رواية اهداني الي طريق الجنة الفصل الثالث 3 بقلم سلسبيل محمود
- ليلي!
= انا عملت ءيه!
- بجد الى قولتيه؟
هزيت راسي بكسوف فا رفع دقني ناحيته:
= وانا.
- وانتي اية؟
= وانا زيك و خلاص بقا ها
جريت من قدامي وانا ضحكت و بعدين كنت بخطط اخدها و ننزل فا قومت اكلمها لقتها ف اوضتي
- لولي اية ده انتي بتعيطي ليه؟؟؟؟
ردت بوجع وهي بترفع ايديها: أ ايدي
- ايه الد.م ده !!!!!
= التسريحه مش عارفه حصل ازاي ايدي اتخبطت فالازاز و..
ششش براحه اهدي طيب اهدي تعالي
اخدتها و قعدتها عالكرسي الجر.ح مكنش عميق الحمد الله لفيت ايدها كويس بعد ما حطيت بيتادين
ولكن مازلت بتترعش فا قربت وحطيت ايدي على كتفها طبطبت عليها:
اهدي يا ليلي انا اسف هو اتكسر امبارح وكان مفروض ارميه
- انا بخاف من شكل الد.م و بخاف اتعور دايما انا جبانه اوي
= محصلش حاجه معلش وبعدين متخافيش انا جمبك اهو
قالت وهيي بتترعش ودموعها بتنزل: هي مفتوحه اوي!
- اجبلك رمل؟
مسحت عينيها وركزت معايا: ايه؟
- رمل
= هعمل بيه اية؟
- ولا حاجه انا بس كنت بديلك حاجه تفكري فيها عشان تبطلي عياط مش بحبك اشوفك زعلانه يا قطتي
ابتسمت: انا اسفة بس فعلا بخاف بزياده
= ولا يهمك بس برضو انا معاكي متخافيش اتفقنا؟
- اتفقنا.
= تعالي نصلي وندعي تخف
- هصلي؟
= اها مش انتي بتصلي؟
- ايوه لكن مكنتش منتظمه
= ازاي ودلوقتي اية
- مبقتش اصلي مستنيا وقت ابدء و اقرر اللتزم فيه
= مينفعش يا ليلي!
- اها هتقولي زي بابا انها فرض مش اختيار انا عارفه بس ساعات بنسي و ساعات ببقي تعبانه و حاجات كتير يا يوسف لكن نفسي انتظم صدقني!
= مصدقك
- بجد ولا بتقولي كده و خلاص
= لا بجد اصلي كنت زيك انا مره روحت مع ابويا الجامع وانا صغير وخدني بالعافيه فا دخلت اتوضي وعشان كنت متنرفز روحت غاسل وشي وخلاص وخرجت ولما صلينا مقلتش اي حاجه كنت بركع من غير كلام
اندهشت: ازاي! انت مش بتفوت فرض دلوقتي!!
ضحك: عشان كنت عبي..ط وسمحت للشيطان يدخل دماغي و يقنعني ان ابويا بيجبرني واني مفروض اعند واكلع اذكي منه و امثل اني بتوضي و اصلي
= طب وبعدين!!
- مفيش فضلت كده فترة يقولي صلي فالبيت اقفل الباب عليا وافضل قاعد واخرج يسألني صليت؟ اقوله اها صليت طبعا يا بابا و كان بيصدقني.
= واية خلاك تلتزم
- الخوف.. لأن الخوف بيغلب العناد و اي حاجه
= خوفت من مين!
- من ربنا.. سمعت فيديو كان عن الشيخ الشعرواي بعد وفاتة بيقولوا ان احد الشيوخ الى كانت تعرفه او يعني صحبة الشيخ الشعراوي واحد منهم حلم بيه حكي الحلم و الجمله الى خلتني اترعش انه قال: سألت الشيخ الشعرواي عامل اية قاله لسه بتحاسب فا اندهش لانه كان ميت من ثلاث شهور."
عيوني وسعت بصدمه: قعد تلت شهور يتحاسب!!!
- بالظبط و هو كان شيخ و بيفسر قرآن وبيعلم جيل كامل و كان عليم بكل ايات القرآن وقريب اوي لربنا ومع ذالك قعد المده دي والله اعلم يمكن اكتر! ، ما بالك احنا بقي هنقعد نتحاسب قد اية واعمالنا هتودينا لفين؟
= قصدك النار! مش كده هندخل النار
- حيلك مش بخوفك ده الله هو الغفور الرحيم يعني مستني توبتك وقربك منه ف اية وقت بس يكون جواكي
= و إن مقدرتش!
- هضطر اقولك آيه تانيه بتقول إن بطش ربك لشديد
يعني عذاب ربنا كبير و قوي ولما قال بطش كان يقصدها معناها تحذير من الله لقوم رسوله محمد صلى الله عليه وسلم انه يُحلّ بهم من عذابه ونقمته، نظير الذي حلّ بأصحاب الأخدود على كفرهم به، وتكذيبهم رسوله
= لكن احنا مش كفار!!
- انا عارف ولكن بثبتلك ان ربنا غضبه وحش يا لولي وانتي بأيدك تختاري ربنا يغضب عليكي ولا يكون رحيم معاكي و يغفرلك
= انا قولتلك يا يوسف اني عاوزة اصلي ومش عارفه
- لازم تعرفي الصلاة اول حاجه هتتسألي عنها!
= بس كده؟
- لاء و كمان هي الى بتغفر ذنوب يومك الصلاة بتشفع برضو و تقربك من ربنا الصلاة بتخلي دعوتك تستجيب ربنا بيسمعها ويمكن كمان بيستنها بيحب عبده الى يدعو له و يذكره
= طب يا زوجي العزيز
- اية يا قلب زوجك.
= اثبتلي بآيات قرآن انا مصدقه وكل حاجه بس بحب اتأكد
ابتسم: من عيوني
بسم الله الرحمن الرحيم
وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)
صدق الله العظيم دي سورة البقرة يا عيون زوجك
- طيب فسر بقي!
= يعني لما تسألي ربنا فين هو قريب منك و هيستجيب دعوتك لو بتدعي فا استجيبي انتي كمان لربنا و خليكي مؤمنه بيه وقريبه منه يعني تصلي
( كنت قريبا منهم أجيب دعوتهم إذا دعوني وأقبل عبادتهم )
يعني هيقبل منك الدعوات و العباده لو نيتك التوبة فعلا.
- انت معاك حق يا يوسف يارتني لقيتك من بدري
- طيب انا خلاص اقتنعت ممكن طلب!
= الى انتي عاوزاه كله مجاب يا ست الحسن.
- ممكن تاخد بأيدي؟ تقولي نصلي سوا تفكرني لحد ما اكون بصلي لوحدي زيك لو غلطت تصححلي غلطي؟!
ابتسمت برضا: بس كده! ده عيوني الاتنين ليكي ، الاول بس لازم تبعدي الشيطان عنك عامليه كأنه بني ادم زيك وبيقولك متصليش و بيلهيكي عن طاعه ربنا هتقولي له اية؟
= هقوله انت فاسد ابعد عني و هضربة
ضحك: مممم مش هنقدر نضربة دلوقتي خلينا فالكلام قولي له كل حاجه وبعدها قومي بسرعه اتوضي وان حبيتي يعني تكيدي الشيطان بزياده
- بس عارفه اتوضي بميه ساقعه فالتلج ده؟
ضحك: عرفتي منين
= ختها فحصه الدين هاهاها
ضحكوا سوا وهوا مسك ايدها: على قد ما تقدري حاولي و حاربيه يا ليلي وخليكي فاكره الصلاة فرض يعني لما تفكري تأجليها افتكري انها فرض وانها مش هتاخد خمس دقايق منك بس و كمان الفجر ركعتين بس يعني تلت دقايق
ضحكت وبصتلي بعيون بتلمع: انا بجد بشكر ربنا عليك
- انا امنيتي نقرب من ربنا وندخل الجنة سوا يا ليلي
= تفتكر ممكن ادخل الجنة!
- فحاله واحده!
= اي هي
- لو خلفنا ليلي ويوسف صغيرين
= والله!!! اشمعنه بقااا؟؟؟ انت قصدك قلة ادب!
- انا!! اطلاقا ده عشان بس الجنة تحت اقدام الامهات فا تبقي ام وتدخلي الجنة شوفتي ان قلبي عليكي!!
ضحكت بأستنكار: يوسف ابعد! متهزرش
= شششش بس بقي انا ساكت لحلاوتك دي من بدري
- يوووسف!!
