رواية كيف اغفر الفصل الثامن وعشرون 28 بقلم يارا رشدي

رواية كيف اغفر الفصل الثامن وعشرون 28 بقلم يارا رشدي 

~ قبله ~

وبعد مرور ايام ..

تقلبت في الفراش وهي تغفو في النوم وعندما فتحت عينيها وجدت سليم يجلس امامها علي المقعد ضيقت بين حاجبيها باستغراب وهي تحاول استيعاب اذا كانت مستيقظه ام لا هتفت وهي تعتدل من الفراش :

سليم ؟

_ انتي شايفه ايه؟

_ بتعمل ايه هنا وازاي اصلا تدخل اوضه نومي وانا نايمه كده !!

_ الله يرحم زمان 

فهمت ما يقصده فهي كانت دائما تدلف الي غرفته، هتفت هي :

نعم عايز ايه ؟!!

_ تروحي تكلمي مع اشرقت وتحاولي تخليها ترجعلي وتطلع الطلاق من دماغها

_ وانا مالي؟ وبعدين انا مليش كلام ولا علاقه بيها علشان اتناقش معاها في موضوع زي كده 

_ طبعا ما انتي عاجبك بيتي يتخرب وتلاقيك فرحانه فيا

قالها هو بضيق لتقول هي :

لا فرحانه ولا زعلانه ولا موضوعك ده في دماغي اصلا انا واحده دلوقتي مخطوبه مفيش في دماغي غير خطيبي وحاجات تخصني يعني فستان فرحي هيبقي شكله ايه شقتي هتبقي ازاي حاجات من دي مش فاضيه علشان ازعل ولا افرح فيك مشغوله يا سليم 

_ اتغيرتي يا نيره واول واحد شوفتي عليه نفسك هو انا 

قال جملته الاخيره وهو يبتسم رغمآ عنه لتقول هي :

احنا لو اتكلمنا في مين الي اتغير هيبقي انت مش انا، انت الي جاي تكلمني وتقولي روحي اتكلمي مع اشرقت ومش عارفه ايه وبقالك فتره مركز معايا وحاطنني في دماغك 

تنهدت وهي تقوم بعقد ذراعيها امام صدرها هاتفه :

يا تري ليه يا سليم  ؟!

_ ده انت خيالك راح لبعيد اوي مين يا ماما الي مركز معاكي ؟! انا بس قولت انتي تكلميها لانك بنت زيها وتقدروا تتفاهموا مع بعض انتي بقي دماغك رايحه في اتجاه تاني وفاكره علشان معترض علي حسام ابقي بحبك ولا غيران عليكي لا صدقيني كل الحكايه اني مش ناقص فضحيه تاني من تحت راسك 

_ لا اقتنعتني يا سليم بجد اقتنعتني 

نظرت الي هاتفها عندما اصدر منه رنين لتجده حسام هتفت والهاتف في يديها :

سوري يا سليم مش هقدر اكلم اشرقت مبحبش ادخل في حاجات مليش دعوه بيها وبعد اذنك اتفضل علشان عندي مكالمه 

نهض من مكانه وهو يقول :

ماشي يا نيره 

رحل من الغرفه باكملها وصفع الباب بقوه انتفض جسدها وهي تنظر للباب هاتفه ‘:

براحه علي نفسك بس 

قامت بالرد علي حسام ليصل لها صوته وهو يقول :

سنه علشان تردي ؟

__________________

يجلس علي المقعد في الجنينه ويتناول كوب الشاي يحاول الاتصال بمريم اكثر من مره ولكنها لا تجيبه 

ارسل لها رساله نصيه قائلا :

ردي يا مريم متخافيش انا مفيش في نيتي اي حاجه تاذيكي 

قرات الرساله وعندما قام بالرن ردت هي هاتفه :

اخاف من ايه ؟! معنديش حاجه اخاف منها يا استاذ فادي ولا انت تقدر تاذيني تاني اصلا

_ لا هو انا من ناحيه اقدر ائذيكي فـ اقدر بس انا مش عايز اعمل كده 

_ ايه هتخطفني تاني مثلا !!

قالتها ساخره ليقول هو :

لا هروح اقدم فيكي بلاغ انك اتهمتيني بحاجات معملتهاش وارفع عليكي قضيه كمان ويكشفوا عليكي وكل حاجه تبان بقي 

_ انت بتهددني !!؟

_ اطلاقآ انا متصل بيكي علشان تعقلي اختك وتخليها ترجع لسليم 

_ مصممه علي الطلاق حياتها وهي حره فيها 

_ تتصرفي يا مريم وتقعني اختك ترجع بيت جوزها يااما هائذيكي فعلا بحاجتين هقدم فيكي بلاغ  وهعرف سليم ان انتي الي بعتي صور نيره في كتب الكتاب هستني منك اتصال تقوليلي ان اختك طلعت فكره الطلاق من دماغها 

قال جملته تلك ثم انهي المكالمه ..

نظرت مريم الي شاشه الهاتف بضيق وهي تلعن فادي ذلك …

اما فادي تناول كوب الشاي ثم قام برشفه هو يريد ان يتخلص من وجود سليم بالفيلا ..

يضايق نيره كثيرآ بكلماته …

_______________________

يقف خلف الباب يستمع الي حديثها بالهاتف مع حسام بضيق وغضب مكتوم ..

_ عارف  اول مره حد يتمسك بيا ويبقي عايزني وكمان يشوف كل حاجه وحشه فيا وميهتمش دي حاجه بنسبالي كبيره اوي يا حسام عمري ما هنسهالك ابدا

قالتها نيره بامتنان ليقول حسام :

ممكن بلاش اسمع منك الكلام ده تاني؟! انا بحبك فاهمه دي يعني مليش اي دعوه بحاجه غيرك انتي بس 

_ اوعي يا حسام في الاخر تطلع بتنتقم مني بسبب ريم هموت فيها والله قلبي مش هيستحملها 

قالتها برجاء ليهتف هو :

بردو يا نيره ؟ كل ده ولسه متخيله اني هنتقم منك 

_  خايفه كل حاجه حلوه قدامي تختفي زي ما حصل معايا قبل كده مع حازم بس الفرق ان حازم مكنش يفرق معايا كنت معاه بس علشان انسي سليم واغيظه في نفس الوقت لكن معاك انت الوضع مختلف انا بحبك ومش هقدر استحمل وجع منك بـ اي شكل كل الي حواليا وجعوني بابا وسليم وفادي مش عايزه يجي وجع منك زيهم 

قالت كلماتها تلك بآسي ليقول حسام :

مش هيحصل يا نيره والله ما هيحصل اي حاجه ثقي فيا ومش هتندمي وبعدين خدي هنا قصدك ايه بتنسي سليم دي هو انتو كان في بينكم حاجه ولا ايه ؟!

_ هو فادي مقالكش ؟!

_ لا مقاليش غير انه اتجوزك علشان يخلصك من ورطه كتب الكتاب 

_ هو مكنش فيه بينا حاجه يعني هو بس انا كنت متعلقه بيه شويه يعني من صغري وهو بيقولي لما تكبري هتجوزك كبرت والفكره دي كبرت في دماغي يعني كوبي من حكايتك مع ريم 

_ وياتري دلوقتي الفكره وهو طلعوا من دماغك ولا لسه ؟

قالها بتساؤل لتقول نيره :

طبعا خرجت من زمان كمان، سليم ايه الي افكر فيه ولا احبه يا حبيبي دي كانت مراهقه عندي ده انا كل ما افتكر اني كنت بحبه وبقوله اتجوزني وبحبك ببقي عايزه اولع في نفسي 

_ وكمان كنتي بتقوليله اتجوزني وبحبك لا دي حاجه حلوه خالص بجد 

قالها بحزن متصطنع لتقول هي :

يا حسام بقولك فتره مراهقه مراهقه 

_ ايوه انا عايز فتره مراهقه دي ترجع معايا مش معقول بقالنا كام اسبوع مخطوبين ومسعمتش منك ولا كلمه حلوه وهو كنتي بتقوليله اتجوزني وبحبك ياريت كلمه واحده لا الاتنين مع بعض 

ابتسمت وهي تقول :

لما تيجي فرصه مناسبه هقولك متستعجلش علي رزقك 

وفي الخارج يستمع سليم الي كلماتها تلك وهو يقول ساخرآ :

وحيات تالا يا نيره لـ اخليكي تجري ورايا تاني وانا هشوطك زي زمان والايام بينا يا نيره 

________________________

_ مريم بطلي تتكلمي معايا في موضوع ده قولت رجوع لسليم مش هرجع خلصنا 

قالتها اشرقت بانفعال لتقول مريم ;

انتي ليه عايزه تشيلني ذنبك انتي وتالا طول عمري ؟!

تدخلت والدتها وهتفت ;

سليم بيحبك كل يوم بيكلمني علشان اتكلم معاكي وترجعيله ملكيش دعوه بـ الي حصل لمريم متاخدهوش بذنب هو ملهوش ايد فيه ارجعي بيتك ولجوزك 

_ اعيش ازاي معاه واخوه عمل كده في اختي الوحيده !!

_ انا راضيه وهتعامل مع سليم عادي ولا كانه حاجه حصلت بس فادي لا طبعا ولو شوفته قدامي هديله بشوز القديمه فوق دماغه المريض ده

ثم تابعت وهي تجلس بجانبها :

بلاش تضيعي الحب الي بينكم بسبب حاجه هو ملهوش ذنب فيها

_________________________

انتهت من ارتداء ثيابها فـ حسام اخبرها انه سيآتي لزيارتها اليوم ..

تمكست بيديها احمر الشفاه ثم وضعته علي شفيتها وهي تحرك كتفيها وتقوم بالرقص وهي ترنم   :

علم علامه جوه قلبي سابلي بصمه، بسمه العيون ورسمه الشفايف شايف الحلاوه 

قالت كلمتها الاخيره وهي ترسل قبله هوائيه الي انعاكس صورتها بالمرآه 

نظرت الي تلك الدبله التي في يديها وهي تبتسم تشعر  بسعاده لم تشعر بها من قبل كل يوم تستيقظ من نومها وتتاكد من وجود الدبله في اصابعيها تخشي ان يكون كل ذلك حلم …

تتذكر كلماته وهو يخبرها انه يحبها ولا يريد احد سواها .. لاول مره تشعر انه فتاه مثل الفتيات ويوجد احد يحبها ويريدها .. 

وصلت اليها رساله منه مكتوب بها :

انا داخل علي الفيلا 

نهضت من مكانها ونظرت والقت نظره اخيره علي هيئتها بالمرآه ..

تضع في عينيها قلم تحديد العيون بالاضافه الي مورد الخدود واحمر الشفاه ..

تناولت ( اكسسوارت الشعر ) ثم قامت برفع شعرها الي اعلي ..

عدلت بلوزتها الحمراء الي ترتديها وهتفت :

كده تمام جدااا

_______________________

وصل حسام وجلس برفقه فادي وناديه الي ان تصل نيره …

وما هي الا دقائق حيث ظهرت نيره …

نظر اليها حسام باعجاب وهو يبتسم ليقول فادي :

يلا يا ماما خلي الناس تقعد مع بعض لوحدهم علي رواقه كده قبل ما سليم يجي ويقلبها نكد بوشه ده

_ عيب تقول علي اخوك الكبير كده

قالها ناديه بتحذير ورحل كلاهما ليقول حسام :

هو انا كل يوم هصحي القي الجمال ده نايم جمبي علي المخده ؟!

ابتسمت بتوتر وهي تقول ;

اتكلم كويس لو سمحت

_ ما انا بتكلم كويس اهو قولت ايه غلط بس ؟!

قالها وهو ينهض من مكانه ويجلس بجانبها لتقول نيره وهي تبتعد هاتفه بتحذير ;

حسام 

_ صوتك واطي مش سامعك وانا قاعد هناك 

قالها بجديه مزيفه لتقول هي :

لا يا شيخ 

_  ما تيجي نكتب كتاب علي اخر الشهر ده ونخلص ايه لازمتها الخطوبه الطويله دي

_ اخر شهر ايه لا طبعا انا محتاجه وقت كبير مش بسهوله دي 

_ لا بسهوله انتي الي مصعباها عليا وعلي نفسك مفيش حاجه في نيتي من الاوهام الي عندك متخافيش 

_ بس بردو يا حسام مش بسرعه كده يعني شويه 

اقترب منها وهو يقول :

هيحصلي حاجه لو استنيت اكتر من اخر الشهر يرضيكي يحصلي حاجه ؟

_ طيب هفكر 

لمس يديها قائلا :

عايز رد منك دلوقتي يا نيره موافقه كتب الكتاب والفرح اخر الشهر ولا ؟!

_ موافقه بس لو ملحقتش اخلص حاجتي يبقي يتاجل

_ لالا هتلحقي متقلقيش من ناحيه دي 

انهي جملته الاخيره وهو يطبع قبله علي خديها …

وفي نفس اللحظه ظهر سليم وهو يقول بانفعال :

ادي الي كنت خايف منه انتي ايه يا شيخه

حركت نيره راسها بالنفي هاتفه بتوتر :

انا معملتش حاجه

_ كلامك معايا يا باشا ملكش دعوه بيها 

قالها حسام بحزم ثم تابع بهدوء :

هدي اعصابك انت بس كده وروق

ونيره تقوم بتبرير ما حدث هاتفه :

انا كنت بتكلم معاه وهو عمل كده وكنت هتخانق معاه بس انت ظهرت في نفس اللحظه

_ نيره انتي بتبرري لمين الشئ ده ملهوش حاجه عندك هو مش ولي امرك روح يا حبيبي قول لعمها وخليه هو الي يجي يحاسبني ويحاسبها واطلع انت منها 

القي سليم نظره علي نيره وهو يقول بانفعال :

انتي ايه مش عايزه تنضفي ابدا هتفضلي واحده زباله كده لحد امته ؟! 

انهي سليم جملته تلك ليجد حسام يلكمه بقوه وحدث اشتباك بينهما والصوت ارتفع حيث وصل الي فادي وناديه

انهي فادي ذلك الاشتباك وهو يبعدهم عن بعض قائلا :

في ايه ؟!!

_ دخلت لقيت البيه واخد الهانم في حضنه وشغالين مسخره وقلت ادب

قالها سليم بانفعال لتقول نيره باكيه :

حرام عليك تفتري عليا كده 

_ ايوه سحي في الدموع واعملي الشويتين بتوعك المره الي جايه هاتوها من شقه الاستاذ ماهو احنا مش ورانا غير فضايح الست نيره 

_ حسام ايه الي حصل ؟!

قالها فادي ليقول هو :

بجد انا مش عارف في ايه قاعد مع خطيبتي بنتكلم لقيت اخوك داخل زي الثور الهايج كده وشغال يقول كلام مش كويس في حق نيره وامته هتنضفي وكلام سئ جداا ونزل فيا ضرب واول ما ظهرتوا طلع بكلام الغريب ده حضن ومش عارف ايه 

اطلق سليم لفظ وظله يسبه ليقول فادي بعصبيه :

كفايه بقي يا سليم وسيب نيره في حالها وريح نفسك مهما عملت الخطوبه مش هتتفركش ولا حسام هيسيبها 

خرج صوت ناديه وهي تقول :

ابوك لو عرف الي بتعمله ده مش هيسكتلك سيب بنت عمك في حالها وملكش دعوه بيها 

_ انتو هتصدقوا كلام الواد ده 

تجاهل حسام كلماته تلك ثم قال :

انا هكتب علي نيره النهارده واخر الشهر هيكون الفرح  وصدقني لو عرفت بعدين يا سليم انك ضايقت مراتي مش هرحمك 

يتبع…

التاسع وعشرون من هنا

تعديل المقال