رواية حكاية روح كامله

رواية حكاية روح كامله 

كرهت كل حاجه كرهت الدنيا كرهت اهلي مكانش ليا حد يحبني كان نفسي في اب يحتويني او صاحب يقف جمبي كان نفسي بس حد يسمعني ياخدني في حضنه لما اعيط حجات كتير كان نفسي فيها اتحرمت منها كان كل حاجه بتقولي ابعدي وانا الي كنت متمسكه علي امل ان حد يحبني ويحتويني بس كله سابني لوحدي كل الدنيا جت عليا والنهارده انا في الحاله دي بسببهم ومحدش سائل عني

༺༻༺༻༺༻༺༻༺༻༺༻༺༻༺༻༺༻

نبدا الحكايه ونقول

(روح بطله الروايه روح دي بنت جميله جدا بمعني الكلمه عيون عسلي وشعر ممزوج من اللون الاسود والبني وبشره بيضه انف صغير وشفاه ورديه)

(ماهر دا والد روح بشره قمحيه وعيون سوداء وشعر اسود)

(هدير والده هند بشره بيضاء عيون عسلي وشعر بني وكانت جميله جدا روح واخده كل شكلها ما عدا لون شعرها)

༺༻༺༻༺༻༺༻༺༻༺༻༺༻༺༻༺༻

نبدا الحكايه بتعرف هدير وماهر

ماهر كان في رابعه كليه تجاره انجلش وهدير كانت في سنه تانيه تجاره انجلش

هدير كانت جميله جدا كان كل شباب الجامعه بيحبوها وهيا مكنتش بتحب ولا واحد ومكنتش بتدي ل حد اهتمام لحد اما قابلت ماهر ماهر اول ما شافها اعجب بيها جدا لانها كانت جميله جدا وحاول يكلمها كتير لكن هيا مكنتش بتديه اي فرصه خالص لغيت اما اخلص ماهر الكليه واتخرج وكانت هدير داخله تالته كليه

ماهر اول ما اتخرج بدا يدور علي شغل عشان يجهز شقته وهدير كانت كل تركيزها في الدراسه

بعد سنه ونص كانت هدير خلصت الترم الاول سنه رابعه كان ماهر خلاص جهز الشقه فاضل حجات بسيطه زي الدهان والحجات الاخيره وراح اتقدم ل هدير

هدير ايام الجامعه كانت بدات تعجب ب ماهر رغم انه مكنش علي قدر من الجمال زيها بس حست بمشاعر ناحيته ووافقت هدير وعملوا الخطوبه بعد امتحانات الترم الاول من سنه رابعه والفرح كان بعد ما خلصت سنه رابعه ب شهرين

بعد ما اتجوز ماهر وهدير كانت الحياه بينهم جميله جدا وكانت الحياه مستقره بينهم ولاول مره حملت هدير

ولكن في الشهر الثالث من الحمل اكتشفت حاجه صدمتها وهي ان ماهر بدا يشرب سجاير حاولت تمنعه اكتر من مره وهو مكانش بيوافق واتجاوزت ان بيشرب سجاير وقالت مش مشكله لدام ما بيشربش حاجه تانيه نعديها وهو قالها مش هشرب حاجه غيرها وللاسف صدقته

جه اول حمل وسقط مكملش لان هدير كانت ضعيفه جدا وعدا ماهر الموضوع

وجت حملت للمره التانيه بعد سنه من الجواز وللاسف سقط بردك في اخر الشهر الثاني

طبعا راحوا كشفوا والدكتور قال انها صعب انها تحمل والحمل يكمل بسبب مشاكل عندها في الرحم

في يومها هدير زعلت جدا وحملت بعدها يجي مرتين وبردك سقطتت لغيت اما فقدت الامل

وعدا ثلث سنين وجت هدير حملت وخافت ان الحمل يسقط المره دي كمان لكن المره دي تابعت مع الدكتور اول باول وادها علاج لتثبيت الحمل وفعلا الحمل ثبت وعدا الشهر الثالث

طبعا ماهر ده كان عنده اربع اخوات ثلث ولاد وبنت واخواته كان كلهم الي جايب ولدين واخوه كان جايب ثلث ولاد واخته كانت جايبه ولدين وبنت ف كان عايز ولد وقال ل هدير لو مش ولد ف انا مش عايزه

هدير زعلت جدا وحصل خناق بينهم ازاي ترفض نعمه ربنا دا انا ما صدقت ان عدا اربع شهور والحمل ثابت ما صدقت اخيرا هبقي ام

قالها هو دا كلامي لو مطلعش ولد ف هتنزليه

طبعا هدير الكلام نزل عليها زي الصاعقه ازاي هنزل ابني او بنتي

وهدير معرفتش ولد او بنت غير في الشهر السادس كانت كل مره تاجل معرفه نوع الجنين وطلع الجنين بنت طبعا معرفتش ماهر عشان ما يخلهاش تنزله وخصوصا ان تنزيله في الشهر السادس صعب وممكن تموت فيها وكملت من غير ما تعرفه نوع الجنين

لغيت اما جه ماهر راح معاها مره عند الدكتور وكان بيسال الدكتور حال الطفل ايه قاله الطفله بخير قاله تقصد اي هو الجنين بنت ولا ولد قال لا الجنين بنت

طبعا في يومها اما روح جن جنونه وتناه يزعق ل هند قالها انتي كنتي تعرفي انها بنت صح قالتله اه قالها ومقولتليش لي

قالتله بكل حزن وانكسار وخيبه امل لانك مكنتش هتخليني احتفظ بالطفل لانه بنت وانا ما صدقت اني هبقي ام لي تكسر فرحتي اني ابقي ام لي

في يومها جن جنونه وضربها لدرجه انها وقعت علي بطنها وسابها ومشي وهدير فضلت تعيط جامد انها ازاي حبت انسان زي ده ازاي حبه انسان عايز يقتل بنته حته منه وحطت ايدها علي بطنها انا عارفه يا بنتي انك ممكن تتعذبي في حياتك بس انا نفسي ابقي ام

وعدا اليوم وجه في نص الشهر السابع كان اتخانق معاها تاني

وكل يوم يتخانق معاها ويضربها عشان الجنين ينزل بس منزلش

جت اخر الشهر السابع وحست بوجع جامد في بطنها قالت ل ماهر قالها مش هروح في حته رنت علي اخوها

هدير عندها اخين واحد مات وهو صغير والتاني لسا عايش واصغر منها ولسا اعزب

في يومها هدير رنت علي اخوها انه يلحقها وفعلا اخوها جه وراح بيها علي المستشفي وفي يوممها الدكتور قال لازم تولد النهارده والا الطفل هيموت

في يومها هدير قالتله خلاص ماشي ولدني دلوقتي

الدكتور قال بخوف انتي ممكن تموتي لو ولدناكي دلوقتي

قالتله مش. مهم انا المهم بنتي

وفعلا دخلوها العمليات وولدت والحمد لله هدير مامتتش

صادق اخو هدير

انتي كويسه دلوقتي يا هدير

جاوبته هدير بوجع

اه يا اخويا كويسه بنتي فين

راح صادق جاب بنتها وجه هاا هتسميها اي

جاوبته هدير بوجع وخوف علي الي هيقابل بنتها هسميها روح

اعجب صادق باسم روح جدا وقالها تمام اسم حلو ومن هنا بدات حكايه روح

واستوب لحد هنا

الثاني من هنا

تعديل المقال