رواية رد الجميل كامله بقلم سماء عمران
-خلاص هاخد بنتك واتجوزها لحد ما تجمع الفلوس وتسد الدين.
-بس، بس..
-مافيش بس، الي عندي قُولته والموضوع خلص، وشوف انت عايز ايه، وياريت تخش تقولها والمأذون علي وصول.
'خرجت علي جملته علي مستوعبت الي قاله.
=بابا، انت هتسيبه ياخدني، بابا انا انا ليلي بنتك، بابا رد عليا وقولي انه بيكدب.
-اذيك يا عروسه، ها جاهزة.
'لفيت وشي ونا الصدمه علي ملامح وشي، عكس ما كان علي وشه ملامح انتصار.
=انت لو اخر انسان مستحيل اتجوزك، متحلمش كتير عشان متقعش علي رقبتك تتكسر.
'قام وعدل الجاكت وحط ايده في جيبه.
-هنشوف الوقتي مين فينا الي هيقع علي رقبته.
=انت حتي مَقدرتش الشراكه الي كانت بينكم، انت ازاي عايز واحده مبتحبكش، ازاي كراجل تقبل علي نفسك كد، راجل ايه بق، صحيح اكيد انت مش راجل بعد الي عملته.
'ملامح وشه اتغيرت، عينه بتطلع ناااار، قرب مني بهدوء واتكلم.
-جملتك الي قولتيها هدفعك تمنها بعدين.
=في احلامك.
-هتوافقي ولا ابوكي للاسف مش هينام في بيته الليلة.
'لفيت وشي، وبصيت لبابا وبصيت للعجز الي هوا فيه.
=ايه القطة اكلت لسانك.
-انا.. انا موافقة.
..
~بارك الله لكما وبارك عليكما وجمع بينكما في خير.
-اخر راجل بقي جوزك خلاص.
دماغي واقفة عن التفكير، ايه الي حصل، وازاي ازاي انا بقيت زوجتة واحد معرفهوش مكنتش اعرف غير اسمه، ازاي دايما بدفع تمن غلط مغلطتوش، ازاي وليه.
'فوقت من شردوي علي صوت بابا.
-انا اسف، مش ذنبك تدفعي تمن غلطة مش غلطتك.
=خلاص يا بابا الي حصل حصل، انا مستحيل اقبل تخش السجن.
..
كل شئ ببنيه ف يوم بيبقي سراب، حتي اليوم الي أي انسانه بتحلم بيه، وبيبقي اسعد يوم، طلع بالنسبه ليا كابوس، قررت اني انتقم منه واني اندمه انه فكر يعمل ايه، مش هعيش في دور الضحيه خلاص.
'فوقت من شرودي علي صوته.
-وصلنا، يلا انزلي.
'فتحت بابا العربيه ونزلت وانا باصة حواليا.
-إيه رأيك ف الڤيلا، أه نسيت اقولك، متقلقيش مش هتطرد والدك من الفيلا بتاعتكم ولا هاخد منه حاجه، أخدت الي محتاجه خلاص.
=يعني ايه اخدت الي محتاجه؟
'لقيته غير نظرته وتوه في الكلام.
-متيجي ندخل يلا.
' قرب ومسك ايدي، حاولت ابعده عني.
-احنا دلوقتي في حُكم متجوزين، علي الاقل قدامهم نبين اننا كد فعلا.
دخلت لقيت ست كبيره اعده، توقعت تكون والدته، وفيه خدم كتير، واحده باين عليها انها شابة.
ملامح الاستغراب علي وشهم،ومليون سؤال ف بالهم.
-إزيك يا أمي.
~ازيك يابني.
-مين دي؟
-دي ليلي مراتي.
-طب مش كنت تاخدنا معاك.
=لا يا طنط أصله بيحب المفاجأت، يعني مثلا العروسه مكنتش تعرف انها هتتجوز النهارده، الي هوا انا يعني.
'بصلي بغيظ، وكمل كلام.
-دي ماما، ودي ندي أختي.
'مهتمتش لكلامه، وعملت نفسي مسمعتش حاجة.
~مش هتسلمي علينا يبنتي؟
'مهتمتش للي قالته ووجهت كلامي ليه.
=اوضتي فين.
-اطلعي واحده من الخدم هتعرفك عليها.
....
~ندي، اطلعي اوضتك عايزه اكلم اخوكي في كلمتين.
-خير يا ماما في ايه.
~عيونها مليانه كره ليك يا حسام.
-عارف يا ماما، بس انا هخليها تحبني.
~عيونها مفهاش حب ناحيتك، كلها كره.
-لما تشوف حبي ليها هتحبني،
~انت عارف من الأول اني مش موافقه علي طريقة جوازك دي.
-مكنتش قدامي غير كد.
~دي حتي مسلمتش علينا، يعني مش عايز اي حاجه من ناحيتك.
-مع الأيام كل شئ هيتغير، انا هقوم اطلع ليها.
~ربنا يهديكم يارب، براحة عليها يا حسام، اوعي تأذيها بكلامك او تصرفاتك حقها تتعامل كد.
-محدش بيأذي حد بيحبه يا ماما.
...
دخلت الاوضه ونا منبهرة بجمالها، لفيت فيها ولقيت هدومه كان نفسي اولع فيها بس مسكت نفسي، لقيت بلكونه بتطل علي الحديقه، اعدت فيها شوية استجمع افكاري وقوتي.
'سمعت صوت خطواته ورايا، ملتفتش ومدتش ليه اهتمام.
-هتفضلي أعدة عندك.
'مردتش عليه وعملت نفسي مسمعتش، لقيته بيقرب من البلكونه وجه وقف قصادي.
-إيه البرود الي علي ملامحك دا، مش زعلانه؟
=مكنتش أول مره اخسر، خسرت لما ماما وعدتني هاخدني معاها في أي مكان
وماتت وسابتني، وخسرت لما.. لما هوا سابني.
-مين هوا؟
'فوقت من كلامي وسكت.
-مش هتغيري هدومك.
=ناسي إنك حتي مسبتنيش أخد هدومي.
-لا مش ناسي، بس انا جايبلك هدوم في الدولاب.
=عامل حسابك ولا ايه؟
-من زمان، زمان اوي.
=يعني إيه؟
-يلا يلا قومي غيري هدومك.
=استني دي تاني مره تقول كد ولما أسألك تهرب من كلامي، في ايه.
-بعدين، هتعرفي كله حاجه بعدين.
=أنا عايزه اوضه ليا لوحدي.
'لقيته لف وقرب مني لحد ما بقاش في شئ بيني وبين الحيطة.
-ليه؟
=مينفعش نُعد مع بعض في أوضة واحدة.
-انت مراتي.
=مش محتاجه يعني كل شويه تقولي، بس اكيد مش هنام معاك ف نفس الاوضه.
'سحبت نفسي ناحية الدولاب وسبته.
-اهربي اهربي.
=ياريت تشوفلك اوضه تانيه.
-والله مافيش غير الاوضه دي واظن اننا عرسان جُداد يعني عيب لما يلاقوني نايم بره وسايب اوضتي.
'سحبت بيجامة ودخلت الحمام.
...
=هوا مين اختار البيجامات دي؟
-ندي.
=عرفت مقاسي منين؟
-معرفش، ابقي اسأليها.
=انا هنام علي الكنبةوانت نام عندك.
-الي يريحك.
=والله؟ دنتا بارد بصحيح.
'لقيته رفع رأسه وقام وقرب تاني.
-مين الي بارد.
=انت؟
-وبتقوليها تاني.
=وهوا يعني بدل ماتقولي انت تنام علي الكنبة وانا انام علي السرير.
-طب ما ممكن ننام احنا الاتنين علي السرير.
=أحلامك ان شاء الله.
-خلاص بق نامي علي الكنبة.
'اكتفيت بنظرة غضب ليه وهوا سابني وراح ناحية السرير.
-اتفضلي دي كوباية لبن تتشرب كلها، والعشا بتاعك.
=إيه خايف عليا ناقصة كالسيوم ولا حاجه.
-نفسي تبطلي تردي عليا وتجادلي.
=مرة جاية.
'اخدت كوباية اللبن وشربتها كلها، بس مشربتهاش عشان قالي شربتها عشان اخلص.
-ايه مش هتتعشي؟
'رديت عليه ونا بشد البطانيه.
=ماليش نفس.
...
-ليلي، ليلي.
=مافيش رد.
'اتجه ناحية الباب و ونادي بأعلي صوته.
-ماما مامااا، نديي
~إيه في ايه إيه؟
-ليلي، ليلي يا ماما مبتردش عليا.
~طب رن علي الدكتور يجي بسرعه.
-حاضر حاضرر.
~جسمها فيه كدمات حمرة ليه، هيا مكنتش كده امبارح هيا اكلت ايه؟
-مكلتش حاجه، حتي مرضيتش تتعشي.
يتبع...
الثاني من هنا
