رواية عشق التحكم (صغيرة فؤادي) الفصل الثالث عشر13 بقلم اسماء سلام
البارت 13
— تصدق انت شخص مش محترم ، عيب عليك اللى بتعمله كده ، اخص على دى رجالة
زياد أنصدم من كلامها وبعدين رد وقال
زياد حضرتك فاهمه غلط يا انسه ، أنا كنت بقولهم ميعاكسكوش بس انتى فكرتى انى واحد منهم ، فعلا خير تعمل شر تلقى
ياسمين أنا اسفه بس انا فكرتك منهم وحقيقى شكلك ابن ناس ومتعملش كده على عكس دول وبصت للشباب الباقى
زياد فعلا ، مش فاهمين أن ده هيترد ليهم فى اهلهم وبعدين وجه كلامه للشاب وقال متعترض للانسه تانى ولا هتصرف تصرف تانى ، أنا ضابط فى الجيش
الشاب خاف وقال لأ مش هنعمل كده تانى وخد صحابه ومشيوا
ياسمين أنا اسفه مرة تانية
زياد أنا اللى اسف عن الشباب دول ، هما محتاجين حد يربيهم من اول وجديد
ياسمين والله كتر خيرك ، أنا تعبت منهم بجد ، كل يوم نفس الموال ولما بسكت مش بينفع ولما برد مش بينفع بردو ، أنا مش عارفه ارد عليهم ازاى
زياد لو اى شاب عكسك مترديش عليه واعتبريه مش موجود إلا لو حاول يلمس جسمك ، ساعتها ردى عليه وهزقيه وخلى الناس كلها تتفرج ، لازم تبقى قوية كده مش ضعيفة علشان هما لما بيصدقوا يلاقوا واحدة ضعيفة بيفضلوا يعاكسوها علطول
ياسمين اه فعلا وكمان فى بنات بتضحك لما شاب بيعاكسها فهو بيفكر أنها حبت كده فبيتمادى
زياد شاور بايده لقدام وقال انتى ماشية كده ?
ياسمين اه ماشية كده ، كنت بجيب حاجة لماما
زياد أنا كمان رايح الاتجاه ده
ياسمين شكلك مش من هنا لأنى اول مرة اشوفك
زياد أنا اخويا ساكن هنا وجاى زيارة ، اخويا عماد المعروف بابو حمزة ساكن بعيد عن هنا شويا
ياسمين ربنا يخليكم لبعض ويحفظله ابنه
زياد ممكن نتمشى شوية وكمان نفس الطريق
ياسمين تمام مفيش مشكلة
زياد كملى كلامك عن الشباب والمعاكسات وكده
ياسمين مالم مهتم بالموضوع ده ليه ، ده موضوع وحش محدش يتكلم فيه
زياد معاكى حق بس انا عايز اعرف البنات بتتعامل مع الموضوع ده ازاى
ياسمين تمام ، فى بنات بتسكت وفى اللى بترد وفى اللى بتضحك
زياد يعنى فى بنات مبسوطه بالمعاكسه
ياسمين الموضوع مش كده خالص ، هما بيضحكوا لأسباب مختلفة ، اما بيضحكوا على الشخص اللى بيعاكس يعنى بيستهزئوا بيه اللى هو معناه شوفوا الاهبل بيعمل ايه ، وفى اللى بتضحك لأنها مستغربة أن فى حد بيعاكسها يعنى ده اهبل ولا ايه مش شايف انى وحشة ، وفى اللى بتكون مبسوطه لأنها شايفه أنها مدام اتعاكست يبقى جميلة والمعاكسه بتديها ثقة بالنفس
زياد بس اللى بيعاكس مش بيهمه حلوة ولا وحشه ، هو بس بيقول كلام وخلاص لأى واحدة
ياسمين ايوه فعلا بس فى بنات مش بتفهم الموضوع ده كده
زياد مش مهم بيفهموا ايه ، المهم انهم ياخدوا موقف من المتحرش لو الموضوع زاد عن حده
ياسمين يا ريت يعملوا كده لان الواحد بدأ يخاف يمشى فى الشارع من المعاكسه والتحرش
زياد ربنا يسترها عليكى ، معرفتكيش عن نفسى ، أنا زياد ياسر عامر ضابط فى الجيش ، بجد تشرفت بمعرفتك
ياسمين أنا ليا الشرف
زياد مقولتليش اسمك ايه
ياسمين اسمى ياسمين مجدى
زياد ربنا يحميكى ، انتى بقى فى كلية ولا معاكى ايه
ياسمين أنا بدرس كلية صيدلة ، فرقة رابعة
زياد يعنى اقولك يا دكتوره
ياسمين دكتوره دى علشان شغلى لكن تعاملى بره شغلى يبقى باسمى يعنى دلوقتي أنا اسمى ياسمين
زياد بجد انتى انسانه محترمه جدا وتفكيرك عجبنى ، خليكى دائما على اخلاقك ومبادئك
ياسمين باذن الله استأذن أنا بقى علشان وصلت
زياد انتى ساكنه هنا
ياسمين اه فى الحارة دى
زياد طب ممكن نمرتك علشان لو احتجتى حاجة
ياسمين كلك زوق ، بس مينفعش أدى نمرتى لحد معرفوش وكمان حرام وسابته ومشيت
زياد فضل باصص ليها قال فى نفسه
زياد ماشاء الله تبارك الله ، محترمة ومتعلمة ومثقفة وجميلة جدا وفوق كل ده رقيقة ، يا رب نتقابل تانى
زياد راح عند اخوه عماد وهو بيفكر فى ياسمين
نتعرف على الوجه الجديد
( ياسمين طالبة بكلية الصيدلة فرقة رابعة عندها 22 سنة ، عينيها مخضرة على خفيف ،بشرتها بيضة وشكلها هادى ،تشوفها تقول سبحان الله ، مثقفة جدا وطيبة وبتحب الخير للناس ، متفوقة فى دراستها ومش بتفكر فى الارتباط دلوقتي ، هى عايزة تركز فى دراستها الاول وبعدين تقرر ترتبط )
زياد راح شقته وعمل اكل لنفسه وبعدين قعد يتصفح النت ويشوف اخبار البلد ايه
عند فؤاد
فؤاد صحى من النوم لقى روح نايمة فى حضنه وهو مشدد على حضنها زى الطفل الصغير اللى ماسك فى أمه جامد وخائف تمشى وتسبيه وبعدين بدأ يفتكر اللى حصل امبارح
فؤاد وهو باصص ليها قال
فؤاد يا ريت الواحد يختار يحب مين ، كنت اختارت احبك انتى يا روح ، انتى روح وفعلا روح ، بتخلى للبيت والحياة روح ، مهمى اقسى عليكى بتتراضى علطول ولما تعبت امبارح عملتيلى كمادات وقعدت جمبى مع انى كنت متخانق معاكى اخر مرة بس انتى أصيلة علشان كده وقفتى جمبى وبعدين مسك أيدها وباسها وقال أنا أه مش بحبك بس عندى مشاعر امتنان فى قلبى من ناحيتك ، ربنا يسعدك دائما واشوفك مبسوطه علطول وبعدين نزل على شفتها وقبلها قبلة سطحية
روح صحيت ساعتها لقت فؤاد بيبوسها فبصت واستغربت اللى حصل
فؤاد كمل فى اللى بيعمله بالرغم أن روح صحيت بالعكس زاد اكتر لما روح فتحت عينيها
فؤاد التهم شفتيها برقة كأنه عايز يستمتع بيها وبعدين قعد يتعمق فى القبلة وبعدين بدأ يمشى أيده على جسم روح ، كل ده وروح ساكته مش بتعمل حاجة لأنها مستمتعه باللى بيحصل جدا وفرحانه اوى من حركات فؤاد معاها
فؤاد أنا عايزك ? ولما ملقاش رفض فى عينيها بدأ يزيد اللى بيعمله وأيده بدأت تشيل عنها هدومها واحدة واحدة دون فصل القبلة
روح كانت فى عالم تانى ، كانت مستسلمة ليه تماما
فؤاد وبعدين نزل على رقبتها وطبع قبلة رقيقة ومن ثم ….. ??
وهنا تسكت شهرزاد عن الكلام الغير مباح ?
عند ندى
ندى جهزت ولبست هدومها وبعتت لعدى انه يقابلها علشان يقابل ابوها زى ما طلب منها
عدى جه وقابلها
عدى جاهزة يا ندى
ندى ليه مصمم تروح وتشوفه
عدى قولتلك قبل كدم لازم اعرف الشخص ده ليه بيعمل كده
ندى هو شخص ظالم وميعرفش ربنا وللاسف بيعمل كده وهو مقتنع أنه صح وانت هتروح تكلمه وتعرف منه كده ومش هتستفاد حاجة غير انك هتتعب فليه من الاول تروح ، خليك هنا وخلاص
عدى خلاص يا ندى ، هنشوف الدنيا هتمشى ازاى
ندى يا رب خير
عدى باذن الله خير ، تفائلى
عدى وندى راحوا عند ابوها بس ندى قعدت مستنية فى كافيه لحد عدى ما يخلص علشان ابوها ميعرفش أنها تعرف عدى وتحصل مشاكل
عدى طلع الشقة وخبط وفتح ليه راجل كبير من السن ، من شكله تعرف أنه جبروت وتحت عينه اسمر من كتر السهر والشرب
عدى دى شقة الاستاذ محمد
محمد ايوه انا ، حضرتك مين
عدى ممكن ادخل ونتكلم ولا هنتكلم على الباب
محمد لما أعرف انت مين الاول ، مش هدخل شخص غريب بيتى
عدى ولا خايف يكون عندك حشيش ولا ممنوعات وتتقفش
محمد انت مين يا عم انت
عدى بضحك ? متخافش انا مش شرطة ، أنا جايلك بخصوص الانسه ندى واظن مش هنتكلم على الباب ولا ايه رايك
محمد لأ ازاى ، اتفضل اتفضل
عدى دخل وشاف الشقة ولقى أن الشقة جميلة بس ريحة السجائر معبية المكان والمكان مش نضيف ، تحس ان الشخص ده عايش فى زبالة
محمد اتفضل اقعد ولا حضرتك هتاخد جولة فى المكان ، الشقة عجبتك
عدى أنا مش عايز الشقة ، أنا جاى بخصوص ندى
محمد ايوه ايه طلباتك
عدى هى فين عايز اشوفها
محمد مش موجوده دلوقتي ، عند خالتها
عدى يا خسارة
عدى هو حضرتك عايز ايه من بنتى ، جواز ؟
عدى الحكاية أننا سمعنا أنها هربت من البيت فحبيت اجى أسألك
محمد قول من الاخر انت عايز ايه
عدى احبك وانت فاهم
…….
عدى خلص مع والد ندى ونزل قابلها
ندى قولى عملت ايه ، واتكلمت عن ايه
عدى كل خير
ندى يعنى انت قولتله ايه وهو قالك ايه
عدى قولتله ان بنتك هتشتغل معايا وأنه هياخد مرتب شهريا
ندى ليه عملت كده ، مكنتش عايزاه يعرف مكانى ولا انك تديله فلوس
عدى انتى بنت يا ندى ومينفعش تباتى بره وابوكى ميعرفش مكانك ، حتى لو مش بيحبك ، بس الاصول لازم تتعمل ، هو طلع طماع شوية بس فى الاخر اتفقت انك تشتغلى معايا وتمضى على العقد ده واتفقت كمان انى هديله 2000 فى الشهر تعويضا انك مش موجودة ومحدش بيصرف عليه
ندى ممكن تقولى انتم حكيتوا عن ايه بالتفصيل
عدى حاضر ، بصى
Flash back
عدى الحكاية أننا سمعنا أنها هربت من البيت فحبيت اجى أسألك
محمد قول من الاخر انت عايز ايه
عدى احبك وانت فاهم
محمد قولى عايز ايه
عدى بنتك هربت من البيت وانا عارف مكانها فين
محمد هى فين
عدى هى هتشغل معايا فحبيت اجى اقولك علشان اطمنك علشان متقلقش عليها ده لو قلقت اصلا وكمان علشان متدورش عليها لأنها دلوقتي فى حمايتى وتخصنى
محمد دى بنتى ومستحيل اسيبهالك
عدى بردك ده اثبتلى انك جشع وبتحب الفلوس فقول عايز كام وتسيبها
محمد عايز 20000 واسيبهالك مدى الحياة
عدى ازاى قدرت تقولها ، انت عايز تبيع بنتك ، انت ازاى كده ، حرام عليك
محمد ده شىء يخصنى ، ومدام كده كده هى سابت البيت وهتبعد فعلى الأقل احصل منها على مصلحة
عدى تفكير سليم لشخص عايز مصلحته ، أنا طبعا مش هديك المبلغ اللى انت عايزه لانى مش معايا بس هديك كل شهر 2000 جنيه وتنسى بنتك وعذرا فى كلمة بنتك لأنها مستحيل تكون بنتك
محمد قولتلك ملكش دعوة بس انا ايه اللى يضمنلى انك هتدينى الفلوس
عدى خد 2000 اهم والباقى كل شهر ومتخافش أنا هديهملك ، و الدليل انى جتلك ، كان ممكن مجيش ومكنتش هتعرف مكان ندى بس قولت انت مهمى كان ابوها ولازم تعرف
محمد خد الفلوس وقال وانا واثق فيك
عدى سابه ومشى
End
ندى بزعل يعنى باعنى وانا اللي قولت ممكن يخاف عليا بس اللى زى ده معندوش قلب يحس
عدى متزعليش يا ندى ، انتى دلوقتي حرة ومحدش ليه دعوة بيكى
ندى شكرا لك بجد ، وانا اللى هدفع الفلوس مش انت لما اشتغل ويبقى معايا فلوس
عدى أنت دلوقتي مسؤولة منى وملكيش دعوة بحد ، استغلى واقبضى وعيشى حياتك
ندى کتر خيرك انك وقفت جنبي اي شخص غيرك كان هيسبنى اول لما يسمع كلمه فلوس
عدي دلوقت احنا خلاص قفلنا موضوع ابوك غير ركزي بقى في الشغل وانسي اللي فات وعيشي حياه جديده باسلوبك وتفكيرك
ندى هحاول بس شعور أن والدى اتخلى عني بيوجعني و هيفضل طول عمره مأثر في ذاكرتي
عدى عارف ان هو شعور صعب بس ده ابتلاءك في الحياه ولازم تصبرى وخلاص دلوقتى انت يعتبر اتحررتي من الابتلاء ده فمتخليش الماضي يؤثر على الحاضر علشان متتعبيش
ندى معاك حق
عدى يلا نروح بقى ومن يوم الاحد هتبدئى شغلك
ندى ربنا يقوينى
عدى و ندى رجعوا البيت وندى راحت السكن بتاعها
عند ياسمين
ياسمين روحت البيت وهى مبسوطه أنها اتعرفت على زياد
امها لاحظت ده
الام مالك يا حبيبتى جاية من بره مبسوطه اوى ، قوليلى افرح معاكى
ياسمين حكت لامها كل اللى حصل لأنها صديقتها المقربة وعلطول بتقولها على كل حاجة
الام بابتسامة ربنا يسعده يا بنتى ، شكله ابن ناس ومحترم واحسن حاجه انك مدتيلوش نمرتك
ياسمين انتى ربيتينا على الحلال والحرام يا ماما ومستحيل ربنا او اخون ثقتك وكمان أنا مش بحب الصحوبية بين الولد والبنت
الام باست رأسها وقالت ربنا يهديكى دائما يا حبيبتى ❤️ وربنا يرزقك بابن حلال يحافظ عليكى
ياسمين يا رب يا ام وبعدين باست ايديها
الام بضحك يلا يا اختى على المطبخ اعملى الاكل ولا مفكرة الكلمتين دول هتاكلى بيهم عقلى
ياسمين من عنيا يا ست الكل
الام تسلم عينك يا حبيبتى ❤️
بعد لما ياسمين دخلت المطبخ الام دعت ليها أن الشخص ده (زياد) لو خير ليها يكون من نصيبها ولو شر ليها أبعده عنها وارزقها بشاب يراعى ربنا فيها
( دى الأمهات الحقيقية اللى الرسول صلى الله عليه وسلم قال إنهم أحق الناس أننا نصاحبهم مش الامهات اللى تهين عيالهم ومش بيفهموهم )
عند فؤاد وروح
فؤاد قاعد يلعب في شعر روح وهى نايمة فى حضنه وعمال يفكر ويقول أن روح دى جميلة اوى وبقى بيحب يقعد معاها ويقرب منها بس خايف تطلع حامل خصوصا أنه قرب منها اكتر من مرة وفى كل مرة كان بينسى يديها حبوب منع الحمل زى ما اتفق مع والد سلمى لما جه يتقدملها ، بس ليه مش متضايق من فكره أنها تخلف منه ، هو متضايق أن سلمى تزعل بس هو عادى ، حاسس بفرحة كبيرة أوى بمجرد انى أتخيل أن روح حامل ، يا ربى ايه الشعور ده ، شعور غريب اوى مش عارف اوصفه وبعدين نزل وباس روح من راسها وقام ياخد دش
فؤاد اخد دش وغير هدومه ودخل المطبخ سخن الاكل وجابه لروح
فؤاد بدأ يصحى روح برقة وكل لما ينده عليها يبوسها على وشها وبعد فترة روح صحيت
فؤاد صباح الخير على ارق انسانه
روح بخجل صباح النور
فؤاد يعينى على جمالك وانتى مكسوفه ، بتبقى قمر
روح بس بقى يا فؤاد
فؤاد احلى فؤاد سمعتها فى حياتى
روح انكسفت ومبقتش عارفه تعمل ايه
فؤاد لاحظ خجلها وانه زاد فقرر يبطل غزل علشان ميضعفش تانى خصوصا انها تعبانه وباين عليها
فؤاد يلا قومى كلى معايا ، أنا مش بعرف اطبخ اوى فسخنت الاكل اللى جوه
روح يا حبيبي انك تجبلى الاكل لحد عندى ده عندى بالدنيا وما فيها
فؤاد فرح لما قالت حبيبى وبعدين قال انتى قولتى ايه دلوقتي
روح باستعباط بقولك انك تجيب الاكل لحد عندى ده بالدنيا وما فيها
فؤاد لأ مش دى ، اللى قبلها
روح بدلع قصدك يا حبيبى
فؤاد بتوهان اه
روح مسكت ايده وقالت تعالى ناكل سوا وبدأت تأكله بايدها
فؤاد كان مبسوط باهتمامها بيه ومكنش فى دماغه اى حاجة غير أنه معاها وخلاص
فى وسط اكلهم تليفون فؤاد رن والمتصلة كانت سلمى بس فؤاد مسجلها حبيبتى ❤️
روح شافت الاسم وبصت لفؤاد علشان يقول مين دى
فؤاد ؟؟!!!؟؟
يتبع...
