رواية يونس وبنت السلطان الفصل الثالث 3 بقلم سعاد محمد سلامة

رواية يونس وبنت السلطان الفصل الثالث 3 بقلم سعاد محمد سلامة

الثالثه
...
......ـــــــــــــ،،
نفضت يده عنها بقوه تقول بحده كأنك چنيت أياك كيف تمسك يدى
نظر لها هو تائه بين تلك العينان والشفتان الصغيرتان الورديتان المرسومتان
هى سمراء خمريه جميله كأميره فرعونيه
فاق قليلاً على دخول ذالك الصغير الذى دخل الى المندره خائف بسبب دخول تلك الكوره الذى كان يلعب بها فى الحديقه الى المندره بالخطأ
وقف الصغير جوار الباب ينظر بخوف منطوى على نفسه ، نظرت له للحظه أشفقت رشيده عليه لكن تذكرت أنه من الهلاليه ، لتترك الغرفه وتغادر بصمت وهى تنظر له بأشمئزاز وكبرياء

نظر يونس الى خروجها ببسمه لايعرف لما أراد أن لا تغادر وتظل ينظر الى وجهها أكثر ولا يعرف لما لم يرد عليها برد مناسب لطريقتها الوقحه فى الحديث معه

لكن أنتهت سكرته بها حين وقفت الخادمه جوار الصغير تقول بعتب قولت لك الست ساره لو عرفت أنك دخلت الكوره فى المندره هتحرمك من اللعب بالكوره
تنهد يونس ثم نظر للطفل مبتسماً يقول تعالى خد الكوره
دخل الصغير متردداً الى مكان وجود الكوره وأخذها ، أبتسم يونس له ، عاد الصغير ينظر الى الخادمه ببسمه لتبتسم له وتغادر معه
بينما وقف يونس ينظر من شباك المندره الى تلك التى تغادر الدوار
...،،،،،
كانت عين خبيثه تنظر من أعلى بتعجب من وجود تلك الفتاه بالدوار لتعود الى الداخل
نادت على الخادمه التى أتت أليها مُسرعه تلبى ندائها
تحت أمرك يا ست ساره
سألت ساره بعجرفه

مين الى طالعه من المندره دى
ردت الخادمه دى رشيده بنت السلطان كانت مع يونس بيه معرفش كان عايزها ليه
نظرت لها ساره أنا كنت شاكه أنها هى بس كنت عايزه أتاكد وانتى مسمعتيش كانت هنا ليه يا أنهار
ردت أنهار والله ما أعرف بس يونس بيه بعد ما طلعت من المندره فضل مراجبها( مراقبها) من شباك المندره و هو مبتسم
شعرت ساره بالغيره لتقول طيب غورى وخلى بالك من يونس الصغير
خرجت أنهار ، بينما زفرت ساره أنفاسها بغضب تقول واضح ان نسل الهلاليه كله بيريل على الى بعيد عنه أيديه بنت السلطان كتبالكم ولا سحرالكم بمحبتها وهى بتعلن كُرهها لكم على الملأ الممنوع عندكم مرغوب بس انا مش هقف أتفرج زى ما كان بيحصل أيام المحروج راجحى
........ـــــــــــ،،،
بعد الظهر عادت رشيده ومعها أخيها الى البيت ليدخلان مبتسمان لتقابلهم يُسر مبتسمه
لتقول رشيده أيه الريحه الحلوه الى فى الدار دى هى أمى طابخه أيه عالغدا
ردت يُسر دى مش أمى الى طبخت دى ستى هى الى طبخت النهارده وجالت لأمك يا عويله أنا الى هطبخ لاحفادى طبيخ يُرم عضمهم دول شجيانين وطبخت رز معمر وكمان بطاطس وحطت فيها بطه بلدى فى الفرن وكمان عملت روانه وكمان بطاطا بالعسل والقشطه يعنى هنتغدى ونام مكانا
ضحك صفوان قائلا سيتى دى حبيبتى وجدرت تقعد جدام فرن القش
ردت يُسر سيتك عفيه بس هى رچليها الى بتوجعها ومش بتجدر تمشى كتير عليها أو تطلع السلم أنما هى جويه زى أختك رشيده
ليسمعوا من خلفهم من تقول وجوتها هتكون سبب فى وجف حالها ومحدش هيبص وتكمل بأستعلام أبن الهلالى كان عاوزك ليه

ردت رشيده باسمه كان فى واحد مشتكى عليا وجولت له عالى حصل ومفيش أكتر من أكده متخافيش وبعدين وجف حالى مش چديده عليا أنتى دايما بتقولى لى اكده يا أماى
لتنظر نواره لها بعجب وتقول مجالش حاجه على وجوفك جدامه يوم جنازة ماجده
ردت رشيده لاه مجالش
تعجبت نواره قائله عجيبه أكيد بيفكر فى حاجه
ردت رشيده يفكر فى الى هو عاوزه ميهمنيش أنا مش بخاف منيه ولا من غيره ربنا معاى وعالجوى
خرجت جدتهم من أحد الغرف تقول رشيده وصفوان أجم كويس تعالوا يا حبايبي طبختلكم بيدى وكل يرُم العضم بدل طبيخ نواره الى يچيب عله معيشاكم على الرز والفاصوليا كأن مفيش غيرهم يلا تعالوا

ردت نواره وهى تنظر لرشيده فى أيدينا ناكل سمن سايح وعسل نحل فى كل طاقه بس
قبل ان تكمل ردت رشيده عاجبنا الرز والفاصوليا يا أماى ومش هنبيع الأرض

رد أيضاً كل من صفوان ويُسر وعاجبنا أحنا كمان

لتتنهد نواره بقلة حيله أمامهم
لتقول الجده تعالوا يا حبايبي ناكل وفوتكم منها أنا حطيت حتة طين تتحرج فى الفرح واما تبرد نعملها مزارع وقلل وكم چره ونبيعهم وهتفرچ ان شاء الله
.......ــــــــــــــ،،،
بالدوار
مساءً على العشا
جلس الجميع على طاولة العشا
كان يونس عقله يفكر بذات الخال التى أستهوها من قبل أن يرى وجهها

تنحنح عواد يقول أنا بكره نازل مصر هجدم أوراج(أوراق) ترشيحى للمجلس

رد غالب بالتوفيق انشاء ياسمين أتصلت على وقالت ان أمتحانتها خلصت وهتقضى الاجازه هنا وكمان يوسف خلص هو كمان بس بيجول انه هيروح مع أصحابه مارينا شويه وبعدها هيجى على أهنه

رد عواد ابجى أجيب ياسمين معاى وانا راجع أنا مش هغيب هناك
أنا سمعت أن ناجى الغريب ناوى يرشح نفسه للمجلس

نظر غالب قائلا بغضب ناجى غدار وصاحب مقالب

ردت نفيسه رغم أنه أخويا بس هو عمره ما حب الخير للهلاليه ونفسه يساوى راسه بهم وهمت هى الى بتساعده أنتجام من الى حصل زمان وطلاقها من غالب حتى كتير كانت بتحرض المرحوم راجحى علينا

نظرت نرجس لنفيسه قائله المرحوم راجحى مكنش بيسمع لحد علشان تقولى أنها كانت بتحرضه ولاعمره حط حد كبير فى عينيه وصوته كان من رأسه

ردت نفيسه بأرتباك لاه المرحوم هو الوحيد من عيالها الى كان بيسأل عليها ويودها دا حتى سمعت ان أبن ناجى صايع وفارد نفسه على زملاته فى المدرسه وسمعت أنه رفع المطوه على أستاذ له فى لجنة الأمتحان والمدرس عمل له محضر بس رجع سحبه خوف من ناجى

نظرت نرجس لنفيسه بسخريه ناجى دا المفروض أخوكى مش عارفه ليه عمرى ما حسيت أنك بتحبيه

ردت نفيسه هو صحيح أخوى من الأب بس مش شققه وأنا يهمنى مصلحة الهلاليه مش جوزى منهم
وكمان المرحوم جوز بنتى

لتنظر الى غالب وتقول أه نسيت أجول أن فى واحد متقدم ل ساره وعاوز يتجوزها

غضب غالب قائلا مين ده وشافها فين

ردت نفيسه دا أبن عضو مجلس الشعب عن الدايره الى جارنا وعاوز ياخدها هى وولدها أمه هى الى جات وجالت لى

رد غالب بغضب ولاد الهلاليه محدش ياخدهم من بيتهم و يربيهم وجولى لها طلبها مرفوض

ردت نفيسه ليه هى ساره هتفضل عذبه بقية عمرها دى لسه صغيره وجميله حرام تدفن شبابها
لتغمز نفيسه ل ساره

لتترك ساره الطعام وتقف وهى تدعى الحزن أنا مش بفكر أجوز وجولتلك أكده أنا هفضل علشان أبنى
لتترك غرفة الطعام وتغادر

نظر غالب الى يونس يقول له أيه رأيك فى الى ساره قالته

كان يونس غائب عقله شارد يفكر فى تلك التى رأى وجهها لأول مره لم ينتبه لحديثهم

لينتبه ويقول يونس ها ياعمى كنت بتقول أيه

تعجب غالب ليقول أنت كنت شارد فى أيه

رد يونس ولا حاجه بس كذا مشكله كنت بفكر فيهم أيه الى عايز تاخد رأيي فيه

رد غالب ساره متجدم لها عريس وهى مش موافجه

رد يونس ببساطه طالما رافضه هى حره خليها على راحتها عن أذنكم أن مجهد ومحتاج أرتاح

لينهض ويترك الطعام ذاهباً الى غرفته

ليحل الصمت بالغرفه الى أن أنتهى العشاء
..
.....
بعد قليل
طرق غالب على باب غرفه نرجس لتأذن له بالدخول

دخل وجدها تمسك بيدها صوره أخيه الراحل لتضعها
على طاوله جوار الفراش

تنهد بعذاب وهو يراها تضع الصوره

تعجبت نرجس مجيئه الى غرفتها بهذا الوقت
لتقول له خير مبتجيش ليا الأوضه غير لما يكون فى حاجه مهمه

رد غالب بحرج يقول أنا عارف أنك مش بتحبى السهر بس كنت عاوز أتكلم معاكى فى الموضوع الى تحدتت بيه نفيسه عالعشا

ردت نرجس موضوع أيه نفيسه أتكلمت فى فى مواضيع كتير

رد غالب موضوع العريس المتجدم ل ساره

ردت نرجس الموضوع منتهى ساره رافضه يبقى خلاص

رد غالب لاه مش خلاص نفيسه مش هتسكت غير لما تجوز ساره وساره ممكن تستسلم لها علشان ترضى عنها ووقتها ولد راجحى ممكن تاخده معاها

ردت نرجس دا ولد الهلاليه لو عايزه تتجوز هى حره أنما الولد يفضل أهنه مع نفيسه

تنهد غالب قائلا وليه واحنا جدامنا فرصه أننا نخلى ساره هنا وتتجوز كمان

ردت بعدم فهم جصدك ايه

رد غالب تتجوز من يونس

تعجبت نرجس قائله أيه

رد غالب كيف ما حصل بعد وفاة راجحى أخوى أن اتجوزتك وفضلتى هنا تربى ولدك حتى انتى الى ربيتى ياسمين ويوسف بعد ما سابتهم همت صغار

ردت نرجس برفض يونس ساره مش فى تفكيره وكمان مسبقش له جواز علشان يتجوز من عذبه هو من حقه بت بنوت يفرح أمعاها

رد غالب ممكن يتجوز ساره ولو عايز يتجوز واحده تانيه بنت بنوت مفيش مانع هو جادر جسمانياً وكمان مالياً

ردت نرجس وساره هتوافج على أكده وافرض هى مترضاش ساره مش زيي يا غالب أنا أهلى كانوا على قدهم علشان كده وافجت وأتجوزتك علشان أربى ولدى وكمان مش يمكن يونس مشغول قلبه بغيرها

ردغالب وهو يزفر أنفاسه ممكن يتجوزها عالورق بس كيف ما حصل بينا

نظرت نرجس لغالب تقول أنتى عارف انى انا خيرتك من الأول ان جوازنا هيكون عالورق بس وأنت وافجت ليه بتتكلم دلوجتى بالطريقه دى

رد غالب يقول أنتى عارفه أنى حاولت كتير أخلى جوازنا شرعى وكامل وأنتى الى رفضتى

ردت نرجس قلوبنا ملهاش سلطان عليها يا غالب وأنا وهبت نفسى راجحى وبس مفيش حد هياخد مكانه لا فى قلبى ولا فى فرشته بلاش الكلام ده دلوجتى أنا هجث نبض يونس من بعيد وهجولك على رده
ودلوجتي تصبح على خير

تنحنح غالب وهو يتجه للخروج من الغرفه قائلا وأنتى من أهله

تنفست نرجس بقوه تقول أنا مستحيل أخلى أبنى يرضى بالى رضيت أنا بيه زمان علشانه انا كنت ببعده عن هنا علشان يبعد عن طريق الشر بس واضح أنه مكتوب له أنه يدخل له بتمني قلبه يبعد. عن شر الهلاليه وأول طريق لازم يبعد عنه هو طريق نفيسه وساره ومكرهم.
.......ــــــــــــــ،،،
بعد مرور حوالى شهر تقريباً
بعد الفجر
شعر يونس بالضيق والزهق لينزل الى أستطبل الخيول ليمتطى أحد الخيول ويخرج يتجول به فى الحقول ليشعر بتعب الفرس ليتوقف بالقرب من ذالك المجرى نظر من بعيد
رأى من تقف فى الماء بظهرها
حدث نفسه هل هى حقيقه أم خيال كما أصبح يراها بكل مكان مؤخراً
أغمض عينه وفتحها ليراها واقفه لم تختفى ككل مره لكن معها أثنان تلهو معهم فى الماء نزل من على فرسه يسحبها خلفه
أقترب ونزل الى الماء وبيده الفرس التى وضعت رأسها بالماء تستقى منها

شعرت رشيده بأقتراب فرس من المياه بسبب صهيله العالى
نظرت خلفها لتجد يونس يسحب فرسه
أنحنت تغسل يدها ووجها ثم نظرت الى أخويها قائله كفايانا لعب فى النيل أمنا لو عرفت هتبهدلنا وتجول مش خايفين تمرضوا يلا خلونا نشوف شغلنا ونملى(نروى) الرز
ضحك صفوان هو ويُسر بعد أن رأو يونس يقترب من نزول الماء
ليقولا يلا بينا
أتجهوا للخروج من الماء

لكن يونس قال صباح الخير

رد صفوان فقط بينما رشيده ويُسر لم تردان ولكنه سعد برؤيه وجهها غير ملثم

خرجت رشيده من الماء تنظر له بسخريه حين أقتربت منه

بينما هو أستنشق عطر ربيعى حين عدت من جواره
كم تمنى أن تبقى لازمتها عيناه ينظر الى خُطاها الى أن نزلت بتلك الأرض القريبه من هذا المكان ودخلت الى ذالك العش الخوصى الصغير الموجود على رأس الارض
ليعرف أين أختفت تلك الليله هى أختفت بداخل هذا العش
ظل بعض الوقت واقفاً يراها تعمل مع أخويها بينهم ود وتناغم بسيط يعملون معاً
تبسم كم تمنى أن يكون لديه نفس تلك البساطه.
.....ـــــــــــــ،،،
ذهبت رشيده مع اخويها يعملون بالارض مع بعضهم يقومون بتنقية بعض الحشائش الضاره من الرز الى أن تعبوا قليلاً
لكنهم وجدوا بالماء الغزير الموجود بالارض شىء يشُق الأرض أمامهم
لينظروا لبعضهم
ليخرجوا من الارض يقفوا على الجسر ليخرج ذالك الشىء وهو ثعبان لينظروا له وهو يعود الى النيل مصحوب مع ماء الصرف الزراعى
ليقول صفوان ويُسر وهم ينظرون له وهو ينزل الى النيل وهم يرفعون يديهم على رؤسهم عليك سلام الله طريقك أخضر
ليضحكوا بعدها
لينزلوا الى الارض مره اخرى
لكن هناك شىء أو أشياء اخرى فى الماء
ليبتسم صفوان
لتقول يسر واضح كده أننا هنتغدى سمك أيه رأيكم
ليضحكوا
لتقول رشيده فى هنا جردل فى العشه يلا خلينا نشوف مين الى هيصطاد أكتر
ليسيروا بين الرز يقمون بأصطياد بعض الاسماك التى دخلت الى الارض مع الماء
الى أن تعبوا وقاموا بملو ذالك الدلو باسماك نيليه
متنوعه
ليخرجوا من الارض عائدين الى الدار

بعد قليل دخلوا الى الدار

بمجرد ان فتحوا الباب وجدوا أمهم انتهت من تنظيف المنزل وترتيبه ولكن بمجرد ان راتهم
نظرت لهم تقول بصوت عالى أيه ده خلاقتكم كلها طين كده ليه ومنضفتوش نفسكم فى النيل ليه ولا الخادمه بتاعتكم هتحميكم واحد واحد

ضحك صفوان والله ياريت يا أماى لأحسن الهدوم مبلوله وكمان فيها طين حرجت فى جسمى كله

نظرت لهم بغضب قائله وطبعاً اصطادتوا أيه بقى

ردت يُسر أصطادنا قراميط(الحنش) وكمان بلطى
هى فين سيتى دى بتحب سمك القراميط جوى

خرجت من الداخل جدتهم تقول أيه ده يا عيال ها معكم صيد يستاهل بهدلة نواره فى غسيل خلاقتكم ولا هتدعى عليكم كده ببلاش،

رد صفوان لاه يستاهل يا ستى يلا مع رشيده ويُسر واماى نظفوا السمك وخلونا نتغدى بيه

تبسمت الجده قائله فى قراميط يا ولدى كبيره ولا صغيره

ردت رشيده قراميط كبيره يا سيتى كيف ما بتحبيها يلا علشان أنتى الى بتعرفى تمسكها أزاى وتدبحيها

تنهدت الجده ببسمه تتذكر قائله الله يرحمك يا حسين كان يحب هو يمسك القراميط وينضفها ويجولى أتعلمت منك يا مرات عمى كيف أدبحها علشان متتزحلقش من أيدى هه جدر
الكبير يفضل والصغير يفارج

نظرت رشيده لها بحزن وأدمعت عيناها

شعرت نواره بأسى لكن قالت يلا أدخلوا غيروا خلاقتكم وتعالوا ساعدونى انى واماى خلونا نتغدى أنا كنت لسه هعمل شوية رز هعلق عليهم ونعمل جنبهم السمك

بعد وقت
كانوا يجلسون أرضاً يتناولون الطعام فى ود بينهم وتألف الى أن سمعوا طرقاً على الباب

لتنهض رشيده تفتح الباب لتجد حسين

لتدخل وخلفها حسين

نظرت له الجده تقول حماتك بتحبك تعالى يا ولدى اتغدى معانا دا سمك ولاد عمك أصطادوه من الرز

أبتسم مرحباً يجلس جوارهم يقول والله لما كان عندنا الأرض دى كنت طول الرز ماهو فى الأرض بصطاد منه السمك كتير شوفى بجى دلوقتى
لو لفيت الأرض كلها فى الرز لو لقيت سمكه صغيره بفرح بها

ردت يُسر أصل الأرض بتاعتكم الجديده بعيده عن النيل انما دى تعتبر حته من النيل يلا كُل

ضحك حسين قائلا أه والله هى حته من النيل وكمان خيره كتير يما غُلبت فى أبوى انه ميبعهاش بس هو جالى لاه كان نفسي يبجى زى عمى حسين بس نصيب بجى

ردت نواره والله دا أحسن شىء عمله صفوان واد عمى بدل ست قراريط بجى عندكم فدانين وخيرهم أكتر

رد صفوان بس ربنا بيبارك فى القليل يا أماى
يعنى النهارده ربنا رزقنا بأكله الفدانين دول مطلعتش منهم

رد حسين أه والله يا واد عمى متعرفش البركه فين
ساعات ربنا بيبارك اكتر فى القليل.

.......ـــــــــــــــــــــ،،،
وقف ناجى يتحدث بسخريه لهمت
قائلا عقلك يظهر خف من بعد ما ما المزرعه وقعت على راسك
كيف بتفكرى أكده عايزه تنتجمى من بنت السلطان

ردت همت أنا عندى أحساس أن البت دى هى السبب فى موت راجحى وجلبى مش هيهدى جبل ما أخليها جُرسه فى النجع
هاتلى أنت الراجل الى جولتلك عليه ومالكش صالح بالى هيحصل بعد أكده يا ناجى

نظر لها ناجى لها أنا داخل على أنتخابات ومش عايز عداوة بنت السلطان متنسيش ان أهل النجع بيجولوا عليها مخاويه
أفرضى نجت من الى ناويه عليه وعرفت مين الى وراه

ردت همت بقوه لأه متخافش هى الى هتتجرس وتخاف تتكلم بعد أكده أنا بعت الى مراجبها من بعيد وهى وأخوها بكره الفجر هيروحوا الأرض علشان يملوا الرز والراجل ده يستفرد بيهم فى الوجت ده محدش هيبجى قريب منهم علشان يساعدهم

رد ناجى أنا ماليش صالح بالى هتعمليه بس بحذرك

ردت همت بشر متخافش أنا هخرس صوت بنت السلطان وخليها تخاف تتكلم لا تصيبها الجُرسه فى البلد.
.......ـــــــــــ،،،
فى فجر اليوم التالى
بدار رشيده
وقفت مع والداتها وأخيها
تقول له روح أنت أسيوط هات نتيجتك ربنا يوفجك وتكون من الأوائل وأنا هروح أملى الرز واعاود وسيب يُسر نايمه مفيش ورانا غير تملية الرز بلاش تجى معاى هروح لوحدى ومش هتأخر

أبتسم صفوان يقول خلاص أنا هتوكل على الله علشان ألحق القطر وانتى روحى للرز وأدعيلى

ردت رشيده ربنا يوفجك وتبجى وكيل نيابه جد الدنيا كلها علشان تساعد الحق هو الى ينتصر

تنهد مبتسماً يأمن على دعائها وكذالك نواره التى تشعر بسوء لا تعرف سببه وأذا تحدثت أمامهم سيسخرون منها

ليخرج الاثنان معاً كل منهم لوجهته

وقفت نواره تدعى لهم بالخير وان يبعد عنهم السوء التى تشعر به.
......ـــــــــــــــــــ،،،
بعد قليل
فتحت رشيده ذالك السد الصغير الذى يفصل الارض عن النيل لتنزل المياه الى الأرض

شعرت ببعض الحر فقررت الذهاب والنزول الى الماء
فنزلت الى الماء نظرت حولها لم تجد أحد
خلعت عنها حِرامها وبللته من الماء غافله عن ذالك المتسلل الشرير الذى خلفها

وضعت الحِرام على رأسها وأستدارت لتعود

لتجد ذالك الملثم الضخم امامها لايظهر منه سوى عيناه الشريره

لم تحدثه وكانت ستخرج من النيل لكنه جذبها من يدها بقوه
قائلا على فين يا بنت السلطان فى حساب والنهارده هتدفعيه

نفضته عنها بقوتها لم يتزحزح أنشا فهو ضخم كثيراً
لتقول له مين الى بعتك الهلاليه ولامين

ضحك ضحكه مخيفه ساخره من أسفل التلثيمه
قائلا واضح أن حبايبك كتير
بس أنا واحد منيهم واليوم هو الحساب
نظر لها بأشتهاء بسبب أنحصار ملابسها على جسدها بسبب الماء يظهر معالم جسدها

رأت رشيده فى عينه السوء لها لكنها لن تكون ضعيفه أذا أراد أن يغصبها على شىء فموته أو موتها أفضل

مالت على الماء لتدفعه بالماء فى عينه

أغمض عينه ليترك يدها

حاولت الهرب من الماء ولكن قوته كانت أكبر جذبها من يدها مره أخرى

صرخت عل أحداً يسمعها لكن الوقت مبكراً جداً

حاول ألمجرم أن يغرقها بالماء ولكن كانت تقاومه وبشده ولكن هو قام بضربها على رأسها بعصى حاده

لتقفد توازنها وتغيب عن الوعى ولكن هناك شىء أنقذها من ذالك المجرم وهو
صهيل ذالك الحصان القريب من المكان

ليتركها المجرم ويفر قبل أن يقترب هذا الصوت أكثر

من بعيد قليلا رأى يونس شىء يطفو على ماء النيل
تعجب كثيراً لينزل الى الماء سريعاً ليرى ما هذا الشىء
نزل الى الماء

أنخض كثيراً حين رأى رشيده هى من تطفو ممده بماء النيل وجهها لأسفل بالمياه ورأسها تنزف
رفعها سريعاً من الماء
ليحملها ويخرج على الشط
جث العرق النابض بعنقها ليشعر بضعف النبض
تحير كثيراً لابد من أسعاف أولى لكى تعود للتنفس مره أخرى ليس أمامه سوى أن يقوم بعمل تنفس صناعى لها
لكن كيف هى لا تحل له ليضع شفاه على شفتيها
تحير كثيراً
ليقوم بفتح فمها ليدخل الهواء الى جوفها
والضغط على بطنها كثيراً لمده كان يصارع هو فيها الحياه لابد أن تعود للتتنفس مره اخرى
بعد وقت سعلت لتبصق الماء من فمها و
تنظر امامها
لترى بغشاوه بسمه هى بين الحياه والسكره
نظرت مره أخرى بغشاوه لترى صورة أنسان غاب عنها وكُسر قلبها بفراقه بالغدر
لكن أغمضت عيناها مره أخرى
ليقع قلب ذالك العاشق
لكن نادى
رشيده خليكي معاي وفوجى
لتهزى بأسم والداها بأشتياق تمنت أن يكون هو من أمامها
لكن يد تربت على وجهها وصوت يحدثها بأستجتداء أن تعود من تلك الغيمه التى تطفو بها

فاز هذا الصوت وعادت بعد وقت تفتح عيناها ونظرت أمامها
لتشعر بالأشمئزاز والرهبه لكن جسدها واهن لا تقدر على الإبتعاد عنه ولا مقاومته الأن هو سيستغل ضعفها

لاتعلم من أين أتت لها تلك القوه فجأة
لتنفض يده التى تربت على وجهها وتحاول القيام لكن لا تقدر كل ما قدرت عليه هو نهضت جالسه تزحف للخلف لتبتعد عنه

لكن هو يحاول مساعدتها قائلا رشيده دماغك بتنزف خلينى أربطها لك علشان يوقف النزيف
خلع ذالك الشال الأبيض الذى كان حول عنقه وأقترب من رأسها وربطها بصعوبه بسبب محاولتها ابعاده عنها

شعرت ببعض التحسن القليل لتنظر لنفسها لا تجد ذالك الحِرام التى دائماً ترتديه
شعرها مكشوف أمامه
لتقول برهبه وهى تتلفت تبحث بعينيها حِرامى فين
وأنت عايز منى أيه أنت مقرب منى كده ليه
لتمسك بعض رمال الشط بيدها وترميها بوجهه
قائله بعد عنى لجتلك كيف ما جتلت واد عمك الخسيس

تفادى الرمال التى ألقتها عليه ولكن صُعق من قولها
وقال قصدك أيه أنك أنتى الى جتلتى واد عمى

ردت بقوه عكس ما تشعر به من ضعف أنا جتلته وريحت بنات النجع من نچاسته وشره أوعى تفكر دور الطيبه الى بترسمه عالنجع جدام الناس داخل عليا
بعد عنى أحسنلك ولو مبعدتش عنى أنت كمان هخليك تحصله.

الرابع من هنا

تعديل المقال