رواية الياس وميرا ( المظلومة والقاسي المتعجرف ) الفصل الثاني عشر 12 بقلم اسراء الاتربي
بليل إلياس رجع من الشركه... طلع علي اوضة ميرا... فتح الباب ودخل و اتصدم وعنيه بقت بلون الجحيم من اللي شافه قدامه... شاف ميرا و واحد نايم جنبها اخدها في حضنه. اول ما شاف إلياس قام بسرعه وحاول يهرب.
إلياس بغضب ووجع: بقاا انا تخونيني ليه هقتلك ي ميرا منك لله ي شيخه.
ميرا بضعف: إ إلياس ممعملتش حاجه
إلياس وهو نازل ضرب فيها منخيرها نزلت دم وجسمها كله بقا علامات.
إلياس بغضب: مش هرحمك هقتلك انتي واحده زباله وخاينه حقيره. مخفتيش وانتي جايباه هنا
كل اللي في الفيلا سمعه صوت إلياس الحراس طلعه وشاهيناز الحراس ماسكه إلياس بالعافيه.
إلياس بغضب: كله برا وإلا والله ما هخلي واحد عايش بررررررا.
إلياس طلعهم كلهم و رجع لميرا ماسكها من شعرها زي المجنون إلياس في اللحظه دي فعلا كان مجنون.
إلياس بفحيح مرعب: هخليكي تتمني الموت متلقهوش.
ميرا حاولت تتكلم هي ضعيفه ومش قادره تنطق.
ميرا: ااا انا معملتش حاجه والله صدقني.
إلياس بغضب: اصدق اي انا شوفتك بعيني ي حقيره.عملتي كده في اوضتي وعلي سريري ي حيوانه.
ميرا بضعف: بكرههك ي إلياس
وفضل إلياس يضرب فيها لحد ما فقدت الوعي.. وجسمها بينزف بشده. إلياس قرب منها بقرف.
إلياس بغضب: بطلي تمثيل وقومي
إلياس لاقها مبتردش قرب منها رغم وجعه ورغم كرامته رغم انها في نظره خاينه بس اتلهف عليها لما لاقها مبتنطقش ونفسها بيروح وبتنزف اخدها ونزل ركب عربيته واتجه لاقرب مستشفي.
نزل وشالها.. و دخل بيها والدكاتره اخدوها منه... بعد شويه الدكتور طلع.
الدكتور: بعد شويه هتفوق.. ي إلياس بيه.
إلياس مكنش، قادر عامل زي الاسد الجريح بينزف من جواه... طلع تلفونه و رن علي مراد. لانه كان محتاجله ف الوقت ده. ولحسن الحظ ان مراد رجع ورا كاميليا لما مشيت... بعد شويه كان موجود جنب إلياس في المستشفى.
مراد: اي اللي حصل ي إلياس انت خوفتني
إلياس بحزن: خنتني ميرا خنتني ي مراد
مراد بصدمه: إلياس انت بتقول اي.. انا صحيح مشوفتش ميرا غير مره بس مستحيل تعمل حاجه زي دي.
إلياس بغضب: عملت هموتها ي مراد مش انا اللي واحده تخوني.
مراد خاف علي إلياس.. نظراته كانت مرعبه جدا.
إلياس: انا لازم الاقي الكلب اللي كان معاها
مراد: سايبها عليا انا هكلم الرجاله وهندور عليه.
إلياس بغضب: عيزه يكون عندي في اقرب وقت ي مراد
مراد: طب اهدي ي إلياس هي ميرا فاقت ولا لا
إلياس: مش عارف مش عايز اشوف وشها
مراد خلي إلياس يطلع يشم هوا برا المستشفى ودخل لميرا اللي ابتدت تفوق.
مراد: ميرا انا مش عارف الكلام اللي بيتقال صح ولا لا بس، اللي اعرفه انك لازم تمشي من هنا إلياس ممكن يقتلك قومي يلاا هتيجي معايا.
ميرا دموعها كانت بتنزل.. مراد اداها الجاكيت بتاع بدلته وحاول يسندها وطلع بيها من غير ما حد ياخد باله. ساب عربيته واخد تاكسي.. وصله تحت عماره فخمه جدا نزل مراد ونزل ميرا وطلعه فتحت الباب بنت جميله جدا تبقي اخت مراد.
نور باستغراب: مين دي، ي ابيه
مراد: نور ي حبيبتي دخليها معاكي دلوقتي وانا لما اجي هفهمك لازم امشي
مراد نزل بسرعه... ركب تاكسي و راح ل إلياس تاني... لاقي واقف هيتجن والكل بيدور علي ميرا .
مراد: في اي ي إلياس
إلياس بغضب: الهانم هربت
مراد: طب اهدي بس هنلاقيها ي إلياس
إلياس كلف حد من رجالته يدور عليها هو خلاص معدش قادر.. مراد اخده بالعافيه و روحه الفيلا طلع بس راح اوضة ميرا وقفل الباب.
إلياس انهار ع الارض ضعفه بان و دموعه نزلت.
إلياس: ليه عملتي كده.. انا كنت خلاص هوثق فيكي. انا ح... إلياس مقدرش يكمل الكلمه وقام بغضب فضل يكسر في كل حاجه في الاوضه.
عند مراد قرر انه يتكلم من ميرا ويفهم منها الموضوع.
مراد: نور ي حبيبتي ادخلي نديلي ميرا من جوا
نور دخلت ندتها.. وميرا طلعت
ميرا ببكاء: شكرا ي مراد انك ساعدتني
مراد بجديه: بصي، ي ميرا انا جبتك هنا علشان خايف، علي، إلياس ممكن يموتك ويودي، نفسه ف داهيه انا عايز اعرف منك كل اللي حصل بالتفاصيل.
ميرا افتكرت اللي حصل... وابتدت تحكيله وهي بتبكي.
فلاش، باك
ميرا كانت قاعده علي الكنبه اللي في وبتقرا كتاب كان في ايديها فجاءه لاقيت حد بينط من البلكونه... حاولت تصرخ جري عليها الشخص ده وكتم بقؤها طلع سرنجه من معاه وغزها في رقبتها من بعدها جسمها ارتخي ومبقتش قادره تقوم او تعمل اي حاجه.
باك
ميرا بدموع: والله هو ده اللي حصل انا كنت شبه واعيه بس مش دريانه بحاجه.. مش قادره اقاوم او اصرخ.
مراد حاس بصدق كلامها.
مراد: تمام انا لازم اخلي إلياس يتاكد من كلامك ده بس الدكاتره ليه محدش قال علي المخدر اللي في جسمك.
ميرا: ارجوك متقولوش علي مكاني انا همشي من هنا وهبعد عنه نهائي
مراد: ميرا إلياس فاهم الموضوع غلط ارجوكي اهدي... ادخلي اوضتك دلوقتي و ارتاحي.
عند إلياس.. دمر اوضة ميرا تكسير وتقطيع في هدومها بقا زي المجنون... شاهيناز فتحت الباب و دخلت اترعبت م منظره.
شاهيناز بخبث: إلياس هو في اي وميرا فين.
إلياس قرب منها.. وجذابها من خصرها وقبلها بعنف... حس ان ميرا اللي قدامه مش شاهيناز.. استغلت الفرصه وضعفه اللي هو في قربت منه اكتر.... بس فجاءه... يتابع
