رواية عشق من قلب الالم الفصل السادس عشر 16
البارت.السادس عشر
شريف.الي بتدور عليها معايا تعلالي وحدك المخزن القديم انت عارفه نصفي الي بينا وكل واحد ياخد حقو
رامي بغضب جاي حالا
شريف بغضب.اتأخرت ليه يا شوقي كل ده بتجيبها ده جوزها كان هيوصل قبلها
شوقي بتوتر.مهو مهو يا باشا الطريق زحمه
شريف.مش مهم المهم دلوقتي حد شافك وليه حاططها في شوال حد قلك انها بطاطس يا حم.ار انت افتح الشوال ده خليها تتنفس عايزها تموت وتجبلي مصيبه
شوقي فتح الشوال بخوف بس شريف كان هيتشل من الصدمه
شريف بصدمه ..م ما ما يا نهار اسود ماما حبيبتي ردي عليا عملت فيها ايه يا حي.وان وحط السلاح على دماغ شوقي وقال بغضب اعمي جبت امي ليه انا مش قولتلك تخطف دنيا ايه اعمى
شوقي بخوف.اصل اصل الي حصل انو
رامي بمقاطعه.انا اقولك الي حصل اتنهد وقال الي حصل انك غبي وغبائك وصل بيك تفكر اني هسيبك تاخد مراتي عيني عينك كده وفضل ساكت وبعدين لما تيجي تخطف اختار حد يعتمد عليه مش واحد اول ما مسكلو سلاح اترعب
شريف بغيظ.عملت ايه في امي ليه مبتفوقش
رامي باستفزاز. تؤتؤتؤ انا اقدر اعملها حاجه دي مرات عمي بردو انا بس رشتلها من البرفان الحلو الي الراجل بتاعك رشو علي مراتي يعني شويه وتفوق متقلقش ها بقى اديني جيت قول الي معاك بسرعه علشان الحق خطوبة بنت عمي مش كفايه امها واخوها مش موجودين كمان ابن عمها الناس تقول علينا ايه
شريف بغضب .انت تبقى بتحلم لو فكرت انك هتخرج من هنا عايش اصلا
رامي بسرعه.لا حخرج عايش وانت اخرك تتكلم وانا مش دنيا علشان تيجي تبعبع قدامها كلمتين وتصدقك انا عارف بكلم مين والي قدامي اخرو ايه وقرب عليه جدا وهمس جمب ودنو ايه اكبر شيى انت عملتو انك حطيتلي من المنشط الي انت بتستخدمو بعد عنو لقا ملا محو كلها اتغيرت
شريف بلع ريقه بتوتر وقال.انت انت عرفت ازاي
رامي ضحك وقال.عرفت ايه انك حطيتو ولا انك بتستخدمو
شريف بتوتر.انا انا معرفش انت بتتكلم على ايه
رامي بغضب.مسكو من رقبتو وقال انت عارف بتكلم عن ايه كويس ومراتي خط احمر شكلي كان لازم اموتك من يوم الحفله لا كن ملحوقه وفضل يض.ربو بشد وعن.ف لما بقى وشو كلو ينزف وكل ما ميقول كفايه يفتكر دنيا ودموعا فيضربو بقسوه اكتر لما وشو مبقاش فيه حته سليمه
شريف.شوقي انت يا حيوان
شوقي.نعم يا باشا
شريف. انت سايبو يضربني وواقف يا حم.ار
شوقي .انت مأمرتنيش يا باشا
شريف .واديني بامرك يا زفت اقتلو مش عايزه يطلع عايش
رامي وصل للباب وسامع كلامو شوقي طلع السلاح بس رامي كان اسرع وطلع سلا حو وادالو طلقه في دماغو شوقي وقع ميت وشريف اتنفض من مكانو وسعاد فاقت وقالت فيه ايه انا فين
رامي . انتي هنا يا طنط سوسو مع ابنك الغالي علشان تداوي جروحه بس كويس انك فوقتي عايز اسألك سؤال قبل ما امشي الي عملو ابنك الحيوان في الحفله عندك خبر بيه كنتي معاه في لعبتو الوسخه
سعاد بخوف ردت بسرعه.ابدا والله يارامي انا انا
رامي بمقاطعه .وصلت يا سوسو وبص لشريف وقال حركه تاني وهيكون اخرك معايا طلقه رخيصه زيك علي فكره يا شريف وسط ده كلو لنا مديونلك بشكر لولا الي انت عملتو مكانش زماني متجوز دنيا انت خدمتني خدمه مش هنسهالك شكرا يا ابن عمي وسابهم ومشي
وسعاد جريت على ابنها الي كان بينزف من كل حته في وشو وشريف فضل يصرخ بصوته كلوويقول.والله ما هسيبك يا رامي والله لاندمك يا حي.وان
الي حصل يا جماعه ان رامي لما اتصل على رائد قبل الحفله قلو يجهز رجاله مسلحين علشان خايف شريف يغدر وفعلا اول ماشوقي خدر دنيا وحطها في شوال وطلع بيها وكلم شريف قلو ان دنيا معاه وطبعا شريف كلم رامي بعدها رامي اتصل على الرجاله بتاعتو الي كانت على اول الطريق قطعو السكه على شوقي ووقفوه وهنا رامي خدر سعاد واخدها في عربيته وراح للرجاله وخدو دنيا وحطو مكانها سعاد واخدو موبايل شوقي علشان ميتصلش ببشريف ورامي راح لشريف ودنيا الرجاله رجعتها للحفله
رامي وصل الحفله ودخل بيت عمه يشوف دنيا لقاها فاقت
دنيا اول ماشافتو ابتسمت بفرحه كبير لانها كانت خايفه عليه ورامي جري عليها واخدها في حضنو
رائد .كويس انك جيت كنت قلقان عليك
كمال ومروان كانو جمب دنيا وطبعا مش فاهمين اي حاجه كمال قال.قلقان عليه من ايه هو فيه ايه احنا منعرفوش في حاجه انتو مخبينها وعمالين تختفو كده الاول شريف وسعاد وانت كمان يارامي بتروحو فين
رامي اتنهد وقال.انا معرفش بنسبه لطنط وشريف هما فين بس انا واحد صاحبي عمل حادث في المستشفي الي جمبنا وخفت عليه مقدرتش استنا للصبح
طبعا هما مقتنعوش اوي بس عدو الليله وخلصت الحفله وكل واحد رجع بيتو
رامي ودنيا وصلو الفيلا
رامي انتي كويسه يا دنيا
دنيا.لا مش كويسه كنت هموت من خوفي ايه الي حصل وعملت ايه وقلك ايه هو الي عمل كده
رامي.حيلك حيلك اهدي شويه وروحي خدي دوش وغيري فستانك ونتعشى وهحكيلك كل حاجه انا كمان هاخد دش في الاوضه التانيه
دنيا .طب ما تحكيلي الاول
رامي.لا اولا انا تعبان وعايز اخد دش وانتي كمان وجعان موت
دنيا ورامي خلصو الشور ودخلو الاوضه وكان العشا جهز وطلعوهلهم على الاوضه رامي كان قاعد بياكل دنيا
دنيا ..خلاص مش قادره كل انت
رامي خلاص شبعتي .اكلي مروان بقي
دنيا. مين مروان
رامي. مروان ابننا انتي ناسيه انك بتاكلي لشخصين يلا افتحي بؤك
دنيا والله بجد شبعت وبعدين مين قلك انو ولد مش يمكن بنت
رامي ياريت تكون بنت حلو ه ذيك
دنيا .وانبي يا رامي بجد انا قلقانه احكيلي بقى الي شاكه فيه صح هو الي عمل كده
رامي بتنهيده.للاسف ايوه هو ومرات عمك عارفه بكل حاجه
دنيا . يبقي مش هيسكتو وو
رامي حط صباعو على شفايفها وقال..اشششش انا قولت ايه متقلقيش انا علمتو الادب كويس يلا بقى علشان ننام انتي تعبتي انهارده
رامي وقف بس دنيا مسكت ايده وقالت.رايح فين
رامي باستغراب.رايح انا م على الكنبه هكون رايح فين يعني
دنيا بحرج شديد.احم تقدر تنام هنا على السرير عادي
رامي بابتسامه. طب وانتي
دنيا.احم السرير كبير عادي يشلنا سوا
رامي متأكده مش هدايقك
دنيا .تؤ لا مش هتدايقني
رامي .نام على السرير بفرحه كبيره ودنيا نامت على الطرف التاني وكانت مكسوفه جدا بس رامي قطع الصمت وقال
دنيا هو انتي سامحتيني بجد
دنيا اتنهدت وقالت. وانت ذنبك ايه يا رامي اي حد مكانك هيعمل الي عملتو
رامي بحزن.طب ليه انا مش قادر اسامح نفسي
دنيا بصت عليه وقالت. علشان قلبك ابيض انت طيب اوي يا رامي كنت تستاهل حياه حلوه مستقره بس انا بوظتلك كل حياتك
رامي بحب.انتي اجمل حاجه حصلتلي يادنيا انا بس اتمنيت لو عرفتك في ظروف غير دي انتي متعرفيش بحبك قد ايه
دنيا .يا سلام بتحبني لحقت تنسى هند
رامي ضحك .امممممم وايه الي فكرك بهند بقى
دنيا .بسأل بس هي مش كانت خطبتك
رامي .لا مكانتش خطيبتي انا لقيت العمر بيجري من غير هدف قولت اتجوز واستقر قلتلها هسافر ولما ارجع هنعمل خطوبه بس يوم ما قبلتك في المطار اتمنيت لو انتي مش مخطوبه بس كنت حاسس انك ليا معرفش ازاي قلبي كان بيدق بطريقه غريبه لما اكون معاكي عمري ما حسيت الاحساس ده مع هند ولا مره
دنيا بلهفه.يعني مكنتش تحبها
رامي .تؤتؤ مكنتش بحبها بس ليه حاسس انك مبسوطه
دنيا .انا انا مبسوطه لا ابدا وهنبسط ليه يعني كفايه رغي بقي يلا تصبح على خير
رامي .احسن واحده تهرب من الكلام وانتي من اهلو يا قلبي
وبعد شويه نامو هما التنين بسعاده كبيره
في اليوم التاني قام رامي من النوم حاسس بشي فوق صدره بيفتح عينه لقا دنيا حاطه راسها على صدره وحضناه بايدها ورجلها ابتسم بفرحه حقيقيه بيتمني لو يحضنها جامد يخبيها بين ضلوعه جميله جدا شعرها الناعم الطويل بيذيد جمالها فضل سارح في جمالها لخد ما حسها ابتدت تصحى غمض عنيه بسرعه علشان متتكسفش
دنيا صحيت شافت وضعها اتكسفت شويه بس فضلت تتأمل فيه وهو نايم قد ايه جميل حطت ايدها على خده بنعومه وقربت عليه جدا لحد ما حس بانفاسها وهنا مقدرش يقاوم اكتر فتح عيونه دنيا اتكسفت جدا وكانت هتبعد بس شدها ليه من اديها وقال .صباح الجمال
دنيا بتوتر .انا ...انا
رامي بهيام..انا بحبك بمووووت فيكي
دنيا ابتسمت بحب
ورامي قلب الوضع واعتلاها وقرب على شفايفها ودنيا غمضت عينها باستسلام بس الباب بقى يخبط بشده بعدو عن بعض بخضه ورامي مسح على وشو بغضب وقال بصوت عالي.فيه ايه
حسين بخوف.الحكومه يا بيه تحت
دنيا بخوف.ليه فيه ايه
رامي بهدوء. ااهدي هشوفهم عايزين ايه يمكن في غلط ولا حاجه غيري هدومك وحصليني
رامي نزل وقال.خير حضرت الظابط
الظابط. حضرتك رامي عادل الصاوي
رامي.ايوه يا فندم فيه ايه
الظابط.حضرتك متهم بقتل المدعو شريف كامل الصاوي فتفضل معانا
دنيا لبست ونزلت سمعت الظابط والي قالو اغمى عليها
