رواية اتجوزني علشان اربيله ابنه الفصل الثالث عشر 13 بقلم رحاب القاضي

رواية اتجوزني علشان اربيله ابنه الفصل الثالث عشر 13 بقلم رحاب القاضي

اتجوزني عشان اربيله ابنه«١٣»

ــــــــــــــــــــــــــــــــــــــــــــــ

_دخل معتز البيت وهو ماسك علبه صغيره في ايده، وقرب من اوضة مريم واياد وخبط بهدوء، فتحت ليه مريم وكانت صاحيه ما نمتش وقالت

مريم

بص لو عايزني اجهزلك الاكل وفر علي نفسك التهزئ وجهز لنفسك انا بتفرح علي فيلم علي الفون ومش هسيبه واعملك اكل

معتز بغيظ

والله انتي خساره فيكي اللي جايبه، تعالي اطلعي بره جايبلك حاجه بتحبيها..

مريم

لا ما بحبهااش وسع كده عايزه اقفل الباب...

مسك معتز ايدها وسحبها لبره وقال

نفسي مره تبقي هاديه وتسنعي الكلام وتقولي حاضر، بس ما تبقيش مريم...

مريم

انت كل حاجه عندك بالعافيه ايه هو ده؟..

معتز

صوتك يا بت الواد نايم، تعالي بس معايا كده..

_خلاها قعدت علي السفره وحط العلبه قدامها وقالها وهو بيقعد. جنبيها..

معتز

افتحي العلبه دي كده؟..

مريم

مقلقه منك انا، عارف لو كلع فيها البتاع اللي بينط في وشي ده عارف هعمل فيك ايه؟..

معتز

يااربييي اخلصي يا مريم وبطلي عند يلاا..

_فتحت مريم العلبه واول ما شافت اللي فيها قامت وقفت وقالت وهي فرحانه..

مريم

لا ما تهزرش يا معتز انت عرفت منين اني بحب الملبن الاحمر ده انا نفسي فيه اووي..

معتز ابتسم وقال

ايه الفرحه دي كلها ده انتي مفريحتيش كده يوم ما اتجوزتك

مريم

انت عسل اوي اوي اوي..

معتز بغيظ

ربنا يكرم اصلك يا بنتي والله، وايه عسل دي ما فيش حضن كده بوسه..

مريم راحت للمطبخ وقالت

استني ثواني وجايه..

معتز بخبث

ايه هتجيبي البوسه من المطبخ ولا ايه؟..

رحعت مريم ومسكت الملبن وقالت

لم نفسك وبطل قلة ادب مبسوطه منك ومش عايزه ازعلك، هاخده معايا لاحسن تمد ايدك عليه..

ضحك معتز وقال

ههههههه علي فكره انا اللي جايبه يا غبيه..

_رجعت مربم ومعاها علبة النوتيلا وبقيت تحط علي الملبن وتاكل ومتتز باصلها بصدمه وقال..

معتز

ايه القرف ده معلش؟..

مريم

بعشقه بالنوتيلااااا خد دوق كده..

معتز

لا لا كفايه اني بتفرج وبطني وجعتني لوحدها..

مريم

بس انت مين بقي اللي قالك علي فكرة الملبن دي، اصل ما حدش يعرفها غير تلاته..

معتز

مين بقي التلاته دول؟..

اتنهدت مريم بضيق وقالت

انت روحت لفريده ولا كلمتها ولا شوفتها فين لانها اكيد هي اللي قالتلك صح..

_وقف معت ووقفها قدامه ومن غير مقدمات حضنها اووي وقال بكل هدوء..

معتز

حقك عليا انا من كل الدنيا يا اجمل بنت شوفتها في حياتي..

_اتملت عيونها دموع ومن غير ما تحس حضنته هي كمان وفضلت تعيط.. وبعد شويه بعدت عنه بهدوء، ومسحت دموعها وقالت..

مريم

شكرا اووي..

معتز غمزلها وقال

لا انا حضني موجود في اي وقت علي فكره..

اتكسفت ووشها احمر وقالت

اا ا علي فكره يعني انا بس كنت مدايقه وو وماما قالتلك ايه اصلا؟..

معتز

هو الموضوع اني كنت معدي صدفه من عند بيتها قولت اطلع اسلم عليها وقعدنا ندردش شويه، اومال كان مين هيقولي يعني علي فكرة الملبن دي..

قعدت مريم تكمل اكل وقالت

امممم طيب علي العموم شكرا هو انا كان نفسي فيه اووي اصلا..

قرب منها معتز وقال

بس كلع حضنك جامد يا قاسية القلب انتي..

مريم بتوتر

ايه ده اوعي كده طيب ولم نفسك..

معتز

لا مش هلم نفسي غير لما نتفق عشان انا جيبت اخري خلاص..

مريم بقلق

اممم طبعا ما انت جايبلي حاجه لازم تطفحهالي..

معتز بجديه

من الاخر يا مريم طلاق انا مش هطلقك الا في حاله وحده بس لو حسيت فعلا انك مش عايزني ومش مرتاحه معايا...

مريم بتوتر

ما انا مش ع..

زعق فيها وقال

ويطلي كلامك ده عشان انا مش عيل مراهق غشان اصدقه وما اشوفش نظرتك ليا وغيرتك عليا لما بتكون علا هنا..

اتملت عيونها دموع وقالت

انت عايز ايه يا معتز دلوقتي؟..

معتز

قدامك اسبوع تفكري فيه براحتك جدا وتقرري يا بنت الناس عايزاني ابقي في حياتك كزوج ولا لا..

مريم بقلق

ولو كان لا هيحصل ايه؟..

معتز بحزن

يبقي كل واحد يروح لحاله انا مش هقعد مع وحده غصب عنها، وانا واياد مش هتشوفي وشنا تاني للابد تصبحي علي خير..

_قال كلامه وسابها ودخل اوضته ورزع الباب ورااه جامد، وهي قامت وقفت في البلكونه وافتكرت كلامها مع زين الشناوي..

_فلاااااااش بااك..

زين

سمعت ان اياد بيقولك يا ماما، وكمان متعلق بيكي اكتر من مامته الله يرحمها..

مريم

هو التعلق الزياده بيا لانه خايف اسيبه وا..

زين

مش هيحصل، انا مش هسمحلك تخلي حفيدي يتيتم مرتين..

مريم بقلق

مش فاهمه قصد حضرتك..

زين

هفهمك انتي اللي دخلتي حياة اياد بنفسك ومش مسموحلك تخرجي منها ابدا، يعني انتي ومعتز هتكملو مع بعض..

مريم ادايقت وقالت

لا سوري بس انا عايزه افهم حاجه مع احترامي لحضرتك بس دي حاجه تخصني انا ومعتز انت دخلك ايه فيها..

زين بصلها بجمود. وقاال

هو اتجوزك عشان ابنه وانتي اكيد كنتي عارفه كده ووافقتي، حفيدي اتعلق بيكي ولو سبتيه هيتعب زي ما تعب لما ملك بنتي راحت..

مريم

بس يعني ال..

قاطعها زي وقال

انا عرضت عليه بتجوز علا وتربي هي ابن اختها، بس هي رفضت وهو كمان لانها شيفاه اخوها وهو كمان ولما اختارك ونتي من عيله بسيطه ويدوب مدرسه في حضانه بتاخد ملاليم قولت معلش كفتيه اياد بيحبها ولو عرفت تتعوج علي حفيدي هعدلها كويس..

مربم اتعصبت وقالت

انت بتتكلم معايا كده ازاي هاا، لا علي فكره انا من عيله بسيطه ايوه بس ما بخافش فير من. ربنا وما بتهددش واخر كلام عندي اني لو عايزه اكمل مع معتز هكمل معاه عشان انا عايزه كده مش عشان خايفه من حضرتك، واضح فعلا اني غلطت لما جيت هنا..

وقفت عشان تمشي بس زين قال

لو اطلقتي من معتز وسيبتي ايااد انا هاخد اياد من معتز وهسافر بره مصر اصلا..

مريم بعصبيه

انت ازاي تعمل كده، ليه عايز تحرمه من ابنه..

زين بجمود

معتز مش هيقدر يربيه لوحده، ولو طلقك هاخد حفيدي وامشي..

_رجعت مريم من ذكرياتها علي صوت معتز اللي قال..

معتز

مريم انتي بتعيطي ليه؟..

مريم مسحت دموعها وقالت

لا ما فيش حاجه، انت مش كنت نايم ولا ايه؟..

معتز

طلعت اشرب لقيت الهانم واقفه هنا بالتيشرت اللي مبين كل حاجه ده..

مريم بغيظ

عارف يا معتز انا بعد كده مش هطلع قدامك غير باسداال الصلاه عشان انت قليل الادب..

ضحك معتز وقال

هههههه طيب بعد كده ما تقفيش في البلكونه كده تاني، جوه تقعدي براحتك بره الشقه دي مش عايز اي حاجه ضايقه او قصيره..

مريم

حاضر حاجه تاني..

معتز

ايه ده انتي بتسمعي الكلام اهو وزي القمر...

ابتسمت وقالت

لا ده تأثير الملبن لسه موجود..

ــــــــــــــــــــــــــــــــــــــــــــــ

_وبعد كام يوم في بيت حازم كانت نيره قاعده مع مي وقالت بعصبيه..

نيره

مي لو حازم عرف باللي بعمله ده والله هيبقي اخر ما بينا..

مي

يعتي عايزه تروحي لسيف شقته وتقوليلي ما اقولش لحد؟..

نيره

ايوه انا عارفه انا بعمل ايه وما صدقت انه كلمني و عرفت اوقعه واخليه يقولي اروحله..

مي

يا بنتي ريحيني وقوليلي ناويه علي ايه؟..

نيره بحقد

ناويه علي كل خير، انا هقولهم اني بايته عندك وبالليل هروحله..

مي بقلق

انا مش عارفه ليه بمشي وراكي اصلا..

نيره

خلاص بقي يا مي تعالي نقولهم بره الكلام ده..

_طلعو هما الاتنين وكانت ناهد قاعده لوحدها..

نيره

اومال فين حازم يا خالتو؟..

ناهد

مشي من شويه يا حبيبتي عنده ماموريه مهمه ادعيله..

نيره

ربنا معاه ويوفقه يارب..

مي

طيب يا طنط انا هاخد نيره تبات معايا النهارده..

ناهد

لا معلش يا مي ياوحبيبتي نيره مش هتبات بره البيت تاني، انا مش بطمن عليها غير وهي قدامي اوعي تزعلي يا مي..

مي

لا ابدا يا طنط انا بس كنت عايزاها تغير جو معايا..

ناهد

تبقي تجيلك الصبح يا حبيبتي..

مي

اوكي يا طنط بعد اذنك..

_مشيت مي ودخلت نيره اوضتها وكلمت سبف وقالت بهدوء..

نيره

سوري يا بشمهندس سيف مش هقدر اجيلك النهارده عشان الشغل..

سيف

اا ليه كده لتكوني لسه زعلانه من اللي حصل في المكتب..

نيره بخبث

لا طبعا اللي حصل في المكتب ده حاجه والشغل حاجه تانيه صح؟..

سيف

اكيد طبعا يا نيره يعني انا عايزك تثقي فيا بس..

نيره

اكيد طبعا لو مش واثقه فيك ما كنتش هقبل ان الانترفيو يكون في بيتك..بس مامي رافضه اني اخرج بالليل..

سيف

خلاص هستناكي بكره الصبح..

نيره بخبث

اتفقنا... باي..

_قفلت معاه وبصت لصورتها هي ونور اللي حطاها جنب السرير بتاعها وقالت بدموع وحزن..

نيره

هانت وبكره هيكون اخر يوم ليه علي وش الدنيا..

ــــــــــــــــــــــــــــــــــــــــــــــ

_في مكان تاني مصنع قديم في منطقه مقطوعه، اتلفت حواليه العساكر من كل ناحيه وكان معتز هو اللي بيوجهم، وبعدين شاور لحازم عشان يدخل من الباب اللي ورا.. وبعد شويه كان معتز بيدخل جوه وبيضرب نار علي الحراس اللي واقفين عند. الباب وماسكين سلام..

_وبعد شد وجذب بين الاتنين قدر معتز ورجالته يقبضو عليهم..

معتز بقلق

حازم انت اتصبت في كتفك، روح انت وانا هروح اشوف التحقيق...

حازم

ده جرح سطحي هكمل معاك والله..

معتز

يا ابني امشي بقي الموضوع هلص اصلا..

حازم

طيب انت تفتكر ان فخري وابنه هيسكتو لما يعرفو انك خسرتهم بضاعه النهارده تعدي العشره مليون..

معتز

اللي عندهم يعملوه، وزمان ابنه مشرف في القسم وبيتحقق معاه..

_وبعد شويه في القسم كان معتز قاعد وحاطط رجله علي المكتب وقدامه يوسف اللي الشر بيطيؤ من عينيه..

معتز

امم كمل يا عسل سامعك..

يوسف

خلصت كده يا باشا وقولتلك ان المصنع ده انا بايعه من شهر للولد اللي قدامك ده..

معتز للولد

فين العقد يلاا بتاع المصنع..

الولد بخوف

في البيت مع مراتي..

معتز

طيب تبدر تمشي انت بقي يا يوسف عشان تروح تندب جنب ابوك زي الولايه علي الخساره بتاعت النهارده..

يوسف بحقد

ربنا ما يجيب خساير يا باشا بعد اذنك..

_طلع يوسف من عند معتز وقال لرجالته اللي واقفين..

يوسف

كلم الرجاله كلهم هنطلع علي المخزن..

واحد من رجالته

الخساره تقيله المره دي يا كبير..

يوسف

ورحمة امي لاخليه يسف تراب الارض عشان يعرف هو غلط مع مين..

ــــــــــــــــــــــــــــــــــــــــــــــ

_تاني يوم راحت نيره شقة سيف اللي فتح ليها الباب وقال..

سيف

واخيرا ده انا قولت خلاص مش هتيجي..

اتوترت نيره وقالت

لا جيت اهو خلاص..

سيف

طيب واقفه ليه بره كده اتفضلي..

_دخلت نيره وسيف قفل الباب وقال بخبث..

سيف

انتي خايفه ليه كده، تعالي بس اقعدي تشربي ايه؟..

قعدت نيره وقالت

اي حاجه عادي..

سيف

طيب هجيبلك عصير لمون عشان تهدي..

_دخل سيف المطبخ ورجع وهو ماسك صنية عليها كوبايتين لمون وقال..

سيف

اتفضلي يا نيره..

وقعد جنبيها وقال

اهدي كده خلاص ده احنا ليه بنبتدي..

نيره بخوف بدات تتنفض وقالت

مم مكن كوباية مايه..

سيف

اوكي حاضر..

_دخل سيف المطبخ ونيره طلعت نقط من شنطتها وحطتها في العصير بتاع سيف، ولما جه شربت بتاعها وهو كمان..

سيف

قوليلي بقي انتي مين بالظبط..

نيره بثبات

نيره يا سيف..

سيف

ازاي بنت زيك تشغلني كده وما اهدااش غير لما جيتي هنا..

نيره

عشان انا قاصده كده، قاصده اشغلك عشان تجيبني هنا..

مسك راسه بالم وقال

ااا انتي قصدك ايه؟..

نيره

جيت هنا عشان اقتلك..

_اول ما خلصت كلامها وقع سيف علي الارض و...؟؟

ــــــــــــــــــــــــــــــــــــــــــــــ

_وفي بيت معتز كانت مريم قاعده مع الفت زط، والفت مدايقه جدا..

مريم

مالك يا طنط لو مش طيقااني امشي والله

الفت

بس يا مريم انا بجد زعلانه منك مش حكيتلك علي اللي عمله فاروق عشان تساعديني وانتي ولا هنا..

مريم

ما انا بصراحه مش عارفه اعمل ايه يا طنط وخايفه اتهور تطلقي فيها..

الفت

ومين قالك مش هطلق..

مريم

لااااا طلاق ايه وفي عيل زي الحيطه بينكم..

الفت

ابني كبر خلاص وبقي عنده بيته ومراته انا مش هاجي علي نفسي تاني..

مريم

لا ما تعتمديش عليا مع ابنك احنا علاقتنا واقفه علي السلم اصلا.. انتي اسمعي مني وانا هظبطلك الدنيا..

الفت بحماس

هنعمل ايه طيب..

مريم

انتي تعملي مع عمو فاروق زي ما انا بعمل مع معتز بالظبط..

الفت

لا لا معتز طيب بيتحملك فاروق خلقه دايق..

مريم

يا ستي انتي خليكي ورايا وملكيش دعوه تعملي زيي وبس..

الفت

ما فيش قدامي دلوقتي غير اني امشي وراكي..

_وبعد شويه رجع معتز البيت وكان معاه باباه وهنا بيضحكو وفاروق قاله..

فاروق

وبس يا معتز كان وقتها فخري ده حتت صبي وكان كل ما ينطق كلمه المعلم بتاعه ينزل بالقبم علي قفاااه..

ضحك معتز وقاله

هههه قريب اووي انا اللي هديله علي قفااه

وقفت مريم وقالت لمعتز

كنت فين بقي يا حضرة الظابط

وقفت الفت وقالت لفروق

وانت كنت فين يا فاروق..

معتز

في ايه مالكم كنا قاعدين في الكافيه اللي علي اول الشارع..

مريم

وبكلمك مش بترد ليه؟..

الفت

وانا بكلمك يا فاروق مش بترد ليه؟..

فاروق

في ايه يا الفت ما تتظبطي كده انتي هتمشي ورا البت دي ولا ايه؟..

مريم

ما بلاش انت يا كوكو، بتقولك يا كوكو صح..

معتز

مالك يا مريم انتي نشرتي المرض بتاعك عند امي كمان..

مريم

بقولك ايه وريني الموبيل بتاعك يا معتز..

معتز

وانتي عايزه موبيلي في ايه بقي؟..

مريم

وانت خايف من ايه بقي؟..

الفت

وانت با فاروق هات موبيلك..

فاروق بعصبيه

جرا ايه يا الفت انتي هتمشي ورا العيال ولا ايه؟..

مريم

انا عايزه افهم يعني انتو خفتو ليه ولا في حاجه مش عايزنا نعرفها..

الفت

مثلا يعني..

طلع معتز موبيله وفتحه وقال

خدي يا مريم انا ما عنديش حاجه اخاف منها..

اخدته مريم وفضلت تقلب فيه وقالت

يا ميزو مش قصدي اشك فيك والله بس بعني بطمن، ايه ده مين الاااء دي؟..

معتز بضيق

علاء يا حبيبتي بس مسجله بالانجلش..

مريم

طيب خد خلاص الموبيل وخليك فاكر بقي اني كنت بطمن عليك..

مسك. ايدها جامد وقال

طيب تصبحو علي خير يا جماعه..

فاروق

وانت من اهل الخير يا حبيبي..

مريم

استني اجيب اياد من جوه..

معتز

خليه نايم هنا النهارده..

_مشي معتز ومريم وكانت مريم قلقاانه من عصبية معتز، والفت وقفت قدام فاروق وقالت..

الفت

وانت مش هتديني موبيلك يا فاروق؟..

زعق فيها فاروق وقال

جراا ايه يا الفت احنا كبرنا علي الكلام ده..

الفت

قول لنفسك وعلي فكره انا هبات عند اياد النهارده..

سابته ودخلت جوه وهو قال لنفسه

منك لله يا معتز علي السوسه اللي ااتجوزتها وهتخرب بيتي..

_وفي شقة معتز اول ما دخلو زعقت مريم فيه وقالت..

مريم

ما تسيب ايدي يالاا هو انت ماسك مجرم..

معتز سابها وقال بجمود

اول واخر مره تبقي في حاجه بينا وتتكلمي فيها قدام اي حد...

مريم

دول باباك ومامتك يا معتز

معتز

ولو انا حياتي مع مراتي ما حدش يعرفها اللي بيني وبينك يا مريم يفضل بينا ما حدش يعرفه تمام..عايزه تسالي عن حاجه نتخانق ناكل بعض مع نفسنا

اتنهدت مريم وقالت

تمام يا معتز تصبح علي خير..

معتز بجمود

الاسبوع خلص قررتي ايه؟..

مريم بضيق

هو يعني انا ااا..

معتز بحده

بصي يا بنت الناس موافقه تيجي ورايا اوضتنا ونبدأ من النهارده مش موافقه خليكي في اوضة اياد والصبح هنطلق..

مريم بدموع

؟؟..

_تفتكرو مريم قررت ايه؟

الرابع عشر من هنا

تعديل المقال