رواية اهداني الي طريق الجنة الفصل الخامس 5 والاخير بقلم سلسبيل محمود
- يوسف!؟
= اية القمر ده انتي مين يا سكر
كملت بدموع: طب لما تفوقلي هوريك يا يوسف
= انتي مين يا نكدوا انتي شكلك مش الدكتورة اصلي شايف في عينيك حوزن تعرفيني يا عسل؟
بعياط: يلهوي !!! انت بجد مش فاكرني انا مراتك
- مراتي اها الى قعدتلي بالاسدال اول يوم جوازنا اممم
= لا والله كنت مكسوفة و.. ثانيه!! انت افتكرت فاكرني!!
ضحك: انا فاكرك يا ليلي اكيد بس بهزر عشان دموعك دي بتعيطي ليه ده شوية تعب
- يعني ينفع بتخضني كده!! !!! وبعدين تعب اية بس احنا فالمستشفي الدكتور قالي لازم تعمل فحص وحاجات هو انت مخبي عليا حاجه
= اها فاضلي كام يوم و امو..ت
-................
= يخربيتك بهزر بهزر!!
- متهزرش كده تاني!!!
= خلاص بقا انا كويس والله أراهنك هيطلع تعب وارهاق
- يوسف متسبنيش
حضن ايدها واتكلم وهوا بيحاول يطمنها: والله انا معاكي متقلقيش مش هسيبك ابدا!
" خرجنا من المستشفي كانوا كام يوم مش حلوين طلع عندي ضعف حاد فالمناعه لكن ليلي فضلت جمبي و اهتمت بِيا مكنتش عارف افرح عشان قربنا بسبب تعبني ولا ازعل عشان شايفها مخضوضه عليا لكن الاكيد اني بحبها وكل يوم حبي ليها بيزيد اكتر "
- يعني متأكد بقيت كويس!
= ايوه انا بس عايز اكلمك في حاجه
- قول
= انا بحبك
ابتسمت بكسوف: وانا كمان بحبك يا يوسف
= انا بحمد ربنا كل يوم انك معايا ، مكنتش عمري هلاقي حد زيك يا ليلي
- ولا انا كفايه انك استحملتني فى اول جوازنا!
= انا كنت عارف انك بتواجهي مشاكل يا ليلي
- اية!
= كنت عارف كل حاجه والدك قالي لما حس اني داخل جد وعاوزك تكوني مراتي ونكتب الكتاب
- قالك اية بالظبط!
= انك وحيده ملكيش صحاب جبانه صعب تتعودي عليا مستحيل توافقي وحاجات كتير بس سهلتيها عليا اوي لما خد رأيك و وافقتي
- يعني قبلت بيا رغم كل ده و كنت بتتكلم معايا وبتحاول تخليني آخد عليك
= يعني لو متعبتش عشانك هتعب عشان مين! كفايه انك كنتي جمبي كل الايام الى فاتت
بدموع: بس... بس انا كده علطول انت تعبك فترة و هيروح
مسكت ايدها وحضنتها: ممكن تهدي
بعدت وهي بتعاتبني: انت ليه معرفتنيش انك عارف و ليه بابا خبي عليا!!
= انا الى طلبت منه يا ليلي! محبتش تحسي انك مختلفة لانك مش كده انتي بس مش متعوده على بشاعه العالم
وقفت وهي بتمسح دموعها: لا لا متتكلمش زيه متكلمنيش زي بابا و تبرر خوفي و توتري الزايد وكل ده انا عارفه انوه مش طبيعيي يا يوسف
- طيب ممكن تهدي بس هنتكلم براحه اقعدي ممكن
- ليلي انتي طبيعيه وبدليل انك اخدتي عليا بمرور الايام انتي بس محتاجه حد يهتم فعلا يعرفك ميشوفكيش من بره وخلاص انتي جواكي نقي و جميل توترك بيخلي شكلك زي القمر و خوفك مع الوقت هيروح عياط بسرعه زي الاطفال بيدايقني اها لاني مش بحبك زعلانه بس دي طريقتك عشان تخرجي زعلك بالعياط وانا عمري ما هشوف ده مش طبيعيي
= بس انا خايفه من ... انا خايفه من كل حاجه
- وانا قولتلك قبل كده سيدنا محمد قال:
" لا تحزن إن الله معنا " وانا معاكي بعد ربنا و والدك ربنا يخليهولنا محتاجه مين تاني؟
= مش محتاجه حد ، بس محتاجه اعرف ليه ربنا خلاني كده ليه مخلاش شخصيتي قوية
- ربنا خلق كل واحد غير التاني
= ليه! ليه منبقاش كلنا زي بعض
- يعني ازاي دي حكمه ربنا ، يعني ليه مخلقش الكوكب كله ستات! او رجاله؟ مكنش هيحصل انجاب وتعمير الارض ده
كل حاجه ليها سبب يا لولي و ربنا قال:
وَمِن كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ﴾،
= يعني اية يا يوسف
- يعني الى هيبص للكون هيلاقي اختلاف يتمثل بخلق ثنائية يعني من كل حاجه اتنين زي المشاعر رضا و غضب ، و فرح و حزن ، و المخلوقات مثلا ضخمه و صغيره و السماء و الارض والبر والبحر و فالناس بقي الذكر و الانثي الغني و الفقير و الطويل و القصير كدا يعني
= طيب ده كله بقي عشان اية
- عشان يدل على وحدانية الله ان ربنا واحد وخلق من كل شيء زوجين ، الاختلاف ده سنة من سنن الله عز و جل.
لكن اعرفي ان ربنا قال برضو:
وَلَوْ شَاء رَبُّكَ لَجَعَلَ النَّاسَ أُمَّةً وَاحِدَةً وَلاَ يَزَالُونَ مُخْتَلِفِينَ إِلاَّ مَن رَّحِمَ رَبُّكَ وَلِذَلِكَ خَلَقَهُمْ
= يعني ربنا قادر على كل شيء و ولو عاوز يخلقنا شبه بعض هيعمل كده
- بالظبط يا حببتي لو حابة اقنعك اكتر في آيه بتقول
﴿يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ﴾
يعني بالاختلاف يتم انشاء الاسر و تكثير المسلمين وتحقيق مبدء المؤاخاة رغم اختلاق اللون او اللغه لكن كلنا بنشكل وحدة واحده فالمجتمع الى بيحكمه اخوة اسلامية.، يعني زي الاعضاء الى موجوده كلها فجسم واحد
يقول الرسول-صلّى الله عليه وسلّم-: (مَثَلُ المُؤْمِنِينَ في تَوادِّهِمْ، وتَراحُمِهِمْ، وتَعاطُفِهِمْ مَثَلُ الجَسَدِ إذا اشْتَكَى منه عُضْوٌ تَداعَى له سائِرُ الجَسَدِ بالسَّهَرِ والْحُمَّى).
= فهمت يا يوسف يعني مبصش لحد واقول ليه انا مش زيه عشان كل واحد لي وظيفه زي الاعضاء فالجسم لو عضو حصله حاجه هيأثر عالباقي
- احستني يا روح قلبي هو ده قصدي و كمان متقوليش مثلا ليه يارب خلتني كده و خليت واحده غيري احلي او اذكي ،: (لَا يُؤْمِنُ أحَدُكُمْ، حتَّى يُحِبَّ لأخِيهِ ما يُحِبُّ لِنَفْسِهِ).
يعني مهما حد اختلف عنك لازم تسعي انك تدافع عنه وتتقبله
= ونكون كلنا بنحب بعض
- اها بس انا عايزك تحبيني انا اكتر اي حد تاني حبيه فالله
ضحكت: اممم طيب حاجه اخيره بقي ليه مش كلنا مخلوقين طيبين مثلا او بنحب الخير؟
= عشان ببساطه
يقول الله -تعالى-: ﴿وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ﴾،فمن حكمة الله تعالى في خلقه انه جعل في حريه لاختيار الشخص درجه ايمانه و اللتزامه في الصالح المصلح و الفاسد المضل ولا كلهم مصلحين ولا كلهم فاسدين ليه بقا؟ تفتكري
- مش عارفه بصراحه!
= عشان ربنا يشوف الصالحين الي بيبينوا اهل الفساد يعني في شوية صالحين وبينهم فاسد فا كده خلاص ربنا عرف ان ده اختار الفساد من بينهم
- عندك حق! حتي ربنا خلاه في حريه الاديان حرية فكل حاجه! حتي الحجاب فرض لكن مش بنتق**ل مثلا لو ملبسنهوش مع انه فرض بس لأن لينا حساب فالاخرة
= بالظبط كده يازوجتي العزيزة كل واحد يدفع تمن افعاله.
- و كالعادة يا يوسف بتقنعني دايما و بالدليل بكلام ربنا و كلام الرسول و بموده و هدوء طب هحبك اكتر من كده اية!
= انا الى ممتن جدا اني بقنعك وانك عاقلة وبتفهميني
- لانك عندك دافع تفهمني وتتعب في اقناعى.
= لو متعبتش عشانك هتعب عشان مين !
- ربنا يخليك ليه يا يوسف!
حضنها بحب: ويخليكي ليا يا قلب يوسف.♡
النهايه
__________________________
" كالعادة اتمني تكون رسالتي انهارده وصلت وتبقي خفيفه عليكم."
ده اخر بارت عشان للاسف وقتي مش مساعد اكمل الروايه فا اضطررت اني انهي هنا لأن دروسي كتير وبحتاج اذاكر كتير
بس عايزه اسمع رايكم بما انه اخر بارت.
انا شوفت كل كلامكوا وقد اية كان في ناس فخورة اني اعرف كل ده فالدين لكن الحقيقة انا كنت بتعلم معاكم برضو اي معلومه بكتبها ببحث عنها الاول واتأكد منها لاني حبيت فكرة اننا نعرف عن دينا اكتر بطريقه اسكريبت او رواية خفيفه
