رواية يوسف وروز الفصل الخامس 5 والاخير بقلم شهد محمد
الاخير
اول ليله في جواز يوسف وروز عدت على خير ونامو بعد الرعب اللي عملو دافنشي
تاني يوم يوسف صحي لقى روز بتصلي افتكر كلام الشيخ استناها تخلص صلاه ومسك إيديها قعدها على الكنبه وقعد جنبها وهو بيقول:
_اي ده ليه؟
_ده كلام الشيخ
_هي حاجه غريبه بس ماشي تحب احضرلك الفطار؟
_ياريت
ابتسمت ليه وسابته ودخلت المطبخ تحضر الفطار وقعد يوسف على الكرسي كان بيقراء الجرايد وشويه وروز قدمت ليه الفطار وسابته ودخلت تاخد شاور
وكالعاده محرمتش وقفت قدام المرايا وهي معجبه بنفسها حطت روج وباست نفسها في المرايا
وفجأه حست ان شفايفها على شفايف حد تاني ولما بعدت عشان تشوف كان دافنشي مخرج راسه بس من المرايا
بعدت وصرخت وقام يوسف جري عشان يلحقها
_افتحي الباب يا روز انتي كويسه افتحي
قالها وكسر الباب ولسه هيدخل اتكلمت روز وقالت استنى انا مش لابسه
قالتها ولفت نفسها ب فوطه ودخل يوسف شدها وخرج
كانت بتعيط بشحتفه ومش قادره تاخد نفسها ومتوتره ومكسوفه من يوسف عشان مفيش حاجه مخبيه جسمها غير الفوطه اتكلم يوسف وقال:
_ممكن تهدي وتفهميني اي حصل
اتكلمت بصوت متقطع وهي بتقول:
_كنت ببوس نفسي في المرايا وفجأه لقيتني ببوسو هو
يوسف فضل ساكت بيستوعب كلامها بعدين قال:
_طب اهدي هسيبك تلبسي حاجه واجبلك مياه
وفعلآ سابها تلبس وراح جاب ليها مياه تاني ورجع
_ها بقيتي احسن
عيطت وهي بتقولو:
_هو بيظهرلي ليه يا يوسف مش اتجوزت خلاص عايز مني اي تان بقا
يوسف مكنش عنده رد على كلامها عشان فعلآ ميعرفش الإجابه اكتفى ب إنه باس راسها واقنعها انها تنام وفضل جنبها وبعد اكتر من ساعه اتكلم وقال:
_لسه صاحيه؟
_امم مش جيلي نوم
مسك إيديها وفضل يلعب في صوابعها وهو بيقول:
_واي متدخلش انا مش لابسه دي انا جوزيك على فكره
_بس عيب
_امم عيب طب وكنتي بتبوسي نفسك في المرايا ليه
_عشان حسيت ان شكلي حلو
_طب وانا شكلي مش حلو؟
_لاء انت أمور اهو
_طب ما تبوسيني بما انك بتبوسي اللي شكلهم حلو
شالت إيديها من إيده وقالت:
_يوسف عيب انا بنت خالتك
_ومراتي
_النوم جالي عايزه انام
_طيب
قالها وباس راسها وسابها ودخل وقف في البلكونه واتفجأء ب بنت جارتهم اللي واقفه في الشباك وبتحاول تلفت نظر كريم ابن صابرين ضحك وساب البلكونه ودخل قعد في الصاله واستغرب اكتر لما شاف بنت جارتهم التانيه واقفه عشان كريم قال لنفسه:
_هو في اي مش ده اللي مكنش حد بيطيق يتكلم معاه
قالها لنفسه بزهق وغير هدومه ونزل يقعد على القهوه مع اصحابو شويه
نروح بقا ل صابرين كانت واقفه وقدامها دافنشي وهو بيقول:
_لازم يفضل ميلمسهاش لحد يوم ٣٠ الشهر الجاي
_اشمعنا يوم ٣٠ يعني
_من بعد يوم ٣٠ هتبقا بتاعتي رسمي وهاخدها معايا ل عالمنا
_البت حلوه بصراحه ويوسف ده يا عبيط لو فضل شهر كامل مجاش جنبها
غضب دافنشي عينو طلعت نار وقال بغضب:
_قصدك اي
مقصديش والله مقصديش قولي اي المطلوب وانا تحت امرك
_هقولك على حاجات تعمليها وتحطيها تحت مخدتها وقدام باب البيت وفي هدومها
_حاضر حاضر
_صابرين لو لمسها انتي اللي هتموتي
_لاء إن شاء الله لاء
اختفى دافنشي نروح بقا ل روز
اللي كان مانع دافنشي عنها أنها على طول بتتوضى وبتصلي ودلوقتي بطلت فا عادي يقرب منها
كانت نايمه وهو كان جنبها بيلعب في شعرها وقرب منها وإيده نزلت على بقيت جسمها روز كانت حاسه ب لمسات الايد بس مش قادره تصحى مش قادره تقوم ونفسها بتاخده ب العافيه
وفي لحظه صحيت كانت حاسه انها في كابوس حطت إيدها على قلبها وبدأت تقول:
_أعوذ بالله من الشيطان الرجيم
دافنشي حتى إيده على ودانه واختفى وقامت روز تدور على يوسف بس مكنش موجود خدتها فرصه ودخلت تستحمى
كانت خايفه تشوف دافنشي تاني فا خدت الشاور في السريع وخرجت لبست بيجامه شورت وتيشيرت نص كمُ وقعدت تسرح شعرها
نروح بقا ل يوسف اللي خلص قاعده مع اصحابو وعدا على السوبر ماركت جاب كل الحاجات اللي روز بتحبها ورن عليها يسألها لو عايزه حاجه او ناقصها حاجه شويه وردت عليه:
_انتي كويسه؟
_اه تمام
_طيب عايزه حاجه من السوبر ماركت
_لاء ولا اقولك اه هات دقيق وخميره وفانيليا عايزه اعمل كيكه
_حاضر
_وهات شيبسي واريو بحب اكلهم مع بعض
_حاضر
_واه هات فينو عشان مش بحب العيش البلدي
_مش عايزه بامبرز للعيال بالمره
ضحكت وهي بتقول:
_لاء شكرآ
_طيب يا حبيبتي مش هتأخر
قفل معاها وجاب كل اللي قالت وروح البيت واستغرب لما هايدي أجمل واحده في المنطقه طلبت رقم كريم ابن صابرين رد عليها وقال:
_مش معايا والله يا هايدي خديه من أمه
_تمام متشكره
طلع البيت وهو بيكلم نفسه وبيقول:
_سبحان مغير الأحوال الواد ده يا عمل عملية تجميل وبقا امير كراره يا ورث وعايزينو عشان فلوسه
قالها لنفسه واتفجأء لما شاف صابرين واقفه بترش حاجه قدام باب بيته وقف وهو بيقول:
_بتعملي اي يا مرات عمي
صابرين اتوترت ولسانها تقل بعدين جالها فكره وقالت:
_ده ده مياه بملح انا عرفت اللي حصل ل روز وقريت ان المياه بملح دي بتمنع اي حاجه وحشه بس محبتش اعرف روز اني عارفه يعني
ابتسم يوسف وقال:
_ماشي يا مرات عمي كتر خيرك
ابتسمت ليه وسابته ونزلت ودخل يوسف وهو شاكك فيها استقبلته روز ابتسم ليها
_انتي كويسه؟
_اه
_حصل حاجه تاني بعد ما نزلت؟
_لاء كله تمام
_طيب الحاجه اللي طلبتيها اهي
خدتها المطبخ وهو دخل يغير هدومه وعمل سيرش عن كلام صابرين وطلع كلامها صح فا اطمن والشك راح
دخل ل روز المطبخ وهو بيقول:
_تصدقي يا بت يا روز احساس حلو لما ادخل بيتي الاقيه واحده مزه منتظرني
_واحده مزه شقطني انت؟
_لاء متجوزك
قالها وخد بالو من البيجامه اللي لبساها سفر وشدها عليه وإيده حوالين وسطها وقال:
_مالك احلويتي كدا ليه
قالها وباس رقبتها وفورآ روز بعدت وقالت:
_يوسف احنا هنطلق يعني مينفعش كدا
_يبقا بلاش نظام شوق ولا تدوق ده
قالها وسابها وراح البلكونه ولع سيجاره روز حست انها زودتها عليه بعدين اي المشكله لو قرب منها مش يمكن تحمل منو ووقتها مش هيطلقها وهي كدا كدا بتحبه وعايزه تعيش معاه مش عايز تطلق
دخلت ليه البلكونه حضنته من ضهره وهي بتقول:
_انا اسفه
لف ليها وقال:
_انا اللي اسف بس فعلآ اوقات بنسى الاتفاق وبحس انك مراتي بجد
_طب وفين المشكله انا فعلآ مراتك بجد
قالتها وكانت هتقرب تبوسه وفجأه اتحولت للشخص اللي عينو بيضه وصوته خشن وقالت:
_إبعد امشي هنا يلا
يوسف خاف عليها وخاف يعاند يحصل حاجه ميتوقعهاش فا مشي فعلآ
وفضل دماغو شغاله طب معنى اللي بيحصل ده اي طب ليه الجن لسه مختفاش ليه لسه موجود!
نام بعد تفكير كتير وصحي الصبح نزل ل صابرين مرات عمو عايز يعرف هي قرأت اي عشان اكيد تعرف حاجات تانيه هتفيده ولما دخل مكنش فيه حد بس لفت نظره دخان طالع من اوضه بابها مفتوح
دخل يشوف في أي
ومكنش فيه حد بس كان فيه التربيزه اللي عليها كل حاجه صابرين بتستدخمها استغرب المنظر بعدين طلع جري
جمع الخيوط ببعضها لما الشيخ قال ان فيه حد من الأنس بيساعد الجن والحاجه اللي حطتها قدام الباب
طلع مسح قدام الباب ب مياه وملح وشغل بخور ولبس ونزل عشان يروح يشوف الشيخ ويحكيلو اللي حصل
نروح بقا ل صابرين اللي دافنشي كان هيقتلها من غضبه
_انتي ازاي تقوليلو على حاجه بتأذيني
_انا عملت كدا؟
_اه المياه والملح
_هي فعلآ بتأذيك
اتنرفز دافنشي ومسكها من رقبتها رفعها من على الأرض وقال:
_انا صبري ليه حدود ورصيدك بيخلص انتي فاهمه
_حاضر حاضر هصلح كل حاجه دلوقتي بس في حاجه
_هاااا
_في واحده هتدفعلي قرشين حلوين لو خليت اخوها يطلق مراته
_طيب
نروح عند يوسف بقا اللي استغرب لما عرف ان الشيخ مات ولما عرف التاريخ اللي مات فيه استغرب اكتر كان في نفس اليوم اللي قعد اتكلم معاه فيه
روح البيت ودماغو عماله تودي وتجيب وفجأه قام وقال لنفسه:
_لسه بيظهر عشان الجواز مش كامل ده جواز على ورق لازم الجواز يكمل
دخل ل روز حاول يقرب منها بمجرد ما لمس إيديها الشبابيك بقت تتفتح وتتقفل والنور يتقفل وينور
قام شغل قرآن وولع بخور ورش مياه بملح ودخل تاني ل روز شدها ليه وهو بيقول:
تدايقي لو قربت منك؟
روز هزت راسها بمعنى لاء بكسوف
اطمن يوسف انه مش هيكون غصب عنها واول ما لمسها النور بداء ينور ويطفي والشبابيك بتفتح وتقفل والبيت كأنه بيتهز
بس ما اهتمتش ل حاجه وكمل وبكدا تكون الجوازه كملت
نروح بقا ل صابرين كان دافنشي واقف قدامها والغضب هيطلع من عينو
_مكنتيش قد وعدك هتموتيي هتموتييي
قالها وشالها رافعها ل مروحة السقف الي طيرت راسها وكل حته في جسمها بقت في ناحيه
نرجع ل يوسف وروز في يوم جديد صحيت روز ولقت نفسها في حضن يوسف قامت بكسوف من جنبو يوسف حس بيها
قام هو كمان وقال:
_خلاص مفيش عفريت تاني تحبي تدخلي تستحمي وادخل معاكي عشان تصدقي
_يوسف انت قليل الادب
_اوي اوي بقا
ونسيبهم عشان هما عرسان جداد بقا وكدا
تمت..
واتعافت روز وجابت تالا وتالين وبعد مرور ١٨ عام
كانت روز بتزعق ل بنتها وهي بتقول:
_يا تالين هانم مش قولت متشغليش اغاني في الحمام وانتي بتستحمي!!
