رواية طريق معقد الفصل الثالث 3 بقلم ولاء ندا
طريق معقد
(شركه ريم) ..
المدير .. بصي ياريم مستر أحمد كلمني النهارده وقالي أن هما موافقين ع المشروع بتاعنا وانا احنا هنستلم الديكور بتاع الفندق بتاعهم الجديد بس هما عاوزين منك شغل احسن من كده انتي وال معاكي ف الشغل ف انا مش عاوز اخسر الشركه دي مهماً كان ف حاولي تقدمي احسن ما عندك
ريم .. أن شاء الله حضرتك هشتغل ع قد ما اقدر وهرفع رأس شركتنا باذن الله
المدير .. اه نسيت اقولك الشغل هيبقا بعد اسبوعين ع ما تخلصي التغيرات وكمان حضري نفسك علشان هتسافري مع طاقم العمل بتاعنا وبتاعهم الساحل علشان الفنادق هناك
ريم مندهشه ... هو انا هسافر يافندم
المدير ... طبعا لازم تسافري وتكوني معاهم ايدك ب أيديهم وان شاء الله يزن بيه ومستر احمد متواجدين معاكي
ريم ف بالها ... هار اسود ده ال خايفه منه
ريم.. تمام عن اذنك
يارا .. ايوه ياريم جتلك ع طبق من دهب انتي عارفه مشروع زاي ده هيرفعك ازاي ابقي افتكريني بقا معاكي
يوسف... سيبك من المشروع دي هتروح الساحل يابنتي السااااحل عارفه ياعني ايه ياعني هيصه
ريم... انا عارفه أن مستقبلي واااقف من كتر ما انتم مدخلين فيه كده
الضحكه تعم المكان
(شركه يزن بيه)
مستر أحمد .. خلاص يا فندم السفر هيكون بعد اسبوعين ع ما حضرتك تحضر تخرج مريم ومازن
يزن ... تمام يامستر احمد حضرلي هديه حلوه ل مريم ومازن
مستر أحمد.. حاضر
يأتي اتصال ل يزن
يزن.. الووو
مجهول .......
يزن... اهلا عامل ايه وحشني والله جيت من السفر امتي
مجهول ....
يزن .. انت لازم تيجي عاوز اشوفك واطمن عليك
مجهول....
يزن .. خلاص نتقابل ف الحفله اكيد هاجي علشانك .
(منزل يزن)
رحمه ماما يزن... يلا يا يزن ومازن ومريم الاكل جاهز يلا بسرعه
مريم ... اخيرآ أبيه هيتعشأ معانا
مازن ... النهارده عيد
رحمه تضحك... طيب يلا يلا حد ينادي بابا من المكتب
مريم.. يابابا يابابا يااستاذ سامي
سامي .. بطلي ياام لسان انا جاي اهوه
يدخل سامي بيه مدير شركات لتأسيس الفنادق والمعمار
سامي ... اهلا ياا يزن عامل ايه والشغل عامل ايه
يزن ... تمام خالص الحمد لله هبدٱ المشروع بتاع الساحل قريب جدا أن شاء الله
سامي طيب تمام علشان باذن الله هنروح نخطب سلمي بنت المستشار رأفت
الصمت يعم المكان وتتبادل النظرات بين الأم والأخوات
يرد يزن ويقطع السكوت ويقول
يزن... يابابا انا مش هتجوزها ومش بفكر ف الموضوع ده خالص مش عاوز ادخل ف علاقه دلوقتي مش عاوز
سامي ... اوع تكون لسه بتحب البت ال سبتك دي
يزن ... يابابا لو سمحت بلاش كلام ف الموضوع ده
يقوم يزن ويطلع الاوضه بتاعته .
(قبل الحفله ب يوم )
(بيت ريم)
الجده ... اهلا اهلا اهلا اتفضلو منورين والله اهلا اهلا عاملين ايه ايه ده ساااره انتي كبرتي وحلويتي ادخلي ياحبيبتي
الجده .. اتفضل ياباسم الحمدلله أن انت جيت ب السلامه بقيت عسل ربنا يبارك
يرد محمد عم ريم .. عامله ايه امال ريم فين
باسم بيبص عليها بيدور ف البيت علشان يشوفها
الجده هي لسه مش وصلت من الشغل نصف ساعه وتبقا هنا
الغداء يتحط وهما قاعدين ع السفره . لتدخل ريم
ريم... اهلا ياعمي عامل ايه وحشني منورين والله اذيك ياساره الف مبروك ع التخرج
باسم ... عامله ايه ياريم اخبارك ايه كبرتي ياريم بقيتي قمر
ريم بكل برود... احنا نيجي فين جمبك ياباسم باشا
مبروك الدكتوراه سمعت أن انت خت الدكتوراة الف الف مبروك
باسم .. الله يبارك فيكي
الجده ... يلا بقا الاكل هايبرد
(ف الليل ف غرفه ريم )
ساره.. ايه ياريم هتلبسي ايه بكرا
ريم... اي حاجه
ساره .. اي حاجه ازاي لازم تبقي قمر
ريم.. ليه هو انا ال هتخرج
ساره ... لا بس لازم تكيدي باسم اخويا وتعرفيه أن انتي بقيتي احسن واحلي واجمل لما سبتيه
ريم.. الموضوع ده مش ف دماغي خلاص
ساره قومي بس انا هختارلك حاجه ع زوقي
(يوم الحفله )
تخرج ساره من الغرفه ب فستان احمر طويل وشعرها منسدل ع ضهرها
تخرج ريم ب فستان جملي وبشرتها بيضه وعيونها عسلي والشعر الطويل وكانت حلوه
باسم.. ايه القمر ده انتم حلوين اوي احنا نخاف نمشي معاكم
ساره ... واحنا مش عاوزين نمشي مع حضرتك
ماما ساره ... اسكتي يابت اخوكي الكبير
(الحفله)
يزن يلبس بدله سوداء داكن والبشرة البيضاء وفي ملامحه الرجوله والجد
مريم ... والله انا مش عارفه يا أبيه انت حلو كده ازاي دا انت لو مش اخويا كنت علقتك
يزن... بت ايه الكلام ده اتعلمتي كده منين
مريم ... بتبوس يزن منك ياكبير وتجري
يزن .. بيبص وراه وراح باصص عند ريم
ريم ... هو لا مش هو لا هو والله العظيم هو هو جاي عليا ليه هو بيبص جامد كده ليه
يزن ... وحشني ياراجل بقا انا اشوفك وانت متشوفنيش
ريم ... الصدمه ع وجهها انت ازاي تعرف باسم ازاي هو انتم صحاب
باسم.. وحشني يايزن من ساعه ما نزلت من امريكا وانا معرفش عنك حاجة
يزن ... الشغل والله نعمل ايه
باسم ... لسه هيبداء يعرفهم ع بعض
يزن ... انسه ريم حضرتك بتعملي ايه هنا
ريم.. مش بترد
باسم.. هو انت تعرف ريم
يزن طبعاا .. انسه ريم ماسكه مشروع فندق الساحل بتاعي
باسم ... مشروع مره واحده دا انتي طلعتي بقا ياريم
ريم... بنتعلم منك يادكتور باسم
ولسه ريم هتلف وفي شله بنات بيجرو وراء بعض يخبطو ف ريم
