رواية انرت عتمتي الفصل السادس 6 بقلم سعاد السيد
ليل يتحدث: مشينا في هدوء لحد ما وصلنا عند بيت الحاج أحمد ودخلنا قعدنا شويه وجه الحاج:يا اهلا يا بشمهندس ها تشرب ايه
ليل بود:تسلم يا حج متشكر الريس نور قالتلي انك عايز تكلمني بخصوص ارض غير الي انا شوفتهم ايه المطلوب
الحاج احمد: ايوه يا ولدي انا اشتريت خمسين فدان من قِريب ولسه ما عملتش فيهم حاجه عايزك تشوف الأرض وايه الي نَقِصها عشان تتزرع وشوف ايه انسب محصول نزرعه وكل طلباتك نور تجيبها. ليل بتفكير:تمام يا حج بس انت بتفكر في حاجه معينه للزراعه يعني شجر فاكهه معين لان لو الأرض زي الي شوفتهم فالتربه مناسبه لأي شئ.. نور بتقاطعه
نور:معلهش يا بشمهندس بقاطعك بس انا عايزه اقول حاجه يا حج
الحاج:قولي يا بتي الي تعوزيه هتستأذنيني إياك
نور بمحبه: يديمك لينا يا حج اني كنت بقول بلاش نزرعهم كلهم شجر في حريم اهنه عايزه تشتغل بس انت عارف يا حج معشغلش بنات وحريم في اراضي الشجر مهضمنش يصيبهم حاجه ولا حد يصتقصدهم ونروح في داهيه احنا وكام واحده تقصدني ارمله ولا مطلقه ولا يتيمه بتربي أخواتها.. الحاج:عارف يا بتي بس عايزه توصلي لأيه.. نور:كنت بقول نزرعوا لو نص المساحه دي خضار من كذا نوع اول حاجه مهيخدش وقت كبير زراعه وضم وكمان مطلوب وهنشغل الحريم ويسد مصاريف استصلاح الأرض بعد كم ضمه مش هطول كيف الشجر قلت ايه يا حج الرأي الاخير ليك برضك
الحج بتفكير:والله الفكره حلوه يا بتي وكمان اهو هنساعد الناس
ليل بأعجاب:فكرتك حلوه اوي يا نور وفعلا مش هناخد وقت كبير نبدء من بكره اشوف الأرض وايه الي هتحتاجه ونبدء على طول
نور بنظره حاده مفهمهاش ليل : تمام يا بشمهندس واني هوفر الشتلات من المشاتل عندي يا حج وان مكفتش هشوف حد من الي اعرفهم اجيب منه وبسعر كويس ان شاءالله
الحج:على خيره الله اقوم اني عشان روح فرح بت كارم المغربي
مريحاش يا نور... نور :هروح اشق يا حج ولو نقصهم حاجه اجبها دول جيراني لكن مهجعدش انت عارف معهحضرش أفراح اني
الحاج بتأثر :مش هكلمك في الموضوع ده تني الي يريحك يا بتي
وانت يا بشمهندس ابقى تعالى مع عوض غير جو واتعرف على الناس... ليل :حاضر يا حج مش هكسفك وهاجي ان شاء الله
وراح الحج احمد الفرح وليل راح مع عوض وعجبه جو الفرح جدا والرقص بالعصا المزمار وخلص الفرح على الساعه 9 وكله كان مبسوط لكن حصل حاجه خلت البلد كلها تتقلب الساعه 11عند بيت نور ست بتخبط جامد على الباب وبتصوت
