رواية داغر ودليله قلبه من حجر الفصل الثالث عشر 13 بقلم حبيبة محمد
داغر بغرور: ساكته ليه... فتح عينه وقالها: مش قولتلك حطي الاك....
كان لسه هيكمل لقي دليلا قدامه......
داغر قام مخضوض.... لما شافها مصدقش ان هي القدامه...ونسي انه لسه عامل عمليه
: اااه..... ااه....
دليلا فاقت من سرحانها.... ومسكت من ضهره:
براحه يا داغر.... قوم براحه...
داغر لف بصلها و مش مصدق لغايه دلوقتي ان دليلا واقفه قدامه...
داغر لمس وشها عشان يصدق ان دليلا هي القدامه....
دليلا مسكت ايده بحنو وباستها برقه: ايوه... انا دليلا
داغر فضل متنحلها.....
دليلا سندته عشان يقوم يقعد..
داغر مسك ايدها: اتغيرتي!! اتغيرتي اوي يا دليلا من ساعه ما سيبتك؟؟
٧ سنين غيروكي اوي....
خلوكي احلي واجمل.... واعقل..
راجعه تاني ليه؟ راجعه تاخدي قلبي تاني؟
دليلا: مش هاخد قلبك تاني عشان انت اصلا كنت في قلبي من ساعه ما سيبتني.... ولا مره نسيتك ولا عمري هنساك...
داغر شدها من ايدها وقربها ليهه: وحشتيني....
دليلا بعدت ايدها وبأيديها الاتنين حاوطته: دلوقتي بس روحي رجعتلي.... اول ما شوفتك..... عارف؟ انا كنت عمري ما اتوقع اشوفك تاني يا داغر.....
عمري ما اتوقع اني اشوف حب طفولتي من جديد....
: حياتي من غيرك اتغيرت كتير
بس قلبي لسه زي ما هو محبش حد غيرك....
لو تفتكر انك انت اخر مره السيبتني..... جرحتني اوي...
: لدرجه اني لغايه اليوم دا بفكر في اليوم السيبتني فيه مرميه علي الارض بعيط....
داغر شدها ليهه وحضنها: وبدموع شوق: سيبتك عشان مظلمكيش معايا كنتي طفله...
مقدرش اكمل مع طفله.... بس انا شوفتك خلاص.... استحاله اسيبك تاني...
دليلا بعدت عنه بغرور: وانا استحاله اكون بالأقرب منك تاني.....
مهما كنت بحبك.... بس مينفعش اكمل معاك:
ثم اكملت وهي بتردله اخر مره سابها فيها: عشان انا بحب وبسيب انا كدا بحب واسيب وقلبي بيسيع واحده واتنين وتلاته وعشره كمان....
داغر بعد عنها مصدوم بجبروتها دا: انتي مغلباني من سنين..... اعترفتلك كتير نفسي في مره واحده تحبيني ومتغلبينيش....
دليلا: الايام دي انتهت.... انا زمان كنت حاجه ودلوقتي بقيت حاجه....
وانت دلوقتي حاجه تانيه
داغر: انا تعبان من غيرك....
صدقيني مبقتش قادر اكمل من غيرك....
يا دليلا حاولي تفهميني لو مره.. انتي من يوم ما مشيتي وانا شايل كميه شعور واحساس كبير في قلبي مطلعتهوش لحد غيرك ومستني اليوم الشوفك فيه تاني واقولك... انا قد اي بحبك
انا اطبعت بطبعك.....
دا انا حتي كل يوم بليل بفكر فيكي....
صورك معايا لحد دلوقتي...
كل لما بترب بمسحها....
داغر دموعه بدأت تنزل وهو بيتكلم بسرعه ولسانه بدأ يتلغبط في الكلام: انا...
انا حتي شايل كل ذكره ليكي..
ش.. ش.. شايل.... ورقك وكتبك معايا....
قلمك وشنطتك مخبيهم... عندي
حتي الكوتش الصغنن بتاعك لسه موجود عندي....
و تيشرتاتك عندي....
كنت كل يوم بحضنهم.... وبتخيلك معايا....
دليلا مسكت راسه بأيدها ومسحت دموعه وهي بتعيط..
وحضنته وهي بتعيط من ضهره: ال...
البرفيوم بتاعك كنت واخداه من درجك.... لسه معايا لحد دلوقتي....
كل لما اشتاقلك اشم البرفيوم.
واشم ريحتك.... واعتبرك معايا
: لو عرفتك انا بحبك قد اي...
استحاله تعرف كميه الحب ال في قلبي ليك....
داغر: بحبك.... وهفضل احبك لحد ما اموت يا دليلا....
حياتك هي حياتي.... وقدرك هو قدري.... انتي نصيبي وقسمتي.
مش عايز ابعد عنك تاني:::
عايز افضل معاكي طول عمري..
دليلا بعدت عنه وهي بتضحك وخبطته في كتفه:
بحبك.... بحبك... وكفايا نكد بقا
داغر ابتسم ابتسامته التسحر:
انتي حياتي كلها وقدري الحلو... مش قادر اعيش من غيرك.... انتي مكتوبه في قصتي.....
وهختم قصتي بيكي يا دليلا..
حياتي هتتختم بيكي انا مش هختم حياتي... غير بيكي..
دليلا: مينفعش يا داغر....
حتي لو كنا بنعشق بعض مينفعش....
انا وانت في صوره واحده تاني؟ مينفعشش!!
انا وانت حياتنا مع بعض مش مفهومه حياه مجهوله حياه مش مفهومه ....!!
انا وانت!!!!
هو انت متخيل اصلا ان هيبقي فيه حاجه اسمها انا وانت؟؟
دليلا قامت بغرور: انا الدكتوره بتاعتك..... متعملش مجهود كبير عشان متتعبش...
داغر سكتت بصدمه....
دليلا خرجت بغرور
وفي اللحظه دي قررت تعيش داغر كل حاجه هو عيشهالها
و مش هتسامحه وتحبه بسهوله....مش هتنسي العمله ليها....زمان.....لازم تعرفه انها ليها كرامه...وانه مش من السهل يرجعلها تاني بكلمتين....
لازم يبذل اكبر مجهود
عشان يرجعلها تاني.......
خرجت بكل غرور من الاوضه الهو فيها.....
داغر: بقيتي دكتوره؟؟
اي الغباء دا صح!! طب ما هي لابسه چاكيت الدكاتره من الصبح؟؟
هتقعد معايا بمناسبه اي يعني غير انها الدكتوره؟؟
داغر ابتسم انه قدر يلاقيها تاني.....
**
دليلا دخلت مكتبها ورزعت الباب وراها وهي حاطه ايدها علي قلبها بتوتر...
اسيا دخلت وراها: عملتي اي
دليلا بتوتر: يااااه شكله وحشني اوي..
ده بقا عاملي هوس... صوته وكلامه وغروره وقسوته وطيبته وكل حاجه فيه وحشتني مكنتش متخيله اني لما هشوفه هضعف قدامه واحضنه...
اسيا: سامحتيه؟؟
دليلا لفتلها وهي بتقعد علي الكرسي بتنهيده: لازم اعرف طعم القسوه الكان بيعاملني بيها.... مش هسامحه بسهوله
اسيا: هيزهق منك ويكرهك
دليلا: يبقي مبيحبنيش... الواحد لو بيحب واحده بجد عمره ما هيزهق منها....
اسيا بأبتسامه: واي كمان
دليلا: وحشني اوي....
بجد حنيت ليهه اوي حنيت لل ٧ سنين الفاتوا.....
نفسي ارجعله اوي......
وابص في عيونه واقعد معاه
اسيا: داغر قمر اوي
دليلا: وهيفضل طول عمره قمر
****
ادم: حلم. حلمم
حلم دخلت بسرعه: نعم؟
ادم: بقولك معجب بيكي.. اي مفيش دم.... مفيش انا كمان
حلم: وانا كمان...
ادم حس انها بتهاوده في الكلام: امم روحي شوفي شغلك يا حلم....
قعد علي الكرسي تاني وهو بيقول: الواحد مننا ميحبش الواحده الواقعه....
الاقي فين بس الواحده البتتقل دي؟؟
حلم دي زي التمثال ملهاش لازمه.....
***
بعد ساعات.... كان الليل ليل
دليلا كانت قاعده في مكتبها والشوق ال في عينيها هيموتها... عايزه تقوم تشوف داغر......
دليلا: اسيااا.......
اسيا دخلت: نعم
دليلا: معلش روحي شوفي داغر فاق من البنج ولا لسه تحت التأثير...
اسيا: حاضر....
****
جدتهم: هي دليلا فين الساعه ١
ادم: هتصل بيها....
:****
اسيا: لسه فايق حالا من البنج وبياكل....
دليلا: خلاص شوفي شغلك وانا هروح اشوفه...
اسيا بتغمزلها: اشطا....
دليلا ضربتها في ضهرها: حيوانه....
ادم: دليلا الساعه ١!!!
دليلا: عارفه انا خدت ورديه لبليل لأن فيه مريض لازم اكون جمبه دلوقتي...
ادم: اجي اخدك امتي
دليلا: علي الساعه ١٢ الضهر كدا
ادم: ماشي يا حبيبتي عايزه حاجه....
دليلا: عايزه سلامتك...
***
دليلا خلصت تلفونها....
ودخلت لداغر
داغر كان بياكل اكله.... و دايخ
دليلا: مين قالك تقوم من علي السرير....
داغر غروره احيانا بيغلب علي حبه لدليلا: مش لازم حد يقولي عشان انفذ انا عارف انا بعمل اي....
دليلا بنفس غروره: لا انت في المستشفي عشان تعمل الدكتور يقولك عليه مش عشان تنفذ ال في دماغك....
داغر: وانا شايف اني كويس...
دليلا: هو انت هتفضل دماغك ناشفه طول عمرك...
داغر: اي يا دكتوره شايفك بتخرجي عن شغلك....
دليلا بتوتر: لو سمحت
ارجع لسريرك.... عشان متتعبش نفسك....
داغر قاصد يلفت انتباهها: وانتي فارق معاكي تعبي اوي.. كدا....
دليلا بتوتر وهي بتقعد علي الكرسي الجمب السرير: طبعا فارق معايا
داغر: بمناسبه اي
دليلا: بمناسبه اني الدكتوره بتاعتك ولو سمحت اتفضل علي سريرك...
داغر عاند نفسه اكتر وعاندها:
هرجع بمزاجي يا دليلا
دليلا قامت بعصبيه: مفيش حاحه اسمها بمزاجك... وبعدين مين ضربك في النار في ضهرهك مش تخلي بالك من نفسك؟؟؟ ولا انت مش هامك حياتك؟
داغر: لا مش هاممني...
دليلا: مش انا كنت حياتك؟
مش خايف عليا؟؟؟
داغر لفلها: انتي مش موجوده في حياتي دلوقتي يعني حياتي ملهاش لازمه من غيرك..
دليلا كل لما يقولها كلمه حلوه مبتستحملش وممكن تصالحه بس هي عايزاه يعاني...:
بلعت ريئها بتوتر وقالتله:
ينفع ترجع لسريرك
داغر مسك تلفونه بعند....
ووقع منه.....ونزل عشان يجيبه ضهره وجعه
: ااااهههه....ااه
دليلا قامت بسرعه ومسكته من وسطه بأديها ....
وهو سند بأديه علي كتفها...
لحد ما وصلته لسريره وقعدته
دليلا: متعانديش تاني.عشان انا عارفه شغلي اكتر منك
داغر بتلكيكه: ايدي مش قادر احركها يا دكتوره....
دليلا مسكت الطبق والمعلقه وبدأت تأكله...
: افتح بؤك...
داغر بقا ياكل من ايدها وهو فرحان بأهتمامها بيه مكانش عايز الاكل يخلص من تحت ايدها.....
دليلا: هوب هوب... الاكل نزل علي بؤك....
داغر بدأ يمسح بأيده...
دليلا رتحت تجيب مناديل: اوعي ايدك عشان متتوسخش..
قربت منه ومسحتله بوئه ومكنتش عايزه تبعد عنه كانت عايزه تفضل في اللحظه دي طول عمرها....
كانت عايزه تفضل بالقرب منه
داغر سرحان في عيونها....
اسيا دخلت فاجأه: احممم
..
دليلا اتخضت واتنهدت بكسوف: ن نعم يا اسيا...
اسيا بضحكه مكتومه: عايزاكي يا دكتوره شويه
دليلا قبل ما تخرج من الاوضه:
متتعبش نفسك ومتقومش من ع سريرك...
داغر امأ براسه بمعني موافق
"*
داغر في سره: مجنونه....
***
اسيا: قطعت اللحظه الرومانسيه دي صح...
دليلا: كنت بمسحله الاكل العلي بوئه....
اسيا: ينفع اعرف كام حاجه منك....
دليلا: ارغي؟؟
اسيا: انا بحب ادم بقالي سنين؛ بس هو بيعاملني كاخت ليه عمره ما لاحظ نظراتي ولا مشاعري اتجاهه...
دليلا: اتقلي يا اسيا اخويا بيحي البنت التقيله...
اسيا: انتي شايفه ان دا الحل
دليلا: طبعاا
****
مراد رجع من الشغل.....
كانت روان بتعمل اكل في المطبخ....
مراد حاوطها من كتفها: جبتلك علبتين شوكولاته ليكي ولحور الهديه حلوه؟
روان لفتله وحضنته: الهديه بتاعتي هي انت مش الشوكولاته....
مراد ضمها اكتر: اختياريي الهفضل اشكر ربنا عليه طول عمري هو انتي يا روان
هفضل احمد ربنا علي اختاري لأنسانه جميله شكل وروح
روان مسكت ايده: قصه حبنا محتاجه تتعلق في برواز كبير
مراد: انتي لوحدك بنسبالي حياه تانيه....انتي حياه ليا لوحدي انا بس...
***
دليلا خلصت كلام مع اسيا وغمضت عينها شويه في مكتبها وبعد كدا فاقت...
عشان تطمن علي داغر...
خدتله هدوم تانيه نضيفه ودخلت حطتها جمبه....
وهو كان نايم ولا في باله اصلا
دليلا باسته من خده: تصبح علي خير يا حبيبي....
في صباح يوم جديد...
دليلا غيرت لبس الدكاتره بتاعها.....
وقبل ما تخرج من المستشفي
دخلت لداغر اوضته والممرضه معاها...
دليلا: البنج محوق عليه جامد...خليه نايم وخدي بالك منه وانا مش موجوده....
غيريله ملايه سريره ولبسه كل يوم....
واكله جهزيه في التوقيت بتاع كل يوم...فطار غدا عشاء...
_ حاضر يا دكتوره...
الممرضه خرجت
و دليلا بصت لداغر....
وقبل ما تمشي حضنته وطبطت علي راسه بحنيه:
انت نصيبي....وانا قسمتك
هفضل طول عمري واثقه في الكلمه دي يا داغر عشان مهمها حصل انا هكمل معاك...
عشان انا كل يوم بحن...لكل مكان كنت بروحه انا وانت...
حنيت لقلبك ونظرات عينك..
حنيت لغرورك وقسوتك...
حنيت لقلبك....
غطته كويس وخرجت من الاوضه......
داغر فتح عينه وهو بيبتسم بفرحه: لسه بتحبني؟؟ بتحبني!!!!
***
دليلا نزلت لأدم...
ادم في عربيته وهو بيبوصلها من شباك العربيه:
كل دا استنيتك ساعه
دليلا: معلش كنت بلبس...
ادم: ..شكلك تعبتي اوي انهارده
دليلا: بالعكس انهارده كان احسن يوم انا عيشته في حياتي....
ادم: ليه؟؟
دليلا: انت عارف اني بعتبرك اكتر من اخ...بعتبرك صاحبي واخويا وابويا ومتعوده احكيلك علي كل حاجه...
ادم: يا روحي انتي بنتي مش اختي....احكيلي وانا بسمعلك
في اي وقت...
دليلا: فاكر داغر؟؟ الانا حكيتلك عنه؟؟ الانا كنت بحبه زمان؟
ادم: اي جاب سيرته دلوقتي؟
دليلا: قابلته تاني!!
ادم بغيره علي اخته: قابلتي مين؟؟ داغر!!
شوفتي فين وازاي دا؟؟
دليلا: انا لسه بحبه يا ادم...
ادم: لا لا اوعي تقولي كدا..
اوعي تقولي انك لسه بتحبيه
الا ده الا ده الهسيبك تحبيه
دليلا: ليه يا ادم؟ انت عارف كويس اوي انا قد اي بحبه..
ادم: داغر دا انا بكرهه....كفايا العمله فيكي....
داغر مرفوض: مرفوض....انتي سامعه....
دليلا بقمصه: روحني يا ادم
ادم: طب متتقمصيش
دليلا: طب يلا روحني....
***
داغر قام من علي السرير...
:.....
الممرضه: داغر باشا لو سمحت ارجع لسريرك كدا غلط...
داغر بعصبيه عشان مشافش دليلا: هو انا كل لما اتنيل اقوم تقولولي اتخمد....
: غلط عليك يا باشا
داغر: انا همشي انهارده انا شايف اني كويس كدا....
: الدكتوره دليلا قالت مينفعش
داغر: انتي هتقولي للدكتوره دليلا بتاعتك داغر مشي....
مسك ورقه وكتي عنوانه: وادي للدكتوه عنوان بيتي...
****
ادم: دليلا
دليلا دخلت الڤيلا بقمصه
ادم: مش بندهه عليكي؟
دليلا: نعم يا ادم
ادم: جايلك عريس....
دليلا بعدم اهتمام: ارفضه
ادم: مش عايزه تعرفي مين؟
دليلا: مين؟؟
ادم: تامر صاحبي الانتي كنتي بتقوليلي انك معجبه بيه في جامعه....فاكره؟؟
