رواية كلمتك الاخيرة كامله بقلم نيفين احمد
سيف انت بتعمل ايه.
كنت بساعد بس صدقيني يا ماما.
انت مجنون ابعد عن ابني ، روح غرفتك يلا
ايه يا زين يا حبيبي انت كويس؟
- اه يا ماما كويس بس ييم (ريم)هي الي عويتني ( عورتني ).
تعال طيب ادويلك الجرح وأشوف ازاي ريم تعورك كده .
بعد فترة اتاكدت أن زين نام وراحت نزلت الشقة الي تحتهم تخبط جامد.
فتحت الباب: ايه واقفين وراء الباب ، وكمان ما تخبطي براحه شوية.
أنتِ ازاي بنتك المصون تعور ابني.
كان بالغلط يا نرجس هو وقع لم اتخانقوا ودول اطفال.
نرجس: لا يا فريدة مش اطفال ، أنتِ عاوزه تضري ابني باي طريقة أنتِ وبنتك.
ربنا يهديكي علي عقلك يا نرجس روحي يا حبيبتي ربنا يهديكي.
نرجس: والله لوريكي يا فريدة أنتِ وبنتك و...
من خلفهم : ايه الي بيحصل هنا في ايه .
فريدة : ادخل يا مازن.
نرجس بسرعه: الهانم بنتها ضربت ابنك وعورته.
مازن بخوف : هو كويس اتعور جامد!
نرجس : لا متخفش سطحيه حاجه بسيطة أهدأ يا مازن.
مازن : الحمد لله قلقتيني.
فريدة: أنا بعتذرلك يا مازن ، هو والله...
مازن: أنتِ بتقولي ايه بس ، دول اطفال يا حبيبتي.
نرجس : انت هتسيب حق ابنك كده يا مازن.
مازن: نرجس بس ، فريدة جوزك لم يجي خليه يطلعلي عشان في مشوار كده هنروحه سواء.
حاضر يا مازن.
مازن مسك ايد مراته وخدها وراه وقال عن اذنك يا فريدة.
في شقتهم فوق
نرجس: كده يا مازن تسيب حق ابنك.
مازن: ممكن نعقل شوية ودول اطفال بطلي الهوس أن الكل عاوز يأذي ابنك واهدي شوية يا نرجس.
حاضر ماشي يا مازن ودخلت غرفتها
مازن راح اطمن علي ابنه زين وبعدها دخل غرفة ابنه سيف لقها نايم علي الارض ضامم نفسه وعمال يبكي.
مازن بخضه جرى عليه : مالك يا حبيبي انت كويس.
سيف بدموع: لا انا تعبان يا بابا.
مالك ايه الي وجعك يا حبيبي .
سيف بدموع :قلبي يا بابا ، هو ماما مش بتحبني ليه!
مازن حزن علي حالة ابنه وان طفل في العمر ده بيقول كلام ده وقلبه واجهه من الحزن: حبيبي ماما بتحبك اوى بس مش بتعرف تعبر يا حبيبي.
سيف بدموع: لا مش بتحبني بتحب زين بس ، هو انا مش ابنه زاي ماهو ابنها.
مازن : اه يا حبيبي ابنها أهدأ بس وانا هجيبها تصلحك وحضن ابنه وباسه رأسه وتوجه لغرفة مراته.
مازن: ايه يا هانم إلي عملتيه في سيف يخليه في الحالة دي.
نرجس بخضه: ماله كويس في ايه.
مازن: طالما خائفة عليه كده ، يبقي تنسي الي فات وتتعملي مع ابنك عادي وانسي بقي.
نرجس بدموع : انسي انت بتقول ايه انسي ده شئ مستحيل ابنك خسرني كل حاجه ، كل ده بسببه هو.
مازن : يا نرجس ده ابنك ولازم تتقبلي الي حصل قضاء وقدر ، وتعالي صالحيه عشان الواد هيموت بالشكل ده ، ده مفحوت من العياط وقلبه تعبه.
نرجس بخضه جريت علي غرفت ابنها شافته نايم حاضن نفسه وبيعيط جريت عليه و حضنته ، سيف حبيبي أهدأ مالك بس أهدأ يا حبيبي.
سيف بدموع و بيحضن أمه : بجد يا ماما انا حبيبك و بتحبيني؟
نرجس بدموع : اه يا حبيبي طبعا انت ابني الغالي ، ومسحت دموعه وقالت يلا نام شوية عشان تصحي تذاكر انت وزين.
سيف بأس نرجس وراح نام وهو فرحان.
...........
طلعت من غرفة ابنها في صالة وقعدت علي الكرسي
مازن: لحد امتي يا نرجس.
لحد امتي ايه يا مازن.
لحد امتي هتعذبي نفسك وابنك كده كل يومين ابنك نفسيته تتعب بسببك.
مازن انا مش قادرة اتكلم.
ماشي يا نرجس لم نشوف اخرتها.
نرجس كانت رايحه مطبخ تحضر الغداء سمعت جرس الباب راحت تفتحته انصدمت من منظر فريدة
فريدة بدموع وانهيار: الحقيني ريم بتروح مني ، ريم بتموت..
نرجس ومازن بصدمه :ايه
وجريوا علي تحت لقوا ريم قاطعه النفس...
الثاني من هنا
