رواية جنون حنين الفصل السابع 7بقلم نور محمد
في مكتب مروان **
"مازن واقف وماسك رأسه الى بقت كلها دم وهبه واقفه فوق الكرسي علشان هو اطول منها"
مازن بألم:اكتر من الي عملتيه ده يامفتريه..دنا دماغي بقت كلها دم بسببك
هبه ببرود:تستاهل علشان انت قليل الادب..ومسكت ايدي كمان..ودي نتيجه الي يلعب مع هبه مروزق ياكوتش
مازن:يامجنونه انا كونت بساعدك بس..دنتي كونتي حتقعي على وشك لولا.. اني لحقتك قبل ماتقعي
هبه:هي انا طلبت منك المساعده ياسي مازن..انا عارفه حركات المسلسلات دي كويس.. يابابا مش عليا انا
مازن بضيق :علفكره انا اقدر.. دلوقتي اقدم فيكي بلاغ..سب وتعدي باضرب في مكتب ظابط كمان
هبه:انت بتهددني كمان..مانا حقدم فيك بلاغ تحرش هنا في مكتب ظابط كمان..وبقى تنقابل في المحاكم ياسي مازن
مازن:بقى كده..طيب والله لاعرفك يامجنونه..مين مازن محمود..تعالى هنا بقى
هبه وهي تجري منه:الحقوني ياحكومه..عاوز يضربني في حمايتكم..ياحكومه ياشاويش.. الحقني ياشوشو
مازن بضحك:ههههه بس يامجنونه يخرب بيتك حنتسجن كلنا فعلا هنا
دخل الشاويش:في ايه ياأنسه مالك؟!
هبه استخبت خلفه:الحقني ياشوشو.. عاوز يضربني..وانت موجود
مازن بضحك:هههه معليش ياشاويش دي مجنونه متخدش عليها..عندك علبه اسعاف اوليه..رأسي بتنزف زي مانت شايف
الشاويش:مين عمل كده فيك يامازن بيه..انا حجبلك علبه الاسعاف فورا
"نظر مازن بخبث لهبه لتنظر له هبه بخوف "
هبه بخوف:خدني معاك ياشوشو..قصدي ياشاويش..عند صحبتي حنين والنبي
الشاويش:ماشي تعالى يأنسه
مازن:استني يامجنونه اروح معاكي..يووه دي مشت..مجنونه اوي زي صحبتها.. بس شرسه وعجبتني
في الزنزانه عند حنين ومروان **
دخلت هبه:الله..الله..بقى انا خايفه على الهانم.. وهي بتضحك مع حظابط بتاعها هنا
حنين:بت ياهبه..انتى اذاي اجيتي هنا لوحدك
دخل مازن:لا هي اجت معايا انا
مروان بصدمه:مازن مين عمل كده فيك.. رأسك مالها كده
مازن بخبث لهبه :لا مفيش اصل كان في قطه مجنونه هجمت عليا وعملت فيا كده
هبه بعصبيه لمازن:احترم نفسك لو سمحت
مازن بمكر:الله هو انا بتكلم عليكي انتى.. انا بتكلم عن قطتي المجنونه بس" وهو بيغمز ليها "
حنين بشك:فيه ايه ياهبه ها.. قولتلى حصل ايه مع مازن بصراحه
هبه بخوف:وانا اعرف من فين الله.. مش هو قال قطه اهو قدامكم
مروان:تمام يلا نخرج من هنا
خارج القسم **
حنين:هبه قولى الحقيقه انتى عملتي كده.. في مازن صح
هبه:بصراحه ايوه.. هو استفزني انا اعمله ايه
حنين:الله عليكي..تربيتي يابت..هو يستاهل بعيونه الخضره دي
هبه:اسكتي بقى ياحنين والله صعب عليا بعدين..بصراحه هو مز طحن..بس قليل الادب كمان
حنين بغمزه:ايه رئيك نربيه زي حسن كده
في مكتب مروان **
مروان:ماتهدى يابني شويه..علشان اعرف اضمضلك الجرح ده بقى
مازن:اااه..مبراحه ياعم..انا حروح لدكتور احسن..سيبني بقى
مروان بشك:مازن..قول الحقيقه هبه الي عملت كده.. فيك صح
مازن بألم: بصراحه ايوه..انا كونت بس بساعدها المجنونه دي..وهي فكرتني بقرب منها..وضربنتي زي مانت شايف كده
مروان بضحك:هههههه..تستاهل علشان قولتلك بطل حركاتك دي..ودي طفله ليسا يابني.. مينفعش معاها الحركات دي
مازن بخبث:بس مزه..ومجنونه كمان..وبصراحه عجبتني اوي..متساعدني اقرب منها ياميرو..انشاء الله يخليلك عيالك يارب
مروان بضحك:عيالى هم فين دول يامجنون.. بقولك ابعد عنها دي مجنونه زي صحبتها وحتتعبك اوي..وكمان طفله يامازن فاهم يعني ايه..متقربش منها تمام
مازن:خلاص انا بهزر بس..وكمل في سره..انا بقى دخلت دماغي ومش حسيبها.. بعد الى عملته في دماغي ده.. اااه يابنت المجنونه اما اشوفك تاني بس
في منزل حنين **
"كانت تلك المجنونه تجلس في غرفتها وهي تسمع الاغنيه الجديده (ياعارف لاحمد سعد ) "
حنين بتفاعل:غيابك عليا طال فعلا ياحظابط..من كام ساعه دول..بس متقلقش انا حشوفك بكره.. اكيد وحشتك مش كده ياقره عيني مستقبلا..
"وهي تمسك صورته في فونها وتحدثه كشخص الحقيقي "
دخلت حنان:انتى يازفته بتعملى ايه..والصوت عالى كده ليه
حنين:لو سمحتي ياماما..انا في حاله عاطفيه رومانسيه.. ومش عاوزه اضيعها دلوقتي
حنان:حاله عاطفيه رومانسيه في السن ده يامجنونه..قومي يازفته حضري معايا الغشاء.. علشان بباكي على وصول
حنين:عشاء ايه ياماما..انا اخري الاندومي..وانتي عارفه كده كويس..بقى عشاء ايه الي اعمله دلوقتي
حنان:امآل حتتجوزي ازاي ياأخرت صبري..حتأكلي جوزك اندومي بس ياهبله
حنين:متشليش هم ياحنون..حظابط بيحب الاندومي كمان زيي وحناكل اندومي سوى العمر كله
حنان بضيق:حظابط تاني ياحنين..قومي قدامي يامجنونه احسن اقومك بشبشب يابت
حنين:ماما لو سمحتي محدش يقوله حظابط غيري انا..وكمان انا بهزر معاكي ياحنون.. انا حقوم اعمل العشاء.. والفطار وغداء بكره كمان بس بلاش الشبشب والنبي
حنان بخيبه امل:ربنا يعوض عليا في جنانك ده يابنت بطني والله
في اليوم التالى **
حنين:ياماما انا حروح الدرس دلوقتي..وحتأخر علشان حنزاكر انا وهبه سوى في بيتهم
حنان:وهي متجيش تذاكر هنا معاكي ليه ها
حنين بسخريه:علشان مامتها مش بتضرب بناتها بشبشب ياحنون..وسلام بقى حتأخر كده
حنان بغضب:بقى كده يازفته.. طب تعالى هنا بقى
حنين بخوف:خلاص..خلاص ياحنون ياعسل بهزر معاكي ياقلبي..دنتى الحته الشمال جنب حظابط كده
حنان:هههه..عاوزه تأكلى بعقلي حلاوه يابت..ماشي بس متتأخريش اوي علشان بباكي ميزعلش
حنين ببتسامه:حاضر ياست الكل
بعد ساعتين امام القسم **
حنين:انا اجيب اهوه ياقره عيني..اكيد وحشتك مش كده ياحظابط..بينا بقى نبدء الشغل
داخل مكتب مروان **
-انا اجيت اهو زي ماطلبت..علشان محدش حيقدر يحل المشكله دي غيرك
مروان:متخافيش انا معاكي ياسمر مش حسيبك..واعتبري الموضوع اتحل خلاص ياحبيبتي
سمر: ربنا يخليك ليا ياحبيبي.. وا
دخلت حنين: الله.. الله.. ايه جو العشق الممنوع ده.. ياحظابط.. بقى بتخوني في وضح النهار وفي مكتبك كمان
سمر بضيق: انتى مين يأنسه.. وايه الكلام الي بتقوليه ده.. مين دي يامروان
حنين:استني..استني كده.. انتى حامل كمان.. امتي لحقت تعمل هذه الجريمه من ورايا ياحظابط
مروان بغضب:حنيين.. الزمييي حدودك..واعرفي بتكلمي ميين
حنين بخوف:بقى بتتعصب عليا.. علشان دي هي مين دي اصلا..انطقي انتى مين يابت احسن اجي اشلفطلك وشك ده
مروان بغضب اكبر:حنييين اطلعي فوورا.. مش عاوز اشوفك قدامي دلوقتي فاهمه
حنين بدموع:بقى كده ياحظابط..حاضر مش حتشوف وشي تاني..ووالله يابت لاستناكي بره ياخطافه الرجاله
مروان بعصبيه:حنييين بررره فووورا
خرجت حنين بغضب ودموع **
سمر:هي مين دي يأبيه..ومالها كده متعصبه عليا..انتو مرتبطين يعني
مروان:لا..متأخديش في بالك..دي وحده مجنونه بس..وانا عاوزك دلوقتي ترجعي بيتك ومتروحيش عند ماما علشان تعبانه ومش ناقصه..وانا ححل الموضوع مع الزفت جوزك ده..متخافيش
سمر:حاضر يأبيه..انا حمشي دلوقتي..علشان تعبانه من الحمل وكده
مروان:تمام..اجي اوصلك ياحبيبتي طيب
سمر:لا شكرا ياحبيبي..خلى بالك من نفسك
خارج القسم **
حنين:بقى انا حنين احمد..يتعمل معايا كده..بزمتكم ياناس انا حد يخوني كده..دنا اقول للقمر تعال واقعد مكانك..وخفت دم تلاقي وشقاوه تلاقي..دنا فتاه احلام شباب مصر كلهم..حظابط يعمل معايا كده..ماشي انت الي بدئت وانا حنهي ياحظابط وحتشوف بعدين..مانا حجوز ظابط يعني حجوز ظابط
