رواية من قلب الظلام الفصل السابع 7 بقلم منة الله محمد
وفضلت نور طول الليل جمب أمنيه فى المصحة وتانى يوم الصبح //
أمنية صحيت مفزوعة :
لا لا بلاش ابعد عنهم ابعد .
نور :
امنيه اهدى انت كويسه.
نور :
اهدى يا أمنية اهدى
بس أمنيه فضلت على نفس الحالة .
واضطرت نور ترجع تديها مهدء مره تانيه.
وبعدها سبتها نور وراحت عند حسام .
نور :
ممكن أتكلم مع حضرتك يا فندم ؟!
حسام :
اتفضلي يا نور .
نور :
انا أديت أمنيه مهدء وهيا حاليا نايمه انا مضطرة أرجع البيت دلوقت لإنى طول الليل هنا وان حصل أى حاجه مع أمنيه عرفونى وانا هاجى بسرعة .
حسام :
تمام يا نور تقدرى تروحى
روحت نور بيتها .
وبعد ما خدت شاور قررت نور تدور فى الورق إلى خدته من بيت أمنيه .
وبدأت نور بألبوم الصور .
فضلت نور تقلب فى الصور وكلها كانت صور عيلة أمنية.
وبعدين لقت .
نور :
مش معقول دى صورة من خطوبة أمنيه يعنى دا المفروض خطيب أمنيه بس صورته مش واضحا ليه .
وفضلت نور تقلب فى الألبوم بس مفيش صور ليه تانى .
نور :
يعنى معلومة كمان عن أمنيه .
وبعدها قامت نور نامت لإن بقلها كتير مانمتش.
صحيت نور بعد شويه على رنت تليفونها .
نور :
الوا مين ؟!
انا زياد يا نور الحقى بيتكم بيولع.
نور :
انت بتقول ايه ! هو ايه إلى بيولع ؟!
زياد :
انت لسه ها تستغربى انجزى تعالى .
نور :
انا جايه حالا .
وراحت نور بسرعة على بيت أهلها إلى سابته من سنين .
أول ما وصلت نور كانت المطافى بتحاول تطفى النار ولإن للأسف الشقة كانت فى الدور الأرضى للعمارة فكان الكل خايف ومستنى.
بعد ساعة قدرت المطافى تطفى البيت .
وبعدها دخل رجال المطافى الشقة يدورو ممكن يكون فى حد جوه
نور :
مفيش حد جوه ، الشقة مقفوله من سنين
واحد من رجال المطافى :
فى ج'ثة جوه فى جثه .
نور :
نعم مين إلى جوه زياد زياد انت فين ؟؟
زياد :
نعم يا نور فيه ايه انا لازم أشوف شغلى دلوقت مش فاضى .
نور :
مين إلى كان جوه يا زياد ؟! انت إلى لسه ساكن هنا فى شقة أهلك مين إلى كان جوه ؟
زياد :
المفروض انتى إللى تعرفى هو بيت مين فينا ؟ دلوقتى البوليس ها يطلع الج'ثه ونشوف مين ، وانت لازم تيجى معايا على القسم .
نور :
نعم احنا ها نستهبل ما انت عارف انى مش باجى هنا أصلا يعنى البيت بتاعى بالاسم بس .
زياد :
دى إجرائات و لازم نمشى عليها مش معنا انى أخوكى أننا نخالف القانون يا نور مفيش استثناء يا أختى.
نور :
بلاش أختى دى يا زياد علشان بتجبلى حساسية.
وبعدها خرجت الجثه من البيت وكانت جثه راجل بس للأسف م'شوهه ومش باين لها اى ملامح .
نور :
تمام يا زياد ها أتصل على المحامى وأروح معاك
نور :
الو يا متر معلش لو سمحت ممكن تجيلى بسرعة على القسم
على :
ليه يا نور ايه إللى حصل ؟!
نور :
لما تيجى يا متر ها تعرف بس بسرعة لو سمحت .
على :
تمام انا جاى سلام .
زياد :
يلا يا نور .
نور :
اتفضل. هو انا عارفه نفسى منحوسه بس مش للدرجادى.
فى العربية//
زياد :
متخافيش يا نور الموضوع ها يخلص بسرعة.
نور :
مش خايفه وفر قلقك يا حضرة الظابط زياد ويا ريت كلامك معايا يبقا فى القسم وبس .
زياد :
نور أتكلمى عدل أحسنلك.
نور :
انا بتكلم عدل يا حضرت الظابط ويا ريت نحفظ الألقاب ويا ريت ماتنطقش اسمى أصلا .
زياد :
عارفه يا نور لولا انك اختى انا كنت اتصرفت معاكى بإسلوب تانى .
نور :
للمرة الألف بلاش سيرة انى أختك دى يا زياد بلاش أحسن .
ووصلوا نور وزياد القسم . وكان المحامى مستنى نور هناك .
على :
نور فيه ايه فهمينى
نور حكت للمحامى كل حاجه
فى مكتب زياد .
على :
زياد انا مش فاهم انت جايب نور هنا ليه وانت عارف كل حاجه وأنها أصلا ماجتش البيت إللى إنحرق دا من سنين.
زياد :
يا متر دى شويه اجرائات وانت أكيد عارفها وكمان فريق الطب الشرعى عايز ياخد عينه دم من نور علشان يعملوا تحليل DNA علشان يعرفوا لو الراجل الى كان فى البيت حد يقربها أو كان حرامى أو حد غريب دخل البيت .
على :
تمام يا ريت كل ده يخلص بسرعة.
وبعد ما كل حاجة خلصت فضلت نور أعده مستنيه نتيجه التحليل اللى كان بيتم بسرعة بسبب توصيات زياد .
دكتوره الطب الشرعى:
يا أنسه نور إلى كان فى البيت ...................
