رواية بين طيات الماضي سليم ومليكة الفصل الثلاثون 30
حاول الأطباء إنعاشها بجهاز الصدمات ولكنها علي حالتها بلا أي إستجابة حتي توقف قلبه هو الأخر
وأخذت دموعه في الإنهمار......صرخ بهم أحد الأطباء
الطبيب: إندروفين بسرعة
************************
أمسكت تاليا بيدها وهي تطالع وليدها بحب وتابعت بأسي
تاليا: إنتِ فعلاً وحشتيني يا مليكة وعاوزاكي معايا بس لسة في حاجات لازم تخلصيها
الأول....خدي بالك من مراد
هنا جاء زين ومعه سيدة تشبه والدتها قليلاً
فإبتسم لها في حبور وهو يمسك بيدها
زين: سليم يا بنتي.....سليم طيب وبيحبك
أخفضت هي رأسها آلماً ولم تعقب
رفعت تلك السيدة رأسها لأعلي وغمزت لمليكة
روڤان : طلعي عينه
ثم تركوها ورحلوا فتوجهت هي لمراد
*************************
سمعوا منها شهقة كبيرة دلت علي عودتها للحياة......نعم وأي عودة هي عودة لن تكون يسيرة أبداً .....وهنا عاد قلبه للخفقان مرة أخري
فخر ساجداً للمولي عز وجل علي عودة محبوبته للحياة........نعم محبوبته.....فهي مدينته الصغيره....قبلته وقبيلته..... موطن قلبه.......والنبض المتبقي في صدره......هزائمه المتكرره وانتصاره الوحيد !
*************************
أحضر عاصم هاتفه وقام بمهاتفه الطبيب الخاص لنورسين علي الرغم من إعتراضها الشديد لتأخر الوقت ولكنه لم يلق بها ذراعاً فهاتفه وإتفق معه علي كل التفاصيل وسيكون سفرهما بعد ثلاث أيام
لم يكد أن يضع هاتفه جانباً حتي شاهد اسم والده علي الهاتف إعتراه القلق الشديد فطلبت منه نورسين الذهاب إليه سريعاً
وبالفعل ما إن خرج من غرفته حتي وجد والده يصرخ به بجزع
أمجد : اختك.... اختك يا عاصم
ضيق عاصم عيناه بعدما ارتفع رجيفه ريبة وأردف بقلق
عاصم: مالها مليكة يا بابا
هتف أمجد
أمجد : اختك عملت حادثة يا عاصم وفي المستشفي الحاجة خيرية لسة مكلماني وقايلالي
لم يستوعب عاصم أي شئ غير أنه إنطلق يركض حاملاً معطفه ومفاتيح سيارته وخلفه والده
لم يعرفا حتي كيف وصلا للمستشفي وقتها
ولكن لن ينسوا مظهر سليم الذي شاهدوه جالساً علي أحد الكراسي واضعاً رأسه بين يديه في خنوع
ركض أمجد ناحيته هاتفاً به في هلع
امجد: بنتي .....بنتي فين يا سليم
رفع سليم رأسه في ألم ونهض مطأطأ الراس
فصرخ به عاصم بجزع
عاصم: سليم رد علينا مليكة فيها إيه.....عملت في اختي إيه
لم يعلم لما إخترقت كلمة شقيقته مسامعه لهذه الدرجة...... لم يعلم لما طعنت قلبه بهذا الشكل
تذكر كيف كان يهينها ويحتقرها.....كيف عنفها بسبب ذكر اسمه وهو يعتقده غريمه......شعر بألم عارم يجتاح قلبه بعنف يكاد أن يمزقه....شعر بالذنب يكاد أن يخنقه......لم يفق إلا علي يد عاصم التي أمسكت بملابسه تهزه في عنف
عاصم: اختي مالها يا سليم إنطق
خرج الطبيب في ذلك الوقت
الطبيب: أستاذ سليم
ركض عليه كلاً من أمجد وعاصم يسبقهما سليم
الذي طالعه في توسل
الطبيب: مدام مليكة خلاص الحمد لله رجع نبضها طبيعي...... وظاهرياً خدوش وكدمات..... بس إحنا مش هنقدر نحكم علي أي حاجة غير لما تفوق ونعرف أيه بالظبط اللي إتاثر بسبب توقف القلب لفترة
دارت بعقلهما هو وعاصم كلمة توقف القلب هل ذهبت ابنته هز رأسه بعنف رافضاً تلك الفكرة وهتف أمجد يسال في هلع
أمجد : يعني إيه
تابع الطبيب في هدوء
الطبيب: يعني إطمنوا مرحلة الخطر تعتبر نسبياً عدت وتدعوا ربنا إنه لما تفوق ميكنش في أي ضرر حصل ليها بأي شكل من الأشكال
ثم تركهم وإستاذن
تهاوي أمجد علي أحد المقاعد بجزع
يدعوا الله
أمجد: يارب نجيهالي يارب مش بعد ما لقيتها تروح مني يارب
جلس عاصم بجانبه يربت علي كتفه عساه يمده ببعض القوة ولكن من أين يأتي بها وهو قد فُجع في شقيقته وزوجته في نفس الليلة
**************************
في قصر الغرباوية
سبقهم ياسر للسيارة
فهتفت قمر في جزع
قمر: أني چاية معاكوا..... لازم أتطمن علي مليكة
أشارت خيرية لبطنها المنتفخة
خيرية : إزاي بس يا بنيتي وبطنك معبية إكده
قمر: بس .....
أردفت خيرية بحبور لتطمئنها
خيرية: متجلجيش إني اول ما أوصل هكلمك أطمنك
وبعدين لسة ابوها مكلمني دلوجت وجايلي إنهم معاها
هتف مهران بدهشة
مهران: ابوها
أومأت خيرية برأسها في هدوء
خيرية: مليكة توبجي بنت أمچد
برقت عينا شاهين بهلع و سأل في ريبة
شاهين: أمچد مين ..... أمچد الراوي
أومأت خيرية برأسها باسمة فشهقت عبير بهلع
عبير: جصدك إيه يا أماي عاد..... جصدك إن مليكة بت الاچنبية اللي إتچوزها أمچد
أردفت خيرية باسمة بأسي
خيرية: مليكة بت أمچد ودا المهم....والأهم إننا عملنا بوصية زين الله يرحمه كيف ما كان رايد
أنه يچوز الولاد لبعضيهم
ثم التفتت ناحية مهران وتابعت بجزع
خيرية: هم بينا يا ولدي الله يكرمك خلينا نلحج نطمن علي البنية
**************************
في صباح اليوم التالي
كان الجميع قد وصل للمستشفي والدها وشقيقها
خيرية ومهران ومعهما ياسر وحتي نورسين ونورهان
وناهد التي رفضت البقاء في المنزل وحتي عائشة ومحمد.......أما مليكة فلا تزال كما هي في حالة من اللاوعي بسبب خطورة الإصابات والنزيف
حقيقة هي ليست حالة من اللاوعي تماماً فهي تشعر وتسمع كل ما يحدث حولها......فقد سمعت كل كلمة أخبرها إياها سليم
البارحة......حينما دلف للداخل مضطرباً قد نقش الندم بصمته الجلية تماماً علي ملامحه
إتخذ مقعداً بجوار فراشها وأمسك بيدها الموصولة بتلك الأنابيب المسئولة عن تغذيتها ونقل اللقاحات والأدوية وماشابه ومسح عليها بطلف بالغ
سمعت صوته المخنوق بالعبرات وهو يعتذر منها في خزي
سليم:أنا أسف......عارف إن الكلمة بسيطة أوي علي اللي شفتيه بسببي .....عارفة يا مليكة الكلام دا يمكن مش هتسمعيه تاني مني بس لازم أقولهولك .....أنا بحبك يا مليكة ....أيوة أنا سليم الغرباوي اللي كان حالف مايفتح قلبه لأي واحدة من بنات حواء بحبك يا مليكة لدرجة عمري ما تخيلتها ولا هتخيلها....... عمد بيده يمسح عبراته التي تساقطت رغماً عنه وأردف بحرد لحالهما
بس مش هينفع .....مش هينفع أحبك إنتِ كنتي مرات اخويا.......فكرة إنك كنتي لاخويا نفسها قتلاني مخلياني مش قادر أفكر فيكي حاسس بالذنب ناحية حازم هيموتني .....كل ما أفكر فيكي بشوف حازم ......أه إحنا إتجوزنا وإنتِ مراتي حلالي .......بس فكرة إنه كان بيحبك أو حتي كان عاوزك لنفسه لفترة محسساني إني خاين ...أنا عارف إنه محبش غير تاليا لأنها البنت الوحيدة اللي قالي عليها.........عارفة أنا اللي قولتله يبعد عنها فترة ويبعتلها الجواب دا علشان يعرف هو بيحبها فعلاً ولا زيها زي أي بنت عرفها ....عارفة إنه مات في اليوم الي كان رايحلها فيه ......اليوم اللي هي كمان ماتت فيه وكأنهم مقدروش يفارقوا بعض......أنا أسف يا مليكة......عاوزك تعرفي إن كل حاجة كنت بعملها معاكي علشان أكرهك فيا ومتحبينيش......أسف يا حبيبتي لأني مش هقدر أحبك زي ما تستحقي أو تتمني....أسف
زفر بعمق وهو يطالعها وقلبه يهتف بقهر وآلم
أقسم أن الله قد ألقى حُبكِ في قلبي.....كأنهُ لم يخلق أحدًا غيرك في الكون
**********************
في الصباح
دلفت عائشة للداخل لتطمئن عليها
فجلست علي أقرب مقعد بجوارها وربتت علي يدها الموصولة بتلك الأنابيب وأردفت بإشتياق
عائشة: أنا عارفة إنك تعبتي كتير أوي في حياتك بس دلوقتي عيلتك كلها برة لازم تقومي علشانهم
وعلشان مراد هتسيبيه لمين ....بعد كل اللي عملتيه عشانه دا هتسيبيه لمين
بدأت مليكة في فتح عيناها بهدوء
فتهللت أسارير عائشة وهبت واقفة كي تدعوا طبيباً ما
حتي سمعت مليكة تسألها في دهشة
مليكة: إنتِ مين؟؟!
برقت عينا عائشة بذهول وهي تجاهد حتي تخرج الحروف التي تراقصت علي شفتيها من هول المفاجأة
عائشة: أ.... أنا... أنا عائشة يا مليكة
سألت مليكة بدهشة
مليكة : عائشة مين يا طنط
إتسعت حدقتاها حتي كادا يخرجا من محجريهما وهي تتمتم في دهشة
عائشة: طنط !!!!
وفجاءة وجدت نفسها تفتح الباب وتركض للخارج كي تستدعي الطبيب عساه يشرح لها لما صديقتها تناديها"طنط"
