رواية فرح وحمزة الفصل الرابع 4 بقلم لمي وائل
شروق = فرح .. انا انا
فرح= انتي ايه .. مكنتش اتخيل انك ممكن تعملي فيا كده
شروق = والله معملتش حاجه هو قالي أن في حاجه تخصك
حمزه= متصدقهاش ... دي من اول مخطبتك وهي بتجري وريا ..وتخيلي طلبت تقابلني عشان تقولي اسيبك
شروق بقهر= يا كذااب يا حق**ير ... والله بيكذب
شروق افتكرت = يا قظ*ر محصلش يا فرح محصلش .. انا مبعتش حاجه
فرح= باااااس ... مكنتش اتخيل انك واط**يه كده ... انا انا تعملي فيا كده
شروق بعياط= ده بيضحك عليكي ... والله ... انتي بتكدبني انا انا صحبت عمرك
فرح بعياط= انا ندمانه اوي ... بصراحه اني عرفتك ... كنت بعتبرك اختي
شروق = ايه الهبل الي انتي بتقولي ده ... فرح... انا شروق
فرح= يلا يا حمزه ...
مشيو فرح وحمزه ... وسابو شروق واقعه علي الارض وبتعيط .. شروق مسكت تلفونها وفتحتو لقت الرساله مبعتوه فعلا من عندها .. كانت هتتجن ازاي ..
شروق = ازاي ازاي ...
_________________________________________
فرح بعياط= كنت بعتبرها اختي يا حمزه
حمزه = معلش يا حببتي ..انا قولتلك من الاول أنها مش كويسه
فرح= كنت مخدوعه فيها ..
حمزه= ممكن اطلب منك طلب بس متديقيش
فرح = نعم
حمزه= انا عايزك تسيبي الشغل
فرح بصدمه= ليه .. ده لسه انهارده اول يوم ليا
حمزه= فرح انا عايز اتجوزك واخليكي ملكه في بيتي ..ومش عايزك تتمرمطي ...غير انك هتشوفي شروق في الشغل ..وانا مش عيزها تتعرضلك ..دي شرانيا ..وممكن تعمل فيكي اي حاجه
فرح = انت صح .. خلاص مش هروح تاني
وراحت فرح البنك وقدمت استقالتها وروحت حمزه وصلها و هي طلعت اول مدخلت لقت شروق و شادي فوق وشروق كانت منهاره من العياط
فرح= ايه الي جاب البت دي هنا
شروق = فرح ..متصدقهوش ده بيكدب .... والله بيكدب
فرح= والرساله الي علي تلوفونو برضو كدب
شروق =عمل هاك علي تلفوني يا فرح وبعت لنفسو ... والله منا
ماما= شروق بتقول الحقيقة يا فرح
فرح= لا يا ماما ... حمزه مستحيل يكذب عليا
شادي = ممكن اعرف انتي مصدقا اوي كده ليه
فرح= ملكش دعوه يابن خالتي هااا
شادي = اتكلمي عدل هااا انا في مقام اخوكي الكبير
فرح= ماما .. خليهم يمشو .. وخصوصا دي ..عشان مطلبلكوش البوليس
شادي = بقا كده يا فرح ...
فرح= انا بتكلم عليها هيا
شادي = انا وشروق واحد علي فكره
شروق = ايه الي انت بتقولو ده
شادي = ايوه يا شروق زي مسمعتي
فرح= ايوه قولي كده مظبطها مع الاتنين ..
شروق = اخرسي ... انا غلطانه يا فرح... مسيرك تعرفي مين بيبحبك بجد
نزلت شروق .. ونزل وراها شادي
ماما= ايه يا بنتي الي انتي عملتي ده
فرح= ماما .. انا كنت مش مصدقا... بس والله وراني شات بينهم وهي بتعترفلو بحبها ليه وبتقولو يسبني والله
ماما= والله لو تلحلفي من هنا لبكره انا مبصدقش حمزه
فرح= ممكن اعرف ايه سر الكره المفاجئ ده
ماما= مسيرك تعرفي يا فرح
__________________________________________
سلمي = يعني البرنامج ده لو نزلتو علي تلفونه ... هخليني اشوف كل حاجه من تلفوني
منه= ايوه يا بنتي ... انا عملا علي تلفون صلاح وشغال فل
سلمي = خلاص .. هنزلو عندو بس يجي
حمزه= انا جيت يا حببتي .... ايه ده ازيك يا منه
منه= الحمدلله بخير... استأذن انا
حمزه= ليه ...خليكي شويه
منه= لا أصل زمان صلاح جه ..سلام
حمزه= كانت عايزه ايه السوسه دي
سلمي= والله.. انت ظلمها
حمزه= ايوه ... ايوه.. ده الواد صلاح بيشتكي منها مر الشكوي والله
سلمي= معقول
حمزه= لا لا بهزر مش حتحضري الغدا بقا
سلمي = حاضر بس قوم خد دوش .. وانا هاحضر السفره
قام حمزه وساب تلفونه علي التربيزه ... فتحتو سلمي لأن معاها الباسورد ... ونزلت التطبيق وربطت بين تلفونها وتلفونو .. وخبت الطبيق .. عشان ميشوفوش
حمزه خرج من الحمام
حمزه= سلمي حضرتي السفره
سلمي = اه..اه
__________________________________________
شادي = خلاص يا شروق ... كفايه عياط
شروق = ..انا تكدبني وتصدق الحيوان ده
شادي= معلش يا شروق ... هي مريضه برضو
شروق = لازم اكشفو لازم
شادي = فعلا لازم نكشفو علي حققتو
شروق= بس يارب اعرف
شادي = متقلقيش انا معاكي
شروق = احم احم... هو أنا كان عندي سؤال
شادي = ايه
شروق = يعني واحنا فوق ... قولت انا وشروق واحد
شادي ضحك= لا عادي ... كلمه طلعت
شروق بزعل= بجد
شادي = لا طبعا... شروق ..انا كنت عايز اقولك من زمان بس متردد
شروق وهي بتبص في عنيه= تقولي ايه
شادي = اني
تلفون شادي ..رن .. وكان صحبو مالك ...
شادي = ايه يا عم الفصيل
مالك= ايه يا عم انا نزلت القاهره مش ناوي تعزمني ولا ايه
شادي= عيوني ... هعزمك في اجدعها مطعم
مالك= يا عم انا بطني نشفت من أكل المطاعم
شادي = محلوله ... هعزمك عند خالتي
مالك = عند خللتك ام فرح
شادي = ايوه ...
مالك= طب ايه هتعرفني امتي علي حبيبه القلب
شادي بهمس = مش لما اقولها الاول
مالك= دنتا خايب اوي يلا
شادي = خلاص ..بقا كفايه ..كده بكره تعالا العنوان ده***. معزوم عندي ...
مالك = خلصانا
شادي = كنا بنقول ايه
شروق ضحكت= كنا بنقول هتشربني ايه
شادي =هااا
ضحكت شروق بصوت عالي علي تعبيرات الصدمه الي اترسمت علي وشو
__________________________________________
حمزه كان بيكلم فرح شات ..
فرح = روحت
حمزه= اه من بدري
فرح= اخبار الشغل ايه يا بيبي
حمزه= حلو اوي ... كلمت مامتك علي موضع كتب الكتاب
فرح= والله يا حمزه ... ماما رافضه...دلوقتي
حمزه بعصبيه= يعني ايه يعني
فرح= اهدي يا حمزه هكلمها تاني
حمزه= وحشتيني
فرح= وانت يا روحي ... مش هنتقابل
حمزه = ايه رايك بكره في كافيه***
فرح= مش هينفع يا حمزه ... عندنا عزومه بكره
حمزه= مين جاي بكره
فرح=. شادي عازم واحد صحبو
سلمي كانت شايفه الشات الي بنهم وكانت بتعيط في اوضتها وحلفت انها هتندمو علي اليوم الي فكر يخونها فيه ....
__________________________________________
تاني يوم الصبح في العزومه
شادي = اهلا اهلا بصاحب الطفوله
مالك= اخبارك يا ابو الصحاب
ماما = اتفضل يا حبيبي
مالك = اهلا يا طنط عامله ايه واخبار فرح ايه
شادي بيغير الموضوع = لا يا خالتو. ده تقوليلو يا واد يا مالك
ماما بضحك= .. بس بقا متكسفوش
مالك= لا متقلقيش يا طنط انا معنديش دم
شادي بضحك = يا ولا
مالك = عمللنا ايه علي الغدا يا طنط
شادي = همك علي بطنك كده علي طول
ماما = ملكش دعوه انت ... عملاك كل الاكل الي بتحبو
مالك = حببتي يا خالتي
( شادي ومالك يعتبر متربين مع بعض .. ماما هي الي ربتهم ..انا وماما زمان كنا عايشين هناك وطبعا عليتنا بترفض أن البت تكمل علام ... عشان كده ماما جبتني مصر ولما اتقدملي حمزه انا اصريت أن ماما توافق ومخلتش حد يسأل عليه ... وبما أن اني مليش حد غير ماما عرف يا كل عقلي بكلمتين وخطبني )
كانو بيتكلمو مع بعض وخرجت فرح وهي بتقدم العصير
فرح= ازيك يا مالك
مالك= الحمد لله انتي اخبارك ايه
فرح= بخير
مالك = هااا احكيلي حققتي حلمك اشتغلتي
ماما بحسره= انا هقوم احط الاكل
شادي = اشتغلت وبعد كده قدمت استقالتها
مالك= ليه كده
فرح= حمزه مش عيزني اشتغل
مالك= حمزه مين
فرح= خطيبي
مالك= اتخطبطي كمان ....
فرح = استنيتك كتير يا مالك
مالك = بس
فرح = دي قسمه ونصيب .. انا دلوقتي بحب خطيبي
مالك= ده نصيب ..
فرح = انا هساعد ماما
شادي = لا خليكي انا هساعدها
مالك = طب تيجي نتكلم في البلكونه ..
طلعو البلكونه ... وكان مالك بيبص لي الشارع ..بحزن بس بعد كده ضحك وقال
مالك= خلصتي دارستك
فرح= اه وعملت دكتورا وماجستير
مالك = براڤو . انا فخور بيكي اوي مفروض تعملي ....
فخور بيكي .. اول مره اسمع الكلمه دي ... اول مره احس ان في حد مهتم اني ابقي ناجحه أو مهمه .. مالك كان بيكلمني اني لازم اشتغل واطور من نفسي .. كان خايف عليا اوي مش شجعني اني اسيب الشغل ..... غصبن عني .. قارنت بينو وبين حمزه لقيت انو حمزه عمرو مشجعني اعمل حاجه لنفسي
مالك = ايه سرحتي فين
فرح= هااا لا ابدا ...
ماما = الاكل جهز يا ولاد
قعدنا ناكل وكانت القعده كلها هزار وضحك ... مالك موقفش ضحك حرفيا .. مش هنكر واحنا بناكل كان بيبصلي بحب وكان مش عارف يخفي اعجابو مع انو عارف اني مخطوبه .. بس انا حسيت تجاهو بحاجه ... بس كل ميجيني الشعور ده .. اقول مينفعش ... انا مخطوبه مينفعش
مالك = متيجو ننزل نتمشي شويه
شادي = لا ياعم مش قادر
مالك= وانتي يا فرح
فرح= مش هينفع لوحدنا
شادي = خلاص هاجي معاكو
نزلنا وقعدنا علي كافيه قصاد البحر ..
الجرسون = تطلبو حاجه يا فندم
مالك وفرح = قهوه ساده ...
شادي = وانا عايز شاي
الجرسون= تمام يا فندم
مالك= لسه بتشربي قهوه ساده
فرح= مشروبي المفضل
مالك= وانا كمان
قعدنا نتكلم كتير اوي ... مش هكدب عليكيو قلبي دقلو تاني... حب الثانويه رجع تاني افتكرت .. لما سبنا بعض لما قررت اكمل تعلمي .. و بداء اقارن بين حمزه وبين مالك .. كان في فرق فظيع كنت بفتكر المواقف الي حمزه كان بيهني فيها .. والمواقف الي مالك كان بيسبتلي حبو ليا .... ..كمان بعد ما قلتو اني اتخطبت حسيتو أدايق ... بس خلاص ..... حمزه ...انا كنت معجبه بي بس .. بس فعلا انا مبحبش غير الي يقدرني ..ويهتم بيا
فوقت من سرحاني كان شادي راح يجيب لينا فشار
مالك = وحشتيني يا فرح
فرح= مينفعش يا مالك ..
مالك= انا عارف.. اني الي بقولو ده مينفعش و . بس ليه ليه اتخطبتي
فرح= انت سبتني ومشيت .. خلاص حكايتنا انتهت
مالك= انا سافرت اكمل تعليمي ورجعت اليوم عشان اتجوزك ... وانتي لسه مخطوبه لسه قدامي فرصه
فرح = ايه... نفسي يبقا عندي امل زيك كده
مالك= انا الحاجه الي مدياني امل هي اني بحبك
مشي مالك وسابني شادي سألني كتير ايه الي حصل. بس انا كنت مصدومه من الي سمعتو دد روحني ودخلت اوضتي افكر .... هو أنا وحشه اني بحب مالك ... واني اكتشفت أني بعوض غيابو بحمزه ...عشان كده كنت بسامحو ... عشان ميسبنيش زي ما مالك سابني.
فرح = لا لا مستحيل انا مش هخون حمزه .. حمزه بيحبني اوي ..وممكن ينجرح...انا بحبو وهو بيحبني ودي الحقيقه ...لاكن مالك دي كانت مشاعر وراحت لحلها
قالت الكلام ده لنفسها .. ونامت
_________________________________________
تاني يوم صحيت لقيت حمزه باعتلي اقابلو دلوقتي وفعلا نزلت ليه ... بس المفاجئ انو مكنش حمزه ...دي كانت كانت سلمي و شروق
سلمي = ازيك يا فرح
فرح بصدمه = انتي مين .....
______________________________________
في اليوم ده عادل راح لي حمزه الشغل
عادل = ازيك يا حمزه
حمزه بصدمه= عادل ...ازيك اخبارك ايه
عادل = خلاص يا صاحبي .. كملت سنه مع فرح دلوقتي تقدر تسبها
حمزه= هههههههه... اسبهاااا مستحيل ...
عادل = ليه بتحبها مثلا
حمزه= يبني احب مين دي ... انا معاها بس عشان خاطر الفلوس الي هتورثها من الارض
عادل = ده ايه الجبروت الي فيك ده
حمزه= شفت صحبك ... خليتها تحبني....كمان .. يعني هتبيع من غير تفكير
عادل= احذر يا حمزه الي بيكرهوك كتير
عادل سجل الكلام الي قالو حمزه كلو وبعتو لي فرح من رقم مجهول ...
عادل = خلاص كفايه عذاب ... انا الي راهنت عليكي يا فرح انا اسف ...
__________________________________________
مالك= انت بتهزر ... مخطوبه لي حمزه الشرقاوى .. صاحب اكبر شركات في مصر
شادي = لأسف...اه
مالك= الراجل ده شراني ... ومش كويس خالص
شادي = حذرنها منو ..بس هي مسمعتش
مالك= ليه عملت كده ليه
شادي = اسأل نفسك ... سبتها من غير ولا كلمه ..سافرت وبطلت تسأل .... انا متأكد انها كانت بتحاول تنساك بلزفت الي اسمو حمزه ده
مالك= معقول
شادي = يا مالك .. فرح بتحبك من زمان الي يخليها تتخطب لي اول واحد يتقدم ... بعدك
مالك= بس علي كلامك كان بيعاملها وحش
شادي = كانت خايفه يسبها زي منتا سبتها يا مالك ... انت مشفتش امبارح نظرتها ليك
مالك= انا بحبها اوي اوي يا شادي
شادي = يبقا تعمل الي اقولك عليه
_________________________________________
_________________________________________
سلمي روحت البيت وهي مضايقه اوي وكان حمزه وصل البيت من بدري وياسين ابنو كان بيزن علي ايدو
سلمي= السلام عليكم
حمزه= كنتي فين يا هانم
سلمي= مش ترد السلام الاول طب
حمزه= كنتي فين بقولك
سلمي= في مشوار
حمزه= وسايبه ابنك مرمي كده
سلمي= انا سبتو مع الداد علي فكره
حمزه= لقيتها سايبا
سلمي= دي دي يا دي دي
دنيا ( دي دي)= نعم مدام
سلمي = كنتي سايبه ياسين ليه
دنيا= كنت أقوم بتحضير الغداء مدام
سلمي = ازاي تسبي كده ... ا
دنيا= مدام ...هو كان نام ...بس استاذ حمزه علا صوتو عشان كده صحي
سلمي = طب خدي ....يعني انت الي صحتو
حمزه = انا نازل
سلمي = لا يا حبيبي نازل ...فين .. بص بقا يا حمزه ..انت دلوقتي هتروح تجيب اختي من المطار
حمزه= مش جايب حد انا
سلمي= هتجبهم يا حمزه ... والا والله هروح لي ماما
حمزه خاف تحصل مشكله خصوصا ابو سلمي عصبي
حمزه= خلاص تمام
نزل حمزه وكان متعصب أن هو نزل غصبن عنو وكان ماشي بسرعه ... وهو ماشي جت عربيه بس وخبطتو .. اتأذي وطلع من العربيه .. بس نزلو اتنين من العربيه التانيه ... و ضربو علي راسو وفقد الوعي.
__________________________________________
حمزه فتح عينو ... بصعوبا بص حوليه لاقي
حمزه= فرح .. انتي بتعملي ايه هنا ومين قالك اني هنا
فرح= فرح مين يا حبيبي انت حصلك ايه انا سلمي
حمزه بصدمه = ايه بتقولي ايه
الدكتور=. معلش يا مدام سلمي ... اطلعي بره لحد ملحالا تستقر
حمزه= انت قولت مين
الدكتور = مدام سلمي ... وادا حمزه منوم
