رواية يونس وبنت السلطان كاملة بقلم سعاد محمد سلامة

رواية يونس وبنت السلطان كاملة بقلم سعاد محمد سلامة

الأول

البدايه نجع الهلالى بسوهاج

سنة ١٩٩٥

.....ــــــــــــ،،،

ليلاً

أثناء عودته من القاهره الى سوهاج بسيارته الفخمه فى ذالك الوقت

نظر الى تلك الزجاجه الفارغه وهو يشعر بالعطش الشديد فجأه كأنه ظمأن منذ عِقد من الزمن

كان على مشارف النجع الذى يقطن به توقف بسيارته عندما رأى مجرى نيلى قريب يستطيع النزول اليه عن طريق بضع درجات حجريه

نزل من السياره لكن أوقفه شىء للحظات وهو ينظر

الى ذالك المجرى القريب

فتاه ذات شعر طويل الى ما بعد خصرها بكثير أسود للغايه ناعم ولامع كالحرير

تلملم خصلات شعرها بيدها وتلبس حِراماً(شال أو طرحه كبيره )

رأها

تضع هذا الحِرام المبلل من الماء تلفه على رأسها وتخفى به وجهها

لا يعرف كيف أقترب من الماء ونزل الى المجرى وحين تقابل ووجهها معه لم يرى سوى تلك السوداويتان اللامعتان بضوء القمر

شعر كأنه أرتوى أختفى شعور الظمأ لديه

أنحنى ليقوم بغسل وجهه بالماء ولكن حين رفع رأسه لم يراها

تلفت يميناً ويساراً عينه تبحث عنها لم يجدها

أنحنى مره أخرى يُلقى الماء على وجهه هو كان يحلُم أم كانت حوريه من الماء أختفت حين رأته

......ــــــــــــــ،،،

بعد قليل

عادت الى المنزل لتستقبلها والداتها قائله بضيق ساخره

رجعتى بدرى

ضحكت قائله خلصت ضم القمح بدرى قولت مالوش لازمه أسهر كتير بكره أبجى أدرسه أما الشمس تبجى جويه وتحمصه شويه وكمان فى كذا فلاح موصيين عليا أدرس لهم القمح بتاعهم

قولت اجى وكمان هنزل السوق بكره بدرى أبيع القُلل والطواچن والمزارع الفُخار الى ستى حلميه عملتهم فجولت مبدهاش سهر وجيت

أريح چسمي شويه علشان أجدر أواصل

ردت نواره كويس أنك عارفه أن لجسمك عليكى حق

ريحى نفسك شويه أن لبدنك عليك حق

ضحكت قائله أوامر نواره السلطان تتنفذ انا هدخل أنام بس ابعدى البت يُسر عنى دى بت رخمه جوى

أبتسمت نواره تقول لأه متخافيش هى أتخمدت من بدرى كان أخر أمتحان لها النهارده وما صدجت خلصت

ردت رشيده ربنا ينجحها هى وصفوان والله بيصعب عليا چامعته فى اسيوط وكل يوم سفر ساعتين رايح وساعتين چاى فى القطر يلا ربنا يوفقه ويبقى وكيل نيابه قد الدنيا كيف ماهو عايز

ردت نواره وأنتى أمتى هتعيشى حياتك

ردت بأستغراب قائله ما أنا عايشه أهو

ردت نواره لاه منتش عايشه أنتى شايله هم كبير على جلبك جولت لك بيعى حتة الارض دى وبتمنها نشتري فدانين كيف ما عمك عمل

ردت رشيده بحزم أنا مش هبيع الأرض الى سال دم أبويا وهو بيحافظ عليها من أيد أبن الهلالى

ردت نواره وهى تقترب تحتضنها لسه الأنتجام فى جلبك أنا خايفه عليكى منه بيجولوا فى البلد أن أبن الهلالى التانى راجع ودا مش زى راجحى بيجولوا أتعلم بره مصر أكيد هتبجى بحوره غويطه وغميقه

ردت رشيده بحزم وشجاعه وأنا مش خايفه منه وهفضل واجفه لهم وعمر أرض أبويا مهتكون من ضمن أملاكهم الأ بموتى

تنهدت نواره بقلة حيله

لتخلع رشيده ذالك الحِرام من على رأسها

أخذته منها نواره قائله مبلول برضو مش هترجعى غير لما يجيلك ألتهاب رئوى أو حاجه من النيل تلبس چتتك دول فى النجع بيجولوا عليكى مخاويه چني من الميه بسبب الناس الى شافوكى واجفه فى النيل بالليل

وبيخافوا منك وأنا خايفه الكلام ده يوجف حالك ومتتجوزيش

ضحكت قائله يجولوا الى هما عايزينه وأنا مش فى دماغى جواز

ردت نواره أمال فى دماغك أيه

ردت رشيده انتى عارفه الى فى دماغى هو علام صفوان ويُسر وبس

ردت نواره لا وكمان تار حسين انا عارفه انه فى دماغك انسى يا بتى وسلمى امرك لله وربنا ينتجم منهم وهو ربنا أنتجم من الجاتل ومات مجتول ولقوا جثته فى النيل وبيقولوا ان الى جتله چنى من الميه بسبب العلامات الزرقه الى لقوها على رقابته وجالوا انه مش يد بنى أدم

ربنا منتجم

ردت رشيده أنا عايزه أنام هتسيبنى انام ولا هتفضلى تتحدثى معاى

ردت نواره لاه هسيبك وادعى ربنا يشيل من قلبك وعجلك الحقد والأنتقام

تصبحى على خير.

.....ـــــــــــــــــــ،،،

دخل يونس الى الدوار

كان فى أستقباله العائله بأكملها

لتأتى أليه والداته تحضنه وتقبله قائله واحشنى يا ولدى

أبتسم وهو يحضنها قائلا وأنتى أكتر يا أماى

أبتسمت نفيسه زوجة عمه بسخريه

تهمس أماى لسه بتعرف تتحدت صعيدى مع أنك بجالك أكتر،من عشر سنين بعيد عن أهنه

ولكن أظهرت المحبه وهى تقترب تشده من حضن نرجس وتحتضنه قائله ولدى حبيبي واحشنى كتير غيبتك طولت لما كنت بتكلمنا فى التلفون كنت بجولك أرچع يا ولدى عشان تكون سند لواد عمك الله يرحمه مات غدر

لتدعى البكاء وتشهق بحرقه وهى تغمز لأبنتها بفعل مثلها

لتبكى هى الأخرى

مسد يونس على ظهر زوجة عمه قائلا كل شىء قدر يا مرات عمى وأدينى رجعت تانى

أقترب عمه غالب ليأخذه بحضنه قائلا مرحب بيك يا ولدى والله أنت عندى كيف راجحى وياسمين ولدى زيهم

وأنت عوض عن الى راحلوا

أقترب عواد عمه الثانى يحضنه هو الأخر قائلا مرحب بيك عايزك ترجع للهلاليه قوتهم وسُلطتهم الى نقُصت من بعد المرحوم راجحى

ردت نفيسه قائله هيبة الهلاليه باجيه مع ولادها ويونس هيرجعها أقوى بأذن الله

أبتسم يونس

أقتربت نرجس من ولدها قائله يونس قد أنه يكون كبير نجع الهلاليه كله ويقدر يركع البلد كلها من تانى للهلاليه بس هو متعلم وهيحكم بالحق مش بالباطل ولا بالأفترى والتكبُر والتجبُر على الخلق

أبتسمت نفيسه ساخره ترد الناس فى النجع ملاعين نسيوا مين الهلاليه وعاوزين الى يفكرهم ولازم ينساقوا بالكرباچ كيف زمان

رد يونس أنا رجعت وكل شىء هيرجع زى الأول وأفضل كمان بس بالعقل

أبتسم غالب وربت على كتفه أنت أمل الهلاليه يا ولدى ربنا يوفجك

أبتسم يونس بود ليرى ذالك الصغير ذو السبع أعوام يقف جوار الباب ينظر أليه خائف يقترب منه

ليبتسم يونس ويذهب الى مكان وقوفه

ليخاف الصغير ويذهب ليتخبأ خلف نرجس

تعجب يونس من فعلته ولكن ذهب أليه وجلس على ساقيه ومد يده يجذبه قائلا أنا يونس الهلالى وأنت مين مش هنتعرف

خشى الصغير منه ورد برجفه أنا يونس راجحى الهلالى

أبتسم يونس قائلا وأنا كمان لازم أنت النسخه الصغيره منى جذبه يونس لحضنه بحنان قائلا أنا أبقى عمك وأنت على أسمى لازم نكون صحاب

شعر الصغير منه بحنان ليلف يده الصغير يحتضنه بألفه

أبتسمت ساره وكذالك نفيسه فربما بهذا الصغير تعود لهن السُلطه والتحكم فى العائله.

أبتسم غالب قائلا أكيد يا ولدى تعبان من السفر وجاى من القاهره لهنا سايق أكتر من ست ساعات أنت ليه مجيتش فى القطر كنت ريحت نفسك من السواقه

أبتسم يونس أنا معنديش خُلق للقطر الى بيقف كل شويه فى محطه

بس أنا حاسس بشوية أجهاد هرتاح وبكره الصبح هبقى كويس

ربت غالب على كتفه قائلا تعالى نتعشى وبعدها أطلع أرتاح براحتك كل شىء يتأجل الأهم راحتك

رد يونس والله أنا مش جعان بس وحشنى لمتنا عالأكل كيف زمان

أبتسم عواد يقول خلونا نتعشى وبعدها أبقى أرتاح وكمان أنا بكره هسافر القاهره أتابع ترشيحى لأنتخابات مجلس الشعب دى الدوره التالته ليا لو فوزت بها هبقى عضو دايم فى المجلس ونرتاح بقى من الأنتخابات وزهقها

أبتسم يونس ربنا يوفقك يا عمى خلونا نتعشى

دخل الجميع الى غرفة السفره

ليجلس كل فرد على مقعده

ليتخلى غالب عن رأسة الطاوله ويقف يقول تعالى يا يونس أقعد هنا من الليله أنت كبير العيله ورئيسها ولازم تقعد على رأس السفره

رد يونس مش معقول وحضرتك موجود يا عمى وبعدين الكبير مش لازم يبقى هو الى على راس السفره

أتفضل أقعد مكانك يا عمى أنت كبير عيلة الهلالى وأنا من وراك مش من قدامك

أبتسم غالب بغصه فولده الحقيقى لم يفعل ذالك يوماً منذ أن أصبح هو عمدة النجع

فأشياء بسيطه قد تعطى معنى للأحترام

...........ــــــــــــــ

بعد قليل بغرفة ساره

أرتدت أحد قمصانها العاريه ذات اللون الكستنائى وقفت تنظر لأنعاكسها فى المرآه

رأت صوره لأمرأه جميلة عاشقه لهذا اليونس منذ صغرها ولكن أمتثلت لقرار أو أمر والداتها بالزواج من راجحى لأنه الأكبر وألأكثر سُلطه فى العائله لا تنكر عدم حُزنها حين علمت بموته فهى لم تكن يوما له أى مشاعر خاصه حتى حياتهم الزوجيه كانت مختصره على الفراش فقط ودون مشاعر منها

حتى أنها كانت تخشى قُربه منها معظم الوقت بسبب عنفه معها التى كانت تبغضه

ولكن هل أن الآوان أن تحصل على عشق من عشقته من صغرها

وقفت تعبث بخصلات شعرها تبتسم وتتنهد بشوق ولهفه قائله المره دى هتكون من نصيبي فات على موت راجحى سبع شهور وأكيد عمى غالب مش هيسمح أن أبن أبنه يعيش من غير حماية كبير العيله

بس مفيش مانع أنى أصبر شويه.

.......ـــــــــــــــــ،،

جافى عينيه النوم يتقلب بالفراش رغم أنه مُتعب من الطريق لكن لم يقدر على النوم

يفكر بصاحبة تلك العينان

هى حقيقه أم خيال

فتح باب شرفة الغرفه تخيلها أمامه تقف بين زهور الحديقه بنفس التلثيمه على وجهها

أغمض عينه وفتحها مره أخرى لم يراها

حدث نفسه ساخراً أيه يا أبن الهلالى أنت هتجنن ولا أيه أيا كانت حقيقه أو خيال شَغله تفكيرك ليه

أنت عندك مشاغل هنا كتير ولازم تكون قدها مش تقعد تفكر فى واحده الله أعلم حقيقه ولا خيال.

...........ـــــــــــــــــــــ،،،

بعد مرور عدة أيام

على طاولة الفطور بالدوار

جلس على رأس الطاوله غالب والجميع بمكانه

ليتنهد قائلا أنا من النهارده هسلم العموديه الى كنت واخده مؤقتاً لك يا يونس

أبتسم عواد قائلا خبر حلو ونظر الى يونس يقول بتمنى ربنا يوفقك وترجع أسم الهلاليه لمكانه تانى لأن فى بنت فى البلد كل هدفها تشويه أسم عيلة الهلالى ومفيش فرصه بتفوتها الأ وتسوء فينا

تعجب يونس قائلا بنت مين

ردت ساره دى بنت حثاله بيقولوا أسمها رشيده بنت السلطان معرفش أيه هدفها دى حتى منعت أخد عزى أبوها من كام سنه وكانت أتهمت المرحوم راجحى بقتله بس طبعاً هى كدابه

تعجب يونس قائلا وليه ساكتين علي كدبها

ردت نرجس قائله بسخريه لأن المرحوم راجحى كان بيعزها

أغتاظت نفيسه وساره أيضاً ولكن لم يرددن على حديثها

تسأل يونس كان بيعزها بمعنى أيه

ردت نرجس يعنى راجحى كانت مشاكله كتير مع أهل النجع وبيستقوى عليهم وطلب منها شراء حته أرض قريبه من السكه الجديده الى هتعملها الحكومه وهى وأخواتها رفضوا مع أن عمها باع نصيبه فى الارض لراحجى بس هى الى رفضت وأنت عارف ان راجحى مكنش بيحب حد يتحداه وحاول معاها كتير بس عمره بقى خلص

وهى منعرفش أيه السبب فى رفضها مع أنه عرض تمن يشترى خمس فدادين أرض ودايما بتشوه فيه وفى الهلاليه

تعجب يونس قائلا وماله أنا هعرف السبب وهوقفها عند حدها

رد عواد أيوا لازم توقفها عند حدها لأنها بتلف النجوع والعزب الى حوالينا فى المركز وأنا داخل على أنتخابات ومش عايز شوشره فارغه منها

تحدث يونس بتعجب وهى بتلف النجوع والعزب الى حوالينا ليه

رد غالب هى عندها جرار زراعى ورثته عن أبوها بتسوقه وبتروح الاسواق الى حوالينا تبيع قُلل ولوازم فُخار للفلاحين الى فيها ولها مداخل معاهم.

.......ـــــــــــــــــــــ،،،

قبل الظهر بقليل

دخل صبحى كبير الغفر اليه بالمندره

قائلا يونس بيه فى واحد وولده عايزين چنابك

أدخلهم

ليومىء رأسه بموافقه

دخل الرجل وولده الشاب

لينحنيا أمامه

ليقول الرجل

أنا چاى لچنابك فى مظلمه

رد يونس عليه وهو يجلس يقول جول مظلمتك

ليقول الرجل

چنابك أحنا زى ما چنابك عارف أننا فى موسم حصاد الجمح(القمح) وكل الچرارات بتبجى شغاله على طول نهار وليل

ولدى أمبارح بالليل كان شغال على الچرار ونزل يدرس جمح لفلاحين هما الى طلبوا منه

تجوم تچى بنت السلطان تتهچم عليه وتضربه جدام الفلاحين الى واجفين

نظر يونس للرجل متعجباً بنت ضربت ولدك ده

رد الرجل أيوا چنابك

أخفى بسمته ينظر الى الشاب الصغير ولكنه كبير بالحجم قائلا

هى الى شلفطت وشك أكده

ليرد الشاب بخذو أيوا چنابك وأنا چايب بوى معاى نتشكى لچنابك منها دى مش بيهمها حد حتى لما جولت لها أنى هشتيكيها لچنابك جالت

ليصمت الشاب

ليقول له جالت أيه

رد الشاب جالت لا مؤاخذه مطرح ما تحط راسك حط رچلك انتى والعمده الچديد

نظر للشاب متعجب قائلا متوكد أنها جالت أكده

رد الشاب ووالده أيوا حتى الفلاحين الى كانوا موچودين شاهدين تجدر تسألهم

ليرد عليه طيب أنا هبحث فى الأمر ده والغلطان منكم هياخد چزائه

لينصرف الرجل ومعه ولده

نادى على الغفير

ليدخل سريعاً له

ليقول للغفير مين بنت السلطان دى الى من ساعة ما رچعت لهنا وأنا بسمع عنها

ليسرد له عنها

ليقول متعجباً أنت بتقول أنها معندهاش عشرين سنه

رد الغفير ويقول هى معندهاش عشرين سنه لكن جادره وجويه بزياده ومبيهماش حد ولا بتخاف من حد

أنا بعت لها غفير علشان يچيبها لسيادتك جبل ما تجولى وزمان الغفير على وصول

بعد قليل دخل الغفير الأخر

يحنى رأسه أمامه يقول بخذو

أنا روحت لبنت السلطان

وجولت لها سيادتك طالبها فى الدوار

ردت عليا ردت عليا ردت عليا

ليقول يونس ردت جالت أيه أنت نسيت جالتلك أيه

رد الغفير لاه منسيتيش بس بس

ليقول بفروغ صبر جالت أيه

رد الغفير سريعاً

جالت أنها مش فاضيه أما تفضى هتفوت على چنابك

نهض واقفاً

يقول بتعجب بتجول أيه

صمت الغفير

ليقول له بأمر تروح لها وتكون عندى بكره بالكتير هنا بالدوار

ليقول الغفير هروح أجول لها چنابك

ليخرج الغفير

ليضرب كف بكف قائلا أما أشوف مين بنت السلطان دى الى من وجت ما رچعت البلد مفيش سيره فى البلد غير عليها.

بعد وقت دخل عليه غفير أخر يقول

يونس بيه فى واحد من الفلاحين بره عايز چنابك فى طلب

أدخله ولا أجول له يچى بوجت تانى

رد يونس لأ دخله وأى حد من أهل البلد يچى بعد كده وعايزينى فى مظلمه أو أى شىء تدخله

الزمن الجديم دا أنتهى

ليخرج الغفير

ويقول للفلاح أتفضل وبلاش تطول عند چنابه چوه

البيه وجته مش فاضى

ليقول الفلاح حاضر

دخل الفلاح

لينحنى قليلاً

يقول باحترام مبالغ

بشكر چنابك أنك وافجت تستجبلنى فى المندره

أبتسم بترحيب يقف يمد يده له بالسلام

ليمد الفلاح يده له على أستحياء يسلم عليه

ليقول للفلاح أتفضل أجعد وجول لى على الى عايزه

رد الفلاح بحياء يقول

لأ مش لازم أجعد أنا كنت جاى وعندى عشم فى جنابك

ليبتسم قائلا عشمك فى محله

جول لى عاوز أيه وأنا أعمله لك

رد الفلاح

الليله زفة بتى وكنت چاى عندى عشم فى چنابك أنك تحضر الزفه

ليبتسم قائلا هو دا طلبك

رد الفلاح سريعاً أنا عارف أن چنابك معندكش وجت و

قبل ان يكمل الفلاح رد عليه

انا هحضر الزفه

فرح الفلاح كثيراً وكاد أن يقبل يده

لكن سحب يده من أمام الفلاح قائلا

حضر لى عشا وكمان عشا العروسه هيطلع من هنا عندى من الدوار وكمان التالت هيكون من عندى

أنحنى الفلاح مره أخرى ليقبل يده لكن

نادى هو على الغفير

يأمره بأعطاء بعض الاغراض من الدوار لذالك الفلاح

ليأخذ الغفير الفلاح ويخرج

ليعود الغفير بعد قليل

يقول هو چنابك هتحضر زفة بنت الراجل ده

ليرد عليه أيوا أعمل حسابك هتكون معايا

ليرد الغفير بأستغراب

الزفه مش جد مجام چنابك

دول ناصبين شادر فى الشارع

رد عليه

وماله ما دا الى أنا عايزه

أنا عايز البلد كلها تعرف أن أبن الهلاليه رچع من تانى

ثم أكمل قائلا أقعد عايز أستفسر على كذا حاجه سمعتها هنا

جلس صبحى قائلا فى خدمتك يا يونس بيه

رد بأختصار مين رشيده بنت السلطان دى

رد رد صبحى

دى تبقى بنت حسين السلطان أبوها كان عامل زراعى فى الجمعيه بتاعة النجع وتقتل من كام سنه فى أرضه وكانت بنته دى عندها وقتها سبعة عشر سنه وقالت أن الى قتل أبوها هو راجحى بيه الله يرحمه بس النيابه برائته وهى رفضت تاخد عزى أبوها وقالت أن ليها تار ومش هتاخد عزى أبوها الا أما تاخده الأول

ومن وقتها وهى معاديه لراحجى بيه ودايما بتهاجمه وكمان الناس فى البلد بتسمع لكلامها وبتخاف منها

رد يونس بتعجب بتخاف منها ليه

رد صبحى أصلهم بيقولوا عليها مخاويه جنى من النيل محدش يأذيها الا ويصيبه مكروه بعدها

ضحك يونس قائلا يبقى علشان كده أنا فهمت هى ليه بتعمل كده هى بتخوفكم بأنها مخاويه بتستغل جهلكم

رد صبحى قائلا لأ يا يونس بيه دى فعلاً مخاويه وفى فلاحين شافوها واقفه فى النيل بتتكلم مع حد بعد نص الليل أكتر من مره حتى لما أتواقفت قصاد راجحى بيه وكان هيتهجم عليها بالضرب بعدها بأيام غرق فى النيل والناس فى النجع بتقول أن الجنى الحارس لها هو الى غرقه فى النيل

أبتسم يونس قائلا ماشى هصدقك انها مخاويه أنا عايزها هنا فى الدوار عندى بالأمر.

ــــــــــــــــــــــــــــ،،،،،

ظهرا

غفى يونس قليلا

ليحلُم

حوريه تخرج من النيل ملثمه أشارت ليقترب منها كأن عيناها مغناطيس تجذُبه أليها سار مسحوراً الى أن وصل ووقف أمامها

ينظر الى تلك العينان التى تسلط ضوء القمر علي سوادها يظهر كالؤلؤه بعيناها

أقترب أكثر وأكثر

يقول أنتى مين أنتى أنسيه ولا حوريه خارجه من النيل أنتى موجوده بالحقيقه ولا بالأحلام بس

لم ترد عليه

رفع يده ليزيل تلك التلثيمه من على وجهها

لكن فجأه

أختفت

ظل يتلتفت حوله يبحث بعيناه عنها هى ليست بالمكان هل أبتلعها النيل

أستيقظ مخضوض

يتذكر ذالك الحلم الذى يراوده فى الأيام الأخيره ومن تلك التى ترافقه فيه لماذا كلما أقترب من رؤية وجهها أختفت.

........ــــــــــــــــــــــــــــــــــ

مساءً

كانت رشيده بداخل غرفة العروس تبتسم وتغنى لها مع من يقومون بتذويقها

لتاتى تلك المرأه العجوز تقول

عجبالك يا زينه البنته وتكونى وراء الداير

ضحكت لها بمرح قائله

أدعى لى من جلبك يا ستى الحاچه

دخلت أم العروس تقول

العمده الچديد شرف يا حاچه فى المندره

لتقول رشيده ساخره واه واد الهلاليه عفر عبايته وچاى الزفه

لاه هتجوم الجيامه أكيد

لترد أم العروس

لاه دا شاب شكله مش زى واد عمه الخسيس الجاسى المغرور الى أتجتل وغرق فى النيل شكله متخدع ومتعلم علام عالى

ردت رشيده بتأكيد كل ولاد الهلاليه طبع واحد بس دا ممكن يكون بيخدع أهل البلد فى البدايه وبعدها يظهر طبعه الحجيجى ونلاجى نفسنا جدام نسخه تانيه من واد عمه الچبان الخسيس الى كان عايز يستحل أعراض بنات البلد

لتقول أم العروس مش بعيد هموا يلا علشان نلحج العريس على وصول

بينما تلك العروس التى تذوق تشعر أنها تذوق للموت فبنهايه هذه الليله قد تكون نهايتها هى الأخرى

وتُذبح بذنب خسيس أستحل ما ليس له لم يكن الموت كافياً لعقابه.

......:،،،،،،،،ـــــــــــــــــــــــــــ

بعد وقت

وأثناء خروج رشيده من باب البيت تصادمت مع ذالك الشاب ليشتبك طوق جلبابها بمقبض الباب ليُشَق قطعه من على صدرها ليظهر جزء صغير منه أمام ذالك الأنيق

لتجذب ثيابها عليها سريعاً وتخرج دون التحدث أليه

لكن ألقت نظره ساخره عليه

لكن هو تاه من بين أهداب تلك العينان السوداء كالسماء الصافيه بليلة شتاء غير ممطره لثانى مره يصتطدم بهاو تأتى له بأحلامه كل ليله

تمنى أن يجذب تلك التلثيمه من على وجهها ليرى باقى ملامحها ويتعرف عليها من تكون هل هى حقيقه أم خيال لما عيناها فقط ما يراها

نطق عقله أن يسألها لكن تلجم لسانه حين رأى أحد غفرائه يقطع عليها الطريق يقف أمامها يُحدثها

وهى تتركه دون أهتمام لما يقوله لها

عزم أمره وأشار الى ذالك الغفير ليأتى أليه

آتى أليه الغفير

ليقوم بسؤاله مين الى كانت واقفه قدامك وبتكلمها دى

رد الغفير مين يا يونس بيه ألى بتسأل عليها

رد يونس الى خرجت دلوقتى وكانت مخبيه وشها

وقف الغفير يفكر قائلا معظم النسوان الى خرجوا من جوه مخبين وشهم تقصد مين

رد بتعصب بقولك مين الى كنت واقف قدامها دلوقتى جاوب وقولى مين دى

وقف الغفير مذهولا دون رد لدقائق

اما هو كل ما يفكر فيه هو معرفة

من تكون تلك الملثمه

هو لا يعلم أنه وقع أسير صاحبة تلك العينان السوداء ذات العشرون عام التى ستكون ند له فى العلن

والتى ستلهبه بعشق يُحكى عنه لسنوات قادمه

الثاني من هنا

تعديل المقال