رواية ترويض الاسد الفصل الثالث عشر13 بقلم ايه الدسوقي
ترويض اسد
الحلقة 13
.....سحر روما....
رحاب لقت شخص واقف البرا وجت جنبه
رحاب...انت احمد ولد اخت مدام سوسن
رحاب...وريني بطاقتك الشخصية
دخل الراجل ايده في جيبه وطلع منه مخدر حطه في خشم رحاب
ليث..كان يجري وطلب من الحراس الانتشار ويدورو عليها في كل مكان وادارة الفندق بدو يدورو عليها والموظفين
رحاب كانو حاطينها في سيارة ومشت بيها... ربي بس يعلم وين ..اماكن عمرها مرتها ومتعرفش انها موجودة
ليث...يشوف للكاميرات طلعت فيها رحاب تطلع من وحدة من البوابات ...وكاميرا تانية طلعتها تكلم في شخص
واقفين قدام سيارة
ليث...الهم رحاب نخطفت وين كنت اتي شن ندير قدام الباب بس
منعرفش حتي من خطفها
ولا مكانه
الطف ياربي بس
ليث..كان يبي خوته جنبه ...فهد واؤس توا بس حس بيقيمتهم وقيمة انه تكون عنده اسرة جنبه ...القوة والمال ميعنوش شي ...
ليث..اتصل بتلفون اوس طول كان مقفل معناها متمش مهمته ربي يستر علي فهد ليه مدة غايب ومش مبين اول مرة واتصل بيه طول رد ممكن حس انه خوه محتاجه
فهد...تعرف الساعة قداش توا عندنا ليث
ليث...مش مهم الساعة اني محتاجك ضروري ونبيك
فهد...نفزع عمره ما خوه قاله محتاجك
شن في ليث ؟
ليث..رحاب نخطفت ..هني في روما
فهد عيط...شنووو انت تبصر
ليث...لا يافهد معرفتش شن ندير تصلت بالشرطة وانا والحراس ندورو فيها وملقيتش راس خيط ندورو منه
فهد...اني جاي تمام حنكون معاك
صكر طول فهد التلفون ياش يلحق ليث واتصل بي اؤس كان تلفونه مقفل
رحاب..ناضت من النوم ...حاولت تنوض مقدرتش كانت ترقد في دار صغيرة فيها سرير بس فارغه
ومحدش معاها وايديها ورجليها مربوطات بي سنسلة
رحاب...شن فيا اني شن صارلي اتفقت مع سوسن انه نتلاقا مع ولد خوها الي بيوصلني لي فريدة ونحاول نقنعها ترجع لراجلها باش يولي كويس وتوا محبوسة في مكان منعرفاش
لي سبب متتعرفاش هيا كانت واتقة من سوسن علي خاطر حبها لسراج الدين
وقررت انه تقابل ولد اخت سوسن وتتكلم معاه وتقرر انها تمشي باش تقابل فريدة ولا لاء لاكن غدرو بيها
ليث كان يتدكر ويتفكر ..جده عنده عدواة مع شخص من ايطاليا ...هوا نفسه حاول اغتيال فهد واكيد حاول يغتال ليث قبل وممكن هوا توا الي خطف رحاب مافيش تفسير للموضوع غير هذا ...لازم نفتش عليه ونمشيله طول ...رحاب لازم ترجع ...حنقلب الدنيا في ايطاليا باش نلقاها وترجع كويسة
رحاب محاولتش تعيط بكل زي متوقعو خاطفينها
...الخاطف...
متاكدين انها فاقت؟؟
الحراس..ايه دخلناها المياة ..وسالتنا وبكل برود من انتم وشن تبو مني
..الخاطف...غريبة هاذي ...طبيعية ؟؟
الحارس...حتشوفه سيد ناردوتشي
ناردوتشي ...مش توا خليها تنشوي علي مهل قبل احرموها من ماكلة غدوة لما نبي نشوفها نلقاها يائسة ومش محصنة بكل
ضحكو الرجالة
المكان كان مهجور بعيد علي الناس وكان مصنوع من الرشاد القوي بنيانه زي القلعة المحصنه ...تحت الارض كانت ...
ولد في عمر ال20 يلبس في لبس واسع وشعره اشقر مقصوص ويلبس في طاقية عليه يسكن في المكان هذا وشافهم لما دخلو رحاب ..تكلم بالعربي لي مرا في بداية ال50 بي شعر اشقر
الشاب...دخلو بنت مخطوفة يا امي ..
المرا...متتدخلش في الموضوع ياولدي راغد...ابتعد عليها نهائيا ومن طريق هدوكم الناس ..برا اقرا قرياتك توا يحرموك منها ومش حتمشي للجامعه لو تكلمت ...او دخلت في امورهم تعرف ناردوتشي ممكن يقتلك برا امشي
راغد..باش ميضربكش انتي حنمشي يام يوم من الايام حنقطعله ايديه الي يضرب بيها فيك انا مش عارف شن الي جابرنا في القعاد هني مع راجل زي هذا النحس يام ..ونتكر بي لبس ولاد ونعيش حياتي اني راغد مش رغد
امها...صكر فمك راغد ومتتكلمش في الموضوع هذا هوا مسؤل عليا ...برا اقرا حبيبي
رحاب...كانت مقعمزة بروحها في الدار وكانت في غرفة تحت الارض وتحس بالعطش بعد مبزع الحارس مياء قدام عيونها وهما يضحكو
رغد..كانت محتارة هيا من وقت قريب كانت متعرفش مكان الناس الي يخطفو فيهم ..تشوف فيهم لما يخشو بس وميطلعوش ..لاكن بعدين خلوها تشوف مكان الحبس ..امها كانت تخلي فيها تلبس في لبس رجالي وتحلقلها في شعرها كل ميطول ..وتبعد فيها علي الرجالة وهما يضحكو عليها ومسمينها الولد الناعم وامها كانت تحمي فيها بكل الطرق
....خادمة ام عاهرة ....
رحاب حست بالعطش ..ل6 ساعات مشربتش ميا والجو سخون مربوطة
رحاب..من المريض النفسي الي حبسني هني
ليث...طلب لقاء من كرستيان ناردوتشي لاكن حراسه اعطوه موعد بعد اسبوع وهوا يغلي من داخل من الغضب
ليث..لو كان هوا ناردوتشي الي خطفها ويتعامل مع الوضع بي برود ويتلاعب بيا حنعدمه ومش حنرحمه
ناردوتشي كان يضحك لما عرف انه ليث طلب يقابله معناها البنت مهمة ومصدر معلوماته
وصل فهد لي ليث كان يدور في عقله علي خطة باش يعرف انه هوا الي خطف رحاب ولا لاء
فهد...مافيش حد طلب فدية
ليث...لا ومنظنش حيتصل ..لان خطفها كرستيان وانا شاك فيه هوا بس الي يديرها ...هوا عدو جدي وهوا حاول قتلك وتوا حني في بلاده ايطاليا
فهد...انت علي حق لازم نعرفو وين حاطها
ليث...لو عرفت اني وين يكون هوا توا اقسم بالله مش حنستنا دقيقة وحدة وحنمشيله ..
فهد...ليث استنا اكيد ايهم يقدر يعرف مكانه يقدر هوا
ليث..ايهم ولد عمي عز الدين ؟؟
فهد...ايه عنده علاقات واسعه هني في ايطاليا ويعرف من يوصلنا ليه
ليث..والله انت علي حق
ليث..قام تلفوونه واتصل بيه لاكن رقمه مصكر
ليث..الشيت هوا واؤس نقالاتهم مصكرة ميفتحوش فيها
اوس روح لي حوش بوه قرر يمشي لي بوه بعدين لحوشه بعد متمت مهمته ...وبالصدفة سمع حديت سوسن مع واحد
سوسن ...سلمتهاله احمد كويس انت قبلت ناردوتشي شخصيا؟؟
وبالصدفة تلفتت لتالي لقت اوس خافت لانه لو مكانش ضابط شخصيته صاعبة لانه عنده هيبة خاصة
اؤس...من سلمتي لي كرستيان ناردوتشي ياسوسن ؟؟
سوسن...انا ...انا....ما..مادرت شي
اؤس ..اقسم بالله لو متكلمتيش في كل شي نفرغ مسدسي في راسك وحط المسدس علي راسها
هيا بدت تعيط
سوسن ...لحقوني سااااعدوني وجو العمال الي يخدمو تجمعو في المكان خايفين
شاورلهم هوا بي صبعه مشو كلهم وخلو سوسن
اؤس..حنقتلك اقسم بالله نعد ال5 لو متكلمتيش حنطلقها في راسك النحس ....واحد...
سوسن...رحاب....سلمت رحاب راجي ...ليه
اؤس...مت رحاب راجي..شن تكدبي عليا انتي
سوسن...بدت تبكي...لا والله منكدب رحاب راجي البنت الي بدي مسؤل عليها ليث
اؤس...ليث خوي مسؤل علي بنت ..شن تالفي في قصص انتي ولا كيف
سوسن..اتصل بيه لو مكدبني
اؤس..طلب رقم ليث وحاط المسدس علي راسها
ليث..الحمد الله بان
فهد..منهوا
ليث..اوس الحمد الله انك بخير
اؤس ...انا بخير ليث شن في عندك
ليث..اني في مصيبة يااؤس
اؤس...انت بديت مسؤل علي بنت وتوا نخطفت؟؟
ليث..من قالك ؟
اؤس..انت وين توا
ليث..في روما
اؤس...اقعد وين ما انت اني جايك
شد اؤس سوسن في ايدها وحطها في السيارة وهيا تعيط وتصيح رفعها لقسم الشرطة ..وحطها في الحبس وطلب من زوملائه يحرسوها لين يرجع بعد مخدي منها معلومات وخلاها تتصل بي الي خطف رحاب
ايهم الصياد..هاتفه نفتح وتصل بي ليث
ليث..الو
ايهم..ولد عمي الغالي
ليث...الله ياخدك نتصل بيك من الصبح
ايهم..من الصبح ؟؟ شن في ليث ؟
ليث..انت وين ؟
ايهم فرنسا ؟
ليث..فرنسا ؟؟
ايهم...ايه شن في ؟
ليث..كنت محتاج مساعدة منك لاكن انت مش موجود توا و...
ابهم ..انت تامر ياليت قول شن تبي طيارتي معاي وحنجيكوين ما انت فيه
ليث ..انا في روما وفي بنت انا مسؤل عليها نخطفت من واحد اسمه كرستيان ناردوتشي
اكيد تعرفه وسمعت بمشاكله الي بينه وبين جدي نبي نعرف بس الاماكن الي ممكن يكون فيها وحط البنت
ايهم...حنكون معاك خلال ساعات بس ..وحنامرهم يبدو البحت علي اماكن تواجد البنت المحتمل تكون فيها
ليث...كنت نعرف انك شخص مناسب للمهمة ايهم
فهد..كان يتكلم في تلفونه بعدين قال ليث ...
فهد..في مكان ممكن تكون فيه
ليث...وين نطلع توا نمشيله
فهد..اسمها نمشوله مش نمشيله هيا نوض
خدو الزوز سيارة وحدة وقايمين مسدساتهم ويدورو في رحاب
رحاب...حست الباب ينفتح وشخص جاها وهيا عطشانة وجعانه
الشخص...ابتسم في وجهها
رحاب..تاملاته شخص كان في عمر ال50 عام شكله متوحش وميخشش لقلب
رحاب.. سالاته بالانجليزي ...من انت ؟؟
هوا ضحك
كرستيان...بالرغم عطشانة وجعانه متنازلتيش علي تكبرك انت حق حفيدة جدك
رحاب..كل حد في الدنيا حفيد جده حتي انت ..لاكن علي اما جد تتكلم
كرستيان..جدك الي اكتشفيتيه توا الي كان يخاف عليك مني مشي بعدك واعطاء لي مراء فقيرة باش تربيك
رحاب..شن الهبال هذا انت شن تقول
كرستيان..انتي رحاب راجي ولاه ؟
رحاب..ايه
كرستيان..انتي تعرفي وانا نعرف مديرش العبط
رحاب...اي عبط ..اني اسمي رحاب راجي بوي تزوج امي وهجرهل وامي نوال عتمان توفت العام هذا وجدي عتمان بو امي توفي وانا عمري 12 سنة جدي بو بوي منعرفاش ومنعرفش عليه شي
كرستيان ...من حفظك الكلام هذا باش تقوليه لي امك..ولا ولاد الصياد ولا شيباني النحس جدك ...
رحاب...اني جدي شيخ متدين ورجل دين
كرستيان..ههههههه جدك راجل دين ؟؟ لو كان جدك راجل دين من الي اغتصب اختي وخلاها حامل وقتلها ؟؟
رحاب...هااااا عيطت عليه كانها مش عطشانة وجعانه
اني..جدي عتمان مستحيل يدير هكي انتم حاقدين عليه وتبو تشوهو سمعته مرة يتهمه مصطفي الصياد انه خناب ومرة انت تقول عليه مغتصب وقتل بنت ؟؟ مستحيل جدي يدير هكي
كرستيان...شن تقولي يابنت...تبي تخليني نصدق انك مش حفيدة مصطفي الصيادة وبنت بنته تريا ؟
رحاب؟ من قالك الوهم هذا ؟؟ اني امي اسمها نوال وجدي عتمان
كرستيان...علاش تخليك تريا ...املاكها
رحاب..لانها ظلمتني اني وامي ...وبعدت بوي علينا وبوي هوا راجل ثريا ..تزوج امي وجابتني منه
كرستيان...انتي تكدبي عليا
رحاب...انا قاعدة عندك مش حتخسر شي برا ابحت عليا وتوا تعرف من نكون
كرستيان..لو طلعتي كدابة وانك حفيدة الصياد حندير فيك زي مدار في اختي
خافت هيا
رحاب..ولو طلع العكس
هوا ابتسم وقالها
حتقعدي هني مافيش حد يخش ويطلع من المكان هذا
رحاب..نقعد هني ؟؟
كرستيان..ايه
رحاب...علي خاطر شن
كرستيان...النساء ...عندهم خيارين
انه تقعد يتمتعو بيها الحرس بتاعي في فراشهم او يكونو خدمات تحت رجليهم
شهقت هيا
رحاب...شن الحظ الاسود الي طحت فيه انه نقعد عاهرة او خدامة تحت رجليهم وهذا حاجتين احلاهم مر
سوسن اقسم بالله لما ننفيك زي مخدعتيني وجبتيني لمكان النحس هذا والله لما ننفيك ونفتكا منك طول عمري اكيد هيا هربت مرت سراج الدين زي مدارت معاي لاكن وين تعيش توا هيا زعما في نفس المكان ؟؟ هربت ولا ماتت ؟؟ مستحيل حد يهرب من هني ..الله ياخدهم ياريتني قعدت معززة مكرمة مع ليث ؟ ليث؟؟؟ زعما شن مداير توا اكيد خايف عليا ويدور عليا الله ياخدك رحاب حق زي ميقولو لكل جواد كبوة وهاذي كبوتي
...مريض نفسي ...
ليث وفهد مشو وملقوش حد في المكان الي مشوله وروح ليث متعفلق لين وصل اؤس ضبطو بعض
اؤس...البنت سوسن الي عطتها لي كرستيان
ليث...شنووووو
اؤس..ايه والله انا روحت للحوش ووسمعتها تحكي مع واحد سلمها ليه المهم ههدتها وخليتها تعترف
هيا وهماته انه رحاب بنت عمتك ثريا والراجل عنده ثار مع جدنا حسب مقالت هيا وهوا ظن انه اغتصب اخته وقتله
ليث...عيط وتوا هوا اختف رحاب باش يغتصبها ويقتلها اقسم بالله نقتله لو قرب منها
اؤس ..هدي ليث وخلينا نفكرو بهدوء
ليث..مقالكش وين حط البنت
اؤس...قتلي لاكن هوا مجرد شارع فرعي ميفيدناش باي شي انا مشيتله
ليث...الله يلعنها المرا هاذي حقودة شن دارتلها رحاب باش دير هكي ؟؟ اقسم بالله ماني راحمها لما نرجع
اؤس...حبستها في السجن باش متهربش لين نرجعولها النحس هاذي
بعت نلردوتشي لي رحاب ميا وماكلة لان يبيها حية علي خاطر هكي يجوع فيها ويوكلها
كان يتكلم في التلفون
دور وراها نبي نعرف عليها كل شي
ام رغد كانت تنظف في الارض وتلبس لبس رجالي زي بنتها باتمام
ناردوتشي شافها
جبت حفيدة الصياد لي هني وتكدب انه مش حفيدته
قامت راسها بخوف
بنت من ؟؟ سراج الدين ولا عز الدين ..رد بالك تكون بنت من ولاد سراج الدين ...انت وعدتني مضرش سراج ولاده
ناردوتشي...ههههه لهدرجة تحبيه .؟؟ تقبلي تكوني خدامة تنظفي ارضية الحمامات ..باش مينضرش
نزلو دموعها
بنت من جبت ...بنت سراج؟؟
ناردوتشي ..اطمني مش بنت سراج معنداش بنات جبت بنت ثريا
المرا..ثريا؟؟ ثريا عقيمة ...انت جبنت الغلط
ناردوتشي ..تاملها متاكدة انتي ؟؟
انا منكدبش والله ثريا عقيمة اطلق البنت ..وو...
عيط عليها هوا
ناردوتشي...نزلي راسك لوطا وصكري فمك ...
نزلت راسها لوطا ورجعت تنظف
كرستيان كان محتار هل الي قالوه صح ..وعلاش مقدرش يوصل في حفيدة الصياد ..حتا ولده عز الدين عنده ولد واحد ويعتبر علم علي راسه لان عنده في ايطاليا رجل اعمال ويمتلك شركات يخدمو فيها من كل البلدان وجدهم مصطفي خلاهم لان مرت عز الدين ممتلة وحاربها جده لين طلقاته في المحكمة
ايهم وصل لي ولاد عمه واجتمعو الاربعة اجتماع مغلق
ليث...حني عندنا 4 مواقع لازم نمشو ندورو فيها
اوس..انا كلمت الشرطة الايطالية عندي اصدقاء وعدوني نقتحمو المكان
ايهم ..لاكن لازم نركزو كويس في اختيار الاماكن باش منكتشفوش انا نتبعو فيهم لان الشرطة حينبهم
علي خاطر هكي اجل الشرطة يا اوس ....يتبع
