رواية ذنوب الماضي الفصل الرابع 4 بقلم سولييه نصار

رواية ذنوب الماضي الفصل الرابع 4 بقلم سولييه نصار 

-حقك ...

قولتها بصوت مخنوق وانا بعيط ...كنت متوقعة ايه أنه هيرضي يتقبلني بعد اللي عرفه !!!أنا مستاهلهوش ...

فكرت وقلبي وا.جعني ...كنت مكسوفة من نفسي وانا ببص علي الأرض فاتكلم هو تاني بإنفعال:

-امتي هيكلمك ؟!

بلعت ريقي ومسحت دموعي وقولت :

-ممكن بكرة أو بعده ..

هز رأسه وقال :

-تمام هاخد إجازة من الشغل بكرة عشان اخلص الموضوع ده ...

-انا بقول نبلغ عليه ايه رأيك ..

هز رأسه وقال:

-انا هتصرف خلاص متقلقيش خالص ..

.......

بالليل

اخد علي حاجاته وراح ينام في اوضة الضيوف ...مش هلومه طبعا ولا اقدر ...اكيد اللي عرفه يخليه ميبصش لوشي تاني !!!

.....

تاني يوم ...اخد علي إجازة وقعد معايا عشان يستني مكالمة وائل ...كنت بشيل اطباق الفطار لما تليفوني رن ...ايديا اترعشت ودموعي بدأت تنزل لوحدها ...

-متخافيش ...

مسك علي ايدي وهو بيهديني..

حطيت الاطباق مكانها وفتحت التليفون. عشان ارد ...حط علي ودنه علي التليفون عشان يسمع ...

-حبيبة قلبي وحشتيني ...

حسيت أن وش علي اتجمد وكز علي أسنانه ...اتوترت ومسحت دموعي اللي نزلت فكمل وائل بسماجة:

-ايه يا حبي فكرتي في عرضي ولا نبعت الصور لجوزك الحلو ...

هز علي رأسه فقولت وانا بعيط:

-فكرت يا وائل ...أنا هقابلك في شقة المهندسين

-جميل يا قطة ..كده تعجبيني وصدقيني هننبسط احنا الاتنين ...هي هتكون مرة واحدة بس لكن لو عايزة تكرريها مفيش مشكلة ...

حسيت بالقر.ف واني هرجع فقال هو :

-بعد ساعتين تجيلي يا قطة ...اقسم بالله لو خلفتي بوعدك صورك الحلوة هتكون عند.جوزك !!!

وبعدين قفل السكة ...بصيت لعلي وانا ببكي فقال هو :

-هتروحي ..

بصتله بصدمة فكمل:

-وانا هاجي معاكي وأعرفه تمامه ...

.........

بعد ساعتين بالضبط

كنت واقفة قدام الشقة وانا بترعش ...بحاول اتماسك وعلي جمبي بس بعيد شوية عشان وائل ميحسش ..خبطت علي الباب ففتح وائل علطول وقال:

-حيات.....آه ...

صرخ بأ.لم لما علي ضر.به جامد دخله علي البيت ودخلت أنا وقفلت الباب وانا ببص وشايفة علي بيضر.به جامد ...

-انت ياض بتهد.د مراتي ...انت متعرفش اني ممكن انهيك للابد ...مسألتش عليا قبل ما تفكر تهد.د حد يخصني ...ده انا ممكن أسجـ.نك ومش أخليك تشوف الشمس تأني !!!سألت علي عيلتي هما مين قبل ما تهد.د واحدة من عيلتنا ...

كان علي بيزعق وهو بيضر ب وائل اللي وشه بقا كله د.م ...

-خلاص يا باشا ...خلاص أبوس ايديك ...

قالها وائل بر.عب وهو بيقعد علي الأرض وبيترجاه يبطل ...مكنتش مصدومة وائل طول عمره جبان بيستقوي علي الستات بس ...

-تمسح الصور يا حيلتها ...ولا اقولك هات الموبايل امسحهم بنفسي ...

خرج وائل الموبايل بتاعه من جيبه واداه لعلي اللي طلب منه الباسورد ...

فتح علي التليفون وبص للصور ...وشه اتجمد اكتر وبصلي وبعدين مسح الصور ...بعدين حدف الموبايل ناحية الحيط عشان يتكـ.سر لمية حتة ....

مسك وائل من تيشرته وقال:

-قوم يا حيلتها وقولي بقا فيه صور تاني معاك...معاك موبايل تاني ...

هز وائل رأسه وهو مرعوب وكان هيعيط وقال:

-والله يا سعادة البيه ما معايا حاجة تاني ...أنا اسف والله بس امشي من هنا ابوس ايديك أنا مش عايز اي فضا.يح ...أنا والله ما كنت ناوي اظهر في حياتها تاني ولا كانت في دماغي أنا اصلا خطبت ...وبحب خطيبتي ...بس صاحبتها ...صاحبتها هي اللي كلمتني وطلبت مني اني اعمل كده ...هي اللي اقنعتني وقالت إنه هنبسط ببلاش. ..

-صاحبتي ...

قولتها بصدمة فقال :

-ايوة صاحبتك إسراء!!!

يتبع

الخامس من هنا

تعديل المقال