رواية جنون حنين الفصل الخامس 5 بقلم نور محمد
"صعد مروان للعماره بشك فهي هادئه جدا وليسه مشبوهه وهذا اقلقه وصل لشقه المطلوبه ليجد الباب مفتوح وهنا تأكد من شكه فهل يخطف احد ويترك له باب الشقه مفتوح هكذا اذا تلك لعبه جديده من تلك المجنونه حنين حسنا سالقنك درسا الأن "
مروان:حنين انتى فين
مروان بصدمه:انتى مخطوفه اذاي!!، وبتاكلى اندومي وفين الى خاطفينك دول، ومخرجتيش ليه مدام الباب مفتوح
حنين بتوتر:اصل المجرمين خرجو علشان يجيبو حاجات للبيت، وانا كونت جعانه اوي علشان كده فكيت نفسي، ولقيت اندومي بصدفه طبعا عندهم، ومكنتش اعرف الباب مفتوح اكيد مجرمين مش حيسبوه مفتوح، علشان كده متأكدتش منه
جلس مروان:طيب تعالى هنا عاوزك
حنين:نعم ياحظابط.. وهي تأكل الاندومي بجوع
مروان:انتى كذبتي تاني مش كده ياحنين، انتى مش مخطوفه اصلا صح
"شرقت في الاندومي في فمها ليجلب لها مروان كوب ماء وتشربه حتي هدئت "
حنين بتوتر:لا انا مش بكذب ياحظابط
مروان بعصبيه:حنييييين
حنين بخوف:خلاص خلاص حقول الحقيقه بصراحه، انا مش مخطوفه والا حاجه انا كذبت صحيح، انا اسفه ياحظابط
مروان:طيب انتى عملتي كده ليه
حنين:بصراحه انا كونت عاوزه اشوفك، ومقدرتش ادخل القسم علشان انت هددتني حتحبسني، علشان كده كذبت انا اسفه والله
مروان:طيب انتى ليه بتعملى كل ده
حنين:علشان فيه ظابط معجبه بيه، بس هو مش بيحس، والا بيفهم.. مانا حجوز ظابط يعني حجوز ظابط
مروان بغضب:حنيين حاسبي على كلامك، وانتى بتتكلمي معايا
حنين بخوف:انا اسفه مقصدش والله
مروان:طيب بصى اولا، الى بيعمليه ده اسمه ازعاج لسلطات اثناء عملهم، وكده حتضيعي مستقبلك، وانا بنصحك دلوقتي تنسي موضوع عاوزه تتجوزي ظابط ده لبعدين، وتركزي في تعليمك ومستقبلك احسن، وكمان انتى ليسا صغيره على الكلام ده، يعني انا فرقي منك 10سنين بحالهم، وعلشان كده مننفعش لبعض، انتى جميله ودمك خفيف والف حد يتمناكي ياحنين
حنين:يووه انت وماما نفس الكلام، وانا كبيره والله واعجبكم، والفرق الي بينا ده مش سبب علفكره، انت حاول تديني فرصه وحتشوف بعينك، استني استني انا نسيت انت قولت عليا جميله ودمي خفيف مش كده
مروان:ايوه قولت
حنين:انشاء الله يسترك يارب، طيب مدام كده اديني فرصه والنبي ومش حتندم والله
مروان بنفاذ صبر:حنيين ايه الي بتقوليه ده، غلط كده مينفعش بنت تقول كده، علفكره انتى بترخصي نفسك قدامي، وانا مش حبص لوحده كده في حياتي فاهمه
حنين بدموع :انا مقصدش كده، انا بس معجبه بيك والله،بس، وانت لوشايف كده تمام اسفه، مش حتشوف وشي تاني ياحظابط اسفه اوي
مروان بحزن عليها:بصى انا بعمل كده لمصلحتك، افهميني وارجوكي كمان متعمليش كده تاني، علشان متضيعيش مستقبلك تمام
حنين بدموع:تمام ياحظابط
"خرج وتركها تبكي لوحدها حتي تتعلم الدرس والا تفعل هذا مجددا مع احد غيره "
بعد قليل في منزل حنين **
حنان:اخير الهانم حنين شرفت كونتى فين ياخرت صبري الوقت ده كله
حنين بدموع:ماما لو سمحتي انا تعبانه دلوقتي، وقلبي مجروح، وعاوزه ارتاح بس، بعدين نتكلم
تقدمت حنان منها:مالك ياحبيبتي، انتى بتعيطي ليه حصل ايه معاكي انطقي
ارتمت حنين في احضانها:انا قلبي مجروح ياماما، حظابط جرحلي قلبي، وانا موجوعه اوي دلوقتي
حنان بحزن:ياحبيبتي انا ياما نبهتك من موضوع الظابط ده، انتي جميله والف مين يتمناكي، مترخصيش نفسك علشان حد ميستاهلش، حتي تبكي عليه
حنين:حاضر ياماما انتى عنك حق من الاول، ودي نتيجه الى حصل
حنان:ربنا يكملك بعقلك ياحبيبتي، روحي ارتاحي دلوقتي، وانا حجبلك اكل جوه
"بعد مرور اسبوع على ماحدث "
امام القسم الأن **
هبه:احنا بنعمل ايه هنا تاني ياحنين، مش قولتي رفضك وخلص الموضوع كده
حنين:لا بس انا حاسه انه بيحبني، بس قال كده علشان خايف عليا بس، من المصايب الي بعملها علشانه
هبه:والمره دي ناويه، على انهي مصيبه يامجنونه
حنين:لا انا قررت ادخل في قضيه كمان عنده، لقاتل لمقتول
هبه بخوف:انتى اجننتي فعلا ياحنين، عاوزه تودي نفسك في داهيه، علشان حد رفض حبك
حنين:هبه لو سمحتي هو عمل كده علشان خايف عليا بس، وانا مش حسيبه... مانا حجوز ظابط يعني حجوز ظابط
هبه:طيب انتى ناويه على ايه دلوقتي، انا خايفه عليكي منه
حنين:لا متخافيش عليا انا مخططه لكل حاجه، اسكتي اهو في حد اجه اخير، بقى استخبي وراقبي بس
"دخلت سياره كبيره غاليه عند القسم لتتقدم تلك المجنونه منها كما خططت"
حنين بصراخ:اه ياني ياما يامستقبلى الي ضاع ياني، انا شليت خلاص محدش حيرضي بيا دلوقتي
-انتي كويسه ياأنسه، مش تأخدي بالك من الطريق كده
حنين:انت اعمى والا ايه، انت كسرتني دلوقتي وبتقول كده كمان، انا حشتكيك للحكومه تجبلى حقي منك اه
-طيب يأنسه تقدري، تقومي علشان اخذك للمستشفى تتعالجي والا ايه
حنين:بقولك ايه اعدل النظارتك دي، علشان تشوف كويس يااعمى البصر والبصيره، انا خلاص اتكسرت منك لله
-طيب انتى عاوزه ايه دلوقتي
حنين:انا حجيب حقي من الحكومه، الحقوني ياناس كسرني، وعاوز يمشي ويسيبني كده، يأهل الخير
"اقترب منها ووضع يده على فمها ليخرسه "
-اسكتي يخرب بيتك، انتى مجنونه والا ايه، خلاص عاوزه كام وتسكتي
حنين:وكمان عاوز ترشيني اسكت، وبتقرب عليا كده يامتحرش، الحقوني ياناس عاوز يشتريني بافلوس في وضح النهار، فينك ياحكومه تلحقيني منه
"تجمعت بالفعل اهل الخير ليلقنوه درسا معتبر اوي بصراحه ويأخذوه على القسم "
في مكتب مروان طبعا **
مروان:ايه الي بيحصل هنا، في ايه كل الناس دي هنا ليه
احد الموطنين الصالحين:ياباشا احنا لقينا الحيوان ده، بعد ماضرب الأنسه دي بالعربيه، كان عاوز يتحرش بيها كمان ياباشا
-الحقني يامروان انا اتكسرت ياصاحبي، الناس كسروني وانا معملتش حاجه والله
مروان بصدمه:مازن حصل ايه ، ووشك كده ليه
حنين بدموع مصتنعه :ياحظابط الحقني الحيوان، ده كان عاوز يتحرش بيا
مازن:انا؟!!
حنين بدموع:ايوه انت، انا عاوزه حقي ياحظابط، ومعايا شهود كمان
مازن:مروان البنت دي كذابه والله، انا معملت حاجه هي اترمت الاول على عربيتي، وبعدين صوتت ولمت الناس عليا، يضربوني زي مانت شايف كده، انا المظلوم هنا مش هي
حنين:لا متصدقهوش ده كذاب، انا كونت بس معديه في امآن الله، لقيت عربيته خبطت فيا،.. وكمان قالى عاوزه كام واسكت، حصل والا مش حصل ياستاذ
مازن:حصل بس
حنين بمقاطعه:اهو سمعت بودنك ياحظابط، يعني انا الضحيه هنا، وانا عاوزه حقي منه ياحكومه
مروان بصوت عالى:باااس ياشاويش، خرجلى الناس دي كلها من هنا
الشاويش:حاضر يافندم
خرج جميع اهل الخير دول **
مروان:دلوقتي عاوز اسمع الحقيقه، سامعه ياحنين الحقيقه
مازن بتعب:والله زي ماقولتلك كده يامروان، الى حصل وانت عارفني مش بكذب ابدا
مروان:وانتى ياحنين حتقولى الحقيقه، والا زي كل مره
حنين بتوتر:انا..انا..قولت الحقيقه الي حصل ياحظابط
مروان:تمام..ياشاويش
الشاويش:نعم يافندم
مروان:خذ الأنسه دي على الحجز فورا
حنين بخوف:لا انا ليه انا الضحيه هنا، والا علشان انا بنت ومكسوره الجناح، حتاجو عليا كده
مروان بعصبيه: ياشاويش خدها فورا من قدامي، مش عاوز اشوفها قدامي دلوقتي
حنين بترجي:خلاص والنبي خلاص، بلاش الحجز والنبي، وانا مش عاوزه حقي، خلاص والله
الشاويش:تعالى معايا يأنسه بزوق احسن
حنين:طيب خلاص متزقش بس، حاجي خلاص
"خرجت برفقه الشاويش للحجز ووصلت لزنزانه "
الشاويش:يالا ادخلى هنا
حنين بخوف:ايه ده زنزانه انفراضي ليه، انا محكومه عليا بالعدام والا ايه، لا انا مش عاوزه اقعد هنا، وديني عند المجرمين احسن، الله يسترك يارب
الشاويش:لا مينفعش، دي اوامر مروان بيه كده، ادخلى بقى
حنين:خلاص، بلا مروان بيه، بلا بتاع بقى، حدخل متزقش كده
