رواية ليل وحنين ( حنين الليل ) كامله بقلم اميرة رمضان
انتي الميس الجديده بتاع ايان وتالين ..؟
رديت بعصبيه _كنت كنت الميس حاليا انا هعتزل التدريس خااااااااالص بسبب اولادك
=ليه بس
_اقولك اي ولا اي دي عيال قليله الادب مشافتش نص ساعه تربيه ي خويااااا ربيهم الاول وبعدين علمهم
_ اي ده هو انا عكيت الدنيا ولا اي انا اسفه بس حقيقي اولادك متربوش ماهو العيب عليكم اصلا سايبينهم كده في البيت ده كلو لوحدهم من غير متكونو معاهم
_=هما موجودين مع الداده وعندهم المربيه بتاعتهم وانا بحاول افضي وقت اني اكون معاهم
اتكلمت بسخريه _بتحاول لاء كتر خيرك والله
سلام انا بقا ومش عايزه فلوس الحصه وخليك كده حاول لحد عيالك ميروحو منك
فجاء سمعنا صوت بنته بتصرخ
_ بابااااااا الحق ي باباااااااا د*م
جري بسرعه يشوف في اي وانا بصراحه خوفت علي العيال جريت وراه ودخلت لقيت في دم كتير علي وش ابنه وبيتشنج جامد
ليل بصدمه : ايااااان في ااااي هو وقع
تالين ببكاء : لاء والله مث وقع
ليل شالو بسرعه وطلع علي المستشفي
وانا محتاره اعمل اي اروح وراه ولا اخلي بالي من تالين ولا اروح واغور بعيد عن العيله دي
(**ليل الحديدي 30سنه عندو ولد ايان وتالين تؤام 5سنين
**حنين محمد حسين 24سنه مخلصه كليه تربيه طفوله واول سنه ليها تشتغل )
تالين ببكاء وبراءه: هو ايان هيموت وانا هبقا لوحدي
اتصدمت من كلامها طفله عمرها 5سنين خايفه علي اخوها من الموت عشان متبقاش وحيده ي قلبي ي بنتي حضنتها وقولتلها
_ لاء يروحي ايان هيخف ده بس شويه دم وحشين الدكتور هيغسله وشه وهيبقي زي الفل
تالين ببراء: انا بحب اخويا اوي ومث عايزاه يموت
_ لاء ي قلبي مش هيموت بعد الشر عنه ادعي ربنا انه يبقا كويس وهو هيبقي كويس
تالين : ادعي ربنا ازاي مث بعرف
_ اي ده هو انتو مابتصلوش ولا اي
تالين : يعني اي نصلي
_ استغفر الله العظيم انتو عايشين في بيت كفره ولا اي بصي ي قلبي قولي يارب اشفي اخويا واحفظه
تالين : يارب اثفي اخويا واي تاني مش عارفه
_طب بصي انا هدعي وانتي قولي امين
تالين ببراءه : ماثي
(خدت تالين وطلعنا علي المستشفي نطمن علي ايان وطول الطريق بدعي وهي بتقول امين لحد موصلنا )
_ ياترا هما هنا ولا راحو مكان تاني
تالين : احنا بناجي هنا كتير
_ بجد
تالين : اه وعربيه بابا هناك اهي
_ طب الحمد لله متوهناش لو سمحتي فيه طفل جه من شويه عندو تشنجات متعرفيش هو في انهي مكان بظبط
الممرضه بذوق : تعالي معايا اوصلك عندو
_ تسلميلي ي قمر هتعبك معايا
وصلنا قدام الاوضه وشفت ليل قاعد حزين اووي مستني الدكتور يطلع يطمنه
تالين : بابا
حضنها ليل جامد وعيونه دمعت
كلمت ماما وعرفتها اني هتاخر
شويه والدكتور خرج
ليل بلهفه : ها يدكتور ابني عامل اي
الدكتور : انا قولتلك بلاش يوصل للحاله دي عشان ممكن نوصل لمرحله صعب فيها العلاج المرادي ربنا كرمه المره الجايه يعالم هيحصل اي ولازم ينتظم في المتابعه مع الدكتور النفسي
ليل بحزن : حاضر ممكن ادخل اشوفه
الدكتور : اتفضل
(طبعا انا الفضول هيموتني وعايزه اعرف ليه ايان حصلو كده وكمان ليل متقبل الموضوع كده بانكسار )
_ ي دكتور لو سمحت
الدكتور : خير
_انا اسفه هعطلك بس ممكن تقولي ايان عندو اي
الدكتور : هو انتي مين
_ انا الميس بتاعته فعايزه اعرف هو ماله
الدكتور : ايان عندو اكتأب حاد
_ نعااااام اكتأب اااااي طفل زي كده عندو اكتأب
الدكتور : عارف انك مستغربه ان طفل عندو خمس سنين يحصلو كده بس ياريتها جات علي كده وبس
ده وصل معاه انه بيجيلو تشنجات زي مشفتيه كده ومناخيرو بتنزف من شده الضغط النفسي اللي بيوصل ليه لما بيزعل
_ ياربي انا مش قادره اصدق طب هو علاجه اي
الدكتور : حاجه بسيطه خالص هو انه يحس بالامان يحس بالحنيه مش علطول خايف عايز حد يهتم بيه ويخلي بالو منه
ربنا يستر علي اخته لتبقي زيه بعد اذنك انا عندي حاله ضروري لازم امشي
(انا حاليا مصدومه ايوا يعني اي طفل عندو اكتأب حاد هو شاف اي من الدنيا لسه عشان يوصل للحاله دي )
خرجت تالين من الاوضه : ميس حنين ممكن تجبيلي اشرب
_ تعالي ي قلبي
(واحنا ماشيين جالي فضول اسألها عن كام حاجه )
_ لولو هو ايان حصلو ليه كده
تالين : عثان بكرا عيد ميلادنا
_ طب هو زعلان ليه ان بكرا عيد ميلادكم
تالين : عشان مفيش حد بيحتفل بيه زي اصحابنا في الحضانه رهف صحبتي بابا بيعملها حفله كبيييره وبيجبلها لعب كتيير اووي واحنا لاء
_ ي قلبي عليكي انتي واخوكي اي الحزن اللي انتو عايشين فيه ده طب وماما فين انا مشفتهاش خالص
تالين : ماما مثت
_ مشت علي فين
تالين : مث عارفه بس بابا بيقول ماتت
_ لا حوله ولا قوه الا بالله تعالي نروح عند ايان يابنتي ربنا يتولااااكم
