رواية كيف اغفر الفصل الثاني عشر12 بقلم يارا رشدي

رواية كيف اغفر الفصل الثاني عشر12 بقلم يارا رشدي 

~   خذلان    ~

يقود السياره ويمسح وجه بقوه اثر الضربات التي تلاقها من حازم ونيره تبكي بصمت بجانبه ليهتف سليم :

لو الكلب ده مجاش اتقدملك فعلا زي ما بيقول انا هدبحك وادبحه 

_ لو في عنده نيه ميجيش مكنش قالك من الاول انه هيصلح غلطته 

قالتها نيره بصوت مبحوح وهي تمحو دموعها ليقول سليم بعصبيه :

اخرسي صوتك مش عايز اسمعه

اوقف سيارته في مكان هادي تمامآ وخرج منها تاركآ اياها بمفردها بها يشعر بالضيق والاختناق من كل شئ حوله حالتها التي راها بها عندما دلف الي الغرفه لا تفارق عقله ..

_____________________

يصرخ حازم بتالم وهو يقوم بتطهير الجروح في وجهه قائلا :

اخوك ده ايده تقيله اووي يا ساتر 

_ عملت كده ليه ؟!!

قالها فادي بجمود ليجيبه حازم :

حبيت اخلصك من الورطه يعني نيره هتبقي فاهمه انها سلمتلي نفسها بمزاجها والحكايه القديمه هيتقفل عليها خالص وانا هتجوزها وخلاص كده

_ معقوله تعمل كل ده علشاني ؟

قالها فادي ساخرآ 

ثم تابع بجديه :

ماانت كنت هتقدملها وتجوزها والموضوع هيخلص بردو

_ اهلك يا حبيبي عمرهم ما كانوا هيوافقوا عليا وبذات اخوك، انا بقي حبيت اضرب حجرين ببعض اخلصك من الورطه الي وقعتك فيها واتجوز نيره 

_ مش قادر اصدق يا حازم حاسس ان وراك حاجه 

_ بقي كده يا فادي بردو شاكك فيا بعد كل الي عملته ده !! ده انا يا جدع مرضتش المس البت مره تانيه وقولت كفايه الي حصل قبل كده مع انها كانت قدامي وكان ممكن اضعف بس انا معملتش كده علشانك 

_____________________

خرجت من السياره ثم وقفت بجانبه هاتفه :

الفجر اذن هنروح امته ؟ 

لم يجيبها بشئ فقط ينظر امامه بصمت تام لتقول هي :

عمو وطنط ممكن يصحوا في اي وقت ويتخضوا لما ميلاقوش حد مننا في البيت يلا نروح

وعندما لم تتلقي رد منه هتفت هي بنفاذ صبر :

يااخي بكلمك رد عليا متسبنيش كده بكلم نفسي 

التفت اليها ثم صفعها وجذبها من ذزاعيها بقوه وتحرك بها ناحيه السياره حاولت هي ابعاده عنها هاتفه ببكاء :

سيبني انا هروح لوحدي 

لم يهتم بكلماتها القاها بداخل السياره ثم استقلها هو وادار المحرك قائلآ :

مفكرتيش لحظه واحده وانتي بتسلمي نفسك بسهوله كده لواحد زباله زي حازم في بابا ولا ماما ؟!  مفكرتيش في الناس الي اعتبروكي ينتهم وربوكي وصرفوا عليكي ؟! 

_ انا مش عارفه ده حصل ازاي مش فاكره حاجه اصلا

قالتها باكيه ليقول سليم :

مفكرتيش فيا انا نيره ؟ ده انا وانتي صغيره كنت بخاف تخرجي لوحدك حتي لو اخر الشارع كنت بحاول احافظ عليكي من اقل حاجه وفي الاخر تضيعي نفسك بالشكل ده ؟! ليه يا نيره كده ليه 

_ لانك رفضتني زي بظبط ما بابا رفضني وانا صغيره وزي اخواتي حتي دعاء صحبتي الي مليش غيرها بقي ليها صاحبه غيري ورفضتني الدنيا كلها رفضتني يا سليم 

نظر اليها بصمت ثم قام بقياده السياره مره اخري .. 

وصل الي المنزل ثم دلف كلاهما اليه وكانت ناديه تجلس تنتظرهم ..

نهضت بلهفه من مكانها هاتفه :

كانت فين يا سليم ؟! ومال وشك !!

_ نسيت نفسها مع صحبتها ومحستش بالوقت اما الي في وشي عادي خناقه بسيطه يلا تصبحي علي خير 

قالها ورحل من امامها لتقول ناديه بلوم وعتاب :

كده بردو يا نيره تقلقيني عليكي بشكل ده 

___ __ _ _ ___ _ _ _ __ __

وفي صباح اليوم التالي 

_ من يومين كنت رافض انها تتخطب لحازم ونهارده عايز تجوزهاله وفي خلال اسبوع؟!! مش غريبه دي يا سليم ؟! وبعدين اخوك اصلا خطبها من عمك ولا نسيت؟

تنهد سليم وهتف الي ابيه :

لقيت نيره بتحبه وسمعت من براه انه اتغير 

ليقول شريف :

الي في وشك ده خناقه مع واحد صاحبك زي ما بتقول ولا مع حازم ؟!

_ وانا ايه الي هيخليني اتخانق مع حازم يعني 

هتف شريف بشك :

مش عارف بس حاسس ان في حاجه بتحصل ولازم افهمها 

_ مفيش حاجه نيره بتحب حازم خلاص حياتها وهي حره فيها 

_ انا مش هرمي نيره يا سليم لواحد زي حازم حتي لو هي كانت بتحبه وعايزاه 

هتف سليم بعصبيه واضحه :

لازم ترميها لان هي الي عملت في نفسها كده انا جايب بنت اخوك المحترمه امبارح في نص الليل من اوضه نوم حازم، وكويس اوووي انه وافق يتجوزها اصلا 

_ انت بتقول ايـه؟!!!!

________________________

تجلس العائله باكملها لتناوا الافطار ومن حين الي اخر ينظر شريف الي نيره نظرات غريبه لاول مره تراها من عمها الحبيب ..

نظرت الي سليم بخوف ايعقل ان يكون اخبره بشئ!!!

_ نتيجتي يا عمو هتظهر نص الشهر لو جبت مجموع حلو هتجبلي ايه هديه!!

رفع عينيه ونظر اليها قائلا ببرود :

معرفش ربنا يسهل 

_ هو حضرتك زعلان من حاجه ؟!! 

_ كلم صاحبك يا فادي وبلغه يجي النهارده بليل يتقدم لنيره وانا هحاول اقنع مراد 

_ مش لازم تعرفه ماهو راميها عندنا زي الزباله المعفنه من صغرها جاي دلوقتي يعمل فيها اب 

قالها سليم لتقول ناديه :

انا مش فاهمه حاجه هي مش نيره هتخطب لفادي؟!! 

حرك شريف راسه بنفي قائلا :

لا هتخطب لحازم واسبوع ويتجوزوا

وناديه تنظر باستغراب ولا تفهم اي شئ ..

_ انا زباله معفنه ؟

قالتها نيره وهي علي وشك البكاء ليقول سليم :

وحياتك الزباله انضف منك 

نظرت الي عمها تنتظر منه اي رده فعل اتجاه سليم ولكنها وجدته يتناول طعامه هتف فادي :

ما خلاص يا سليم لم لسانك في ايه؟

_ ماهو كله من تحت راسك 

قالها سليم ونهض من مكانه بغضب لتقول نيره وعينيها تلمع بالدموع :

هو حضرتك يا عمو زعلان مني في حاجه ؟!

ابتسم شريف ساخرآ وهو يقول :

وهزعل منك ليه يا نيره ؟

ثم تابع بجمود :

كتر خيرك يا بنتي حافظتي علي الثقه الي ادتهالك 

وكل شئ وضح امامها سليم اخبره بكل شئ ..

______________________

يحاول شريف اقناع مراد بزواج نيره من حازم ومراد مصمم علي الرفض ..

_ ابنك لسه طالب ايديها مني من يومين انت بتكلم ازي يا شريف ؟!

_ وهي مش عايزاه ايه هنجوزها غصب عنها ولا ايه حازم اتقدملها وهي وافقت خلاص متعقدش الدنيا 

_ انا ابوها ومش موافق البت لسه صغيره علي الجواز انا وافقت علي فادي علي اساس خطوبه كام سنه وبعدين تتجوز 

_ بنتك مش عايزه فادي الجواز مش بالعافيه 

قالها شريف بملل ليقول مراد :

يبقي خلاص اهي قاعده 

_ لا مش اهي قاعده انا شايل نيره عندي بقالي سنين ده غير انك كمان مبتفكرش حتي تصرف عليها وانا الي بصرف مش عايز الجوازه دي خلاص يبقي تاخدها تعيش عندك انا مش هقدر اتحملها اكتر من كده 

وفي الحقيقه هو كاذب، فـ نيره بنسبه له ابنته التي لم ينجبها .. ولكنه يريد ان يتم زواجها من حازم بـ اي شكل ويعلم جيدآ ان اخيه لم يوافق ان يجعل نيره تمكث معه ..

_ انت عارف ظروف البيت عندي متنفعش اخد نيره ولو بعتها عند جدتها هفتح علي نفسي ابواب مش هعرف اقفلها امال انا سبتها عندك ليه؟

_ يبقي خلاص تتجوز حازم 

__________________

_ حتي انت يا فادي مش عايز تتكلم معايا ؟!

قالتها بحزن ليجيبها هو :

هما اتفقوا علي كل حاجه يلا انزلي علشان قرايه الفاتحه 

قالها وكاد ان يرحل من امامها ولكنها منعته وهي تتمسك بيديه هاتفه برجاء :

انا مليش غيرك يا فادي بلاش تقلب عليا زيهم كفايه سليم وعمو 

ضيق بين حاجبيه وهو يقول 

_ انت الي عملتي في نفسك كده 

_ مكنتش في وعي هو غصب عليا اشرب وانا فضلت اشرب وبعدين مش فاكره حاجه والله يا فادي ما فاكره اي حاجه وازي ده حصل انت عارفني يا فادي تفتكر ممكن اسلم نفسي كده ؟! 

_ ملهوش لازمه الكلام ده دلوقتي يلا ننزل اتاخرنا عليهم 

______________________

_ اهلك ان شالله هيحضروا كتب كتاب ولا بردو هيكونوا مسافرين ؟!

قالها مراد بضيق ليجيبه حازم :

لا طبعا هيحضروا، انا عارف ان غلط جيتي بطولي كده بس انا خايف حد يجي ياخدها هي العروسه اتاخرت ليه كل ده ؟! 

اجابه سليم باقتضاب :

اهي نازله 

وبالفعل مرت ثواني وظهرت امامهم نيره برفقه فادي ..

تمت قراءه الفاتحه والاتفاق علي موعد عقد القران ..

وفي الليل

يقوم حازم بالاتصال بها ولكنها لم تجيبه نهضت من الفراش وخرجت من غرفتها ومن الفيلا باكملها ..

جلست علي احدي المقاعد الموجوده بالجنينه 

_ بتعملي ايه براه الفيلا ساعه اتنين بليل ؟! ايه متفقه مع حازم يجيلك ولا ايه 

قالها جملته الاخيره بسخريه لتقول نيره :

ارتاحت لما فضحتني قدام عمو ؟

_ كنت عايزاني اعمل ايه يعني اخليه ازاي يوافق علي الجوازه الزفت دي 

_ معاك حق هي فعلا جوازه زفت 

قالتها بحسره واضحه ليقول سليم :

تؤ تؤ متقوليش كده ده انتي حتي هتاخدي زوما  حبيبك الي بتحبيه 

– انا مبحبش حد غيرك، علاقتي بحازم بس علشان اغيظك وانساك

_ لا بصي كلام الحب وبحبك يا سليم مش عايز اسمعه منك تاني لاني مش باخد بواقي غيري مهما كان يا نيره مش هتجوز ولا احب واحده انا جايبها من اوضه نوم واحد وصلت ولا ايه ؟

يتبع…

الثالث عشر من هنا

تعديل المقال