رواية للحب جنون كشماء الفصل الثالث عشر13 بقلم سعاد محمد سلامة

رواية للحب جنون كشماء الفصل الثالث عشر13 بقلم سعاد محمد سلامة

بعد مرور عده أيام

وقفت كشماء بالحمام تحدث نفسها بغيظ قائله يارب اسبوع العسل المر دا يخلص بقى أنا حاسه أنى فى سجن أنا وراجل العصابات الوقح قليل الأدب الى مش مبطل تحرش بيا فى الراحه والجايه

لتمسك ملابسه وتقوم بألقائها فى حوض الاستحمام بعد أن ملئته بالماء وسائل الأستحمام لتقول وهى تلقى بملابسه أنت كده كده مش محتاجهم أنت،ماشي علطول بالشورت بس من يوم ما جينا هنا يعنى ملهمش لزوم

لتسمع باب الحمام يفتح فجأة

ليقول أنتى بتعملى أيه بهدومى

لتنتفض كشماء فزعه لتتمالك نفسها قائله بغسلهم هما مكمكمين فى الشنطه من يوم ما جينا هنا قولت أهويهم

ليقترب ركن عليها اكثر لتبتعد من أمامه الى أن أصبح خلفها حوض الأستحمام

ليقول بمكر يعنى أنتى غسلتى هدومى كلها ومفيش غير الشورت الى عليا هو الى سيبتيه مش كنتى تقولى لى كنت خلعته هو كمان تغسليه عموما أحنا لسه فيها أما أخلعه تغسليه معاكى

لتنظر له وتقول هتقلعه وتفضل من غير

ليضحك ركن قائلاً ببرود عادى

وبعدين أنتى ناسيه الطقم الى عليكى ده كمان بتاعى وانا عايزه هو كمان يتغسل

لتنظر الى الطقم عليا وتقول بارتباك طيب هطلع ألبس من هدومى وأغسله بس أبعد من قدامى

ليقترب أكثر عليها قائلا ً أنا بعيد أهو أنا قربتلك

لتعود للخلف وهو يقترب منها الى أن انزلقت لتقع فى حوض الأستحمام

ليضحك ركن عالياً

لتزيل كشماء الماء والرغاوى من على عينها

لتنظر لركن بغضب شديد

ليقول ركن أهو أتغسل هو كمان

لتضرب كشماء الماء أمامها قائله بغضب شديد أخرج بره يا ركن

ليضحك ركن قائلاً خلينى أساعدك علشان تلحق الهدوم تنشف أنتى مش عارفه أننا هنرجع المنيا بكره بعد الضهر

لتنهض تقف وتحاول الخروج من البانيو قائله بفرحه بجد يعنى خلاص هنرجع المنيا و هرتاح من تحرشك بيا

ليضحك ركن قائلاً طبعا لأ أحنا هنرجع المنيا بس موعدكيش ترتاحى من تحرشى بيكى وبعدين أطلعى من الميه وغيرى الهدوم الى عليكى ونشفى شعرك لتاخدى برد

مع أن شكل هدومى عليكى دلوقتي وشعرك المبلول ده بقى مغرى للتحرش

لتنظر كشماء الى الملابس عليها تجدها ملتصقه بجسدها وتوضح معالم جسدها بشده

لتشعر بخذو من نظراته الوقحه وتخرج من البانيو وتتجه الى تلك المنشفه الكبيره الموجوده بالحمام لتلفها حول جسدها فوق ملابسه وتقول طيب أطلع من الحمام وكمان بره الأوضه خالص

ليضحك ركن قائلاً خلينى وأوعدك مش هتحرش بيكى هبص بس ومش همد أيدى

لتقول كشماء بضيق أطلع بره يا ركن وأبعد عنى

لتنهى حديثها وهى تعطس أكثر من مره

ليشفق ركن عليها ويقول طيب خلاص هخرج

ليخرج من الحمام والغرفه أيضاً

لتتجه كشماء الى باب الغرفة سريعاً خلفه وتغلقه عليها بالمفتاح أنا كده هرتاح من وشك للصبح

يا وقح لتتنهد قائله أنا مش عارفه هو كده أزاى أكيد عنده أنفصام فى الشخصيه

قدام الناس يبان محترم وفى الحقيقه هو قمة قلة الأدب والأنحراف

لتشعر بالبرد قليلاً لتقول أما أروح أغير الهدوم دى من عليا وأنشف شعرى لاخد برد بصحيح ومع أنى هاخد برد بسبب التكيّف مش من الميه

لتخرج أحد المنامات النسائيه عباره عن شورت قصير وبلوزه دون أكمام مئزر من لونها سماوى وتنظر لها بأشمئزاز قائله أنا هلبسك مش حباً بس لأن أنتى أكتر بيجامه محترمه أنا مش عارفه كرمله أشترت الحاجات دى أزاى ومنكسفتش وهى بتشتريها

أما أقفل المكيف ده وأفتح البلكونه هوى البحر الى منزلتوش أحسن من التكييف

لتفتح البلكونه وتنحى الستائر وتعود لتنام على الفراش بهدوء مطمئنه أنه لن يعرف يدخل الى الغرفه بعد أن أغلقتها عليها بالمفتاح.

...........ــــــــــــــــــــــــــــــــــــــــــــــــــــــــــــ،

وقفت كامليا أمام المرآه تنظر الى أنعكاسها لتقول هو أنا بقيت سوده كده ليه أكيد من حرارة الشمس هنا يا خساره الاسبوع خلص بسرعه اما أحط حاجاتنا فى الشنطه لتتجه الى الدولاب وتبدأ بجمع الهدوم ووضعها بالحقيبه وهى تقول صارفه ومكلفه نفسك يا كرمله ولا حاجه منها أتلبست يلا مش كنتى وفرتى الفلوس دى لحاجه تنفع

ثم عادت الى المرآة لتقوم بوضع بعض الكريمات واشياء أخرى

لتمسك بزجاجه البرفان الخاصه بعلام وتتمعن به قائله لأ برفان ماركه لتفتح الزجاجه وتستنشق عطرها قائله أهو دا البرفان بصحيح الى يرد الروح مش البيتادين والمكركروم والكلور والديتول والمعقمات الى بشمها فى المستشفى

لتغمض عيناه وهى تستنشقه ولم تنتبه الى من دخل

ليقول علام بتعملى ايه بالبرفان دا رجالى

لتنخض كامليا وتقوم ببخ البرفان فى عين علام مباشرةً دون أنتباه منها

ليشعر بألم كبير بعينه

ليغمض عيناه متألماً منهم بشده ويبدأ بفرك عيناه بيده ليخف الألم ولكن مازال الألم مستمر

لتقول كامليا وهى تضحك أسفه والله ما أقصد أنتى الى خصتنى

لم يستطع علام فتح عيناه بسبب الألم

لتقترب كامليا قائله هعملك كمدات عليها ولا أقولك أما أروح الحمام أجيب منه قطره أو غسول للعين

ليقول علام بغضب روحى هاتى بسرعه عينى بتطلع نار بسرعه

لتعود بعد ثوانى ومعها قطن وغسول للعين وتقوم بعمل كمدات لعينه الى أن هدأ الألم

لتقول له الوجع خف

ليرد علام لأ لسه بس مش قوى ومش عارف أفتح عيني ما سيادتك بخيتى البرفان كله فى عينى مره واحده حاجه مش بتاعتك بتلعبى فيها ليه

لتضحك قائله وهى تمسك بيده تعالى فى قطره معايا نام وأنا هحطلك منها والصبح عينك هتبقى كويسه متقلقش تعالى وأنا هسحبك لحد السرير

ليقذف يدها بعيداً عنه قائلا هتسحبينى ليه أتعميت خلاص

لتمسك يده وهى تضحك قائله تعالى وبلاش مقاوحه انت مش عارف تفتح عنيك

ليستسلم ويسير معها الى أن نام على الفراش لتجلس جواره وتقوم بفتح عينه ووضع بعض القطرات فيها ليشعر بحرقه بسيطه

ليقول لها أنتى حطيتى أيه فى عينى

لترد كامليا دى قطره عيون والله وأنا بستعملها من زمان

ليقول علام ومالها حرقت عينى كده ليه

لترد كامليا هى بتبقى كده فى الاول وبعد كده بتهدى حرقة العين

ليشعر بعد ثوانى بهدوء فى حرقة عينه قليلا

ليقول لها وانتى بتحطى قطره فى عينك ليه ما أهم زى عيون الصقر أهو

لتضحك كامليا قائله أنا أساساً كان نظرى ضعيف والبنات كانوا بيتريقوا عليا وانا فى المدرسه وكانوا مسمينى كامليا أم نظاره كعب كوبايه

لم يتمالك علام ضحكه رغم ألم عينه

ليقول ليه

لترد كامليا انا وشى كان صغير وأى نظاره عليا أى كان شكلها او نظامها بتبقى كبيره على وشى لحد ما خلصت الثانوى وكشفت عند دكتور وقالى أنه ينفع أعمل عملية تصحيح نظر وأستغنى عن النظاره وعملت العمليه وأستغنيت عن النضارات زى ما أنت شايف كده بس دايماً معايا غسول وقطره للعين

ليضحك علام قائلاً أنا شربت مقلب مقلب وكمان كنتى نظرك ضعيف يعنى ربنا خد من جسمك ونظرك وزود فى لسانك وأيدك

لتنظر له كامليا قائله تصدق أنى غلطانه أنى سحبتك كنت سيبتك تتقلب على ظهرك وانت،ماشى

ليجذبها لتنام على صدره قائلا ومين السبب فى عمايا

لتضحك قائله خلاص نام والصبح عينك هتروق تصبح على خير

ليرد عليها وهو يضمها لصدره وأنتى من أهله بس متصحيش الصبح تقولى أنى بتحركش بيكى وانتى نايمه زى كل يوم أنتى عميتى عنيا يعنى مش شايف حاجه.

...............ـــــــــــــــــــــــــــــــــــــــــــــــــــــــــــــــ،،

تململت كشماء لتصحو لتجد جسدها مقيداً بين يدى ركن الذى يحتضنها من الخلف

لتقول بأستغراب دخل أزاى ده وأنا متأكده أنى قافله الباب بالمفتاح بالليل

لتحاول سلت نفسها ولكن تفشل كالعاده ليصحو

ركن قائلاً بهدوء صباح الخير

لتقول وهى تحاول فك حصار يديه عنها أنت دخلت هنا أزاى أنا قافله الباب بالمفتاح قبل ما نام

ليرد ركن بهمس فى أذنها أنتى متعرفيش أنا عندى قدرة أختراق الجدران

لتقول كشماء بضيق فك أيدك من عليا وأختراق جدران أيه الى تخترقها فاكر نفسك هالك ولا أيه تلاقى معاك مفاتيح تانيه للأوضه وفتحت بها

ليضحك قائلا قدامك الباب مفقول أهو بالمفتاح حتى روحى شوفى بنفسك

ليحل يديه من عليها

لتنزل من على الفراش وتذهب الى الباب تجده مازال مغلق

لتقول له عادى ما ممكن دخلت وقفلته تانى

لتنظر وتجد البلكونه مغلقه والتكيف يعمل

لتشعر بضيق وتقول وأيه الى خلاك تقفل البلكونه وتفتح التكيف أنا مش بحب التكيف

ليضحك ركن قائلاً بس أيه بيجامة النوم الجميله الى أنتى لابساها دى

لتنظر كشماء لنفسها لتشعر بالضيق من نظاراته لها وتسرع وتاتى بمئزر هذا البيجامه وترتديه فوقها وتغلقها سريعاً

وتقول له بطل قلة أدب وأنحراف وقولى دخلت هنا أزاى

لينهض ركن من على الفراش قائلا دخلت من الحمام أنتى مخدتيش بالك أن الحمام له باب تانى خارجى عن الأوضه

لتهمس قائله وأنا كنت هاخد بالى من باب تانى للحمام ولا هاخد بالى من تحرشك بيا بس خلاص أنتهى وهنرجع تانى للبيت وهعرف أسيطر على نفسي قدامك ومش هضعف تانى

ليقترب منها ويقول بتكلمي نفسك أيه خلاص أحجزلك

لتقول بعدم فهم تحجزلى فين

ليرد ركن أحجزلك فى السرايا الصفره أو العباسيه

لترد كشماء بفزع بعيد الشر عليا ربنا يكملنى بعقلى ان شاء الله أنت وكل الى يكرهني

ليقترب ركن وكاد أن يلاصقها ليقول لها لسانك دا يتلم من الأفضل ليكى

على ما اخد شاور تكونى حضرتى الفطور كامل مره واحده مش زى كل يوم لأن هنرجع بعد الفطور للمنيا دا لو عايزه نرجع النهارده لكن لو مش عايزه معنديش مانع هبقي هنا كمان كام يوم دا حتى الجو هنا جميل قوى وعجبنى خالص

لتبتعد كشماء قائله لأ خلينا نرجع أنا زهقت من الحر هنا دا المنيا طراوه كتير عن هنا

ليقول ركن متأكده من كلامك ده وعالعموم أنا مضطر أننا نرجع علشان عندى أشغال متأخرّة بس أوعدك نرجع هنا تانى قريب متقلقيش هعوضلك شهر العسل

لترد كشماء سريعاً لأ متقلقش انا مش عايزه أرجع هنا تانى ولا عايزه شهر عسل ركز أنت فى شغلك ومتقلقش عليا انا هروح أحضر الفطور

لتتركه وتتجه الى باب الغرفه وتفتحه وتغادر

ليتنهد ركن مبتسماً من هروبها من تسلطه وتحرشه بها.

...........ــــــــــــــــــــــــــــــــــــ،

أستيقظ علام يشعر بحرقه بسيطه بعينيه وهو يفتحهما بصعوبه

ليرى كامليا نائمه على صدره ليبتسم وهو يتأمل ملامح وجهها الصغيره الجميله وتلك الشفاه المبتسمه ليراها بدأت تصحو هى الأخرى الى أن فتحت عيناها لترفع رأسها من على صدره لتراه يفتح عيناه

ليقوم بتقبيل خدها ومقدمه أنفها قائلا بتحركش بيكى وانتى صاحيه أهو

لتبتسم

ليجذبها من عنقها ويقوم بتقبيل شفتاها قبلات هادئه ثم يترك شفتاها

ليرى كامليا تبتسم بأستحياء

ليضحك قائلا لأ أيه ده أنتى عندك خجل أهو

ولا أنا الى أتعميت بشوف حاجات غريبه

لتضربه بيدها على صدره قائله لأ متعمتش أما أشوف عنيك كده

لترفع نظرها وتنظر الى عيناه

لتقول له علام أنت،كان لون عنيك أيه

ليرد علام لون عينى أسمر ليه

لتبتعد عنها وهى مازالت تنظر لعينه قائله أنت عنيك حمرا كلها

زى ما توقعت قبل كده أنك بتلبس نضارة الشمس كتير علشان نور الشمس ميحرقكش زى مصاصين الدماء بس النهارده بقولك أن عنيك بقت حمرا علشان قلبت وبقيت زومبى

لتنهض سريعاً من على الفراش وتتركه

لينهض علام هو الأخر قائلا أنا بقيت زومبى دا هنزبك على رجل واحده بس أستنى عليا

ليتجه الى المرآه وينظر الى عينه ليجدها حمراء بالفعل

لينظر علام بأتجاه وقوف كامليا قائلا هسوق أنا ازاى دلوقتي وأحنا راجعين

لتبتسم وتضع يدها بخصرها وتتمايل بدلال قائله خلاص خلينا هنا لحد ما عنيك تخف

ليرد علام للأسف مش هينفع عندى شغل متعطل كتير ولازم أرجع

بس أوعدك نرجع لهنا مره تانيه

لتقترب كامليا منه وتقول بلهفه بجد هنرجع هنا مره تانيه

ليضع علام يده على خصرها قائلا بجد بس قولى لى هنرجع أزاى دلوقتي

لتقول كامليا أنت تسوق و أنا هوجهك على الطريق

وبعدين أنت هتلبس نضارة الشمس وهتحمى عنيك من الشمس وتراب الطريق متخافش قوى كده أنت لسه عندك حبة نظر تشوف بيهم الى قدامك أحمد ربنا أنت، أحسن من غيرك دا أنا قبل ما أعمل عملية تصحيح النظر كنت بمشى لو أتعطرت فى حصوه فى الطريق كنت بتقلب على ضهرى لو مكنتش لابسه النظاره

ليضحك قائلا تعرفى أنى كل بكتشف عنك حاجه

لتقول كامليا حاجه حلوه ولا سيئه

ليرد علام سيئه طبعاً أنتى كلك سيئات هو مين السبب فى وجع عيني

لتبعد كامليا يد علام عن خصرها وتقول تصدق أنى غلطانه وأنا الى كنت بفكر أسوق أنا العربيه وأحنا راجعين مالكش فى الطيب سوق أنت بقى وشوف مين هيوجهك انشاالله تدخل فى الجبل هنط من العربيه وأسيبك تاخد الجبل بالحضن

ليقول علام أنت ونعم الزوجه أالأصيله هتسبينى اخد الجبل بالحضن لأ أصيله

لتضحك كامليا قائله انت مش بتقول انى كلى سيئات

ليقف علام يفكر قليلا

لتقول كامليا بتفكر فى ايه

ليرد علام بفكر فى كام مره فكرت أتجوز واتراجعت فى أخر لحظه علشان اعرف أنهى واحده فيهم هيا الى دعت عليا وأتجوزك أنتى

لترد بغيره على أعتبار انهم ملايكه ما العينه بينه اكيد كلهم كانوا زى المنفوخه من الجناب جيلان الناجى احمد ربنا ان نجاك منهم وانى انا الى من نصيبك يلا هروح أحضر الفطور على ما تاخد شاور وعنيك مش مشكله قوى كده متكبرهاش

ليبتسم قائلا نجانى منهم بس وقعني فى بلوه قلبت حياتى.

.........ــــــــــــــــــــــــــــــــــــــــــــــــ

فى المنيا

فى بيت النمراوى

دخلت أيه المطبخ لم تجد أحد من الشغالات

لتقول هما الخدامين الى هنا راحوا فين

لتدخل عليها تيسير قائله كل الخدامين مشغولين فى تنظيف البيت علشان الاستقبال العظيم

لتقول أيه أستقبال مين

لترد تيسير أستقبال العرسان مش هيرجعوا النهارده

لتشعر أيه بغيره وتقول أنا عارفه انهم هيرجعوا النهارده بس ليه الأستقبال ده

لترد تيسير مش عرسان ومش أى عرسان دول الغالين بزياده أن كان علام ولا كامليا مش بنت حبيبتها الى طول عمرها كانت بتفضلها على الكل هنا

برغم الى حصل زمان وتخير عمى علام لمنصور أنه يطلقها او يطرده من هنا ومنصور أختارها فضلت رقيه تحبها وانا متاكده انها هى الى بعتت لها ترجع لهنا تانى وبناتها جم وراها زى ما يكون ما صدقوا لأ وأيه جوزتهم لأتنين ميتخيروش عن بعض ان كان ركن ولا علام

الإتنين كُبرات عليتهم

خططت ونفذت وهى الى كسبت ببناتها

لتشعر ايه بالغيره وتقول وهو أيه الى حصل زمان خلى جدو علام يخير أبنه أن يطلق كريمه أو يطرده من بيته زى ما حصل

لتنظر تيسير حولها ثم تنظر الى أيه قائله مش وقت الكلام دا دلوقتي هقولك بعدين ونكون بعيد عن البيت لحد يسمعنا الحاجه رقيه مانعه أى حد يجيب سيرة الى حصل فى الماضى هنا فى البيت حتى ولادها ممنوع يتكلموا فيه

عن أذنك يا قلبى أما أروح أشوف تحضيرات أستقبال العرسان

لتتركها تيسير وهى تهمس لنفسها قائله أما أشوف هتنجحي فى الى انا فشلت فيه زمان وسعد هيبقى تابع لعلام زى عاطف ونمر ماكانوا تابعين لمنصور رغم أنه كان أصغرهم

لتقف أيه وهى تشعر بغيظ كبير وتفكر فى كيف تكون هى المسيطره على هذه العائله لتفكر قليلا ليأتى أليها فكره أن تبدأ هى بمد يدها للسلام المخادع.

.......... ــــــــــــــــــــــــــــــــــــــــــــــــــــــــ،،

بمنزل الفهداوى

دخل ركن الى البيت يمسك بيده يد كشماء التى تتضايق من تسلطه وتحرشه بها ولكن تبتسم أمام العائله أما هو فكان على وجهه بسمه مُشرقه

ليجدا الجميع يقف فى أستقبالهم

لتكون أن من أستقبلتهم هى أنعام التى ضمت ركن وقبلت وجنتيه لتقول بمزح يظهر كشماء كانت مهتمه بيك وبأكلك شكلك راضض أكيد كانت بتطبخلك الاكل الى بتحبه بعد ما أتصلت عليا وعرفت منى

ليهمس قائلا يبقى عرفت هى ليه عملت الحلو بصل مكرمل

ليترك ركن يد كشماء ويضم والداته

ليأتى من خلفها أيبو مازحاً أيه يا مرات عمى خفى شويه للعروسه تغير منك سبيه لغيرك هى بقت أولى

لتبتسم كشماء برياء وتهمس قائله يا ريتها تاخده مش عايزاه راجل العصابات المتحرش المنحرف ده

حلال عليها

ليأتى أبراهيم الفهداوى قائلاً فين حفيدتى وحبيبة قلبى

لتذهب كشماء أليه ليضمها بحنان مقبلاً رأسها يقول لها قولى لى الواد ركن زعلك فى حاجه أنتى بس قولى لى

لتبتسم كشماء بود

ليجذبها أبراهيم من يدها لتسير معه الى أن دخلا الى غرفة السفره

ليأتى من خلفهم ركن وأيبو ومعهم أنعام

ليجدا سلطان ومعه نجلاء وعلى ومعهم شيماء يجلسون

ليقف على ويتجه أليهم ويسلم على كشماء ويرحب بهم ويتمنى لهم السعاده

وتقف نجلاء تسلم عليهما الأثنان بفتور وكذالك سلطان

بينما شيماء شعرت بنيران تحترق فى قلبها وهى ترى وجه ركن المبتسم وتلك الأشراقه على وجهه التى تراها عليه لأول مره بحياتها. ولكن وقفت سلمت عليهم ببرود عكس نيران حقدها.

ليقول أبراهيم الجد بقولكم أيه كفاية سلامات وخلونا نتغدى على شرف حفيدتى الغاليه ومرات حفيدى الكبير وخلوا السلامات دى لبعدين يلا كل واحد يقعد فى مكانه

ليجلس كل واحد منهم جوار زوجته وشيماء وأيبو يجلسون جوار بعضهم وأبراهيم يترأس الطاوله

لتقف كشماء تحتار أين تجلس

ليضحك أبراهيم قائلا أقعدى جنب ركن

لتجلس جواره

ليبدأ الجميع فى تناول الغداء وسط مزح أيبو الذى يشاركه فيه على

بينما كشماء كانت تشعر بالغربه فهذه أول مره تجلس معهم على سفره وهى كنه لهذا البيت كانت تجلس صامته

ليميل ركن عليها قائلا وهو يبتسم أيه ساكته ليه راح فين لسانك الى زى المبرد

لتنظر كشماء له بشرر

ليبتسم لها

لتلاحظ ذالك نجلاء وأبنتها لتتحسران معاً

بينما لاحظت أيضاً أنعام لتبتسم بتألف لكشماء فكل ما يهمها هو سعادة أبنها الظاهرة على وجهه والسبب بها هى كشماء

لينظر أيضاً الجد لهم مبتسماً وينشرح قلبه فكل مايهمه أيضاً سعادة أحفاده

لينتهى الغداء

ليقف أبراهيم وكذالك الجميع من خلفه

ليقول أنا عايز أشرب شاى بعد الغدوه الحلوه دى

لتقول أنعام أنا هروح أعمله لك بنفسى

ليبتسم أبراهيم قائلا وشوفى الكل هيشرب أيه ويمسك بيد كشماء تعالى أقعدى معايا علشان تحكى لى الواد بيعاملك أزاى

ليقول ركن وهو يمسك يد كشماء لأ خليها لبعدين أعفونا أحنا تعبانين من السفر وهنطلع نستريح شويه وبعدين أبقى أستجوبها براحتك

لينظر أيبو بخبث قائلا تعبان من السفر ولا خايف كشماء تسخن جدى عليك

لتهمس كشماء قائله والله عندك حق أنا نفسى أقولك حفيدك الى عامل فيها محترم ده وقح ومنحرف بس أخاف أصدمه يلا أن الله حليمُ ستار

لتقول كشماء لأ أنا مش تعبانه ولا حاجه أنت الى كنت سايق وأنا نمت فى العربيه روح أنت أرتاح وأنا هشرب شاى مع جدو

ليقول الجد وهو يضمها تعالى يا حبيبة جدو وينظر الى أنعام قائلا هاتى لينا الشاى عند المظله الى فى الجنينه

لينظر لها ركن متوعداً

بينما هى تبتسم بخبث

ليصعد ركن الى جناحهم

ويذهب على مع سلطان لمناقشة بعض الأعمال وتنصرف نجلاء مع أنعام

ليبقى أيبو وشيماء

ليقول لها أظن شوفتى بعينك لتانى مره ركن ميال لكشماء أنسى الوهم الى فى دماغك دا بقى

لتشعر شيماء بغيظ قائله أنا موافقه يا أيبو

ليقول أيبو موافقه على أيه

لترد شيماء موافقه على طلب جلال أنه يتقدملى

ليرد أيبو موافقه بجد ولا لعبه منك وليكى غرض من واراها جلال صديقى ومحبش أخسر صداقته علشان لعبه منك

لتقول شيماء بأرتباك قصدك أيه بلعبه منى

ليقول أيبو أنت عايزه تلفتى نظر ركن ليكى أنه يشوفك كبرتى مش نفس الطفله الى كان بيلاعبها عايزه تثبتى له أنه كبرتى وممكن تتجوزى بس أحب أقولك لو دا الى فى دماغك يبقى بلاش

بس ليكى عليا النصيحه ركن مهما حاولتى تبينى له أنك كبرتى مش هيهمه أنا متأكد أن عنده مشاعر ناحية كشماء ومشاعر ممكن تكون قويه

فوقى لنفسك أنا مش هكلم جلال غير لما أكون متأكد أنك نسيتى وهم حبك لركن.

ليتركها ويخرج من الغرفه

لتتنهد بعذاب حب كاذب وحقد يريد أمتلاك شىء ليس لها ولكن لابد من بعض المراوغه للحصول على ما تريده.

..........ـــــــــــــــــــــــــــــــــــــــــــــــــ،،

فى بيت النمراوى

بعد أنتهاء الغذاء

وترحيب العائله بأكملها بعلام وكامليا

حتى أيه أستقبلتهم بود مما أسعد سعد كثيراً

جلسوا يحتسون المشروبات

لتضم رقيه كامليا التى تجلس الى جوارها قائله البيت نور برجوعك يا حبيتي لبيت أبوكى

ليرد نمر مازحاً جرى أيه يا حاجه رقيه أنتى ناسيه دا بيت بعلها كمان

ليضحك الجميع

لتقول رقيه وبيت بعلها كمان

لينظر طفل سعد لعمه قائلا عمو أنت ليه لابس النضاره ليقاؤب منه ويزيل النظاره من على عينه

لتظهر عيناه حمراء قليلا

ليقول ريان قائلا أيه دا يا عمو علام عنيك حمرا زى الزومبى الى بيجوا فى التلفزيون

لتضحك كامليا قائله بود له تعالى يا حبيبي واضح أن أنا وأنت هنتفق أنا قولت كده قبلك

ليضحك سعد قائلا بصحيح يا علام أيه سبب أحمرار عينك ده أنا كنت لسه هسألك لابس النضاره ليه

لينظر علام الى كامليا التى تبتسم بخبث

ليقول أبداً دى حساسيه من الشمس وعلى بكره أكيد هتروق وترجع لطبيعتها

ظل الجميع يمزحون ويمرحون

ليقف علام قائلا أنا جاى سايق فى الحر وهطلع أستريح

لتقول رقيه أيوا يا حبيبي خد مراتك وأطلعوا ريحوا لكم شويه على العشا هنبقى نصحيكم

ليقول سعد أنا بقترح أن أنا وعلام ناخد كامليا وأيه ونتعشى بره الليله أيه رأيك يا علام

لينظر علام الى كامليا يجدها تبتسم

ليقول لسعد ما فيش مانع يلا أنا هطلع

ليخرج علام لتقف كامليا للذهاب خلفه

لتجد يد كريمه تمسكها قائله خدينى معاكى أطلع أنا كمان أستريح شويه حاسه أن عندى صداع

لتقول رقيه ألف سلامه عليكى تلاقى أجهاد من الشغل فى البيت من الصبح أطلعى أستريحى

لتأخذ كامليا وتغادران

لتبتسم أيه بخبث فيبدوا أن الحظ سيحالفها بموافقة علام على دعوة العشاء فهى صاحبة الفكره وقالتها لسعد لتثبت له أنه ليس لديها أى أحقاد خفيه أتجاه كامليا أو علام.

ذهبت كامليا مع كريمه

لتجذبها كريمه لتدخل معها الى غرفتها

لتغلق الباب خلفها

وتنظر ألى كامليا قائله قولى لى عملتى أيه لعين علام أنا متأكده أنك السبب

لتضحك كامليا قائله هكون عملت له أيه والله بدون قصد رشيت على عينه البرفان وهو دا السبب

لتقول كريمه بدون قصد برضو

لتقول كامليا أنتى ظالمنى المره دى يا كرمله والله كان بدون قصد انا بريئه

لتقول كريمه بريئه والبوتاص الى كان فى شنطتك يوم الفرح وتانى يوم العلامات الحمره الى كانت على رقبة وأيد علام كان أيه السبب فيهم

لتضحك كامليا قائله كنت بهزر معاه علشان أفُك التنشنه بينا يا كرمله وبعدين مش هتبطلى خصلة التفتيش الى عندك دى

لتقول كريمه الى عندها بنات سواء كانت زيك أنتى او المتخلفه التانيه لازم تفتش وارهم يلا غورى روحى لجوزك ولا لسه مبقاش جوزك بجد

لترد كامليا كان بودى أقولك بقى جوزى بجد بس لسه مسلمش أماره واضح كده هيغلبنى يلا انتى أدعيلى من قلبك

لتضحك كريمه قائله غورى دا كفايه أستفزازك له يكرهه فى حياته.

لتغادر كامليا وتترك كريمه لتقول ربنا يكون فى عونك يا علام يا أبن نعمه مره حرق ومره عما ومش عارفه المره الجايه أيه لك ربنا.

.......... ــــــــــــــــــــــــــــــــــــــــــــ،،

بيبت الفهداوى

أستيفظ ركن مساءً لينظر جواره لم يجد كشماء

لينهض من على الفراش ويتجه الى الحمام يبحث عنها لم يجدها

ليتجه الى شرفة الغرفه

ليجد كشماء تجلس مع أيبو فى الحديقه يتحدثان بود ليشعر بالغيره

ليرفع أيبو وجهه عالياً ليرى ركن يقف ينظر لهم

ليبتسم ويشير له بيده

ليشير ركن له

لتنظر كشماء خلفها لترى ركن ليشير لها بالصعود له

ليقول أيبو انا هقوم عندى شويه شغل لازم أخلصهم يلا تصبحى على خير.

.........ـــــــــــــــــ

صعدت كشماء الى الغرفه

لتجد ركن يقف لينظر لها قائلا أيه مقعدك مع أيبو لغاية دلوقتى

لترد كشماء بهدوء أحنا كنا بنتكلم والكلام أخدنا ومحستش بالوقت وبعدين أنا حره

ليرد ركن لأ مش حره وبعد كده تلتزمى ممنوع السهر كتير ولازم تكونى هنا فى أوضتنا من قبلى

لترد كشماء ليه بقى أن شاء الله

ليقول ركن هو كده أنا عندى نظام بحب أنام بدرى سهر الأيام الى فاتت دا تنسيه هنا غير ما كنا فى الجونه هنا البيت له نظام ولازم تمشى عليه

لترد كشماء لتنهى الحديث معه فقط

ماشى هحاول أتماشى مع نظامك ودلوقتي أنا هدخل أغير هدومى عن أذنك ممكن توسع

ليتجه يمين فتتجه معه يمين

ليتجه يسار لتتجه معه يسار لتتعرقل لتحاول الامسام به ليقعان سويا على الأرض هو بالأسفل وهى فوقه

ليقع نظره على شفتاها ليجذبها من عنقها ويقبلها دون تفكير

لتتضايق كشماء وتقوم بصفعه على وجنته لتدفعه بيديها قائله أبعد عنى انت أستحليتها علشان بسكتلك وبطل قلة أدب بدل ما صرخ وأقول عليك مش راجل

ليغضب ركن بشده وينهض جاذباً يدها بقوه ليلقيها لتقع على الفراش بظهرها

لترفع رأسها لترى تطاير أزرار قميصه أمامها ويخلعه ويلقيه على الأرض بعنف

وقبل أن تنهض من على الفراش كان يجثو فواقها يقبلها بقوه ويده تمزع ثيابها لتصبح أمامه شبه عاريه وهو كذالك.

.......ــــــــــــــــــــــــــــــــــــــــــــــــــــ،،

باحد مطاعم المنيا

كان يجلس علام جوار كامليا وهو يرتدى نظاره سوداء

وسعد جوار أيه

لينتهوا من تناول العشاء وسط حديثهم الودى

ليقول سعد بفرح من زمان ما خرجتش انا وأنت مع بعضنا والنهارده عزمتك عالعشا على شرف كامليا

ليبتسم علام يعنى انت عازمنى بسبب كامليا

ليرد سعد قائلا أكيد

ليضحك علام قائلا أيه رأيك يا أيه فى الكلام ده

لترد أيه وهى تبتسم برياء أنا معاه كامليا هى أجدد حد دخل عليتنا ولازم نرحب بها ترحيب يليق بها

لتبتسم كامليا بود ليتحدثوا فى ود ومرح جميعهم الا أيه التى ترسم ابتسامه خبيثه

ليسمعوا من يقول

علام وسعد النمراوى وكمان معاهم أيه بنت خالتى منورين يا شباب

ليقف سعد مرحبا به أهلا يا فادى أزيك بتعمل هنا أيه

ليقول فادى أنا هنا كنت هتعشى مع صديق ليا بس أعتذر وكنت خلاص همشى لمحتكم قولت أجى أسلم عليكم وكمان أبارك لعلام بجوازه معرفتش أبارك له سافر بعد الفرح بسرعه

لينظر له علام ويبتسم بتحفظ ولم يقف يرحب به

لتقول أيه وأيه نسيت تسلم على بنت خالتك

ليرد فادى لأ ازاى أنت بنت خالتى الى بحبها قد ما كنت بحب أمى الله يرحمها ازيها من زمان ما شوفتهاش أخبارها هى وعمى أيه انتى عارفه ان شغل المصنع كله بقى عليا عمى جبر كبر هو وبابا بس هفضى نفسي فى يوم وهروح لهم أزورهم

لتقول أيه هى و بابا بخير الحمدلله

واقف ليه أقعد معانا طالما صديقك أعتذر أهو نتسلى مع بعض

ليقول فادى مش عايز أتقل عليكم انتم عيله مع بعضكم

ليرد سعد لا يا عم أقعد معانا

ليسحب فادى مقعدا ويجلس معهم

ليتحدث قائلا لعلام سمعت عن المناقصة الى عملاها وزارة السكان مع بعض رجال الأعمال لبناء مجموعه سكنيه كبيره سمعت أنهم هيعملوا مناقصة كبيره على العروض الى هيقدمها تجار الاسمنت والعرض المناسب هو الى هيختاروه أنت مش هتقدم فى المناقصة دى أنا عن نفسي مجهز نفسى وهقدم فيها

ليرد علام قائلا لسه أسبوع على فتح باب تقديم العروض ولكل مقام مقال لسه مفكرتش فيها بس واضح أنك نفسك تفوز بالمناقصه دى أتمنى لك التوفيق

ليقول فادى المناقصة دى الى هيفوز بيها هتعلى من أسهمه كتير فى السوق

ليبتسم علام ولكنه يشعر بالضيق من جلوسه معهم وكذالك من نظره الى كامليا ومحاولته جذبها للحديث معه

كانت كامليا تشعر بالأسمئزاز من نظاراته وتحدثه لها

تشعر بالنفور منه

لتميل على علام قائله أنا تعبت وعايزه أرجع البيت

ليقف علام موافقاً قائلا تمام يلا بينا

ليقول له سعد وقفت ليه

ليرد علام أنت عارف أننا راجعين من سفر وأنا تعبان وعايز أرتاح يلا يا كامليا وخليكم أنتم لو عايزين تكملوا سهر

لتقف كامليا وتمسك بيده وتذهب معه وهى تشعر بمقت ناحيه ذالك الحقير فادى.

.

بارت طويل أهو

تفتكروا كامليا وكشماء لو راحوا مجتمعين مع بعض لحفله راقيه ولقوا من ضمن المعازيم أليكسيا وجيلان ضيوف شرف الحفله

أيه هيكون رد فعلهم المسالم.

الرابع عشر من هنا

تعديل المقال