رواية بيان وعمرو ( بيان العشق) الفصل الحادي عشر11 بقلم سلمي ابراهيم
بيان العشق
بارت 11
عمرو لنفسه..هو نت بتحب حبيبه ولا مشدود لبيان ..ولا بيان صعبانه عليك ولا مجرد متعود ع حبيبه ..ولا مبتحبش فيهم حد اصلا...نت عاوز اي بجد انا مبقتش فاهمك ....كان سرحان عمرو وغفل عن الطريق ..جاي يحود داس ع حاجه غلط خليته خبط عمود لكن كالعاده حاول يتفادا الخب"طه عشان متجيش في حبيبه وجات فيه هو لكنو اغم عليه...
حبيبه بصراخ وخضه شديده..عمرو.....عمررررو......وبدأت تهز فيه وهي مرعوبه ..قامت خرجت من العربيه واتصلت ع معتز صاحبهم
معتز بخضه..بتقولي اي ،..انتو فين
معتز بيلبس هدومو في ثانيه..نا قولتلو متتنيلش يمشي من الطريق دا بليل..روحي يا شيخه منك لله...
حبيبه..نت بتتكلم معايا كدا لي
معتز بزعيق شديد..اقفلي اخلصي ...جاتك القرف......وقام لبس بسرعه وخرج باقصي سرعه عشان يلحق صاحبو.....
كانت بيان قاعده تفرج عالتلفزيون وملفوفه في بطانيه كدا..الساعه جات ١ وهو لسه مجاش
بيان بقلق..هو اتأخر لي كدا....بدأت اقلق...هرن عليه......ورنت عليه و.......
كانت حبيبه ومعتز قاعدين برا ادام الاوضه وهو دخل اوضه في المستشفي.....
معتز واقف هيمو"ت من الرعب ع صاحبو وعمال رايح جاي في المستشفى
حبيبه بردو قلقانه بس ع نفسها اكتر من اللي كان ممكن يحصلها .....وكان معاها كل حاجة عمرو......رن الفون بتاع عمرو لقيتها بيان
حبيبه ردت..الو.....
بيان زعلت اوي لما سمعت صوتها..مين معايا
حبيبه..انا حبيبه يا بيان نعم.....
بيان دموعها نزلت انو كدب عليها وكمان بيخليها ترد مكانو يعني كانو بيقول لبيان هي حبيبتي ..هو عمرو فين
حبيبه بصوت عالي نسبيا..متسيبيه فحالو بقا يا شيخه من يوم ما عرفك مشفناش يوم حلو جاتك القرف....
انتبه معتز ليها وقرب عليها..نتي بتكلمي مين
حبيبه..دي الزفته اللي عمرو متجوزها....
معتز شد منها الفون..نتي معندكيش د"م....ورد هو ع بيان اللي كانت غرقانه في دموعها.....
معتز..الو يا بيان
بيان بصوت مقطع..هو عمرو فين يا معتز
معتز اتنهد..بصي امسكي بس أعصابك...هو عمل حاد"ثه
اتنفضت بيان برعب ونسيت حبيبه اصلا..اي..بتقول اي ..وهو عامل اي ونتو فين
معتز..اهدي عشان خاطري متندمنيش اني قولتلك...احنا في مستشفي ***
بيان جريت ع اوضتها..نا جيالكم حالا
معتز..تعالي مع السواق رني عليه هيجيلك متخرجيش لوحدك فاهمه
بيان برعب ع عمرو..حاضر حاضر..
معتز،،واوعي حد من اهله يعرف..متنسيش مرض عمك راضي
بيان..حاضر حاضر...سلام.....ولبست في ثانيه واحده ورنت ع السواق وجالها فعلا واخدها للمستشفى
حبيبه..هو نت بتقولها لي احنا ناقصين قرف....
معتز مش طايقها..بقولك اي نا اصلا مش طايقك
ضحكت حبيبه بسخريه..متطقنيش يخويا نا مالي بيك..انا بتكلم ان عمرو اصلا مبيطقش البت دي تقوم هتخليها تيجي
معتز..ونتي لي بقا واثقه اوي كدا انو مبيطيقهاش
حبيبه بغرور..عشان بيحبني انا وبس نا واثقه من كدا
معتز..طب ونتي بقا بتحبيه
حبيبه..اكيد طبعا بحبو
معتز..اومال بتخرجي مع حازم لي تاني ..انتو مش سايبين بعض قبل ما تكلمي عمرو
اترعبت حبيبه جدا..هو...نت بتقول اي
معتز بحده..حبيبه نا بس مقولتش لعمرو عشان ممكن يقت"لك ويق"تل حازم بتاعك دا ونا خايف ع صاحبي مش اكتر فاهمه
سكتت حبيبه ومبقتش عارفه تقول اي وبصت للارض وراحت قعدت مكانها
وصلت بيان وهي بتجري لحد معتز..هو فين يا معتز ونبي طمني عليه
معتز بيهديها..طب ممكن بس تهدي ...الدكتور لسه معاه جوه متقلقيش
بيان بتاخد نفسها بالعافيه وبتحاول تهدي نفسها..حاضر..ههدي اهو...ههدي
معتز بقلق..نتي كويسه
هزت راسها بيان وبتتنفس بصعوبه....
معتز..طب حاولي تهدي ظبطي نفسك واهدي ...اهدي
بدا نفسها يتظبط وهديت شويه ...
معتز..تعالي اقعدي عالكرسي دا ..واهدي
راحت قعدت عالكرسي جنب حبيبه
حبيبه بصتلها بقرف..يا دلعو
مردتش عليها بيان لان قلقها ع عمرو اكبر من انها ترد ع واحده زي دي.....
عدي الوقت وخرج الدكتور جريت عليه بيان ومعتز لكن حبيبه كانت بتكلم امها
بيان برعب..خير يا دكتور..جوزي مالو
الدكتور..متقلقوش ..هو بس كان إغماء نتيجه الخبطه وعندو جزع في رجلو مش اكتر
بيان براحه..الحمدلله
معتز كان بيبص ع بيان وشايف كمية الحب اللي في عنيها لصاحبو ومبسوط
معتز لنفسه..ياما نفسي تعرف كل واحده فيهم ع حقيقتها..عم راضي كان عندو حق بجد
معتز..طب ينفع ندخله
الدكتور..اه طبعا اتفضلو
معتز..طيب ادخلي نتي يا بيان ونا هنزل أحاسب واجي
بيان..ماشي ماشي....ودخلت بيان وكانت مدمعه خفيف وقفلت الباب وراها
عمرو كان بيظبط المخده وراه وشافها اتكلم بهدوء..تعالي يا بيان.....
بيان مقدرتش تمسك نفسها جريت عليه حضنتو اوي وعيطت بصوت بسبب خوفها عليه وكانت ناسيه حبيبه اصلا انها كانت معاه....
عمرو مبقاش عارف يعمل اي..بادلها الحضن تلقائيا واتكلم بحنيه..اهدي بس يا بيان ..متقلقيش يا حبيبتي نا كويس
بيان عيطت اكتر وبتتكلم بصوت مقطع..نا...كنت همو"ت...من الرعب عليك
عمرو ابتسم خفيف وغمض عينه باستمتاع من حضنها اللي حس فيه براحه شديده وغمض عينه واتكلم بحنيه..طب اهدي بس نا كويس والله
بيان بعياط اكتر..نا بحبك اوي يا عمرو
عمرو فتح عينه ومعرفش يرد عليها ...طبق ايده عليها اكتر وشدها شالها قعدها جنبو عالسرير ولسه حاضنها وفضل يمشي ايده ع ضهرها بحنيه شديده...خرج وشو من حضنها حاجه بسيطه وبصلها شويه في عنيها ..جالو احساس انو عاوز يبو"سها اوي...قرب عليها با"س شفايفها برقه وحنيه ومكنش قادر يمنع نفسو..وهي كمان مش قادرة تمنع نفسها عنو ..بعدها بشويه بعدو وبصلها بابتسامه وهي كانت مكسوفه اوي ودموعها لسه منشفتش من ع خدها...مسحلها دموعها بهدوء خفيف..
عمرو بهدوء وحنيه..اهدي يا حبيبتي
بيان مش مصدقه الكلمه..حبيبتك
عمرو لسه جاي يتكلم دخلت حبيبه اللي كانت مراقبه كل دا....
حبيبه بزعيق وعصبيه..الله الله يا عمرو..اي اللي نت بتعملو دا فهمني.....
بيان وافتكرت رد حبيبه عليها وكدب عمرو و......
يتبع...........
