رواية هداية من ضوء الشمس كامله بقلم نادين محمد
_و انا قولت لك يا امي مش هتجوز هو الجواز بالعافيه بعد اذنك يا ماما انا تعبت من النقاش في الكلام دا انا نفسي احقق حلمي
_يا بنتي دا رجل متدين و مرتاح و كويس و أنا هطمن معاكي عليه
_كمان متدين يعني هيقولي خروج من البيت لاء و شغل لاء و هعيش في خنقه
_هو انت ليه بتحكمي كدا اتعاملتي معاه شوفتي و لا عرفتي شخصيته حتي و لا انت مسمي التدين عندك خنقه و عدم خروج من البيت يا رهف ارحميننييي ارحميني نفسي افرح بيكي
_افرحي بيا يا ماما بس مش في بيت جوزي فرحي بالنجاحات اللي بحققها
_نجاحات ايه انا مش عجبني حالك بالشكل دا خروج كل يوم و رجوع البيت 12 بليل و سهرات مع صحابك اللي بيفسدوا فيكي دول انت شايفه أن دول صحاب دا انت مش بترقيعها يا رهف حرام عليكي بقي تعبتيني يا بنتي
-انا هقوم انزل يا ماما عشان انا تعبت من كلامك المستمر انت مش بتفهمني
نزلت رهف من البيت بخنقه و كالعاده كلمت صحابها
-الو يا مريم
-ايه يا رورو مالك
-مالي ايه بس امي يا ستي كالعاده جيبالي عريس و ايه متدين كمان و عايزه قال تفرح بيا
-انا مش عارفه اقولك ايه بس الله يكون في عونك من ست الوالده دي
-طب ياختي قومي يلا نروح نسهر في مكان و كلمي سهر تيجي معانا
-طيب هرن عليها و نتقابل في مكان حلو كدا نسهر فيه هبعت لك اللوكيشن
-طيب يلا علي السريع
-اااه انت ايه اعمي مش تشوف قدامك
-واحده ماشيه عينها في الموبايل و هي كمان اللي خبطاني لاء و ايه تقولي اعمي
-اه أعمي و متكترش كلام عشان مقلش ادبي عليك
(لقيته بيبص لي من فوق لتحت و قالي)
_ربنا يهديكي و يردك إليه رداً جميلاً
ومشي و سبني الكلمه اترنت في ودني و كأني في صراع عشت صراع لثواني و فقت كانت عيوني اتملت دموع مش عارفه ايه اللي في الكلمه كنت حاسه اني مش فاهمه ايه معاناتها و يقصد ايه يمكن عشان انا مش قريبه من ربنا مش فاهمه معني الكلمه مشيت بسرعه من المكان و انا بقول لنفسي
_ركزي يا رهف انت اصلا فيكي اللي مكفيكي مش حتت واحد عنده دقن قالك كلمه و عامل فيها شيخ هيخليكي تسرحي و تفكري كتير
_روحت المكان اللي مريم بعتته و كان كافيه كبير و في مطربين قعدت و طلبت حاجه اشربها نص ساعه و كانت مريم جت و معاها سهر
_ايه يا رورو؟
_شيفاكي طلبتي كابتشينو و عايشه حياتك
_ونبي اسكتي كتك نيله كابتشينو يعني مصدر سعادة
_علي الأقل روقان بال
_ ماشي اسكتي بقي
_حاضر ياختي سكت اهو
_بقولك ايه بقي فكي كدا يا ست رهف
_بس سيبك انت مش ملاحظه يا سهر أن اول مره رهف تختار مكان كويس و محترم نقعد فيه مش زي كل مره سهراتها مع المطربين المكان دا حلو اوي في شعراء و منشدين و
قطع كلام مريم صوت حد مش غريب عليا صوت جميل اوي خلي جسمي يقشعر و ببص لقيت.....
الثاني من هنا
