيتصل بيه مبيردش
كريم : مبيردش بردو !!
حاجة غريية فعلاً
إيمان : جيب العواقب سليمة يارب
كريم : طب بصي تعالي الاول كدا اقعدي نطلب حاجة نشربها وانا هحاول أوصله
إيمان : حاجة نشربها ايه بس في الوضع دا
كريم : يابنتي اهدددي بإذن الله خير .. تعالى اقعدي يلا
*في عربية تامر *
تليفونه بيرن "دينا" رد عليها
تامر : أيوة
دينا : انت مبتردش عليا ليه من بدري
تامر : انتي بتتكلمي كدا ليه ماتظبطي نفسك !!!!
دينا : حاضر خلاص
بكلمك من بدري مبتردش
تامر : عملتي اللي قولتلك عليه
دينا : اه ياباشا حصل
روحت ومعايا الورق وخليته يوقع عليه كله من غير ما يحس
تامر : تمام .. فلوسك كلها هتوصلك على داير المليم
ومن أول دلوقتي تبعدي عنه تماماً .. علاقتك بيه علاقة واحدة ومديرها
مفهوم ؟
دينا : أيوة بس دا طلب صعب اوي
تامر : مفهووووم ؟؟؟؟
دينا : مفهوم مفهوم خلاص
قفل معاها الفون .. وقف بالعربية
تامر : شمس .. احنا وصلنا
ودلوقتي هتعملي اللي هقولك عليه بالحرف ، يا كدا يا هحبسك معايا انا ومش هتشوفي النور تاني
شمس بتعيط : حاضر
رهف ومروان وصلوا البيت .. صالح روح على بيته
مروان بيفتح باب الشقة عشان يدخل ورهف وراه .. دخلوا قعدوا
رهف : انت ازاي توافقه على حاجة زي كدا ؟
مكنتش قادر تطلع بأي حجة !!
مروان : لو كنت قادر أكيد مكنتش حطيت نفسي في موقف زبااالة زي دا
بس هنعمل ايه بقا .. الله يجازيه اللي كان السبب
رهف : خليك فاكر يامروان .. قريب أوي هتفتكر اللي انت بتعمله دلوقتي دا وتضرب نفسك بالجزمة .. هي حكاية وقت مش اكتر
مروان : ياستي اتفقنا .. انا كمروان نفسي اضرب نفسي بالجزمة واقول انا غلطان
رهف بتحط ايديها على دماغها بدوخة
مروان : رهف انتي كويسة
قامت جريت على الحمام وبدأت ترجع .. مروان جه جري وقف جنبها وبدأ يطبطب على ضهرها
خلصت وسندت على الحيطة .. قعدها على البانيو .. مد ايده بلها ماية وغسلها وشها
مازالت ساندة على الحيطة دايخة وتعبانة
مسك ايديها يقومها كانت هتقع من طولها .. شالها ومشي بيها لحد أوضة النوم
قعدها على السرير وبدأ يشربها ماية واحدة واحدة .. خرج على برا جاب عصير من التلاجة ورجع
مروان : خدي اشربي العصير دا عشان تفوقي
رهف : لالا مش عايزة اشرب حاجة
مروان : لا ماهو مش بمزاجك
مسكها وبدأ يشربها بالعافية .. خلصت كوباية العصير سندها عشان تنام
*بعد ساعة *
قامت تدخل الحمام وهو ماشي وراها مخلي باله منها بس من غير ما تحس
*جرس الباب بيرن *
راح مروان يفتح الباب ...
شمس في وشه وواقفة بتعيط
مروان اتصدم : شمس !!
رهف واقفة تبصلها باستغراب .. متعرفهاش
جه تامر من ورا شمس
تامر : الف الف مبروك ياعرسان .. معلش بقا جت متأخرة شوية
مروان اتصدم اكتر ...
رهف بتبرق وبترجع لورا بزعر وخوف
بينها وبين نفسها : لا لا اكيد دي تخاريف التعب .. مستحيل يكون هو !!!
بين كل سطر وسطر في الرواية فيه مليون سر محتاج تركيزكم عشان تفهموه
بس تفتكروا ايه اللي خوف رهف بالمنظر دا لما شافت تامر
أخدت برأي الأغلبية ونزلت البارت كامل أهو
