رواية نجاح الفاشلين الفصل الرابع 4 بقلم رحاب القاضي
_الحلقه الرابعه
ـــــــــــــــــــــــــــــــــــــــــــــــــ
_الكل كان اتجمع عشان يعرف مين اللي فاز
اسامه بغيظ_
اه بدانا بقا
وليد بسخرية_
اي ي عم اسامه مش عجبك اللعب ولا اي
اسامه بملل_
انا عاوز اخلص لأني مش فاضي لتهريج ده
وليد بهدوء_
هنخلص ي صحبي كلها كام يوم والتهريج او زي ما انت شايف هينتهي.... ودلوقتي هقول العقاب وهيبقي عباره عن خمسين مره ضغط
عمار بغضب _
لا بقي انت بتهزر
وليد باستفزاز_
فين الهزار في الموضوع
عمار بعصبيه رما الكرسي بغضب وبصوت عالي انا فاهم انكم بتكرهوني وعوزين تعقبوني بس انا مش هسمحلك ي وليد فاهم واعتبر اللي بينا خلص من بعد الهزله دي م تنتهي
وليد بحده_
العقاب عقاب ي عمار وملكش انت اي دعوه
عمار بسخريه _
انت عارف اني مش هسمح ليها تعملتنتهي وانت قاصد ده بس ماشي ي وليد هنفذ العقاب جايز تأنيب الضمير اللي حاسس بيه يهدا ونزل وبعصبيه مفرطه نفذ العقاب
سما بحزن_
اهدا ي عمار انت م اكلتش حاجه من الصبح وهيأثر عليك
عمار مكنش سامع لحد كان كل اللي بيفكر فيه انه شخص مؤذي ومكروه من الكل حتي حبيبته مبقتش طيقاه خلص وكانت ضريات قلبه سريعه جدا بس مهتمش وطلع علي اوضته
في الوقت ده ناني كان قلبها وكلها عليه بس قالت لنفسها انه يستحق واللي عمله فيها مش قليل وتبطل تزعل عليه لان حبها وخوفها كانوا هما السبب في انه ميخدش خطوه صح وشايف انه ضمنها
في الوقت ده كان خالد واسامه خلصوا واترمو علي الارض من التعب
ملك قربت منهم وجابت لكل واحد منهم عصير
خالد بهدو_
تسلم ايدك ي مالك معلش ممكن اطلب منك طلب
ملك _
اكيد طبعا
خالد بابتسامه_
عمار معاند ومش هيرضي ياكل ولا يشرب وتعبه صعب وبيأثر عليه فمعلش ممكن يسمع منك انتي خديلو اكل وعصير جايز يسمعلك
ملك بابتسامه لهتمامه بكل اللي حوليه
=حاضر
وراحت ملك جهزت الاكل والعصير وطلعت لعمار
خبطت علي غرفته بس مسمعتش رد
في الوقت ده كان عمار قاعد سرحان.. غصب عنه دمع لأنه حاسس بخنقه حاسس ان حد ربطه وانه مطلعش من الدنيا دي بحد هو مينكرش طيشه وقلت مسؤوليته بس ناني اللي عودته انها ديما موجوده وديما فتحاله حضنها حتي لو غلط كانت بتسامحه وكمان لما قالها انه مش قادر يجي ويتقدم اتقبلت عادي غمض عنيه بحزن لأنه غلط في حقها واستغل حبها غلط فاق من تفكيره علي خبط جامد فقرب من الباب وفتح
ملك بغيظ_
بخبط بقالي ساعه اييييي
عمار بهدوء_
معلش ي ملك مسمعتش الباب
ملك بتنهيده_
حصل خير عديني لما ادخل
بعد عمار عن الباب وسابه مفتوح
اما ملك حطت الاكل علي الكنبة وبابتسامه انا عارفه انك ما اكلتش من الصبح وخالد قالي انك هتعاند وهتتعب وتعبك ببقي صعب فعشان خاطري متحرجنيش لان هما وظفوني للمهمة دي
عمار بابتسامه _
غريبة من امته حد بيهتم بوجودي
سحبته ملك وقعدته ياكول وقعدة قصاده وبهدوء كلنا بنهتم ببعض بس بنكابر ي عمار وبنعاند علي حساب نفسنا كلنا عرفين غلطنا بس غرورنا مسيطر علينا... وبابتسامه دا انت اكتر حد محظوظ فينا ي جدع
عمار سخريه _
دا كلهم طلعوني شرير ومعنديش قلب واستغلالي
ملك وهي بتديله العصير....كلهم زعلنين لانهم بعتبرو ناني اختهم وكمان طول عمرها عقله ونضجه وبتحب الكل وهما شيفين ان اللي عملته وحش في حقها.....
عمار بتنهيده_
طيب واكتر واحد محظوظ ليه بقي ي حكيمه
ملك بضحكه _
عشان انت الوحيد اللي لقيت اللي تحبك بجد ولو طالت تديلك عمرها هتدهولك
عمار بندم_
نفسي اعوضها ي ملك
ملك _
هتعوضها ان شاءالله لأنك كمان بتحبها...هسيبك انا واجي القيك مخلص الأكل كله
عمار بهدوء _
شكرا ي ملك
ملك بابتسامه_
مفيش شكر ما بينا احنا اخوات وسبته وسحبت الباب وراها
نزلت تحت وكان الكل بيبصلها بتساؤل فبتسمت ورفعت ابهمها علي ان المهمة تمت
اتنهدت ناني برتياح
فتكلم وليد بجديه_
لما تتجمعوا هقول علي التحدي الجاي واتقفلت الشاشه
اسامه بجمود _
انا طالع الجنينة شويه.... وخرج بره
ناني بهدوء_
كلنا بنعاد وانانين في حق بعض خايفين نتكلم او نتأسف لنجرح كبريائنا
ملك بتنهيده_
كل حاجه هتتعدل بإذن الله
سما بتوتر بصت لملك_
ملك ممكن اسألك سؤال
استغربت ملك وخالد وناني لان سما من يوم المشكلة وهي طريقتها مع ملك بقت صعبه
ملك _
اكيد
سما بحزن _
ليه صدقتي اللي اتقالك رغم اننا طول عمرنا اصحاب وقريبن لبعض
غمضت ملك عيونها بألم_
مش عارفه ليه صدقت... جايز بسبب انك كنتي ديما بتتفخري بحالك وبأهلك... وبدموع او لما كنا في عيد ميلاد زميلتنا كامليا واحنا متجمعين عجبتني شنطة بنوتة فـ بقولها قد اي انها جميلة وجبتها منين فـ لما قالت المكان انتي بكل سخرية قدام الكل ضحكتي بصوت عالي وقولتي علي كده بقا ملك هتفضل تلم مصروفها عشر سنين قدام عشان تقدر تجيبها.......رفعت ملك عيونها لسما المصدومة... وبدموع ساعتها متعرفيش مدا الوجع اللي سببتهولي وانا شيفاهم كلهم بيضحكو عليا وكل اللي عنده كلمه مخبيها طلعها علي هيئة هزار كنت قاعده بتقطع وانتو مرعتوش ألمي ولا وجعي وانا شيفاكم بتتكلمو عني بكل استهزاء وسخريه....
عارفه يا سما انا عمري ما كرهتك بس كرهت وجعي وثقتي في نفسي اللي اتحطمت بسبب سخريتك اللي ممكن مكنتيش ملاحظاها
قلبي كان شايل حمل تقيل ووجع وانا بحاول علي قد ما اقدر اكون صاحبه مناسبه وتبطلوا تسخرو مني نزلت دموع ملك بقوه ومقدرتش تتحكم فيها انا فقدت ثقتي في نفسي بسببك ي سما عرفتي ليه بقي اول ما اتقالي انك اتكلمتي عني وعبتي فيا صدقت......قامت ملك بعد ما خلصت كلامها وطلعت علي غرفتها
اما سما كانت دموعها نزله بصمت كرهت نفسها مكنتش مصدقه ان سخفتها وغبائها وصل صحبتها للأذا دا كله فضلت تعيط وصوت شهقتها ذاد فقربت منها ناني بحزن واخدتها في حضنها وبنبرة خفيفة اهدي ي حببتي اهدي كل حاجه هتتظبط
خالد كان زعلان اوي علي ملك مكنش يعرف انها موجوعة لدرجه دي... اكتر حاجه مؤذيه ممكن تأذي الانسان انه يحس ديما في وسط اصحابه او اهله انه قليل
ــــــــــــــــ
بعد فتره الكل اتجمع كان فيهم المهموم واللي مش طايق يفضل وحاسس بالخنقة واللي تعب لان جروحه كلها اتفتحت واللي ضميرة بيأنبه
وليد _
دلوقتي هقول علي التحدي الجاي والتحدي دا محتاج تركيز كويس لأنها هتكون نقله كبيره لينا
وكمان هتفيد الشركة جدا
كلهم بصوله باستغراب
اسامه بتساؤل_
زي اي مثلا وغريبه يعني اشمعنا المرة دي جايب حاجه تخص الشركة
وليد بابتسامه _
لان التحدي دا هيحدد مين فيكم فعلا اللي يستاهل انه يكسب بس انا علي وعدي ان التلاته اللي هيفوزو في الاخر هما اللي هيمسكوا معايا ادارة الشركة
اسامه بسخريه_
مش غريبه شويه ي وليد تحط تحدي زي ده وانت عارف ان انا وخالد شغلين في البزنس
وليد بهدوء _
بالعكس حاسس ان اللي هيكسب حد تاني ومتنسوش ان عمار لماح غير انه شغال في البنك
اسامه بإعجاب_
فرجني
وليد بتحدي _
هكسر غرورك دا ي اسامه
حط اسامه رجل علي رجل ورجع بضهره لورا وبهدوء دا مش غرور ي صحبي دي ثقة
وليد بضحكه _
تمام
في الوقت دا طلع ملفين علي الطرابيزة
اخد عمار واحد واسامه اخد التاني
وليد بجديه_
موجود ثغرة في الملف الثغرة دي هتبطل الصفقة لو مكتشفنها ولو اكتشفناها يبقا ضمنا الصفقة
وبعدها اتقفلت الشاشة...
فضل كل واحد يحاول يكتشف الثغرة دي واسامه كان مستغرب لان الملف كامل متكامل
اما عمار فكان مركز هو وسما وملك كويس وعمار استغرب لأن الدنيا مظبوطه بس بعدها بص لتاريخ وابتسم
فضل الكل يدرس الصفقة ويحسب الميزانية ووقت الاستلام لغايت ما تعبوا
وليد بضحكه_
مالكو ي بتوع البزنس مش عرفين الغلط فين
عمار بجمود_
حط الملف علي الطرابيزة وطلع اوضته لأنه مكنش طايق حد
استغرب الكل لأنهم مش لاقين اي غلط حتي سما وملك مش فهمين هو عمل اي
اخد وليد الملف بعد ما وصله وضحك وقالهم بسخريه مش قلتلكم دا مش سهل طول عمره لماح اه شقي حبتين بس يجي منه جامد
اسامه باستغراب طيب قولنا العيب كان في اي وازاي عرفه
وليد بهدوء_
تاريخ الصفقة مكتوب 29 /2/2021 شهر فبراير
لان 2017 مش سنه كبيسه وبالتالى شهر فبراير 28 يوم
وكده يبقي اللي فاز فريق عمار وبضحكه والله الواد دا عجبني
خبط خالد علي جبينه لان الحاجات دي مش بيعديها ابدا والظاهر ان زعلة علي ملك خلاه مش مركز
اسامه بتفكير_
دي ضاعت مني خالص وبضحكه فاكر ي وليد لما الشلة بتعتنا عملت لغز وكان من اصعب الالغاز اللي حليناها
وليد بضحكه _
اه فاكر ويومها عمار فضل سهران لغايت ما حله عشان كده قلتلك انه هياخد باله بسرعه لأنه لماح وبيركز
خالد بهدوء_
فعلا عمار دماغه طول عمرها حلوه بس متسرع ولوله اللي عمله في ابن العميد لما عاكس ناني كان دلوقتي دكتور في الجامعه
سما بحزن_
كل واحد بياخد نصيبه والعدل اللي مش بيتحقق في الدنيا بيتحقق في السما
وليد بخبث _
دلوقتي وقت العقاب ي سكاكر
اسامة بتنهيدة_
اعتقوني انا تعبت
وليد بمرح_
بدري عليك ي اسد
اسامه بسخرية _
انت خليت فيها اسد ي خويا اشجيني العقاب نوعه اي
وليد بتفكير_
ندولي عمار الاول
خالد بضحكه_
والله انت مفتري م تعتقوه بقي
وليد_
تؤتؤ دا انا هربيه
نزل عمار في الوقت ده عشان يشرب وسمع وليد
دخل المطبخ وشرب واتكلم ببرود جيبين في سيرتي ليه
وليد بابتسامه_
بنحبك ي عم
عمار بجمود_
خير مين كسب
خالد بغمزه _
ومن امته حد بيقدرلك ي وحش
قعد عمار وبصله تمام كمل
وليد _
العقاب هيكون ان فريق ناني هيتمرن عقله وكل واحد هيعمل تلاتين واحده
عمار بزهق_
غمض عيونه ورما بدماغه لورا
اما اسامه فتح بوءه بصدمه
وخالد مسح علي وشه بغضب
اسامه بعصبية _
ي بني ادم إنت هو احنا اعدائك
خلص اسامه الكلمة الكلمة وترما علي الارض
مقدرش عمار يتحكم في ضحكته هو واللي قاعدين والمرا دي سما كانت بتبصله بجمود ومتأثرتش بوقعته
وليد بجمود_
تاني مره متعليش صوتك ويلاه اعملوا المطلوب منكم اما انتم ي بنات فعملوا اكل عشان يعيني هيبقوا هفتنين
قام اسامة بغيظ واتوعد بينه وبين نفسه ليرد لوليد كل اللي عملة
كلهم راحوا الجنينة وسخنو عشان يبداو
كانوا فهمين ليه وليد بيجيب العقاب ده لان كل عقاب قاله عملوه قبل كده ايام الجامعة والمدرسة وهو قاصد يرجع الذكريات..
الخامس من هنا
