رواية عشق التحكم (صغيرة فؤادي) الفصل التاسع 9 بقلم اسماء سلام
الفصل التاسع 
سلمى ايوه يا فؤاد هتتجوزنى امتى ؟
فؤاد رد على أنه صوت راجل وقال ايوه يا احمد هكلمك بعدين واقولك نتقابل امتى علشان نشوف موضوعنا
سلمى باستغراب احمد مين و زفت مين ، أنا سلمى يا فؤاد
فؤاد منا عارف والله ، هكلمك بعدين لانى مشغول وجمبى ناس
سلمى مراتك جمبك
فؤاد ايوه اخيرا فهمتنى
سلمى تمام خلص بسرعة وكلمنى
فؤاد تمام سلام
فؤاد خلص المكالمة مع سلمى ولقى روح بتبصله فخاف تكون سمعت حاجة
روح فى حاجة ولا ايه
فؤاد لأ ابدا ،ده زميلى فى الشغل وعايزنى فى موضوع مهم
روح تمام يا بابا ، ممكن تكلمه مدام الشغل ضرورى
فؤاد هكلمه بعدين ، اهم حاجة انتى
روح أنا الحمد لله بخير
فؤاد يا رب دايما
روح وفؤاد قعدوا يتكلموا فى اى مواضيع وفؤاد اكتشف انها مثقفة جدا وكلامها مسلى جدا بس حاسس بتأنيب الضمير بين روح وسلمى
سلمى حبيته واللى واثقة فيه أنه مش هيقرب من روح ، بس هو خان الثقة دى وقرب من روح
وروح اللى واثقة فيه أنه زوجها وأنه مش هيخونها مع اى واحده بس هو بيخونها مع سلمى ، لان مجرد تفكيره فى سلمى بس ده يعتبر خيانه ليها
بس مش عارف يعمل ايه ويتصرف ازاى بين واحده قلبه حبها و واحده شايف انها كويسه ومتستاهلش اللى بيحصل معاها
روح لاحظت أنه شرد الذهن
روح فؤاد ، روحت فين يا فؤاد
فؤاد معاكى اهو
روح لأ مش معايا خالص ، شكلك بتفكر فى الشغل من ساعة المكالمه وانت سرحان فقوم كلم صحبك وبعدين نتكلم
فؤاد ماشى يا روح يلا سلام
روح سلام وخلى بالك من نفسك وقبل ما توصل هنا كلمنى
فؤاد حاضر
فؤاد دخل غير هدومه ونزل ورن على سلمى وقالها أنه جاى ليها وأنها تستناه فى الكافيه بتاعه
سلمى جهزت وراحت تقابل فؤاد فى مكانهم المعتاد
فؤاد ايوه يا سلمى
سلمى أنا كلمت بابا وخدت معاه ميعاد علشان تيجى تتقدم انت و والدتك
فؤاد بفرحة بجد ، الحمد لله ، امتى بقى ؟
سلمى بسعاده النهاردة الاثنين ، يوم الاربع الجاى ده
فؤاد حلو اوى ، هكلم امى واقولها
سلمى ماشى يا حبيبى 
فؤاد مسك ايديها وباسها وقال ربنا يخليكى ليا وميحرمنيش منك ابدا
سلمى ولا يحرمنى منك يا روحى
فؤاد وسلمى قعدوا يتكلموا عن حياتهم بعدين وناويين يعملوا ايه بعد كده
عند روح
روح قامت تروق البيت وتعمل اكل علشان الغذاء لحد فؤاد ما يجى
فؤاد رجع وهو مبسوط جدا أن حلم حياته هيتحقق
روح استقبلته وقالت
روح حمد لله على السلامه
فؤاد الله يسلمك
روح شكلك مبسوط ، خير
فؤاد كان هيتكلم بس افتكر أن الموضوع عن سلمى ومينفعش يكلم روح عنها
فؤاد مفيش يا روح ، احمد صاحبى اترقى وخد مكافأة فكنا بنحتفل بالمناسبة دى
روح الف الف مبروك ليه ، ربنا يسعده دائما ، عقبالك يا فؤاد
فؤاد ابتسم على برائتها وحنيتها وقال
فؤاد يا رب يا روح وبعدين غير الموضوع وقال شامم ريحة اكل جميلة اوى
روح اه منا عملت الاكل
فؤاد عملتلنا ايه
روح عملت صنية بطاطس باللحمة ورز
فؤاد الله ، أنا بحب الاكله دى اوى
روح بكسوف وصوت ضعيف علشان كده عملتها
فؤاد سمعها وابتسم أنها عملت كده علشانه وبعدين قال ماشى يا روح أنا هقوم اغير لحد ما تحطى الاكل
روح من عنيا
فؤاد دخل غير هدومه ولقى الاكل محطوط على السفره
فؤاد ريحة الاكل تفتح النفس
روح بالهنا والشفا
روح قعدت تحط لحمة كتيرة قدام فؤاد
فؤاد بس كفاية ، أنا مش هاكل كل ده
روح لازم تاكل علشان انت بتتعب فى الشغل
فؤاد ماشى وبعدين حط لحمة قدامها وقال وانتى كمان لازم تكلى علشان بتتعبى بردو معايا وغمز لها ???
روح انكسفت و وشها احمر وقالت هقوم اجيب مية من جوه وجاية وكانت هتقوم بس فؤاد مسك أيدها
فؤاد اقعدى فى مية هنا ولا عايزة تقومى وتسيبينى
روح مش قصدى بس انكسفت
فؤاد ضغط على ايديها وقال مفيش كسوف ولا حاجة ، أنا زوجك
روح دارت وشها وقالت اه
فؤاد مسك وشها وخلاها تبصله وقال متبعديش عينك عنى ابدا
روح بصت فى عينه بإعجاب وبابتسامه وقالت حاضر
فؤاد حضرلك الخير يا روح
فؤاد و روح قعدوا يأكلوا فى صمت وبس فى نظرات بينهم
بعد الاكل روح جابت عصير ليهم وقعدت جمبه وقالت عايزة اكلمك فى موضوع
فؤاد اتكلمى يا روح
روح عايزة اروح اقدم للكلية مع صحبتى منى لأننا هندخل نفس الكلية
فؤاد ماشى ، ايه المشكلة
روح هتسيبنى اروح لوحدى ولا هتروح معايا ولا هتعمل ايه
فؤاد هروح معاكى بس يوم ايه
روح بكره
فؤاد تمام حلو اوى
روح وفؤاد قعدوا يتكلموا وبعدين كل واحد دخل ينام فى اوضته لان كل واحد كان مكسوف يطلب من التانى أنهم يناموا مع بعض فكل واحد قرر أنه يسكت على أمل أن التانى يتكلم بس محدش اتكلم فدخلوا يناموا
تانى يوم
روح صحيت وقامت تلبس علشان تروح تقدم بس لقت رساله من منى بتقولها أنها هتقدم الاربع مش النهاردة
روح بعتت ليها ماشى
روح قامت وراحت تصحى فؤاد بس جت قدام الاوضة وافتكرت لما زعقلها لأنها دخلت من غير لما تغير ، وقالت أنهم لسه مخادوش على بعض بس لسه فى امل لأنهم اتحسنوا جدا فى علاقتهم
روح خبطت بس فؤاد كان صاحى وقالها تدخل
فؤاد متخافيش يا روح ، أنا صاحى ومش ناسى ميعاد تقديمك
روح منا جاية أكلمك على كده ، مفيش تقديم النهاردة ، هنروح بكره
فؤاد اه تمام بس افتكر أنه رايح يتقدم لسلمى بكره
فؤاد هو مينفعش نأجل التقديم غير يوم الاربع
روح عادى بس انا كنت هروح مع منى بس لو مش فاضى ممكن اروح أنا وهى لوحدنا
فؤاد معلش يا روح بس يوم الاربع ده مهم عندى اوى وعندى مشوار مهم جدا
روح عادى ولا يهمك ، ربنا يوفقك دائما وخصوصا فى مشوارك ده
فؤاد فى سره ، لو تعرفى انك بتدعى إن ربنا يوفق زوجك فى جوازته التانى وأكيد لو عرفتى هتزعلى جامد بس غصب عنى والله ، أنا بحترمك وكل حاجة وانتى انسانه محترمه وكويسه بس انا بحب سلمى من زمان وهى حلم حياتى وبعدين قال
فؤاد يا رب يا روح ، متزعليش منى ، اعوضهالك بعدين
روح ولا يهمك ، اهم حاجة مشوارك مدام مهم
فؤاد اه جدا
روح ربنا يسعدك دائما واشوفك احسن موظف فى الدنيا
فؤاد واشوفك انتى كمان اسعد انسانه فى العالم ، أنا هكمل لبس وانزل اسلم على ابويا وامى وأروح الشغل
روح تمام فى حفظ الله
فؤاد يا رب
فؤاد نزل وسلم على ابوه وامه وبعدين قعد مع والدته فى مكان لوحدهم
الام ايوه يا فؤاد فى ايه يا ولدى
فؤاد خير يا امى ، فاكره موضوع زواجى من سلمى
الام ايوه يا فؤاد ماله
فؤاد سلمى خدت ميعاد من ابوها بكره ولازم نروح
الام أنا فكرتك شلت الفكرة دى من دماغك وان علاقتك مع روح اتحسنت
فؤاد اه اتحسنت شوية بس بردو انا عايز سلمى
الام لسه بردو محصلش حاجة بينكم
فؤاد لأ حصل يا امى بس مش قادر اكمل فى العلاقة دى ، روح انسانه محترمه بس انا بحب سلمى وكنت مفكر انى هنسى سلمى لما اتجوز روح بس معرفتش انساها علشان كده مصمم على زواجى منها
الام بس انا ملاحظة أن روح مهتمية بيك الفترة دى بدليل أنها بقت تسألنى عن اكلك المفضل وبتحب ايه ومش بتحب ايه يعنى هى عايزاك وخائفة بجوازك من سلمى تضيع روح من ايدك وكمان انك تتجوز اتنين صعب اوى لانك ازاى هتوفق بين الاثنين
فؤاد عارف يا امى أن صعب أوفق بينهم بس مش مستحيل وانا هقضى نصف الأسبوع هنا ونصف الاسبوع هناك
الام طب هتقول لروح ايه
فؤاد عادى عندى شغل فكل اسبوع هبات 3 ايام وهاجى الباقى واعتقد روح مش هتدقق ولا هتركز فى حاجة
الام تمام يا فؤاد ، مدام مرتب كل حاجة يبقى ربنا يسعدك يا ابنى دائما
فؤاد يا رب يا امى ومسك ايديها وباسها وقال ربنا ما يحرمنى منك ابدا يا ست الكل
الام ولا يحرمنى منك يا حبيبي
فؤاد وانا هكلم على واخليه يجى معايا خصوصا أنه اخويا الكبير وهيعوض غياب ابويا
الام ماشى يا فؤاد كلمه
فؤاد سلام يا امى ادعيلى
الام ربنا يوقفلك ولاد الحلال دائما فى طريقك ويرشدك دائما للخير
فؤاد مشى وراح شغله
الام فى سرها خايفة عليك يا فؤاد من الوقعة اللى بتعملها دى وحاسه هتتعب منها اوى بس ربنا يصلح الحال ويجيب العواقب سليمة
فى الشركة عند فؤاد وسلمى
فؤاد أنا مبسوط اوى أننى هاجى اتقدملك النهاردة
سلمى ولا أنا كمان يا حبيبي
فؤاد اخيرا حلمنا هيتحقق وهنكون مع بعض فى بيت واحد فى حلال ربنا
سلمى ايوه يا فؤاد ، ده حقيقه
فؤاد أنا ناوى اول لما نتجوز هدبح عجل لله وهخلى محصول فدان كله للفقراء
سلمى بقرف صحيح يا فؤاد نسيت اقولك انى مقولتش لبابا أن اهلك فلاحين يعنى حاول متقولش الألفاظ دى قدامه
فؤاد فيها ايه أن اصلى فلاح ، هى الفلاحة عيب ولا الفلاحين أقل منكم
سلمى مش القصد يا فؤاد بس بابا مش هيبقى واثق وانا عايشه مع ناس بيتعاملوا مع حيوانات
فؤاد ماشى يا سلمى اللى يريحك بس انتى عارفه انى مش بشتغل فى الفلاحة وعمرى ما كنت هخليكى تعملى كده انتى كمان بس عمرى ما انسى اصلى وان الفلاحة دى هى اللى خليتنى متعلم و موظف قد الدنيا و واقف معاكى دلوقتي
سلمى ده ابويا ومقدرش اغير تفكيره اللى اتعود عليه وعودنا عليه فاستحمل يا حبيبي علشانى
فؤاد حاضر يا قلبى ، كله علشانك انتى
، كله علشانك انتىسلمى ربنا يخلينى ليك دائما
فؤاد يا رب يا سلمى
عند والد فؤاد
رضوان ايوه يا حاجة ، مالك سرحانه ليه كده
الام مفيش يا حاج بس بفكر فى روح و فؤاد
رضوان ملهم ، أنا شايف انه كويسين مع بعض ولا ايه رايك
الام اه بس متنساش أنه مغصوبين على الزواجه
رضوان خير باذن الله ، أنا واثق أن فؤاد هيحب روح وهتشوفى
الام فى سرها مش عارفه اقول امين أن روح تبقى حبيبته ولا مقولش لانه هيتجوز سلمى فردت عليه وقالت ربنا يعمله الصالح
رضوان يا رب
عند عدى وندى
عدى اتفق مع ندى انه يقابلها فى كافيه قريب من الشركة اللى عدى بيشتغل فيها
عدى عامله ايه يا انسه ندى
ندى الحمد لله بخير
عدى يا رب دايما ، ممكن تحكيلى عن ظروفك وليه هتسيبى بلدك ، ده لو مفيش تطفل منى فى حياتك
ندى لأ ابدا مفيش تطفل ولا حاجة
عدى كلك زوق ، كلمينى عن نفسك
ندى أنا اسمى ندى محمد السيد ، عندى 24 سنة ، ساكنه فى اسكندرية ، معايا كلية تجارة عربى ، وحيدة مليش اخوات ، والدتى متوفية ، وعايشة مع والدى لوحدى بس للاسف بيعاملنى أسوأ معامله
عدى ازاى
ندى هو مش بيشتغل وقاعد فى البيت وانا اللى بشتغل علشان اصرف على نفسى بس هو بياخد كل مرتبى ويشرب سجائر ومعسل ويطلب اكل ومخلص كل فلوسى وبيدينى حق مواصلاتى بالعافية
عدى هو والدك عنده قد ايه وهل عنده مرض علشان كده قاعد مش بيشتغل
ندى والدى عنه 56 سنة والحمد لله صحته كويسه بس من بعد موت امى وهو اتغير معايا اوى وبقى بالاسلوب ده وخلاص أنا تعبت ومبقتش قادرة اعيش معاه اكتر من كده
عدى معاكى حق بس بردو لازم نعرف ليه بيتصرف كده معاكى لأن اكيد فى سبب أو هو طبعه كده
ندى هو طبعه كده حتى مع ماما كمان ، شخص متسلط يحب يتحكم فى اى حد وبعد موت ماما الوضع زاد وعلشان أنا اللى بقيت معاه فظهر طبعه الحقيقى بالنسبة ليا لأن اكيد امى كانت بتاخد كل التهزيق
عدى ربنا يرحمها
ندى يا رب
عدى أنا عايز اقابل والدك واكلمه
ندى ليه ، مفيش فايدة من الكلام معاه وانا مش عايزاه يعرف أنا هروح فين
عدى بس يا ندى ، أنا فرحان انك واثقة فيا لدرجة أنك تلجأى ليا بعد ربنا وتحكيلى عن حياتك الخاصة مع انك متعرفيش اوى بس انا لازم اقابل والدك وأشوف الدنيا هتمشى ازاى فبعد اذنك ممكن نمرة وعنوان والدك
ندى حاضر و اديته النمرة والعنوان
عدى ممكن نتكلم عن نفسنا بحيث نتعرف اكتر
ندى اه تمام
عدى أنا اسمى عدى عبدالمجيد عندى 31 سنة ، مطلق ، كنت متجوز بس متفاهمناش فطلقتنا و بقالى حوالى سنة ونص مطلقين ، عندى أختين واحد متجوزة عندها 27 سنة و التانية عنها 18 سنة ولسه متجوزة من شهر ، واحنا فلاحين وصعايدة
ندى ربنا معاك ، أنا فعلا حسيت من لهجتك انك صعيدى
عدى وهل ده شىء حلو ولا وحش
ندى حلو طبعا ، الصعايدة رجالة بمعنى الكلمة
عدى ربنا يخليكى ، أنا هبقى اعرفك على اهلى وأكيد هيحبوكى اوى
ندى ده شىء يسعدنى
عدى وندى قعدوا يتكلموا عن الشغل وعدى شرحلها هتشتغل ايه فى الشركة معاه وقعدوا يضحكوا ويهزروا مع بعض وبعدين ندى استأذنت علشان تروح بيتها لأنها لسه قاعدة مع والدها لحد ما تشتغل وتاخد سكن دائم ليها هنا وعدى قال إنه هيساعدها أنها تلاقى سكن هنا خصوصا انها مش عارفه اى حاجة هنا
عند فؤاد
فؤاد ايوه يا على عامل ايه
على الحمد لله يا فؤش ، انت اخبارك ايه واخبار الجواز معاك ايه
فؤاد منا هكلمك على الموضوع ده
على خير يا فؤاد قوللى
فؤاد كل خير متقلقش ، كل الحكاية انى عايز اتجوز سلمى صحبتى فى الشغل
على انت بتقول ايه ، انت اتجننت ، بقالك شهر متجوز وعايز تتجوز على مراتك
فؤاد مش قادر ولا عايز احبها ، أنا بحب سلمى وانت كنت عارف لانى بحكيلك كل حاجه
على عارف انك بتحب سلمى بس انت كلمتنى قولتلى انك هتشيل سلمى من دماغك وهتفكر فى روح بس
فؤاد حاولت بس معرفتش ، مش قادر انسى سلمى ، دى حب كام سنة فافهمنى
على يا فؤاد أنا فاهمك بس انت كده بتتصرف غلط لانك صعب تجمع بين زوجتين واظن انك مش هتقول لروح ولا ابوك
فؤاد مش هقولها اكيد ، أنا مش عايز مشاكل و وجع دماغ من ناحيتها ولا ناحية ابويا
على بص يا فؤاد بما انى اخوك الكبير وبقالى حوالى 10 سنين متجوز فأنا بقولك انك تجمع بين زوجتين ده مصيبة فعلا لأن المركب اللى بقبطانبن مش بتمشى وانت هيكون معاك روح وسلمى ولو قولت أن كل واحدة لوحدها يعنى كل واحده مركب فصعب تقدر تسيطر وتوجه الاثنين مع بعض في نفس الوقت بالإضافة أن ده مجهود كبير اوى عليك
فؤاد أنا شايف أن الموضوع مش صعب اوى كده زى مانت شايف انت و امى
على هتشوف بعدين أن كلامنا صح
فؤاد المهم هتيجى معايا ولا لأ لأن اكيد ابوك مش هيجى لانى مش معرفه فلازم انت تجى معايا وأمى
على اكيد هاجى بس انا قولتلك نصيحتى
فؤاد سيبها على الله
على ونعم بالله
فؤاد كلم سلمى وقالها أنه كلم أمه و اخوه وأنه هيجى بكره زى ما متفقين علشان يتقدم ليها وطبعا سلمى فرحانه أن حلمها هيتحقق أنها تتجوز حبيبها
فؤاد خلص شغل وروح البيت
فؤاد اول لما دخل الشقة لقى الإضاءة خفيفة ومدية شكل حلو اوى
روح قربت منه وخدت منه شنطته وقالت تعالى يا فؤاد نتعشى
فؤاد مشى معاها وقعد على السفره وقالها
فؤاد ايه الجو اللى انتى عملاه ده
روح قولت اغير وكمان علشان نتكلم شوية
فؤاد ماشى يا روح
روح وفؤاد خلصوا اكل وغسلوا أيديهم فروح طلبت من فؤاد انهم يرقصوا لأنها قررت انها تحاول تقرب منه علشان يحبها بأنها مرتاحه معاه جدا وحاسه أنها لو قربت منه اكتر هتحبه فقالت تجرب
فؤاد وافق يرقص معاها
روح وهى بترقص معاه slow حطت راسها على صدره لأنها طول عمرها تعمل كده مع زوجها
اما فؤاد فكان متضايق من قربها كده لانه خلاص هيتجوز حب حياته فقربه من روح ملوش لازمه ومش عايز يعلقها بيه ويخدعها فبعدها عنه
روح خدت الموضوع بسلاسه وهدوء وكملت رقص معاه بس فؤاد مبقاش قادر يكمل فبعد عنها
روح مالك يا فؤاد
فؤاد مفيش يا روح بس تعبان شوية من الشغل وعايز ارتاح
روح ماشى يا بابا ، ممكن تدخل ترتاح
فؤاد اه فعلا أنا عايز انام
فؤاد دخل اوضته وكانت روح هتدخل معاه بس فؤاد قالها نامى فى الاوضة التانية
روح فى ايه يا فؤاد ، ليه مش عايزنى ااقرب منك ، مش خلاص بقينا واحد زى ما بتقول يعنى لازم نشارك بعض فى كل حاجة
فؤاد مسك ايديها وطلع قعد فى الانتريه وقال
فؤاد يا روح اللى حصل بينا مش هيتكرر تانى ، دى كانت ليلة مش اكتر وكمان متنسيش أننا مغصوبين على الزواجه دى واتفقنا أننا نطلق بعد كام شهر ولا نسيتى وكمان أنا كنت عايز اتأكد انك بنت ولا لأ
روح بحزن انت اتجننت ، ازاى تفكر فيا كده ، أنا شريفة غصب عنك وعن اى حد وانا اتأكدت من كده بس مكنتش اتوقع انك تفكر بالشكل ده وخصوصا انك شخص متعلم وكمان فكرة أننا مغصوبين على الجوازة دى فأنا عارفه بس بحاول أدى نفسى فرصة اتعرف عليك ونفهم بعض بس انت مش عايز
فؤاد قرر أنه يأسى عليها علشان تبعد عنه فقال
فؤاد اتمسكنى دلوقتي ، على اساس انك مش عارفه انى مش بحبك ، ولا حابه توهمى نفسك بحاجة مش موجوده ومش هتحصل بينا ابدا
روح انت ليه بتكلمنى بالاسلوب ده ، وكل شوية بشكل يعنى مرة حنين ومرة لأ ، اثبت على حاجة وانا مش بشحت منك اهتمام ولا حاجة ، أنا كنت بدى نفسى فرصة نكمل مع بعض بس الظاهر مفيش فايدة مو علاقتنا
فؤاد جدعة انك فهمتى ، وفرتى عليا كلام كتير وانا جاى تعبان وعايز انام ، علشان كده متفكريش تقربى منى تانى ابدا وانسى اللى حصل بينا ، وقومى نامى علشان عندك تقديم للكلية بكره وانا كمان عندى شغل مهم اوى ويوم طويل وسابها ودخل الاوضة
روح قعده ومصدومه من كلامه ، مش متخيله أنه بيفكر بالطريقة ، بجد انا تعبت معاه ومدام مش عايزنى يبقى خلاص مش هدى نفسى فرصة أقرب منه تانى
تانى يوم
روح قامت لبست وراحت مع منى تقدم للكلية فى نفس الوقت فؤاد خد امه وأخوه لبيت سلمى علشان يطلبوا أيدها وقالوا للحاج رضوان انه هيوديها البريد علشان فى ورق لازم يخلص وطبعا على ساكن فى القاهرة يعنى الحاج رضوان مش هيعرف انه راح معاهم فكده الموضوع فى السر تمام
فؤاد يسعدنى ويشرفني يا استاذ حسن انى اطلب ايد بنتك الانسه سلمى على سنة الله ورسوله
حسن وانا ليا الشرف ومدام انتم عايزين بعض فمش هقف فى وش سعادتكم
على احنا اللى لينا الشرف ، من زوق حضرتك
حسن بس انت متجوز يا فؤاد
فؤاد اتوتر وقال اه بس جواز اجبارى وانا مش بحبها ومش عايزها لانى عايز سلمى
حسن بس انا عندى شرط علشان أوافق انك تتجوز بنتى سلمى وعلشان اضمن مستقبلها وبعدين نتكلم عن الشبكة والمهر وكده بس الشرط الاول
فؤاد اتفضل أنا تحت امرك
حسن شرطى انك تطلق مراتك الاولى
فؤاد وعلى والام ؟؟؟؟؟!!!!! ???
