رواية فيروز وادهم الفصل الرابع عشر14 بقلم ملك ابراهيم
تحدثت موني بقلق.
- مش عارفة يا شادي انا بحاول اتصل بيها من بدري وهي مش بترد
زفر شادي بضيق ثم تحدث بفضول.
- طب انتوا متعرفوش عنوان قرايبها دول ؟
نظرت موني الى ريم بتوتر ثم تحدثت ريم بعد تفكير.
- لا يا شادي منعرفش العنوان
ثم اضافة باقتراح.
- انا بقول نطلع احنا عشان منتأخرش وهي هنلاقيها جايه دلوقتي متقلقش
في هذا الوقت دخل عمار والياس ليجدوا موني وريم يقفون مع شادي وصديقه يتحدثون امام المصعد.
تحدث عمار بصوت مرتفع وهو ينظر الى وقوف تلك الفتاة التي تسببت في جرحه مع الشباب امامه.
- خير واقفين ليه كده ، مواعيد العمل بدأت من نص ساعة لو مش واخدين بالكم
توتروا جميعاً من صوته المرتفع الغاضب ليتحدث معه شادي بارتباك.
- احنا سألنا عن أستاذ أدهم عشان يوزعنا على الاقسام الادارية زي ما قال امبارح وعرفت انه لسه موصلش
تحدث الياس بغيظ وهو ينظر الى ريم بغضب.
- أستاذ أدهم مش جاي النهاردة واحنا الا هنوزعكم على الاقسام ، بس لازم تتفضلوا تطلعوا الاول عشان نبدء الشغل
نظرت اليه ريم بغيظ من طريقته الفظه معهم هو وصديقه ثم تقدمت الجميع واتجهت الى المصعد ، ذهبت خلفها موني بارتباك من نظرات عمار القويه لها ثم ذهب خلفهم شادي وصديقه.
وقف عمار يتابعهم بنظرات غاضبه حتى صعدوا الى الاعلى.
تحدث الياس مع عمار بتأكيد.
- عمار البنت الا اسمها ريم دي تلزمني ، انا عايزها تكون في القسم بتاعي
نظر عمار امامه بتفكير ثم تحدث بتأكيد.
- تعالى معايا
ثم تقدمه عمار واتجه الى المصعد وخلفه الياس ليقوموا بتوزيع الفريق على رؤساء الاقسام.
في قصر ديفيد.
ترجلت ماريا الدرج بخطوات هادئة واستمعت الى صوت زوجها ديفيد وهو يتحدث بالهاتف بغضب قائلاً.
- يعني روبيرتو هو الا عمل الهجوم ده على الصياد ؟
تحدث مارك على الجانب الاخر.
- سيدي دا شئ اكيد لان انا مستحيل اعمل شئ زي ده بدون علمك
تحدث ديفيد بمكر.
- انت عملتها كتير قبل كده مارك بدون علمي واخرها لما حاولت الغ،ـدر بالصياد وقت تسليم الشحنه الاخيرة بس الصياد طلع اذكى منك بكتير
تحدث مارك بانفعال.
- الصياد مستحيل يكون اذكى مني ، يمكن مساعدت حضرتك ليه هي الا بتجعله ذكي امامنا
تحدث ديفيد بتأكيد.
- انا عارف قوة ذكاء كل واحد فيكم واصله لفين وانت عارف شعاري مارك ، البقاء للأقوى
تحدث مارك بغضب.
- اتمنى تترك الصياد يواجهنا بدون مساعدتك سيد ديفيد حتى يكون البقاء لأقوى حقاً وصدقني في اقل من شهر هيكون اسم الصياد ذكرى سيئه بنحكي عنها
تحدث ديفيد بمكر.
- الصياد لو عاش بعد الهجوم الا حصل عليه ليلة امس اكيد مش هيرحمك مارك انت وروبيرتو
