رواية العودة من اجل الانتقام كامله بقلم كنزي ناصر
"الانتقام، قوة شديدة تنبض في قلوبنا وتحرك أرواحنا. إنها القوة التي تدفعنا للعدالة الذاتية وتمنحنا القدرة على صنع العدل في عالم المظالم. ولكن السؤال المحوري يبقى: هل الانتقام هو مجرد مصدر للتعويض والإرضاء، أم أنه يمتلك معنى أعمق؟"
تقدمت الفتاة في حياته كالعاصفة، تحمل في جعبتها سحرًا اقوى من سحره يجذبه إليها، وبصمتها الخاصة جعلته يشعر بأنه غير قادر على مقاومتها. في ظل انتقامه المستمر، تشكلت رابطة غير متوقعة بينهما، حيث طغت قلوبهما المتحجرة بسحر الحب والمشاعر العميقة.
ـــــــــــــــــــــــــــــــــــــــــــــــــــــــــــــــ
روايه/العوده من اجل الانتقام 
{البارت الاول}
} ⤶ڪَـ||ڪِـــنـزۍ ناصࢪ
↻
↻"قام دخل الحمام خد شاور و طلع وقف قدام المرايه و هو بيمسح وشه بتعب و بعدها طلع راح على اوضته بس وقف فى مكانه لما لقا جمله مكتوبه بالدم على حيطه من حيطان الاوضه و كانت الجمله"
•فندق "****" اوضه 35 •
سيف: يا ابن الكلب
"سيف دخل قلب الشقه بس ملقاش فيها اى حد فا دخل غير هدومه و صور الجمله و بعتها لحسن و قاله انه رايح على المكان دا و خد عربيته و راح على الفندق بسرعه
و بعد شويه كان وصل الفندق و راح على غرفه 35 بسرعه و فتح الباب و دخل لقا راجل كبير فى السن مقتو**ل و كان منظره بشع جدا و دمه فى كل حته حط ايده عليه علشان يشوف وشه و فى الوقت دا الباب اتقفل و الاوضه كانت ضلمه جدا و سيف شغل الكشاف بتاع الفون "
سيف: هقتلك يا فارس صدقنى هقتلك
"ظهر شخص قدامه و هو ماسك السكينه و بيضحك "
الشبح: طب و ايه اللى مخليك واثق كدا؟ و بعدين انا موجود قدامك اهو ورينى هتعمل ايه
"سيف طلع مسدسه و صوبه نحيه الشبح و فى الوقت دا حسن دخل و الشبح اختفى"
حسن: سيف انت كويس
سيف بزعيق: كان قدامى يا حسن كان مبينى و مبينه مفيش
حسن: اهدى يا سيف اهدى و هنجيبه
سيف: هنجيبه ازاى واحد بينزل كل فتره يقتل حد و يختفى مفيش ولا دليل عليه انا قربت اصدق ان هو شبح فعلا
حسن: صدقنى هنلاقى حل بس اهدى و خلينا نخلص و نعرف مين دا و ايه دنيته
سيف: كمل انت انا عندى مشوار
حسن: رايح فين
سيف: هكلمك
"سيف نزل و خد عربيته و راح على فيله فارس باقصى سرعه و بعد ربع ساعه كان وصل و جى يدخل الحراس منعوه بس هو زقهم و دخل"
فارس: سيف باشا بنفسه عندنا هنا منور يا باشا
سيف: لاء سريع لحقت تيجى على هنا كمان
فارس بإستغراب: مش فاهم تقصد ايه
"سيف مسك ايد فارس و شاورله على الساعه "
سيف: بس القاتل الشاطر ميسبش وراه دليل كنت قلعت الساعه على الاقل علشان مخدش بالى
فارس بضحك: معلش بقا يا سيف باشا لسه مبتدئين
سيف: يا ابن الكلب
"سيف مسك فارس و كان بيخنقه بس الحرس بتوعه قربو و بعدوه"
فارس: سبوه
سيف: هقتلك يا فارس هقتلك
فارس: اطلع بره يا سيف و مشفش وشك هنا تانى
سيف: قريب انا اللى هنهى عليك
"سيف طلع و رجع للفندق تانى "
حسن: كنت فين
سيف: هقولك بعدين بس فى اى جديد
حسن: اسمه صابر راجل كبير فى السن عنده 56 سنه فى حاجه غريبه انا سالت قالو انهم اول مره يشوفوه هنا و ان الاوضه دى فاضيه مش محجوزه و كمان اللى شافه كان واحد من الامن اللى تحت و قالو انه كان داخل لوحده و الكاميرات مجبتش اى حاجه عن دخول الشخص دا
سيف: لما هو دخل المكان لوحده لى الكاميرات مش جايبه دخوله ؟
حسن: بمعنى
سيف: فى حاجه غلط يا امى الولد بتاع الامن بيكذب يا فى حاجه فى الفندق
حسن: تقصد ايه
سيف: لما الراجل دا دخل لوحده زى ما بتاع الامن بيقول و جى على الاوضه لى الكاميرات ماسحه الجزء بتاع دخوله ما اهى مش هتتمسح غير لو الشبح كان داخل من هنا
حسن: يعنى كدا الولد بتاع الامن كذاب؟
سيف: بالضبط
حسن: تمام عمتا هبعت اجيبه و ابعتهولك على مكتبك
سيف: تمام و شفلى الى واقفين عند الكاميرات فين و ابعتهملى برضو
حسن: تمام
"سيف راح على مكتبه و حسن بعت جاب الولد بتاع الامن و بعته على مكتب سيف"
ـــــــــــــــــــ{فى مكان تانى}ـــــــــــــــــــــــــ
ـــــــــ{فى مكان تانى}ـــــــــــــــــــــــــ⤶ڪَـ ||ڪِـــنـزۍ ناصࢪ↻
↻"ساره وقفت العربيه"
وعد: وقفتى العربيه ل يا بنتى
ساره:هنزل اجيب مايه و اجيب حاجه ناكلها لانى جوعت و لسه قدامنا ساعتين عقبال ما نوصل
وعد: ماشى
ساره: اجبلك حاجه معايا
وعد: لاء ميرسى يا حب
"ساره نزلت و وعد فضلت فى العربيه و بعدها بدأت تشغل اغانى و حطت الهاند فرى و غمضت عنها وفضلت تدندن مع الاغنيه و بعد شويه ساره رجعت عند العربيه"
وعد: عملتى ايه
ساره: جبت
وعد: ايوه بقا يا سووو دلعينا
ساره: يلا يا ام كرش
"بداوا فى الاكل و بعد شويه كانو خصلو و ساره شغلك العربيه و كملت طريقها"
ــــــــــــــــــــــــ{عند سيف}ـــــــــــــــــــــــــــــــ
ــــــــــــــ{عند سيف}ـــــــــــــــــــــــــــــــ⤶ڪَـ ||ڪِـــنـزۍ ناصࢪ↻
↻"الباب خبط"
سيف: اتفضل
خالد: حضرتك طلبتنى
سيف: اتفضل اقعد
خالد: نعم يا باشا
سيف: عاوزك تحكيلى كل حاجه
خالد: انا قلت كل حاجه لحسن باشا
سيف: خالد انت مش هتطلع من هنا غير لما تعرفنى كل حاجه
خالد: حاضر انا هحكى لحضرتك كل حاجه
سيف: تمام معاك للاخر بس صدقنى لو كدبت فى كلمه واحده مش متلومش غير نفسك
خالد: انا كنت واقف على البوابه الرئيسيه و الشخص اللى اتقتل دا حى و سألنى على اوضه 35 تبقى فى الدور الكام و انا قلتله فى الدور التالت و بعدها مشى دا كل اللى حصل معرفش اى حاجع تانيه انا اصلا معرفش انا هنا لى
سيف: امممممم طب ملاحظتش اى حد دخل قبله او بعده حد غريب او كدا
خالد: حضرتك انا فرد امن واقف علشان فى خناقه او حد جى اتعدى على حد من الناس حد دايق الفريق اى حاجه من دول لاكن مش علشان اروح اشوف مين داخل و مين خارج
سيف: تمام
خالد: اقدر امشى؟
سيف: اتفضل
"خالد طلع و وقف تاكسى و ركب و طلع الفون من جيبه"
خالد: كدا تمام
الشبح: اه تمام جدا هتروح تلاقى مراتك و ولادك مستنينك فى البيت بس مش عاوز اقولك لو رحت تانى لسيف او حصل و غيرت حرف واحد من اللى اتقال هيحصل فيهم ايه
خالد: تمام
"خالد روح البيت لقا مراته و عياله موجودين"
خالد: انتو كويسين حد عملكم حاجه
مراته: لاء احنا تمام
الطفل: بابا هو مين صحبك اللى كنا معاه دا
"خالد بص لمراته و بعدها رد عليه"
خالد: دا واحد صاحبى كنت باعته ياخدكم
مراته: هنعمل ايه
خالد: جهزى حاجتك هنرجع البلد
مراته: حاضر
"و فعلا جهزو حاجتهم و خالد خدهم و مشى "
ـــــــــــــــــــ{فى الفندق}ـــــــــــــــــــــــــ
ـــــــــ{فى الفندق}ـــــــــــــــــــــــــ⤶ڪَـ ||ڪِـــنـزۍ ناصࢪ↻
↻وعد: لو سمحتى كنت عاوزه اوضه
مروه: تمام حضرتك هتبقا كام يوم؟
وعد: 3 ايام
مروه : تمام كام شخص؟
وعد: 2
مروه: تمام ممكن البطايق علشان املا البيانات
وعد: اه طبعا اتفضلى
مروه: تمام
"بدأت تملا البيانات و بعدها رجعتهم ل وعد"
مروه: تمام اتفضلى و اوضه حضرتكم جاهزه دا المفتاح اوضه 34 فى الدور التالت
وعد: تمام شكرا
مروه: العفو نورتى يا فندم
"وعد طلعت هى و ساره على اوضتهم و و لقو الشنط بتاعتهم هناك و اترمو على السرير بتعب"
وعد: اخيراً
ساره: الطريق كان طويل اوى
وعد: يلا بقا ننام علشان انا حرفيا فصلت
ساره: يلا يا اختى روحى غيرى الاول و بعدها تعالى نامى
وعد: اوووف طيب
"وعد راحت هى و ساره غيرت و لبسو فنله كات و عليها شورت و بعدها راحو على السرير و نامو"
ـــــــــــــــــــ{فى مكان تانى}ـــــــــــــــــــــــــ
ـــــــــ{فى مكان تانى}ـــــــــــــــــــــــــ⤶ڪَـ||ڪِـــنـزۍ ناصࢪ↻
↻"كان ماشى فى الشارع و هو بيسفر و مشغل الهاند فرى و و حط ايده فى جيبه بس ملقاش حاجه فا فضل يدور فى هدومه و برضو ملقاش الحاجه اللى بيدور عليها قعد يدور بس ملقاش اى حاجه فا افتكر حاجه"
FLASH BACK
صابر: انا اسف حقك عليا سامحنى يبنى
"طلع صوره من جيبه"
الشبح: ابنك! فاكر الشخص دا انت عملت فيه ايه ؟ فاكر ولا افكرك
صابر: فا فاكر والله فاكر بس انا هصلح كل دا ادينى فرصه
الشبح: بس فات الاوان للاسف
"خد السكـيـــــنـ**ــــــــه و قرب نحيته"
صابر: لاء لااااء سبنى انا مكنتش اقصد انا كنت
"مستناش يسمع منه اى حاجه و ضربه فى كذا مكان لحد صابر ما مات "
الشبح: اوبس كدا وسختنـ**ـى بدمك الوسـ**ــــخ
"فى الوقت دا كان وصل سيف و كان صوته عالى لما زعق لفرد من الامن فا راح وقف فى ركن من الاوضه و استنى لما سيف دخل فتح الباب و دخل لقا راجل كبير فى السن مقتو**ل و كان منظره بشع جدا و دمه فى كل حته حط ايده عليه علشان يشوف وشه و فى الوقت دا الباب اتقفل و الاوضه كانت ضلمه جدا و سيف شغل الكشاف بتاع الفون "
سيف: هقتلك يا فارس صدقنى هقتلك
"ظهر شخص قدامه و هو ماسك السكينه و بيضحك "
الشبح: طب و ايه اللى مخليك واثق كدا؟ و بعدين انا موجود قدامك اهو ورينى هتعمل ايه
"سيف طلع مسدسه و صوبه نحيه الشبح و فى الوقت دا حسن دخل و الشبح اختف و راح الاوضه اللى جمب اللى اتقتل فيها صابر و خد شاور و بعدها طلع لقا الصوره اللى كان ماسكها من شويه"
الشبح: اى خدمه دى البدايه هندمهم على كل اللى عملوه
"بعدها لبس و بص فى الاوضه اللى جمبه لقا مفيش غير حسن و اللى معاه و سيف مش موجود فا ضحك و بيلف و يرجع خبط فى الكرسى و حسن سمع الصوت فا طلع علشان يعرف الصوت جاى منين بس ملقاش حاجه فا رجع تانى"
BACK
الشبح: غبى غبى ازاى توقع حاجه زى كدا دى لو حد شافها هتعرف
"خد بعضه و راح على الفندق بسرعه "
و يتبعععععع
الثاني من هنا
