رواية حكاية رغد كاملة بقلم نورهان عادل
البارت الاول
حكايه رغد
بقلمي 
نورهان عادل
نورهان عادل أنا رغد عندى دلوقتي ٣٠ سنه وكنت حابه إنى احكيلكم حكايتى
من وأنا عندى ٢٠ سنه ابى توفى وامى بعدها تعبت ومش ليا اخوات أنا الوحيدة ابى كان بيشتغل على تاكسى وامى ربه منزل من بعد وفاة ابى أنا بقيت بشتغل مكان ابى عشان أجيب لامى علاجها وأكمل دراستى بعد لما دورت على شغل بس مش لقيت عشان لسه مش كملت دراستى فنزلت واشتغلت مكان ابى نسيت اقولكم إنى فى كلية ألسن.وعشان مش أطول عليكم المهم إنى نزلت واشتغلت على التاكسى وأنا بوصل الناس ركب معايا راجل حوالي عنده ٣٠ سنه وباين عليه إنه راجل غنى بس لما سالته وقولتله إنك باين عليك إنك غنى ليه راكب تاكس قالى إن العربية بتاعته عطلت فى الطريق المهم إنى وصلته مكان الشركة بتاعته بعد لما خلصت الشغل وأنا مروحه لاحظت إن فيه محفظه واقعه ولما ركزت فى المحفظه عرفت إنا هى محفظه الراجل اللى ركب معايا وعربيته عطلت فى الطريق لأنه بيطلع منها الفلوس وقعت منه وهو مخدش باله وأنا قررت إنى هروحله بكره مكان الشركة بتاعته
دخلت البيت وجهزت لامى الاكل دخلت نمت وصحيت الصبح بدرى وطلعت من البيت وركبت التاكس وروحت عند الشركة ولما وصلت الامن رفضوا يدخلونى وأنا مش كنت عارفه اسمه بس افتكرت إنى معايا المحفظه بتاعته وطلعت المحفظه ولما شوفت البطاقة لقيت إنه اسمه قاسم بيه فسالتهم عنه قالوليلى إنه لسه مش ايجى فعقدت استناه لما ييجى وبعد نص ساعة لقيته نازل من العربية بتاعته فجريت عليه وندهتله ولما وصلت عنده اديته المحفظه وقولتله إنك نسيتها لما كنت راكب معايا فهو اخدها منى ولقيته بقولى تعالى معايا فى الشركة جوه أكلمك فى موضوع مهم****
