رواية غلطة غير مقصودة كامله بقلم ولاء وسام
سلمي: يا ماما سيبيني انام شوية الله يباركلك في عيالك... 
سهير: قومي ياختي يلا عشان انزل المدرسة.
ام سلمي: يلا يا سلمي عشان معاد الدرس قرب وتلحقي تفطري قبل ما تنزلي.
ام سلمي: يلا يابت انتي وبطلي دلع وانتي يا سولي يلا حطي الاكل عقبال اختك ما تصحا...
سولي: حاضر يا ماما يارب نخلص يا ست سلمي.
سلمي: قومت خلاص يا ام نص لسان.
وقامت سلمي ودخلت تتوضا عشان تصلي وتلبس...
*نسيت اعرفكم بنفسي انا سلمي عندي 19سنة وطالبة في تالتة ثانوي اخدت الثانوية علي سنتين عشان وفاة بابا كانت ماثرة عليا عندي اخت واخ (سهير و محمد) محمد اكبر مني انا وسهير ، سهير وبنقولها يا سولي عشان مش بتحب اسمها هي في تالتة اعدادي وعندها 15سنة.
وطبعا اجمل حد في حياتي ست الكل اللي انا مطلعة عينها ربنا يخليهالي.... عرفتلكم نفسي يلا بقاا نشوف الدرس.. 
» اتوضت سلمي وصليت الصبح ولبست دريس كشمير في ورد اسود صغنن وعليه طرحة سودة...
سلمي: صباح الخير... اي ده خلصتوا الفطار من غيري.
سولي: ياشيخة اتنيلي كل ده تاخير دي ماما مذنباني عشان تلاقيلك حاجة تاكليها.
ام سلمي: اقعدي بقا يا سلمي عشان الدرس ومتتاخريش.
سولي: هو في اي ياست الكل معندكيش غير سلمي مانا عندي مدرسة بردو والطابور بيبقا الساعة 11
سلمي: انتي لي عاملة اماثل للمدرسة ده انتي حتي فترتك فترة الضهر... وكولي بقاا وانتي ساكتة.
سولي: ايوة بس....
ام سلمي قطعتها: بس منك ليها كل واحد ياكل وهو ساكت ومسمعش حس حد.
سلمي: مالك يا ماما احنا بنهزر وبعدين سولي دي بنتي ومقدرش ازعلها.
سولي: روح قلبي يا سلومتي... يلا اطير انا بقاا مكنتش جعانة اصلا... سلاااموز
سلمي: ابقي رني علينا لما توصلي المدرسة متنسيش زي كل مرة.
سولي: حاضر يا سلومتي خدي بوسة في الهوا...
سلمي: مجنونة والله..... مالك يا ماما متنرفزة لي ومدايقة من حاجة.
ام سلمي: مافيش حاجة.. انا كويسة.
سلمي: علي سلومتك بردو.. في اي بجد قلقتيني عليكي.
ام سلمي: اخوكي محمد بقاله يومين متصلش وقلقانة عليه اووي..... اول مرة من ساعت ما سافر يتاخر في اتصاله علينا كدة.
سلمي: متقلقيش يا حبيبتي تلاقيه مشغول شوية بس... اوعدك لما ارجع من الدرس هنكلمه فيديو كول.
ام سلمي: ماشي يا حبيبتي يلا عشان متتاخريش....
سلمي: حاضر وباست ايدها
ام سلمي: سلمي صحيح اعمل اكل اي النهاردة..
سلمي: اي حاجة
ام سلمي: لا جبتي التايهة.. حاضر هعملكم اي حاجة..
سلمي: سلاموز يا ست الكل .
نزلت سلمي وراحت الدرس ولما دخلت...
ندي: اي يا ست هانم كل ده مش قولنا هنفطر سوا انا جعانة
سلمي: هو اي يوم الفطار العالمي ده وبعدين متزعليش يا ندوشتي تتعوض لاني فطرت خلاص... 
ندي: نعم ياختي وربنا انا جعانة منك لله انا غلطانة اني استنيتك نفطر سوا..
سلمي لسة هترد دخل المستر
المستر: صباح الخير يا بنات
البنات: صباح النور يا مستر
المستر: طبعا مااخدتوش امتحان...
سلمي: لا يا مستر امتحان اي انت مقولتش.... وغمزت لندي
ندي: اه يا مستر مقولتش ومش مزاكرين كويس.
اسماء: ايوة يا مستر مقولتش وانا كنت غايبة اصلا...
المستر: طالما كنتي غايبة عرفتي ازاي اني مقولتش يا اسماء.
اسماء: هاااا....
سلمي: ماهي كلمتني تسالني قولتلها المستر مقالش.... وضربت اسماء في رجلها.
المستر: خلاص متحاوروش الامتحان المرة الجاية ان شاءلله تيجوا بدري ساعة عشان امتحان علي اول فصلين.
والنهاردة هنبدا الفصل التالت ان شاءلله.
البنات: تمام يا مستر.
*ندي تبقا صحبت سلمي الانتيم مع بعض من الحضانة وجيران كمان واسماء صحبتهم في الدرس عادي.
عند سولي في المدرسة
المستر: يابنات انتو بتيجوا لي انتو شهادة المفروض غياب عادي.
سولي: بنيجي يوم نلعب شوية ونفكك من الدروس اللي كل يوم دي يامستر.
سارة: اه يا مستر والله تعبنا بجد.
روميساء: تفتكر يا مستر هنجيب مجموع.
المستر: بصوا يا بنات ربنا بيدي كل واحد علي مجهوده يعني حضرتك متناميش في البيت وتروحي الدرس تقضية واجب وترجعي تنامي او تمسكي الموبيل وتقولي انا نفسي اجيب مجموع... لا ذاكروا كويس واعملوا اللي عليكم كويس وربنا هيكرمكم... وادعوا كتير الادعية بتغير الاقدار.
سارة: بجد يا مستر يعني لما بنلح في الدعاء علي حاجة ربنا بيغيرنا القدر وبيحققهالنا.
المستر: بصي يا سارة لو خير ليكي ربنا هيحققهالك ولو شر ممكن يخليها خير ويحققهالك بس وممكن يحققهالك في وقت انتي متتوقعيش اني الحاجة دي تحصل اصلا... عارفة ربنا ممكن يكون بياخر الحاجات اللي بنحبها في تحقيقها عشان ربنا بيحب يسمع صوت عبده وهو بيدعيله بيحب عبده يلح عليه بالدعاء ويدعيه ويذكروا كتير ومينسهوش...
البنات: ياااااه ده ربنا جميل اوي.
المستر: اوي اوي.... ويلا كل واحدة تاخد شنطتها وتروح تذاكر احسن النهاردة ومتنسوش الدعاااء.
البنات: حاضر يا مستر.
عند محمد اخوه سلمي
محمد: يااااه انا نسيت اكلم ماما واخواتي بقالي يومين ده زمانهم قلقانين عليا...
هرن علي ماما كدة تلاقيهم القردتين في الدروس.
ترن ترن ترن
محمد: الوو اي ياست الكل وحشتيني وحققك عليا عشان مسالتش عليكي اليومين اللي فاتوا دول.
ام سلمي: محمد وحشتني يا بني يا حبيبي كدة قلقتني عليك خالص عامل اي وعيالك ومراتك عاملين اي طمني عليكم.
محمد: احنا بخير يا حبيبتي فين القردتين صح.
ام سلمي: واحدة في الدرس والتانية في المدرسة كانوا قلقنين عليك بردو لما يجوا هخليهم يكلموك.... فين ياسين وريتاچ ومروة عاوزة اسلم عليهم.
محمد: حاضر يا امي... مروة يا مروة.
مروة: نعم يا حبيبي
محمد: كلمي ماما... خدي
مروة: اذيك يا ماما عاملة اي يا حبيبتي وحشتيني اوي انتي وسلومة وسولي.
ام سلمي: الحمد لله يا بنتي بخير انتي كويسة الواد محمد ده مزعلك في حاجة قوليلي.
مروة: لا والله محمد ده مافيش زيه اصلا.
ام سلمي: ربنا يخليكم لبعض ويهدي سركم يارب يا حبيبتي.. فين العيال.
ياسين: ازيك يا تيتا وحشتيني
ام سلمي: ازيك يا روح قلب تيتا وحشتني انت وريتاچ كتير هي فين.
ياسين: ريتاچ نايمة لما تصحا تخليها تكلمك.
ام سلمي: ماشي يا حبيبي يكون عماتك جوم ويكلموكم بتروح المدرسة.
ياسين: اه برو الschool وبعمل ال homework.
ام سلمي: اي الهوم ده..
محمد: ههه الواجب يا امي.
ام سلمي: ماشي يا حبيبي ربنا معاكم انت كويس يا محمد.
محمد: اه يا حبيبتي مش عاوزة اي حاجة.
ام سلمي: لا سلامتك يا حبيبي لا اله الا الله
محمد: محمد رسول الله 
*محمد لما اتخرج من كلية العلوم اتجوز مروة زميلته في الجامعة ولما ربنا كرمه سافروا وخلفوا ياسين 6سنين وريتاچ 4سنين
هما في الامارات...
ومروة مش بالنسبالهم مرات اخ لا دي اختهم التالتة بالظبط وبنت ناس وكويسة جدا مع مامت محمد واخواته.
عند سلمي في الدرس
المستر: خلاص كدة الحصة خلصت وبقول اهو المرة الجاية امتحان امتحااان قبليها ب ساعة.
البنات: اول فصلين... حفظنا يا مستر خلاص...
مستر: ماشي يلا سلام
البنات: سلاام
في الشارع
ندي: سلمي عاوزين نذاكر كويس عشان المستر شكله هينفخنا.
سلمي: سيبيها علي الله خير ان شاءلله.
ندي: عاوزة احكيلك حاجة وخايفة تضربيني.
سلمي: خير في مصيبة
ندي: اه عمرو رجع كلمني تاني.
سلمي: تاني يا ندي اعملي بلوك ومتكلموش.
ندي: يا سلمي ده لسة بيحبني وساب خطبته عشاني.
سلمي: بيحبك اي انتي غبية لو بيحبك مكنش خطب وسابك ولو هو انسان كويس مكنش ساب خطيبته عشان حد تاني وطالما عمل كدة معاها هيعمل اكتر من كدة معاكي افهمي بقاا..
ندي عينها مدمعة: بس انا لية بحبه.
سلمي بتحضنها: ياحبيبتي انا عارفة بس صدقيني ده حب مراهقة بصي متكلموش خالص وقوليله استنا لما اخلص تعالي اتقدملي واعملي بلوك يا ندي ابوكي او مامتك لو عرفوا هيموتوكي... اسمعي كلامي عشان خاطري.
ندي: حاضر يا حبيبتي بااي
*عمرو ده كان جار ندي وسلمي وعزل من فترة كبيرة اكبر من سلمي وندي ب3 سنين وندي بتحبه من صغرها وهو بيحبها وكانوا بيتكلموا وفجاة خطب وعزل
وطبعا بطلتنا مش بتقبل عمرو ده من صغرهم ومش شايفة انه بيحب ندي ولا حاجة وده كله وهم وبس..
روحوا سولي وسلمي البيت
سولي: تعرفي يا ماما المستر قعد يقولنا حاجات عن استجابة الدعاء وكدة انا هدعي كل شوية وانتي ادعيلي كتير وانتي يا سلمي ادعيلي بردو.
سلمي: حاضر يا حبيبتي... ست الكل عملت اكل اي..
ام سلمي: طاجن مسقعة بالحمة المفرومة انما اي جامد.... صحيح يا سلومتي محمد كلمني.
سلمي: اه عشان كدة دلعتيني ماشي هدخل انام شوية واصحا اكل واكلمه عشان ياسين وريتاچ وحشوني اووي القرود دول.
دخلت سلمي تنام الفون رن
ترن ترن ترن
سلمي: الو مين معايا
المجهول: سلمي انا مازن
سلمي: مازن مين الرقم غلط
مازن: استني استني متقفليش سلمي انا بحب وعاوز نتعر....
سلمي قفلت في وشه: هو احنا ناقصين قرف علي الصبح. وخد احلي بلوك
الفون رن تاني
سلمي: يووووه بقاا انا مش هتخمد النهاردة.
سلمي: الو اي يا ندي
ندي: الحقيني يا سلمي
سلمي: اي حصل..... اييييي
ياترا ندي حصلها اي
الثاني من هنا
