رواية لست للبيع كامله
تعريف بسيط الشخصيات
هاي انا زينه عمري ٢٠ سنه مفروض اكون في جامعه بس ابويا رفض اني اكمل تعليم . من وجهه نظره ان البنت ملهاش الا بيت جوزها عادات وتقاليد عاش عليها هو وعيلته . ابويا جدا صارم وعصبي عليا انا واختي وامي . لكن اختي كان حظها حلو اتجوزت واتخلصت من تحكمات ابويا .
ابويا بيتحول لشخص مختلف تماما لما يشوف اخويا بدر بيكون طيب حنون ما بيرفضلوش طلب لانه بنسباله ولي العهد الي هيشيل اسمه
بدر شخص اتكالي كسوول اتعود علي تلبيه جميع رغباته
امي لاسف ما تقدرش تعترض علي كلام ابويا وقراراته كانت دايما تقولها حاضر
.
باقي الشخصيات مع سرد الاحداث 
.
.
.
بارت ١
في الصباح الباكر الساعه السادسه صباحا
ابو بدر وهو جالس علي السفره بغضب وصوت عاالي : سسساعه عشان تحضرو الفطاار خلصونااا
زينه بتوترر وخوف تركض باتجاه والدها : حااضر يابابااا جييت
ابو بدر بغضب : سااعه عشان تحضري الفطااار وتجيبي الشااي فاشله في كل حاجه يعني غوري من وشي يلا
ذهبت زينه بحزن وكسره نفس كعادتها
ابو بدر موجهها كلامه لام بدر : بنتك دي مش نافعه امتي يجي نصيبها ونخلص منها الشغاله احسن منها ميه مره
ام بدر : خلاص جيب شغاله وريحنا وريح روحك
عقد حاجبيه ونظر لها نظره استغراب : انتي اتجننتي يا وليه انا اجيب شغاله وبنتي موجوده امال لازمته ايه . تخدمنا وبس
ام بدرر وعالامات الاستياء تعلو وجهه من كلام ابو بدر لكن ما تقدرش تتكلم او تتعرض علي كلامه
دخل عليهم بدر : صباح الخير
تبدلت معالم وجه ابو بدر من الغضب الي ابتسامه عريضه عند رؤيه بدر : صباح النور اقعد افطرر يلا
بدر : لا يا حج هفطرر في الطريق عشان اتاخرت عالشغل
ابو بدر : ابني الي رافع راسي وشايل الشغل كله . ماشي روح ربنا معاك
خرج بدر من بيته مسرعاً
نظر ابو بدر لام بدر موجهه لها كلامه بابتسامه : كدا انا مطمن ان ابني هيمسك شركه ابوه واخيرا هيشيل عني الهم والتعب مفيش غير اخلص من البنت دي واجوزها اول وحد يجي يتقدم عشان نخلص ونرتاح من الهم
..........
خرج بدر من البيت و ركب سيارته وامسك هاتفه ورن عليها
بدر بابتسامه : فينك ياقلبي ؟
نوره : انا في الشركه انت الي فينك ؟
بدر : جايلك طيااره وحشتيني
نوره : وانت كمان ياروحي وحشتني يلا هستناك متتاخرش
..........
بغرفه زينه . دخلت عليها والدتها لتراها
ام بدر : متزعليش يا حبيبتي من ابوكي منتي عارفه هو طبعه كده
زينه وعلامات الحزن تعلو وجهها : يماما والله تعبت من طريقه تعامله معايا . هو ليه بيكرهني لدرجاتي انا عمري في حياتي ما رفضتله طلب ولا خالفت ليه امر حتى بعد ما قعدني في البيت ومخلانيش اكمل تعليمي رضيت
ام بدر : نفس الي عمله مع اختك وانتي عارفه رأيه في موضوع الجامعه
زينه والدموع تملاء عينها : تمام انا رضيت بس ليه بيعامل اخوويا غير ما بيعاملني والله نفسيتي تعبت حاسه كاني خدامه في البيت ده انا مقدرش انام علي كيفي ولا اقعد براحتي
ام بدر : مافيش حل غير انك تتجوزي وتمشي من البيت ده زي اختك وتخلصي منه يارب ان شاءالله يجي نصيبك قريب يا روحي
دفست زينه وجهها في حضن والدتهاا لتواسيهاا كعادتها
.......................
في شركه ابو بدر للمقاولات :
بدر يدخل الشركه ويدور بعينه علي نوره
( نوره سكرتيره في شركه ابو بدر )
نوره اول ما لمحت بدر داخل عليها : أهلا استاذ بدر اليوم عندك اجتماع الظهر
بدر بشموخ وهيبه : تعالي وريني جدول اليوم
يدخل بدر غرفه المدير وتدخل وراه نوره وتغلق خلفها الباب
بدر يلف يده علي خصر نوره : واخيرا بقينا لوحديناا
نوره : ابعد عني زعلانه منك انااا
بدر باستغراب : لييييه
نوره : يعني مقدرش اشوفك غير في الشركه انا
بدر : والله ابويا كان ملازمني الفتره الي فاتت علي طول . طلبات ومشاوير وانتي عارفه مقدرش اقوله لا وبعدين انا اخاف احد يشوفك معايا
نوره : لا انت خايف علي نفسك لحد يشوفك معايا انا الموضوع عادي بنسبه لي
بدر : خلاص يا روحي انهرده نطلع نتعشا سوا في اي مطعم تختاريه ايه رأيك
نوره بفرحه : بجد ياروحي . خلاص انهرده هجهز واستنا اتصالك بحبك
بدر بابتسامه عريضه : وانا بموت فيكي
الثاني من هنا
