رواية حب مر الفصل التاسع 9 بقلم نسمه مالك
تكمله الفلاش باااااااااااك
نجلاء:مرت بينا الايام وخلفت من شهاب ولدين وبنتين ولانى محبتش ابوهم فعيالى كمان مكنش حبهم فى قلبى زايد اوى وبعد 13 سنه من جوازى قررت الأنفصال مبقتش قادره اكمل اكتر من كده بس شهاب مرضيش يطلقنى وقالى علشان ولادنا..قولتله خلاص هفضل على ذمتك بس مش عايزه افضل فى البلد اللى انت فيها وهسبلك الولاد تربيهم بمعرفتك ولو هما طلبو يشفونى معنديش مانع ....
وفعلا سبت الولاد وسافرت فرنسا قعدت مع اخت شهاب والبنات جت ورايا على طول وبعدهم ابنى اللى اصغر من عمر وفضلو معايا لكن عمر رغم انه كان اقرب واحد ليا من ولادى وديما كان فى حضنى الا انه مرضيش يجيلى ابدا ولا رضى حتى يشوفنى تانى وفضل مع باباه....وبقى عنيف اوى كده لانه شايف ان شهاب كان غلط دلعنى وحبنى زياده عن اللزوم ولا كان بيضربنى وكل طلباتى مجابه حتى لما طلبت ابعد نفذ طلبى ....
عمر بقى ديما يقول لشهاب انا مش هبقى زيك انا مش هغلط غلطك وهصلح اللى انت عملته مستحيل اخلى واحده تسبنى....ابنى مش وحش والله يا ام ندى واللى عرفته كمان ان ندى عجباه اوى بدليل انو مرقبها وعينه عليها طول الوقت فأرجوكى بحلفك بغلاوه بنتك متقفيش فى طريقه وسبيه يتجوز ندى....بكت بحرقه اكتر....هو متعلق بيها كأنها امه اللى هتبعد عنه.....
ناديه:لا حول ولا قوه الا بالله ...والله ما عارفه اقولك ايه بس اعذرينى دا كده يبقى عايز يتعالج الواد نفسويته تعبانه على الأخر وممكن يسود عيشه بنتى....وبعدين بقولك انهارده كمان كتب كتاب ندى يعنى مش هينفع..
نجلاء:هينفع يا ام ندى ....احنا جينا مخصوص نقولك على كل حاجه علشان تكونى على نور لان عمر هيكون هو عريس ندى انهارده...بس ارجوكى لو دا تم متحكيش لندى حاجه من اللى قولتهولك سبيها تعرف من عمر هو اكيد هيحكلها....انا واحده حبت قبل كده واكدلك ان لمعه عيون ابنى وهو بيراقب بنتك تدل على شده حبه ليها واحنا ديما هنكون عنينا عليهم والله ما تقلقى وندى هتكون زى بناتى بس لما الأمور تهدى واقدر اتعرف عليها فى اقرب فرصه ان شاء الله....ها قولتى ايه يا ام ندى....
ناديه:هقول ايه يا ام عمر....شوفى انا انهارده كتب كتاب بنتى لو فعلا عمر ابنك بيحبها زى ما بتقولى يبقى هو اللى هيكون جوزها الليله لو بقى مش بيحبها هيسبها تتجوز غيره.....مشيو من عندها واتجمع الأهل والقرايب وجت ندى ولبست فستان سيمبل لونه بينك ولفت طرحتها ومعملتش اى ميكب نهائى وقعدت فى اوضه الضيوف وطلع عمها والمأذون معاه ياخدو موفقتها ويمضوها ونزلو كتبو الكتاب فى الجامع بس مسمعوش صوت المأذون فى الميكرفون من صوت الناس الكتير اللى متجمعه عندهم لكن ندى كانت فى دنيا تانيه ووشها باين عليه الحزن والكل فسر انها حزينه على ابوها واخير اتكتب الكتاب والبنات زغرطت وطبعا دا عصب ندى جدا ووقفت ناديه مستنيه تشوف مين اللى هيطلع ياسر ولا عمر...ياسر هى عرفاه لكن ولا مره شافت عمر.... واخيرا طلع عم العروسه ووراه العريس...
علام:يله يابنات خدلكم ساتر كده خلى العريس يشوف عروسته يله يابت انتى وهى خدلكم جنب علشان الراجل يعرف يعدى لعروسته...وظهر العريس اللى طبعا كان عمر واللى اول ما ندى شافته وشها نور وامها متابعه رده فعلها بخوف بس لما لقت بنتها بلحظه كانت نطت فى حضن عمر تعيط بدموع وتضحك فى نفس الوقت وهو كأنه ما صدق خطفها فى حضنه ونزل بووووس فيها قدام الكل. فضلت تزغرط وتعيط كتييير اوى وتدعى لبنتها من قلبها ان يجعله زوج صالح ويسعدهم مع بعض ويجعل بنتها دوا لجرح قلب عمر اللى مش هيخف بسهوله....
نهايه الفلاش باااااااك
شوفت يا ابو ندى انا وفقت على الجوازه لما شوفت فرحه بنتك وقلبى انشرح للواد اول ما شوفته وان شاء الله ربنا يجعلهم عوض لبعض وسبب لفرحه قلب بعض يارب يابنتى بحق حبيبك محمد يارب تهدى سرها....
///////////
ندى:نمت شويه وصحيت على صوت المنبه على معاد شغلى...بصتله وهو رايح فى النوم وحضنى بأيده ورجله بوسته فى خده وقومت بالعافيه من حضنه مكلبش فيا كأنى ههرب منه....اتحركت نحيه الدولاب خت اختبار حمل من شنطتى كنت جيباه من كام يوم لما حسيت بأعرض جديده عليا وكمان اتاخرت بقالها اسبوع قولت اطمن واشوف فى حمل ولا لاء..... دخلت الحمام وانا حرفيا بترعش وعملت الأختبار اللى اكد ان الحمد لله فى حمل....ياااااه فرحتى متتوصفش وقولت يمكن الحمل دا يكون سبب فى قربى من عمر اكتر ويفرح قلبه زى ما انا هطير من الفرحه انى حامل منه وخرجت من الحمام بسرعه وانا ماسكه الأختبار وصحيت عمر ومسكت ايده وحطيت فيها الاختبار وانا ببصله بفرحه وبضحك من قلبى...بصلى وعيونه كلها نوم وقالى...
عمر:ايه عايزه ايه .....وايه البتاع اللى فى ايدى دا....
ندى:انا حامل!!!!!!
عمر:حامل؟؟؟امممممم مبروك....
واه قبل ما انسى والفرحه تاخدك اوى انتى طالق!!!!!
ورمى الأختبار من ايده على الأرض وكمل نوم......انا من الصدمه متحركتش من مكانى لفتره ودموعى حتى رفضه تنزل...فوقت على صوت خبط الباب وماما بتنادى عليا...
ناديه:ندى يابنتى هتروحى شغلك ولا اروح انا يا حبيبتى...قومت وحاولت اكون طبيعيه وفتحت الباب وخرجت وقفلته.
ندى:صباح الخير يا ماما احححم لا يا ماما انا مش هروح الشغل انهارده...خليكى معانا متروحيش بدرى كده...
ناديه:لا يا ضنايا سبينى اروح انا معرفتش انام خالص عايزه انام فى فرشتى ياندى...عايزه حاجه يا قلب امك...
ندى:استنى هلبس فى ثوانى واوصلك...
ناديه:وهى بتحضنى....لا والله ما تنزلى خليكى يا ضنايا انا مش هتوه متخافيش عليا ولما اوصل هرن عليكى على المحمول...يله ادخلى نامى شويه جنب جوزك ربنا يهدى سركم...انا دعيالك ياندى وعارفه انك صبوره وبنت اصول وبنت الاصول هى اللى بتحافظ على جوزها وبيتها فهمانى ياندى...
ندى:ببتسامه فاهمه يا ماما اطمنى يا حبيبتى...وطول ما انتى بتدعيلى هكون كويسه ربنا يديكى الصحه ويحفظك ليا يا ست الكل..مشيت ماما وقفلت الباب وراها ولفيت لقيت عمر واقف ورايا..
عمر:ببرود واستفزاز.....انا رميت عليكى يمين طلاق على فكره ممشتيش مع امك ليه؟؟؟؟
ندى:بأصرار وعزيمه......مش همشى يا عمر وانت هتردنى وهتفهمنى انت بتعمل كده ليه بالظبط؟؟وكمان عايزه اعرف انت ازاى اتجوزتنى لا وكمان ياسر اللى المفروض يكون هو العريس كان موجود وطلع سلم عليك وباركلنا!!!!ومن حقى اعرف على الاقل اسم جوزى بالكامل ايه؟؟؟؟وليه اختفيت 3 شهور ورجعت يوم كتب كتابى بالذات؟؟؟قرب منى بهدوء بس انا خلاص حفظت هدوءه دا هدوء ما قبل العاصفه وفى لحظه كان مسكنى من شعرى....
عمر:لو كنتى صبرتى ثوانى انا كنت هقولك من غير ما تسألى....تعالى....شدنى من شعرى اللى هيطلع فى ايده من قوه الشده لحد ما قعدنا على كنبه الصالون واخيرا ساب شعرى....واتكلم بغضب ممزوج بوجع انا حساه فى صوته...
عمر:نبدأ بكنت فين ال3 شهور اللى غبت عنك فيهم كنت مستنى اشوف هتستنينى ارجعلك فعلا ولا لاء.بصلى وغمزلى.انا واثق انى عجبتك بس لما لقيتك استعجلتى قولت ارجعلك بقى علشان اسود عشتك.
ندى:بغيظ.انا مستعجلتش ولا حاجه انا كنت بنفذ رغبه امى...خت نفس وسألته..وازاى اتجوزتنى؟؟
عمر:ازاى اتجوزتك!!!يوم كتب كتابك يا عروسه بعت قوه جابت عمك واللى كان هيبقى عريسك وقولتلهم انى طلبت ايدك من ابوكى قبل ما يموت وهو وافق...وبما ان عريس الغفله كان شغال فى المول وكان بيشوفنى هناك فكر انى شغال معاكم...وانا قولتله ان شغلى فى المول تمويه بغطى بيه على شغلى الحقيقى وانى كنت فى مهمه علشان كده اتأخرت انى اطلب ايدك من عمك تانى....لقيت عريس الهنا اعتذرلى تقريبا خاف على نفسه لحبسه وجه بارك وهنى زى ما حضرتك شوفتى كده...
ندى:بستغراب...بعت قوه؟؟؟قوه ايه..وتحبس مين وتمويه ايه...انت بتشتغل ايه بالظبط؟؟؟؟
عمر:هو انا مقولتلكيش....قرب منى ومسك ايدى وهمس قدام شفايفى....انا اسمى ... المقدم عمر شهاب الدين الفيومى.رواية حب حادق الحلقة العاشرة
بعد مرور اسبوع.......
..قلبى مبقاش ملكى..عمر امتلكنى كلى ...حبيته وعشقته رغم كل اللى عمله واللى بيعمله معايا..كنت ديما اسمع ابويا الله يرحمه بيقول... حبيبك يبلعلك الزلط وعدوك يتمنالك الغلط...وانا عندى استعداد ابلع كل الزلط اللى عمر بيحدفنى بيه..قدرى اقع فى حب
المقدم عمر شهاب الدينمش بس وقعت فى حبه دا انا كمان بقيت مراته وحامل منهاينعم هو رمى عليا يمين طلاق..لكن انا عمرى ما هبعد ولا
المقدم عمر شهاب الدينمش بس وقعت فى حبه دا انا كمان بقيت مراته وحامل منهاينعم هو رمى عليا يمين طلاق..لكن انا عمرى ما هبعد ولاهتخلى عنه...انا عارفه انه بيحبنى يمكن اكتر ما انا بحبه كمان...هفضل وراه بقلبى وحبى وهستحمل كل حبه الحادق لحد ما يعترف بحبه ويسلمنى قلبه وسعتها هدوقه الحب الحلومن ساعه ماقالى انه ابن صاحب المول اللى انا بشتغل فيه وانا معرفش عنه حاجه..بعترف انى غبيه ازاى افتكرت انه بيشتغل فى المول بكل الشياكه والحلاوه اللى هو فيها دى...بقالى اسبوع منمتش فى حضنه واحشنى اوى اوى بروح شغلى يمكن المحه هناك محولتش اسأل عليه المهندس شهاب ممكن يعرف ان فى مشكله بنا وانا مش عايزه اى حد يدخل بنا بزور ماما زى ما كنت بزورها بعلمه مرتين فى الاسبوع...وأدينى قاعده فى بيت جوزى مش هسيبه رغم انه طردنى منه قبل ما يمشى وقالى عايز لما ارجع تكونى مشيتى..لكن انا املى فى الله كبير وان شاء الله يرجعلى ويردنى انا واثقه من حبه ليا وشيفاه فى عيونه بس هو حبيبى حبه حب حادق
من ساعه ماقالى انه ابن صاحب المول اللى انا بشتغل فيه وانا معرفش عنه حاجه..بعترف انى غبيه ازاى افتكرت انه بيشتغل فى المول بكل الشياكه والحلاوه اللى هو فيها دى...بقالى اسبوع منمتش فى حضنه واحشنى اوى اوى بروح شغلى يمكن المحه هناك محولتش اسأل عليه المهندس شهاب ممكن يعرف ان فى مشكله بنا وانا مش عايزه اى حد يدخل بنا بزور ماما زى ما كنت بزورها بعلمه مرتين فى الاسبوع...وأدينى قاعده فى بيت جوزى مش هسيبه رغم انه طردنى منه قبل ما يمشى وقالى عايز لما ارجع تكونى مشيتى..لكن انا املى فى الله كبير وان شاء الله يرجعلى ويردنى انا واثقه من حبه ليا وشيفاه فى عيونه بس هو حبيبى حبه حب حادق