رواية عشق التحكم (صغيرة فؤادي) الفصل التاسع عشر19 بقلم اسماء سلام

رواية عشق التحكم (صغيرة فؤادي) الفصل التاسع عشر19 بقلم اسماء سلام 

فؤاد مين اللى جايب بيرة من عندكم ليا ؟

سلمى أنا يا حبيبي علشان نستمتع صح

فؤاد انتى بتهزرى يا سلمى ، من امتى وانا بشرب بيره والحاجات دي

سلمى يا حبيبى ، دى ليلة واحدة يعنى مش حكاية

فؤاد لأ حكاية ونص يا سلمى ، انتى عايزانا نبدأ حياتنا بمعصية

سلمى لقت أن الموضوع هيتطور والخناقة هتشتد وهى مش عايزة كده ، هى ما صدقت أنها تتجوزه وتكون معاه ، فقررت تهدى الموضوع شوية

سلمى معاك حق يا حبيبى ، أنا اسفة ، فكرت كده هنستمتع بس طلعت غلطانه وقامت شالت البيرة وحطتهم فى الزبالة وقالت اهو يا حبيبى رميتهم ، اهم حاجة متزعلش منى ، مش هتضيع ليلة حلوة علينا علشان موضوع خلاص حلياه وقرب منه وقعدت تتحرك بدلع وهى تمشى أيدها على جسمه بغرض أثارته وقالت

سلمى ولا انت ايه رأيك يا حبيبي

فؤاد بحب رايى أننا نستمتع النهاردة بأول لينا لينا واحلى ليلة ، مش متخيل أننا خلاص سوا ، حاسس انى بحلم ، انتى كنتى حلم حياتى

سلمى وانت كمان حلم حياتى وخلاص بقيت احس الحياة بتضحك ليا وبعدين بدأت تلعب فى ازرار القميص وهى تبص فى عينه وتدلع

فؤاد بصلها بحب ورغبة وقال معاكى حق ولاحظ ساعتها أنها لابسه قميص نوم احمر قصير مغرى جدا فلم يقدر على ذلك وهى حب حياته فقام شالها ونزل بيها على السرير والتهم شفتيها بعنف أحبته منه جدا ، ثم أخذ يزيل عنها ملابسها وهى تزيل عنه ملابسه ….. ???

وهنا تسكت شهرزاد عن الكلام الغير مباح ?? ويقضوا اول ليلة زوجية بينهم فى حلال ، يستمتع كل منهم بالآخر

عند روح

روح مش عارفه تنام ، حاسه ان فى حاجة غلط ، ممكن قلقانه علشان فؤاد مش نايم معاها فى البيت لانه قالها أنه هيغيب حوالى شهر فى الشغل علشان فى صفقة مهمة ولازم يكون حاضر لانه المشرف ولا هى قلقانه علشان حاسه ان فى حاجة غلط بتحصل ، حاسه ان فى حاجة وحشة هتحصل وخائفة اوى على فؤاد فحاولت ترن عليه بس تليفونه مغلق

( صحيح مين عريس وعروسه هيسيبوا تليفونهم ليلة فرحهم مفتوح والناس تزعجهم )

روح قعدت ترن كام مرة وكل مرة يديها مغلق أو غير متاح فزعلت اوى لأنها كانت عايزة تكلمه وتطمن عليه لأنها خايفة وقلقانه والبيه سايبها

روح قامت وقالت تتفرج على التليفزيون بس مقلتش فى حاجة أو بمعنى أصح هى ملهاش مزاج لكده فقفلت التليفزيون ودخلت تنام تانى بس بردو معرفتش فراحت اوضة فؤاد وجابت قميص بتاعه وحضنته ونامت على سريره وقعدت تعيط وفعلا بعد فترة وبعد صراع مع النوم نامت روح

لأ تستهين بقلب امرأة لان قلبها رقيق ولين

فهى عندما يبتعد عنها حبيبها يزداد شوقها والحنين

تانى يوم

فؤاد صحى من النوم ولقى سلمى نايمة فى حضنه فقعد يلعب فى شعرها وابتسم لليلة امبارح لأن سلمى كانت متجاوبة معاه اوى وهو حب ده فيها وقعد يطبع قبلات متفرقة على وشها وعلى جسمها

سلمى صحيت على قبلاته وقالت

سلمى صباح الخير يا حبيبى

فؤاد صباحية مباركة يا عروسه ، يا حبيبتى

سلمى صباح النور عليك يا قلبى

فؤاد عامله ايه دلوقتي

سلمى بتعب احسن شوية

فؤاد أنا عارف هريحك ازاى وقام شالها وحطها فى البانيو وشغل ليها الماية الدافية و قعد معاه واستحموا سوا

نمشى احنا ونسيبهم لحالهم ?

عند ياسمين

ياسمين صحيت وبدأت تغير هدومها علشان بتنزل تشتغل فى صيدلية

الام راحة من غير فطار

ياسمين مش جعانه يا امى

الام ماشى يا حبيبتي ، خلى بالك من نفسك ، سلام

ياسمين راحت الصيدلية واستلمت الشغل وبعد فترة دخل شاب عليها وقال سلام عليكم

ياسمين وعليكم السلام ورحمه الله وبركاته ، انت !

زياد ممكن يا دكتور تجيبيلى بنادول للصداع

ياسمين تمام وقامت جابت البرشام وادتهوله

الشاب أداها الفلوس وقال شكرا يا قمر ، مصيرك هتبقى ليا

ياسمين بصتله بقرف وسابته مشى

الشاب يا لهوى على المزة يا جدعان ، لازم تكونى ليا بأى طريقة حتى لو هعمل معاكى الغلط

عند ياسمين

صحبتها معاها فى الصيدلية

مها مالك يا ياسمين متضايقة ليه كده

ياسمين الشاب ده عمال يضايقنى علطول ، كل شوية الاقيه جاى ورايا فى كل حتة وبيجينى هنا علشان يشوفنى مش علشان بياخد حاجة

مها وده مضايقك فى ايه ، شخص بيحبك

ياسمين بيحبنى ايه ، ده شخص مش محترم ، كل شوية يقولى يا مزة ، يا قمر ، والله ما هحلك ، مصيرك تكونى ليا ، مش هتكوني لحد غيرى ، وهو شخص بلطجى وسمعته فى الحارة عندنا معروفه وكمان بتاع مخدرات ومش عارفه اعمل ايه ، خايفة يأذينى لانه معروف بجباروته

مها علشان كده متضايقة ، سيبيها على الله ، واللى فيه الخير ربنا يقدمه ، متخافيش ، اكيد ربنا مش هيسيبه يأذيكى

ياسمين ونعم بالله ، اتمنى ذلك

ياسمين لسه خايفة منه لأنه قبل كده حاول يلمس جسمها بس هى زقته وعلشان أهلها غلابا قالت تسكت ولو اتكرر الموقف ده تانى هتقول لأهلها بس عندها شعور من جواها أن فى حاجة غلط هتحصل

فهل ده شعور ولا خوف ؟؟

عند روح

روح قامت و اتوضت وفتحت الموبايل علشان ترن على فؤاد بس هو لسه قافل موبايله

روح بعياط ليه قافل موبايله لحد دلوقتي ، أنا خائفة يكون جراله حاجة ، وخائفة بردو ازعجه فى شغله بس انا عايز اطمن عليه علشان اهدى لانى مش طبيعية كدا ودماغى بتودينى وتجبنى ، طب اعرف ازاى و بعدين قالت خلاص هستنى النهاردة لو كلمته تمام مكلمتوش هقول لحمايا وحماتى وهما يتصرفوا

البيه فى شهر العسل يا رووووووح ?

أما عدى فحياته على وشك البداية

عدى فى الشركة ودخلت عليه سكرتيره محترمه وبتكلمه بكل احترام بس هى جميلة جدا لحد الفتنة وكانت قريبه منه اوى وبتتناقش معاه فى الصفقة علشان توديها للمدير

فجأة الباب خبط ودخلت ندى

ندى شافتها وهى قريبه منه بلبسها المطقم وعماله تتكلم معاه بدلع فحست الدم بيغلى فى عروقها وقالت بصوت عالى

ندى استاذ عدى ، عايزة حضرتك تمضيلى على الورق ده بسرعة ودلوقتي ولا حضرتك مشغول فى شىء مهم وبصت على السكرتيره

عدى مالك يا ندى ، اقصد انسه ندى ، ليه بتتكلمى بزعيق وصوت عالى كأننا فى اخر البلد ، احنا جمبك اهو ، هدى صوتك شوية

ندى بصوت منخفض منا شايفة القرب فعلا وعماله تبص ليهم بنظرات لو كانت قتلت لقتلتهما

عدى بتقولى ايه ، على صوتك شوية

ندى أعلى ولا اوطى

عدى مش مهم ، هاتى الورق أوقعه علشان تروحى تشوفى شغلك

ندى كانت محتاجه الورق ده ضرورى بس كانت عايزه تستنى شوية علشان تشوفهم وهما سواء

ندى عادى مش مستعجلة يا استاذ عدى

عدى باستغراب مش انتى قولتى من شوية انك عايزة دول ضرورى وبسرعة ، ازاى مش مستعجلة

ندى بعصبية تمام ، يلا وقع

عدى خد منها الورق و وقعه وقال كده تمام ؟

ندى تمام اوى

عدى تمام اتفضلى على مكتبك واقفلى الباب وراكى

ندى طلعت وقفلت الباب وراها جامد

السكرتيره (نهى ) هى مالها متعصبة كده ليه

عدى الصراحة مش عارف ، ممكن متضايقة أو حاجة ، المهم خلينا فى شغلنا دلوقتي

عدى ونهى قعدوا اكتر من نص ساعة بيناقشوا المشروع قبل ما يروح للمدير علشان الوقت ضيق وعايزينه جاهز علطول

عدى تمام كده ، كل حاجة تمام ؟

نهى ايوه يا استاذ عدى ، كله تمام

نهى طلعت وندى كانت عينيها على الباب وعماله تحسب ليهم الوقت بالدقيقة وبعدين دخلت على عدى مكتبه من غير لما تخبط وقالت

ندى كل ده بتتناقشوا فى الموضوع

عدى قعد يضحك على منظرها لأنها كانت متعصبة وخدوددها خمر وشكلها يضحك اوى

ندى بتضحك على ايه ، اول مرة اعرف أن كلامى بيضحك أو شكلى بردو

عدى تعالى يا ندى اقعدى

ندى قعدت هى وعدى

عدى قوليلى بقى مالك النهاردة ، حاسك متضايقة ، فى حاجة تعباكى ، احكيلى

ندى لأ انا بخير مفيش حاجة خالص

عدى امال متعصبه ليه وبتبصيلى بنظرات كره

ندى اصلك اتأخرت اوى مع نهى جوه

عدى وده مضايقك فى ايه ، منا خلصتلك ورقك علطول وبعدين كملت معاها

ندى مش مضايقنى ولا حاجة ، أنا هتضايق ليه ، كل الحكاية انكم اتأخرتوا وانا فكرت فى حاجة مهمة كنت عايزة اساعد مش اكتر

عدى اتضايق من كلامها ، كان نفسه يسمع منها كلام يريحه بمعنى أنها غيرانه عليه ، بس بس يا عدى ، انت بدأت تخرف ولا ايه ، انتم الاثنين مش بتحبوا بعض فليه عايزها تغير عليك ولا انت ؟؟؟

ندى أنا همشى علشان عندى شغل كتير اوى وعايزة أخلصه بدرى

عدى ممكن نتغدى سوا النهاردة

ندى قعدت تفكر وعدى كان خايف لترفض دعوة بس هى وافقت أنهم يتغدوا سواء

ندى تمام يا استاذ عدى

عدى فرح اوى أنها واقفت

ندى طلعت وراحت مكتبها وقعدت تكلم نفسها

ندى هو انتى اتضايقتى ليه لما كان ده نهى ، ممكن علشان جميلة ، وايه يعنى جميلة ، هو انا هستفاد حاجة بجمالها ده ، بس حسيت نفسى متضايقة اول لما شوفتهم مع بعض مع انهم مكنوش قريبين من بعض اوى بس كانوا قريبين ، ولما سبتهم وطلعت حسيت بخنقة كانى سبت روحى وتنفسى جوه ولما نهى طلعت خدت نفس طويل كانى كنت بعوم فى البحر لاكتر من نص ساعة ، ايه الشعور ده ، معقول اكون بحبه بس انا مش حاسه انى حبيته ، حاسه عادى بس ليه غيرانه عليه من اى واحدة وبتضايق لما يكلم أو يضحك لواحدة غيرى ، اي ده ، هو انا قولت غيرانه ، لأ مستحيل ، ممكن اكون غيرانه منها فى الشغل مش فى حاجة تانية ، فعلا نهى انسانه متفوقة جدا وكلها بيشكر فيها علشان كده غيرانه منها بس بردو ليه وهى مع عدى بتضايق لكن مع اى حد تانى لأ

عند العرسان

فؤاد وسلمى خلصوا شور وغيروا وبدأوا يأكلوا

فؤاد بدأ يأكل سلمى بايده وسلمى كمان بتعمل كده

سلمى بحبك يا فؤاد ، ربنا يخليك ليا دايما

فؤاد ويخليكى ليا يا حبيبتى ، انا اسعد شخص فى العالم ، لانك جمبى ومعايا

سلمى وانا كمان سعيدة جدا ، لانك روحى ، عقبال لما نجيب نونو يتربى وسطنا

فؤاد يا رب يا سولو ❤️

سلمى حلو اوى الدلع ده

فؤاد انتى احلى ، من هنا وجاى كله دلع

سلمى قلبى

فؤاد تعالى اقولك حاجة جوه فى الاوضة

سلمى راحت معاه و ….. ???

عرسان جداد بقى

وهنا تسكت شهرزاد عن الكلام خصوصا لانه فى شهر العسل وهى هتتعب معاهم اوى ????❤️

عندى روح

روح بدأت شغل البيت وكلمت أهلها ورنت تانى على فؤاد بس بردو غير متاح أو مغلق فقررت ترن باليل

عندى عدى

عدى خلص شغل واستنى ندى علشان يتغدوا سواء

عدى خد ندى وراحوا مطعم هادى على النيل

عدى بدا كلام وقال عامله ايه

ندى الحمد لله بخير وانت اخبارك ايه

عدى تمام ، قوليلى مرتاحه فى الشغل ولا ايه

ندى الحمد لله جدا ، شغل مريح ، هو اه متعب شوية بس انا حبيته وباذن هبذل قصارى جهدى علشان اعمل حاجة لمستقبلى

عدى مبسوط أنها فرحانه وقال

عدى باذن الله خير ، أنا واثق انك قدها ونص وبعدين كمل وقالت تعالى نطلب الغداء علشان أنا جعان اوى

ندى ابتسمت وبدأت تختار هتاكل ايه

عدى وندى قعدوا واستنزاف الاكل بس الاكل أتأخر

عدى الاكل أتأخر اوى كده ليه

ندى بضحك مالك يا عدى ?? بقالك سنة مكلتش

عدى لأ بس الاكل هيكون ليه نفس وانتى معايا

ندى انكسفت وحاولت تغير الموضوع وقالت ممكن نتكلم عن نفسنا لحد الاكل ما يجى لأننا لسه متعرفناش على بعض اوى

عدى فكره حلوه ، أنا هبدأ ، قوليلى عايزة تعرفى ايه

ندى ايه طموحاتك و بتشتغل من امتى وكده يعني

عدى أنا طموحى كبير اوى بس بسيط يعنى يكون ليا مكانه كبيرة فى شغلى وكمان وانى الاقى بنت حلال

ندى عذرا فى السؤال بس ممكن تجاوب وممكن لأ

عدى خانتنى يا ندى

ندى اتصدمت وبصتله

عدى انتى عايزة تعرفى سبب طلاقى ، وانت بقولك اهو أنها خانتنى ، بعد ما عافرت علشانها كتير وأقنعت اهلى بالعافية واتجوزنا عن حب وكانت حياتنا كويسه اوى ، فجأة بدأت تتغير معايا وتغيب ومش بتهتم بيا ولما احاول اقرب منها تبعد والراجل بيعرف مراته بتخونه ولا لأ زى الست ما بتعرف أنها بيخونها أو متجوز عليها

ندى وعملت ايه بعدها

عدى فكرت كتير قبل ما اعمل اللى بعمله بس مبقتش غير الحل ده ، وهو انى اراقبها علشان اقطع الشك اللى جوايا واحساسى

ندى وليه مواجتهاش

عدى فكرت فى كده بس هى كانت هتبعد وهتقولى انت بتشك وفيا وكده هكون حاسس انى ظلمتها حتى لو هى كانت بتخونى فلجأت للتجسس

ندى كمل أنا سمعاك

عدى بدأت اركب كاميرات مراقبة فى البيت وبقيت أتابعها وانا فى شغلى وبقيت الاحظ أنها ماسكه التليفون كتير وعلطول بتضحك وهى ماسكاه ، بس مش ضحكت بنات ، ضحكة كده فيها دلع ،يعنى واحدة بتضحك لواحد وكانت بتقعد بقمصان نوم فى الشقة وعلطول تتصور بيهم مع انها لما كنت ببقى معاها تبقى لابسه عباية ولما اقولها البسيلى حاجة تقولى معلش مش قادرة وتتحجج بحجج تافهة، بس بردو قولت ده مش دليل ، اخدت اسبوع إجازة من الشغل وبقيت اراقبها ولاحظت أنها بدأت تطلع من البيت بكاميرات المراقبة فأنا بقيت امشى وراها لحد ما لقيتها بتروح عند عمارة وتطلع وبعد كام ساعة تروح وترن عليا تشوفنى قربت اوصل من الشغل ولا لأ وبقيت اسالها انتى مش بتملى من قاعدة البيت وانا فى الشغل ، ليه مش بتخرجى وتشوفى صحابك كانت بتقولى لأ انا مرتاحه كده و ردود باردة بقى

ندى واتأكدت امتى أنها بتخونك

عدى فى مرة استنيت عند العمارة ولقيتها طلعت فقولت لطفل امشى ولا الست دى وشوفها طالعة انهى شقة وبعدين لما عرفت رقم الشقة سألت البواب عن صاحب الشقة ، قلبى شاب عنده 33 سنة قاعدة لوحده ولحالة فقولت أنا لازم اطب عليها فى يوم علشان اتاكد وفعلا عملت كده ، استنيت تطلع وبعد نص ساعة طلعت وخبطت وطبعا فتحلى وقالى ميت فأنا دخلت علطول ولقيتها عريانه ومستنياه فى السرير ، ساعتها مش عارف ازاى قدرت امسك نفسى ومقتلهمش هما الاثنين ، المشكلة انى كنت بحبها اوى بس لسه عملت فيا كده ، تصرفتها اتغيرت واثناء العلاقة شكيت أنها بتخونى وانا كنت منوه لو ظنونى طلعت غلط كنت هعوضها عن كل حاجة بس للاسف طلعت صح وشوفتها بعينى

ندى وهى عملت ايه ساعتها

Flash back

عدى ردت بكل بجاحة وقالت عدى ، انت بتعمل ايه هنا

عدى ده كل اللى فارق معاكى يا خاينة ، عملتلك ايه علشان تخونينى وقام ضربها بالقلم

مروة متمدش ايدك عليا ، انت عمرك ما كنت راجل فى اى حاجة فمتجيش تتشطر عليا ، ايوه انا خونا وبخونك ومش عايزاك وكمان باخد حبوب منع حمل علشان مش عايزة اخلف منك

عدى سمع الكلام ده وحس انه عايز الأرض تنشق وتبلعه ، يااااه يا مروة للدرجة دى

مروة اه واكتر كمان ، عيشت معاك كل انواع الحرمان

عدى مفيش مبرر للخيانه وع العموم كل واحد هيروح لحالة و ورقة طلاقك هتوصلك قريب اوى

End

ندى بحزن أنا آسفة مش قصدى اجرحك

عدى تعرفى انك اول شخص احكيله كل اللى حصل ، كنت بقولهم بس خانتنى وانا شوفتها بعينى علشان كده طلقتها

ندى طب هى عملت ايه بعد الطلاق ولا متعرفش

عدى بعد شهور العدة علطول اتجوزت الشخص اللى خانتنى معاه ومن ساعتها معرفش عنها حاجة ولا عايز اعرف ، ومن ساعتها وانا مش بحب سيرة الجواز علشان بتفكرنى بخيانتها

ندى ربنا بيحبك علشان خلصك منها وكمان مفيش اولاد منها ، ربنا رحمك لما اكتشفت حقيقتها بدل ما كنت تعيش مخدوع طول حياتك او كنت يجيلك ولد وهو مش ابنك وتكتشف ده بعدين ، ربنا رحيم وأكيد هيعوضك باحلى منها وهتقول ندى قالت ، يلا بقى ناكل لان الاكل جه وانا حقيقى جوعت اوى

عدى وندى بدأوا يأكلوا وكل شوية كل واحد يبص للتانى فى السر

عدى بيبص ليها نظرات اعجاب وفخر وسعادة ليها على قد ما هو زعلان من اللى حصل بس فرحان من كلامها ودعمها ليه

ندى بتبص لعدى نظرات فخر وحزن ، فخر لانه قدر يتحمل كل ده لان الخيانه صعبة اوى ، وحزن لان الموقف صعب وهو ميستاهلش كل ده ، هى اه متعرفوش اكتر من شهر بس حاسه براحة من ناحيتك كأنها تعرفه من زمان

عدى وندى خلصوا الاكل وبدأوا يتمشوا سواء

عدى شكرا على دعمك ليا ، بجد كلامك ريحنى جدا

ندى بحب أنا دائما جمبك وهكون علطول جمبك و وقت ما تحتاجنى هتلاقينى وده وعد منى

عدى أنا بحبك اوى

يتبع....

العشرون من هنا

تعديل المقال