رواية ذنوب الماضي الفصل السادس والاخير 6 بقلم سولييه نصار

رواية ذنوب الماضي الفصل السادس والاخير 6 بقلم سولييه نصار 

-يعني ايه اتطلقتي ...انطقي يا تقي ..!!

كانت امي بتزعق فيا ...ابويا بيبصلي بصدمة وبعدين أتدخل ابويا وقال :

-انا رايح اتكلم معاه ..

وقفت قدام ابويا وانا بعيط وبقول :

-ابوس ايديكم كفاية أنا اللي طلبت الطلاق واصريت ...أنا غلـ.طت في حقه وقولتله لما مطلقتنيش هخلعك ..أنا اللي غلطا.نة سيبوني في حالي لو سمحتوا ..ده اختياري...محدش يكلم علي ولا يلومه ...سيبوه في حاله ...سيبوه يتجوز تاني واحدة احسن مني ...لو بتحبوني فعلا أقبلوا الواقع وخلوني انسي ...

بهتوا الاتنين فدخلت أنا اوضتي وقفلت علي نفسي وفضلت اعيط جامد ...أنا خـ.سرت علي ودي كانت اصعب خسارة بالنسبالي ...أنا حبيبت علي حبيته اكتر من اي حاجة ...بس ده حقه ...حقه أنه يتجوز واحدة غيري ...واحدة تليق بيه...

.....

مرت الأيام وانا تعبانة وحابسة نفسي في اوضتي بعيط علطول وحاسة أن حياتي انتهت...اهلي حاولوا كتير يخرجوني من اللي انا فيه بس مقدروش ...والكل افتكر أن علي طلقني بسبب الخلفة واللي يقول أنا طلبت الطلاق بسبب ضغط أهله ...وسيبتهم يفتكروا كده ...

.....

بعد شهر .....

-يا بني انت قاعد كده حزين ومكتئب ولوحدك ..لحد امتي يا علي هتفضل كده لحد امتي ؟!!!خلاص انت طلقتها اتجوز بقا والحق جيبلك حتة عيل قبل ما أمو.ت ...

كان علي حاطط ايده علي خده وباين علي وشه أنه منامش كويس ...دقنه طالعة وتحت عينيه هالات سودا وباين عليه الحزن ..من اول ما طلقها وهو مش حاسس بأي راحة حاسس وكأن ناقص ...وكأن سعادته راحت معاها...

قام علي وقال:

-انا كنت جاي اقعد معاكي واطلع من الحالة اللي أنا فيها.....بس حضرتك مصممة تضايقيني اسف انا مش جاي هنا تاني واضح اني أزعجتك ...

قامت والدته بسرعة ومسكت ايده وقالت:

-يا بني يا حبيبي انا بتكلم عشانك...بتكلم لاني شايفاك حزين ومش طبيعي...أنا زعلانة عليك يا علي ...قلبي وا.جعني عليك. أنا أم يا بني ...

هز علي رأسه وقال:

-مقدرش اتجوز واحدة مبحبهاش واظلـ.مها يا أمي ...مقدرش ..

اتنهدت والدته وقالت:

-خلاص رجع مراتك ...رجع تقي مادام مش عارف تعيش من غيرها ...رجعها يا علي مادام سعادتك معاها ....

وقف علي وهو بيبص لوالدته وهو سرحان وبعدين مشي ....

.......

-خدي الدوا ده يا تقي وبعدين نامي !

قالتها ماما وانا بكح...اخدت منها الدوا وشربته وبعدين باست راسي وطلعت من اوضتي ...من اسبوعين تقريبا وانا عندي دور برد شديد للاسف لما.بتكون حالتي النفسية سيـ.ئة بتعب جدا ومبخفش بسهولة...الدكاترة حاولوا كتير معايا بس الاغلب قال إن حالتي النفسية وحشة عشان كده أنا تعبانة ...اتقلبت علي جمبي عشان انام رجعت لورا شوية وانا بشوف علي نايم جمبي علي السرير وبيبتسم ...دموعي نزلت وانا عارفة اني بتخيل كالعادة ...

-وحشتني اووي يا علي ..

قولتها وانا بعيط ...ابتسم ليا وبعدين اختفي ...

غمضت عيوني وانا بعيط جامد .....

.........

تاني يوم

كان علي في بيته ماسك التليفون بقاله شهر ميعرفش عنها حاجة ...وحاسس أنه هيتـ.جنن ...كان فاكر أنه هيقدر يعيش من غيرها بس طلع غلطان ...قرر يتصل بصاحبه واللي هو قريبها ....مكانش مستعد يكلمها دلوقتي ...

.....

بعد عشر دقايق قفل التليفون وهو مصدوم لما عرف انها تعبانة وبقالها اسبوعين بتروح الدكتور بس مفيش فايدة ...هي فعلا لما نفسيتها بتكون وحشة بتتعب وجسمها مش بيقاوم المر.ض ...وافتكر لما الدكتورة قالتها أنها عندها مشاكل ومش هتقدر تخلف ازاي تعبت خالص وقتها وفضلت تقريبا شهر وهي تعبانة ومش قادرة تقوم من علي السرير وهو فضل معاها ...

.......

مر يوم كمان ....

فتحت عيني وبصيت لقيت علي جمبي بيبصلي وهو حزين ودقنه طالعة ...

-وحشتني اووي ..

قولتها وانا ببكي ...فرد وقال:

-وانتي كمان ...

عيوني وسعت لما رد عليا وقولت بصدمة :

-ده مش حلم...انت مش خيال!!!

ابتسم وقال وهو بيغمزلي:

-هو انتي بتتخيليني علطول ولا ايه ...

غمضت عينيا وفضلت اقول :

-لا لا ده خيال مستحيل يكون حقيقي ..ده كد.ب ..

قرب علي مني ومسك أيدي وقال :

-لا حقيقي ..أنا جيت يا تقي ومش هسيبك ابدا ...

باس راسي وقال :

-انا رديتك وهترجعي معايا ومش هسيبك ابدا

فضلت اعيط وبعدين فتحت عينيا وقولت:

-ابعد...

بصلي بحيرة فقولت وانا بعيط:

-انا عندي دور برد شديد ابعد لتتعدي

-متخافيش عليا مناعتي قوية مش فرفور زيك ....

مسكت ايديه جامد وقولت:

-يعني انت مش هتسيبني ابدا يا علي ...بجد مش هتسيبني ...هترجعني وسامحتني ...

اتنهد وهو بيشدني وحضني وقال:

-كان صعب بعد اللي سمعته منك وشوفته يا تقي ...كان صعب جدا اتقبله بس بعد ما طلقتك وبعدتي كان مستحيل اعيش مبسوط كان ده اصعب حاجة عملتها في حياتي .. كانت حياتي فاضية فكان قدامي اختار أما انسي الماضي واعيش معاكي أو اسيبك وافضل تعيس طول حياتي وقررت اعيش معاكي ...قررت انسي كل حاجة. اعيش معاكي ...

مسحت دموعي وقولت:

-يعني لو جيت في مرة اتخانقت معاك وزعقت فيك مش هتعا.يرني بالماضي ...

-لا طبعا مش هعمل كده ..بس هكـ.سر راسك ..فيه واحدة محترمة تزعق لجوزها!!

ضحكت وقولت مرة تانية بتردد:

-وانت لو حابب تتجوز تاني عشان تخلف أنا معنديش مشكلة ...

-بس يا هبـ.لة ...اسكتي ونامي شوية وسبيني انام عشان بما تقومي هنروح البيت ....

...

بعد ساعتين تقريبا ..

خرجت من اوضتي وانا لسه دايخة وعلي كان ماسكني بإيد وماسك شنطتي بالإيد التانية ...وبيقول:

-يا شيخة بطلي افترا أنا مبشخرش ...

-لا والله فضلت تشخر وانا معرفتش انام ...انت في الطبيعي مبتشخرش لكن شكلك منمتش لفترة عشان كده ...

ضحك وقالي:

-فعلا يظهر أن دي هي الحكاية ...

-الله اكبر عليكم ربنا يحميكم من العين يا حبايبي ...

قالتها امي وهي فرحانة لما شافتني خارجة وبعدين كملت وقالت:

-وشك اهو استرد لونه ...لو نعرف أن علي هيقدر يخليكي مبسوطة كنا اتصلنا بيه طلع هو الدوا ...

ضحكنا كلنا وحطيت راسي علي كتفه وقولت:

-واحلي دوا ♡

....

بعد مرور سنتين ...

ومع الانتظام في الأدوية اخيرا حملت وجيبت بيبي ...

...

كنت ببص وانا مبسوطة علي يونس ابني اللي جالي بعد شوق ...يونس اللي قوي العلاقة بيني وبين علي اكتر ...علي التزم بوعده من وقت رجوعي وهو متكلمش عن الموضوع بتاع وائل تاني ...وحاولت اسراء كتير تتواصل معايا بس انا رفضت كنت مجر.وحة منها اووي ...يمكن اقدر اسامحها في يوم ويمكن لا ..

بوست راس يونس وروحت جمب علي علي الانتريه وحضنته وقولت:

-بحبك ..بحبك يا أحلي حاجة في حياتي ♡

باس راسي وقال:

-وأنا كمان ♡

تمت

تعديل المقال