رواية جبروت اخت زوجي الفصل الثاني 2 بقلم مصطفي جابر
حنان بغضب: مراتك عاوزة تخليني اخدمها و اطبخ معاها وهي عارفه اني تعبانه.
محمد بغضب: انا قولتلك ايه يا حور.
حور بحزن: كان قصدي تساعدني في التنضيف انا بجد اتهديت.
حنان بمكر: اتهديتي في ايه دا شغلك يا عروسة.
حور بدموع: حاضر يا محمد وانا هنا اللي خدامة تمام.
مشيت حور ومحمد بصلها وقال: يووه زعلت.
حنان بخبث: ولا زعلت ولا حاجه دا حركات بنات يا محمد.
محمد بخنقة: هطلع اشوفها.
حنان بسخرية: اطلع يا حنين.
طلع ورا حور لاقها قاعده علي السرير بتعيط قلبه وجعه: حوري.
حور لارد.
محمد راح مسك ايديها بحنان: انا اسف ممكن متعيطيش.
حور بدموع: انا عروسة يا محمد فاهم يعني ايه عروسه تصحيها الساعة ستة عشان تنزل تنضف وتعمل الاكل يوم صبحيتها و هي توافق عشان خاطرك وانت تيجي تزعق ليها و تقول انها خدامة.
محمد ب استغراب: انا مقولتش خدامة.
حور بدموع: مش لازم تقول اللي عملته معايا النهارده قال يا محمد انا معنديش اعتراض اعمل اي حاجه عشانك لانه اختارتك بس مش لدرجة انك تيجي عليا اوي كدا.
محمد بحنان: حقك عليا طيب خلاص والله انا اسف انتي عارفة اني لما بتعصب بقول اي كلام.
حور بصت له بحزن..
محمد بحب: خلاص بقا متنزليش وانا ياستي هتصرف حقك عليا انا غبي.
مسح دموعها وهي بصت له بتنهيدة وفي نفسها...: ياترا انت هتكون سندي ولا ايه ساعات اهمك وساعات احس انك مش بتحبني واوقات احس انك شاريني مبقتش عارفه حاجه لكن لازم اصبر واستحمل.
محمد خدها في حضنه: تعالي ياستي انا هحضرلك الفطار بنفسي و نامي بلا عزومة بلا غيرو.
حور ضحكت.
عند حنان...
حنان بغيظ: طلع وراها اهبل هتضحك عليه بكلمتين بس ماشي انا وراه وراه لحد اما كلامي هو اللي يمشي في البيت اه.
بتقرر تعمل حاجه.
بعد شويه..
بتطلع ليهم.
حنان بتخبط جامد..
محمد بفزع: في ايه بتخبطي كدا ليه.
حنان بخبث: قولت اطمن عليكم ونفطر سوا فين حور تجهز الفطار.
محمد بهدؤء: انا اكلتها ونامت و حور مش هتعمل حاجه دلوقتي فطري نفسك يا حنان سهلة.
حنان بصدمة: افطر نفسي وكمان مش هتعمل حاجه انت عارف انه ابوك موصيك عليا وتعمل فيا كدا ياخويا مكنش العشم لا.
محمد بهدؤء: يا حنان دي عروسة وانا غلطت لما نزلتها وانتي متنسيش انك في يوم كنتي عروسة.
حنان بغيظ: ها اه كنت ياخويا بس كنت بنزل من النجمة وجوزي قصدي طليقي معملش معايا ربع يلي بتعمله مع حور كان اهم حاجه عنده امه.
محمد بص لها بسكوت...
حنان باقتضاب: هنزل انا سلام.
نزلت وهي علي اخرها...
حنان في نفسها: وراكم وراكم بيقولوا الزن علي الودان امر مت السحر وانا عارفة مفتاحك يا محمد وهنشوف يا حور بس يانا يانتي.
بليل...
ام حور: مبروك يا ضنايا جوزك عامل ايه معاكي.
حور بابتسامة: كويس يا ماما.
ام حور: واخته الحرباية.
حور بضحك: ملناش دعوة بيها يا ماما يلا عشان نقعد مع محمد برا شويه.
ام حور باست دماغها: يلا ربنا يصلح لك حالك يا بنتي يا رب.
تاني يوم.
حور كانت قاعده بتاكل هي ومحمد بحب قاطعهم
صوت صويت: الحقني يا محمد البيت اتسرق.
محمد وحور نزلوا جري : في ايه يا حنان.
حنان بغضب: فلوسي اتسرقت مراتك سرقتني يا محمد.
حور بصدمة: انتي بتخرفي تقولي ايهه.
