رواية سم القاسي الفصل الخامس عشر 15 بقلم ماهي احمد
( الجزء الخامس عشر )
البيدج الاصليه حكآآيآآت مآآهى
بقلمي مآآهي آآحمد
وحشتوني جدا قبل ما ابدأ عايزه اقول حاجه انا الكتابه دي في دمي وبحبها جدا كل يوم لما بكتب بعيش في العالم الخاص بتاعي يعني اليوم اللي مانزلش فيه اعرفوا ان غصب عني عمره ما كان بمزاجي شكرا لكل حد عندي هيقدر يفهمني
كملوها ٥٠٠٠ لايك ياقمرات بحبكم 
------------------------بقلمي ماهي احمد -----------------------------
( في نفس الوقت )
الدكتوره احسان كانت قاعده في بيتها وبتقلب في الموبايل وسرحانه
ماما احسان : ( بتنادي عليها من بره ) يا احسان .. انتي فين يا احسان
احسان : ( ماسكه الموبايل وبتبص لصور عاصي علي اكونت الانستا بتاعه ) ومش سامعه مامتها
ام احسان : ( دخلت عليها الاوضه ) يابنتي انتي مش سمعاني انا بنادي عليكي
الدكتوره احسان : ( فاقت من سرحانها واتخضت ) انتي.. انتي بتناديني انا ياماما
ام احسان : ( قربت منها وقعدت جنبها علي السرير ) لاااا ده انتي مش معايا خالص
(الدكتوره احسان خبت الفون بتاعها بسرعه )
ام احسان : ( بابتسامه ) كنتي برضوا بتتفرجي علي صوره
الدكتوره احسان : ( بتوتر ) ايه .. صور .. صور مين انا مش فاهمه حاجه
ام احسان : لاء انتي فاهمه وبلاش تستعبطي عليا هيكون صور مين غير صور عاصي اللي جه هنا ومن ساعتها وحالك اتشقلب خالص
الدكتوره احسان : ( بتنهيده ) ياريته ما كان جه هنا ياماما
ام احسان : وياريته ما جه ليه ؟ دي فرصه استغلي الفرصه دي وروحيله الشركه انتي مش عارفه اسم الشركه بتاعته
الدكتوره ( احسان بفرحه ) : ايوه .. ايوه عرفاهه
ام احسان : خلاص روحيله الشركه
الدكتوره احسان: اروحله الشركه اعمله ايه بس
ام احسان : بتطمني عليه .. فكريه بنفسك عرفيه انك انتي اللي انقذتيه واكيد مش هينسالك الجميل ده ابدا .. ويشغلك عنده ولا يكافئك اي حاجه معرفش بقي المهم انك تبقي في وشه وماينساكيش انتي مش شوفتي البت اللي كانت معاه مارضيتش تسيبه ازاي
الدكتوره احسان : تفتكرى ياماما ممكن يفتكرني اصلا
ام احسان : ده اكيد هيفتكرك انا متأكده
الدكتوره احسان : خلاص هاروحله واللي يحصل يحصل
ام احسان : ايوه كده .. مش بدل ما طول النهار قاعده تتفرجي علي صوره
---------------------------( في نفس الوقت )-------------------------
عاصي اول ما بدور وقعت في الارض ابتدي يمسك دماغه اللي كانت هتنف"جر من كتر الصداع حرفيا وغمض عنيه جامد جدا وبقي يهز دماغه شمال ويمين لحد ما ابتدي يستعيد وعيه بيبص لقي بدور مرميه في الارض من غير هدوم وهو كمان بالهدوم الداخليه
بقلمي ماهي احمد
بقي مستغرب جدا من اللي حصل وليه هي عريانه كده
وهو فين اصلا
بقي بيدور علي اي حاجه في البيت عشان يغطيها بيها لقي ملايه علي السرير قديمه شدها بسرعه ورجع لبدور وغطاها بالملايه وشالها وداها علي السرير ونيمها لقي ( زير ) فتحه بسرعه مالقاش فيه مايه وكان نااااااااشف جدا وفي تراب من تحت قفل الزير وبقي يدور علي اي حنفيه في البيت مالقاش جه يطلع بره لقي نفسه بالهدوم الداخليه والبنطلون بتاعه مرمي في الارض اخد البنطلون بسرعه ومسكه ولبسه وطلع بره لقي نفسه في الارياف وقدامه ارض زراعيه بص شمال ويمين لقي الطرمبه داس عليها مرتين وجاب ( القله ) من جنبه وملاها وراح لبدور بسرعه قعد جنبها علي السرير وقومها وخلاه ضهرها ساند علي صدره وبقي يشربها من( القله )
عاصي : بدور اشربي يابدور
بدور مكانتش بتفتح شفايفها وكان مغم عليها خالص حط القله جنبه وبقي يطبطب بأيديه علي خدها عشان تفوء وتصحي بس مافيش فايده
حطها تاني علي السرير وبقي يدور علي اي حاجه عشان يفوقها بيها بيبص لقي كياس كتير فيها اكل قعد يفتح الكياس دي ويدور فيها بيبص لقي بصل جاب بصله وضربها بأيديه وقسمها نصين وبقي يشمم بدور البصله ومن كتر ريحتها بدور ابتدت تحرك راسها شمال ويمين وابتدت تفوء
عاصي اول ما شافها كده
عاصي : ( بتنهيده ) اخيرااااااا
بدور : ( فاقت واول ما شافت عاصي قدامها صوتت ومسكت الملايه اللي عليها وبقت تغطي نفسها بيها اكتر )
بدور : ابعد عني ماتلمسنيش
عاصي : ( اداها ضهره بسرعه ) انا مش عارف اي اللي حصل بس باين اني اذيتك جدا
بدور : اطلع بره ياعاصي ( بلعت ريقها بخوف ) انت .. انت مش طبيعي انا مش هقدر اكمل معاك
عاصي : ( وهو مديلها ضهره ) انا عمرى ما كنت طبيعي يابدور في يوم
بدور : ( بخوف وعياط هستيري ) انت .. انت كنت هتموتني
(عاصي لف وشه وبص لبدور )
بدور : ( رفعت الملايه علي جسمها اكتر وهي بتعيط ) انت .. انت كنت بتغ"بني ياعاصي
عاصي : قرب منها بالراحه
بدور : خليك عندك ماتقربش مني
عاصي : ( وقف ورفع ايده بالراحه ) ماتخافيش مش هقرب منك تاني .. انا بس كنت عايز اقولك اني لازم امشي واسيبك
عشان طول ما انا جنبك هتتأذي مني وخصوصا في الوقت ده .. وانا في المرحله دي .. مش هعرف اسيطر علي نفسي اكتر من كده
بدور : ( بتبصله وهي بتترعش وخايفه منه )
عاصي : انا عايز اسأل سؤال واحد بس
بدور : لسه بتبصله ورافعه الملايه عليها وقاعده علي السرير
عاصي : انا أذيتك
بدور بصيتله باستغراب
عاصي : انا عارف طبعا اني اذيتك بس ده كان غصب عني انا اقصد أذيتك يعني اعت"ديت عليكي خليتك مش بنت
بدور : معرفش .. انا معرفش حاجه اخر حاجه فكراها انك فضلت تخنق فيا لحد ما اغم عليا وبس معرفش عملت فيا ايه بعد كده
عاصي : ( اتنهد واتطمن ) طيب قبل كده محصلش حاجه
بدور : هو حصل .. بس .. بس مش لدرجه اني مكونش بنت
عاصي : ماتقلقيش انا ماقربتلكيش بعد ما خنقتك
بدور : وعرفت منين انك مش قربتلي هو انت بتكون حاسس بنفسك
عاصي : عشان وانا بخنقك ابتديت افوء واحس باللي بعمله
بدور : انت متأكد
عاصي : ( شاور براسه من تحت لفوق ) ايوه متأكد ..
عاصي : انا هسيبك يابدور وهمشي .. ومش عارف اقولك ايه علي اللي حصل مني
(عاصي ادا ضهره لبدور ومشي )
---------------------( في نفس الوقت )------------------------------
غالب : (راح الشركه هو والدكتوره وهو متنرفز و مخنوق جدا )
غالب : ( وهو داخل مكتبه قال للسكرتيره بتاعته ) ناديلي عم محمود الفراش بسرعه هو وعبد الرحيم البودي جارد
السكرتيره : حاضر يافندم
غالب : ادخلي يادكتوره .. ادخلي ياوش المصايب
الدكتوره الهام : هو كل حاجه بترميها عليا ليه ؟ وبعدين ما انا اتكشفت بعد ما انت اتكشفت
غالب : بس علي الاقل كنت هعرف اوصله عن طريقك كنت هخليكي تخليه يمضى علي الورق بالذات بعد المرحله اللي وصلها عاصي بيدقق في كل ورقه وكل امضاء بيمضيها عاصي مش سهل
الدكتوره : انا عمرى ما دخلت ما بينك وما بين عمك ياغالب ولا عمرى سألت انت عملت معاه كده ليه ؟ للدرجه دي الورث يخليك تجنن عمك بالمنظر ده
غالب : ( ابتسم ابتسامه سخريه بانت جنب شفايفه ) ورث .. ( بتنهيده وزي ما يكون بيطلع كل غضبه في التنهيده دي ) ورث ايه يادكتوره .. انتي بتقولي ايه .. انا ممكن بعد ما عاصي يتنازلي عن كل ثروته واخليه شحات مش معاه جنيه اتنازل عن كل الثروه دي للملاجىء والفقرا للي مش لاقيين ياكله .. الحكايه عمرها ما كانت حكايه ورث
الدكتوره : اومال حكايه ايه
غالب قعد علي طرف المكتب وهو مش بينطق وابتدي يفتكر اللي حصل زمان .. اللس حصل قدامه من ١٣ سنه وهو لسه عنده ١٠ سنين
---------------------------(flash back )------------------------------
المعازيم : لولولولولولولولولولي
عاصي لبس فيروزه الدبله والخاتم
عاصي : ( وهو ماسك ايد فيروزه ) مبروك ياحبيبتي الف .. الف مبروك ( عاصي باس ايد فيروزه )
فيروزه : الله يبارك فيك ياحبيبي
عاصي : عقبال ليله فرحنا هعملك ليله حلوه اوي كل الناس تتكلم عنها
فيروزه : ( وهي بتبص في عيون عاصي ) انا مش عايزه ليله كبيره ولا عايزه الناس تتكلم عن ليلتنا عايزه بس ان احنا نتحمع في بيت واحد مش اكتر ده كل احلامي اني اول ما افتح عنيا تبقي انت اول حاجه تشوفها عيوني مابحلمش بأكتر من كده ياعاصي
چيهان ( ماما غالب ) : ( بغيظ ) لاااا انا مش هستحمل الحب اللي بينكوا ده عشان انا معنديش غير مراره واحده ياقاسم
قاسم ( بابا غالب ) : ( بنظره اعجاب لفيروزه ) بصراحه البت تستاهل
چيهان : ( لفت وشها وبصت جنبها لقاسم بغيظ وهي ضمه حواحبها ) تقصد ايه ياقاسم ؟
قاسم : ( بتوتر ) ما .. ما .. ماقصدش ياحبيبتي .. ماقصدش حاجه انتي اكيد سمعتي غلط ؟
غالب : ( وهو واقف جنبهم بيشد هدوم مامته ) ماما .. ماما العروسه حلوه اوي عايز اروح اسلم عليها
چيهان : تسلم عليها اي انت كمان .. دي بيئه وشكلها بلدي اوي احنا لازم نمشي يلا ياقاسم
قاسم : استني بس ياچيهان
چيهان مشيت
قاسم ( راح لعاصي ) : معلش بقي ياعاصي احنا لازم نمشي
عاصي : بسرعه كده
قاسم : انت عارف چيهان بقي ( بص للعروسه وغمزلها بعنيه ) الف مبروك ياعروسه
فيروزه بصت في الارض واتكسفت
فيروزه : الله يبارك في حضرتك
غالب : ( حضن عاصي عمه ) طنط فيروزه حلوه اوي ياعمو
فيروزه : ( باسته من خده ) انت اللي قمر ياقلبي
بقلمي ماهي احمد
قاسم : يلا بقي ياغالب عشان ماما مستنيه
قاسم ركب العربيه هو وغالب وچيهان واتصلوا بأبو عاصي
( وفاتحين الاسبيكر )
قاسم : ايوه يابابا..
ابو عاصي : عملتوا ايه
چيهان : نسب زباله واحده من الشارع هتدخل عيلتنا ازاي دي هتبقي قريبتي انا .. انتوا لازم تشوفلكم حل في الحكايه دي
ابو عاصي : قااااسم .. سكت مراتك
قاسم : اسكتي شويه ياچيهان
ابو عاصي : هنعمل ايه في الحكايه دي
قاسم : ماتقلقش البت دي شكلها شمال وانا هثبت لعاصي ازاي هي شمال
ابو عاصي : بلاش انت ياقاسم اللي تكشفله البت دي خليها تيجي من حد غيرك بلاش تخسر اخوك انت عارف اخوك ممكن يخسر اي حد عشان البت دي
قاسم : يعني ايه ؟
ابو عاصي : يعني ممكن يحرقك حي لو فكرت تتعرضلها او تقول كلمه عليها هو مش عايز يصدقها
--------------------------( في الوقت الحالي )------------------------
غالب كل شويه تتردد في ذهنه كلمه يحرقك حي في باله
ان عاصي هيحرق ابوه حي لو قال كلمه وحشه عن فيروزه وضم ايده بغضب وداس علي سنانه من الغيظ لدرجه ان ضوافره دخلت في باطن ايده
الدكتوره هاله : ( بتنادي علي غالب ) غالب .. غااالب ايه روحت فين
غالب : ايه .. في ايه ..
الدكتوره : روحت فين مره واحده سرحت كده
غالب : كنتي عايزه ايه
الدكتوره : كنت بقولك ليه بتكره عاصي اوي كده
غالب : مش شغلك .. انتي مالك
مره واحده الباب خبط
غالب : ادخل
عبد الرحيم البودي جارد دخل هو والفراش اللي كان بيحط القهوه لعاصي
غالب : عبد الرحيم .. عم محمود انا عايزكم تسمعوا الكلام اللي هقولهولكم ده بالحرف الواحد
الاتنين في صوت واحد
الاتنين : انت تؤمرنا ياغالب بيه
غالب : عبد الرحيم انت لسه ماتكشفتش قدام عاصي عايزك تدور عليه في كل الاماكن اللي ممكن تحس انه موجود فيها واول ما تلاقيه تساعده وتاخد بأيده وتسمع منه كل حرف هيقولك عليه
وانت ياعم محمود : اؤمرني ياغالب بيه
غالب : انت مرفوض
عم محمود : ( باستغراب ) ايه
غالب : عاصي كشفك وعرف ان انت اللي بتحطله برشام الهلوسه في القهوه انفد بجلدك احسن قبل ما عاصي يرجع ويقتلك وياريت تغير عنوانك احسنلك عشان لو عاصي عرفلك طريق مش هيرحمك
عم محمود : ايوه بسسسسسس
غالب : ( بنرفزه ) مش هكرر كلامي مرتنين كلامي خلص
السكرتيره دخلت عليهم
السكرتيره : ( خبطت ودخلت ) غالب بيه في واحده بره اسمها الدكتوره احسان بتسأل عن عاصي بيه تحب ادخلها ولا امشيها
غالب : ماتعرفيش عايزاه في ايه
احسان : بتقول انه كان عندها ومشي وجايه عايزه تطمن علي صحته وانه اول ما هيشوفها هيعرفها علي طول
غالب : ( باستغراب ) كان عندها .. خليها تدخل بسرعه
بقلمي ماهي احمد
السكرتيره : حاضر يافندم
غالب : اطلعوا انتوا بره دلوقتي
الدكتوره : انا هاروح
غالب : لو هربتي هعرف اجيبك
الكتوره : مش هعرف اهرب منك وعارفه انك هتجيبني
الدكتوره طلعت هي وعبد الرحيم والفراش
احسان دخلت
الدكتوره احسان : سلاموا عليكم
غالب : اتفضلي اقعدي
-------------------------------( في نفس الوقت )----------------------
(عاصي جه يمشي )
بدور : ( وهي لفه نفسها بالملايه ) استني
عاصي وقف وهو مستغرب وضامم حواجبه
بدور : ( قامت ونزلت من علي السرير وهي لفه نفسها بالملايه وكتفها باين
بدور : انت هاتروح فين دلوقتي
عاصي : مش لازم تعرفي كفايه اللي جرالك من اول ما شوفتيني
بدور : لاء ما اصل مهم اعرف
عاصي : مهم ليه ؟
بدور : عشان .. عشان ..
عاصي : ( باستغراب ) عشان ايه
بدور : عشان مش هينفع اسيبك كده انت ممكن اي وقت ترجعلك الحاله دي وممكن بعد الشر يجيلك كهربا زياده في المخ .. او يغمى عليك وانت ماشي او تأذي حد أو .. ( ولسه هتكمل )
عاصي : بس .. بس كل ده ممكن يحصل لو سيبت المكان هنا
بدور : ( ردت بسرعه جدا ) طبعا واكتر كمان انت ماتعرفش بتبقي عامل ازاي
عاصي : وانا مش هقدر اقعد اكتر من كده علشان خايف عليكي لا تتأذي مني وانا ماببقاش حاسس
بدور : لااااااا .. ما احنا بعد كده هنعمل حسابنا
عاصي : ازاي
بدور : هحبسك هنا ( شاورت علي الاوضه )
عاصي : انتي بتقولي ايه
بدور : بقول اللي هيحصل .. بس الاول لازم تساعدني
عاصي : انا مش فاهم حاجه اساعدك في ايه ؟
بدور : تعالي معايا وانا هفهمك
بدور : اول حاجه لازم اغسل الهدوم اللي باظت دي ووقعتها في الارض وكلها بقت طينه من التراب والمايه ما انا مش هفضل لفه نفسي بالملايه كده كتييير وانت مش هتفضل عريان كده علي طول
عاصي : طيب عايزاني اعملك ايه
بدور : ( تملى الطشت ده مايه من الطرمبه اللي بره وتجيبه وتيجي )
عاصي : حاضر ياستي
بدور جابت الاريل وجابت الهدوم بتاعتهم وعاصي جاب المايه وجه
عاصي : حاجه كمان
بدور : حط المايه هنا .. وخد الزير اشطفه واملاه مايه من بره عشان نقدر نشرب مايه
عاصي اخد الزير وطلع بره فعلا وبقي يشطفه ويعمل زي ما بدور قالتله وكان في بنات معديه بقت تبص عليه من كتر ما كان جسمه حلو جدا ومتقسم
بقلمي ماهي احمد
عاصي دخل وقفل الباب وراه وحط الزير مكانه وبدور كانت حاطه مايه بصابون جنبها وقاعده جنب الطشت وبتغسل الغسيل
بدور : لا لاء ما تحطهووش هنا ..ماتحطهووش مكانه حطه هنا احسن
عاصي : عايزاني احط الزير فين
بدور : معلش شيله وتعالي نحطه في الاوضه جوه بدور جت تقوم داست في المايه بصابون اللي جنبها ومسكت في الزير اللي مع عاصي ووقعوا هما الاتنين في الارض اتزحلقوا ومايه الزير وقعت عليهم كلها عاصي بص جنبه لبدور وبدور بصيتله وهو بيضحك بقوا الاتنين يضحكوا سوا وبالرغم من كل الظروف اللي هما فيها كانوا بيضحكوا من قلبهم بجد
بدور : (بصيتله وهو بيضحك ) تعرف ان ضحكتك حلوه اوي ياعاصي
بقلمي
عاصي : تعرفي ان دي اول مره اضحك من قلبي بجد من سنين طويله
بدور كان في خصل من شعرها جايه علي وشها عاصي رفع ايده ورجعلها خصله من شعرها ورا ودنها بدور بصيتله وداست علي شفايفها وبصت في الارض ومره واحده لقوا اللي بيخبط عليهم خبط شديد اوي
بدور : مين
