رواية زواج من طرفين اياد وسهر الفصل الثاني 2 بقلم ساسو ياسين
البارت الثاني
سهر لنفسها طب اعمل اي دلوقتي مش قدامي حل غير ان ارجع لبيتي عشان ماما متخربش بيتها
وبالفعل دخلت لمت هدومها وهدوم العيال ولبسوا
وقبل ما تمشي دخلت لمامتها
رانيا : عايزه اي
سهر : جايه اقولك اني ماشيه
رانيا : رايحه فين
سهر : راجعه بيتي
رانيا : عين العقل الواحده ملهاش غير بيتها وجوزها
سهر بتريقه : اه طبعا سلام
رانيا : سلام
وسابتها ومشيت
وكلمت ابوها قالتله وزعل انها راجعه لجوزها
اول ما دخلت البيت
اياد : حمد لله علي السلامه ، مقولتيش لي انك راجعه كنت جيت اخدتك بدل ما تتبهدلي في الموصلات
سهر : وانت متصلتش لي عرفت انا راجعه امتا
اياد : اي الاسلوب اللي بتتكلمي بيه ده
سهر : عايزني اكلمك ازاي يعني وانت عايز هتتجوز عليا
اياد بصدمه : اي اللي بتقوليه ده
سهر : بقول اللي انت عايز تعمله
اياد : انتي جبتي الكلام ده منين
سهر : من صور خطوبتك
اياد بصدمه اكبر : خطوبتي
سهر : اه خطوبتك ولا كنت فاكر اني مش هعرف
واديته التليفون يشوف الصور
اياد : مين اللي بعتلك الصور دي
سهر : حماتي العزيزه بعتها عشان تقولي انها هتجوزك عشان تجبلهم الواد يا ابو البنات
اياد : انا امي متعملش كده انتي كدابه والصور دي متفبركه
في الوقت ده خرجت مامته من المطبخ
وقالت : لا عملت كده
اياد : لي يا امي تعملي كده
ناديه : عشان تعرف انك هتتجوز واحده تجبلك الواد بدلها هي اللي بتجيب البنات بس دي
اياد : يا امي لي تعملي مشاكل دلوقتي بس
ناديه : مشاكل اي انت راجل يعني ليكي الحق تتجوز مره واتنين وتلاته ولو مش عجبها في داهيه هجوزك ست ستها مع خطيبتك
سهر كانت مصدومه من الكلام اللي بتسمعه
وسبتهم وداخله اوضتها وقفها صوت ناديه
وهي بتقول : رايحه فين يا اختي
سهر : داخله اوضتي
ناديه : لا دي اوضتي انا اللي قاعده في الاوضه دي واياد قاعد في اوضه الاطفال شوفيلك انتي بقي مكان تاني
سهر بعصبيه وزعيق : لا انتي اللي تشوفيلك مكان تاني ده بيتي ودي اوضتي وهقعد فيها غصب عن اي حد
وسابتها ودخلت الاوضه
ناديه بصدمه : انت شايف بتزعق فيا ازاي وانت ساكت
اياد : حقك عليا انا هي برضو مصدومه من اللي حصل
ناديه : ما تنشف ياض لو فضلت كده هي اللي هتمشي كلمتها عليك بعد كده
اياد : تمشي مين انا راجل ومحدش يمشي كلمته عليا الا انتي يا امي
ناديه : حبيب امك
خرجت سهر
وقالت : طب يا حبيب امك شوف هتنام فين انت وامك لان الاوضه اللي انت بتنام فيها دي اوضه بناتي وهما اللي هيناموا فيها ودي اوضتي ومحدش هينام معايا فيها
ورمت حاجة ناديه في الأرض ورجعت الاوضه تاني
اياد دخل عليها بعصبيه
وقال : اي اللي انتي بتقوليه ده
سهر : اللي سمعته ولو مش عاجبك طلقني وامشي
اياد : اطلقك وامشي كمان ده اي البجاحه دي انتي ناسيه انها شقتي
سهر : بس انا حاضنه والشقه من حق الزوجه طالما حاضنه ولا انت مسمعتش عن القانون ده
اياد : اي التخاريف اللي انتي بتقوليها دي
سهر : ده مش تخاريف ده قانون واسأل اي محامي هيقولك نفس الكلام
اياد سابها وخرج
ناديه : لو انتي فاكره اني هسكتلك تبقي غلطانه
سهر : اعلي ما في خيلك اركبيه ويلا حصلي ابنك بره
ناديه : انتي قليله الادب
سهر : عشان مبقتش اسكتلك علي الاهانه ابقي قليله الادب واللي انتي عايزه تعمليه انتي وابنك ده يتسمي اي
ناديه : انا هوريكي يتسمي اي
وكانت رايحه عشان تضربها سهر زقتها
وقالتلها : اوعي تفتكري اني هسمحلك انك تمدي ايدك عليا مره تانيه فاهمه
ناديه : انتي استقويتي بقي
سهر : البركه فيكي وفي ابنك ويلا بره بقي عشان عايزه ارتاح من القرف ده
ناديه : انا هوريكي القرف ده شكله اي
سهر : انا عايزه اشوف بس لما اصحي من النوم يلا بره
ناديه سابتها وخرجت وهي مش مصدقه ان دي مرات ابنها اللي كانت بتزعقلها وتضربها وتسكت
سهر من وراها : اعملي حسابك لو صحيت لاقيتك في الشقه هطردك بره ف امشي بكرامتك ده لو كان عندك كرامه
ودخلت ورزعت الباب في وشها
اياد نزل راح يقابل خطيبته
اريج : مالك شكلك عصبي كده لي
اياد : مراتي رجعت البيت
اريج : نعم يعني اي رجعت مش انت قولت انها هتفضل عند اهلها واحنا هنتجوز في الشقه وبعد ما نتجوز وهي تعرف هتقعد مع مامتك
اياد : ده اللي انا كنت حاسبه وفاكره بس للاسف ماما بوظت الفكره
اريج : بوظتها ازاي يعني
اياد : بعتتلها صور خطوبتنا عشان تغيظها اهي رجعت وغظيتنا هي
اريج : عملت اي يعني
اياد : بتقولي طلقني وشوفلك مكان انت وامك تقعدوا فيه
غير بيتي
اريج : بسيطه طلقها وارميها
اياد : قولتلها كده قالتلي انا حاضنه والشقه من حقي ويلا انت وامك بره
اريج : يعني اي مبقاش في شقه
اياد : اكيد في حل
اريج : انا هتصرف
تاني يوم
صيحت سهر وفطرت وفطرت البنات وروقت الشقه
ولسه هتقعد لقت الباب بيتفتح
في الاول افتكرته اياد
يتبع .......
