رواية بوابة السرمد كامله
صحيت من النوم زي اي يوم عادي عشان اروح الشغل .. وانا بقوم من السرير .. حسيت نفسي دايخ ، دايخ جدا ...وحاسس بوجع ف دماغي زي ما يكون حد خبطني على راسي بحاجه تقيله خلتني اغيب عن الوعي فتره كبيره....
قومت من على السرير وانا بسند نفسي على الحيطه ودخلت الحمام عشان اغسل وشي وافوق...لاحظت وجوده جمله مكتوبه على زجاج مرايه الحمام....
( انت الامل ف حين عدم وجود الامل )...!!!
استغربت من الجمله بس لاني كنت دايخ لدرجه اني مش فاكر امتى انكتبت ولا ازاي ، انا حتى مش قادر افتكر النهارده يوم ايه!! ، ثانيه كدة هو انا اسمي ايه ؟!
اه هيثم الحمد لله لسه فاكر حاجه اهو ، بس الغريب كمان اني فاكر مكان الشغل بس مش فاكر انا شغال هناك ايه ؟! انا فاكر انها كانت شركه ادويه كبيره ، وفاكر طشاش اننا اكتشفنا ماده غريبه ، ماده كان بيتقال عليها انها هتعمل ثوره نوعيه ف علم البيولوجي .. حاولت افتكر اكتر من كدا .. بس لسبب ما مجهول مش قادر افتكر اكتر من كدا زي ما يكون فيه حاجه جوه مخي بتمنعني من عدم التذكر!!! ...المهم لبست هدومي .. ومسكت موبيلي عشان اشوف الساعه كام .. لاقيت الموبيل فاصل شحن والاغرب هو عدم وجود كهرباء اصلا!!
قولت ف بالي مش مشكله دلوقت تيجي ان شاء الله تعالى . . لبست هدومي ونزلت من البيت . . . لاقيت الدنيا سكوووت ومافيش صوت خالص غير صوت الرياح .. الموقف كان مرعب بجد...معقوله مافيش بني آدم واحد حتى .. طب ازاي؟!...اخدت نفس عميق وكملت مشي الغريب ان حتى السيارات الي كانت موجوده ف الشارع كانت واقفه بطريقه غريبه ومريبه شويه كانها عملت حادثه وواقفه بالجنب ومافيش حد جواها !!!!! .. هو فيه حاجه غلط حصلت هيا ايه .. لسه معرفش...
* عموما كدا كدا مكان الشركه قريب نوعا ما كلها 20 دقيقه واوصل ان شاء الله تعالى *...
وانا ماشي كان فيه كشك صغير على جنب المفروض كان بيبع جرايد وكدا .. قولت اما اروح هناك اشتري واسال ف ايه .. والناس راحت فين ..بس لما قربت من الكشك لاحظت وجود كل حاجه هناك زي ما هيا تقريبا بس صاحب الكشك مش موجود !!
معقوله حد يسيب بضاعته كدا ؟!
بصراحه بيني وبين نفسي خفت...ونبضات قلبي زادت من الخوف وبقيت خايف اني اقرب...خايف اني اشوف...بس اخدت نفس عميق وجمدت قلبي وقربت ، وقربت اكتر...لحد ما كانت المفاجاءه
وجود اثار دم ف الكشك .. بلعت ريقي وقربت اكتر وقولت جايز كانت عمليه سرقه . . بس الغريب ان كل حاجه كانت زي ما هيا يعني اكيد مش سرقه. . ممكن تكون قتل!! .. ومين لصاحب الكشك!! .. هل معقول له اعداء عاوزين يخلصو منه!!
لسه هتحرك من الكشك بس لفت نظري تاريخ الجريده كان سنه 2022!!!
ايييييه !!!!!!!!.. انا اخر مره فاكرها كانت ف 2019 او 2020 ازاي في كذا سنه من عمري مش فاكر عنهم حاجه!!!...
وزي ما يكون فيه لمحه من الذكريات مرت قدامي .. لما افتكرت نفسي وانا بكلم واحده وبقولها
* زي النهارده من سنه كنت متعرف عليكي .. ودلوقت بقولك عاوز اجوزك .. *
انا فاكر كويس الذكرى دي .. لاني وقتها كتبتلها ب ايدي على الجبس الي كان ف ايديها 2020 6/7.....يبقى ازاي وصلنا 2025؟!!!!!....يتبع
الثاني من هنا
