رواية خاطر الحب كامله بقلم هند ايمن
رهف: لو سمحت... يا استاذ
تميم: خير بتندهي ليه؟!
رهف: المحفظة دي وقعت منك.. اتفضل
تميم بنفس ملامحه الجامدة: طيب، خد المحفظة ومشي... رهف واقفة مكانها مصد'ومة من تصرفه وانه مشكرهاش حتى!
رهف: طب شكراً على الاقل... ايه قلة الذوق دي
تميم وقف ورجعلها وباين عليه العص'بية: انا قليل الذوق؟
رهف: اه ومتكبر ومغرور كمان المفروض اي حد قدملك مساعدة خصوصا اني كان ممكن اسيب المحفظة واقعة وانت اللى كنت هتدوخ عليها
تميم: كنتي سبتيها انا مقولتلكيش هاتيها ولو على المساعدة... طلع١٠٠جنيه من المحفظة وحطها فى ايدها
رهف بعص'بية رمت الفلوس فى وشه ومشيت
صلوا على النبي 
~هند ايمن~
__________________________
رهف بنت عندها ٢١ سنة فى كلية طب قسم جراحة العظام والك'سور جميلة جدا وملامحها رقيقة وهادية والحجاب مخليها اجمل واجمل... تميم عنده٢١سنة برضه وفى كلية طب قسم جراحة تجميل.. شب وسيم جدا بس متكبر شويتين تلاتة اربعة كده 
__________________________
«فى كافتيريا الجامعة»
صحاب تميم كانوا قاعدين وتميم راحلهم وكان متع'صب اووووووي
عدي لـ تميم: ايه يا تيمو هي قالتلك خلينا اخوات ولا ايه؟ وقعد يضحك
فهد: لا ممكن تكون قالتله متقدملي عريس وقعد يضحك برضه
تميم بعص'بية: استظرفوا كتير كده لحد ما اقل'ب الترابيزة دي عليكم
فهد لـ عدي بصوت واطي: شكله متضاي'ق بجد خلينا نخف هزار
فهد: اهدى بس وقولنا فى ايه إن شاءلله نساعدك
تميم: فى بنت جابتلي المحفظة عشان وقعت ادتلها ١٠٠جنيه راحت رمتها فى وشي.. انا تعمل معايا كده؟ والله لاوري'ها.. انا هعرفها مين هو تميم
عدي: مانت غلطان يا تميم البنت جابتلك المحفظة عشان وقعت يعني مش بت'شحت منك المفروض تشكرها ياخي
تميم: انا مبقولش شكراً لحد عشان اقول للبنت دي
فهد: ولحد امتى يعني هتفضل كده يا تميم الدنيا عمرها ما هتمشي كده
تميم: لو هتقولولي حكم ومواعظ استكوا
صلوا على النبي
~هند ايمن~
عدي: انا سكتت خالص انا هاكل اصلا
فهد:وانا كمان
«فى المدرج»
دخلت رهف وهي مخن'وقة جداااا
حور صحبتها: مالك متضا'يقة ليه؟
رهف: شوفت واحد حي'وان مشوفتش فى قلة ذوقه قبل كده
حور: اهدي اهدي ايه حصل لكل ده؟
رهف حكتلها
حور: ايه الشخص ده طب يشكرك على الاقل!!
رهف: لا ازاي ده قليل الذووووق
حور بضحك: خلاص يا ست فكك منه وحاولي تفرفشي بسرعة
رهف: بسرعة ليه؟
حور: علينا محاضرة دكتور عمر
رهف: يلهويييي يادي الن'يلة ويادي اليوم اللى باين من اوله
حور بضحك: والله يا بنتي دكتور زي العسل وقمووررررر انا مش عارفة ايه مش عاجبك فيه ده حتى اتقدملك كذا مرة وبيلف وراكي وانتي طلعتي عينه يا شيخة
رهف: اولا انا مش عايزة اتجوز دكتور فى الجامعة، ثانيا انا مش بحبه، ثالثا بقى ودي الاهم هو اصلا متجوز مش فاهمة انا ايه ده بجد بلاش قر'ف بقى
صلوا على النبي
~هند ايمن~
حور: طب اسكتي اهو دخل
رهف بسرعة: يارب عدي المحاضرة دي على خيير
«بعد المحاضرة»
رهف وحور ماشيين
دكتور عمر: انسة رهف... انسة رهف استني
رهف بصوت واطي: يادي ال'قرف بدأنا بقى
رهف بزهق: نعم يا دكتور
دكتور عمر: ينفع اتكلم معاكي خمس دقايق بس
رهف: نتكلم فى ايه يا دكتور المحاضرة خلصت!
دكتور عمر بص لـ حور وحور بصت لـ رهف
دكتور عمر: عايزك فى موضوع مش هاخد من وقتك اكتر من خمس دقايق
رهف: حور معلش استنيني الخمسة اللى الدكتور قال عليهم لحد ما اشوف الموضوع المهم اوي ده
رهف: ها يا دكتور خير إن شاءلله ايه الموضوع؟
دكتور عمر: وبعدين معاكي يا رهف الحديد لآن وانتي لسه هتفضلي لحد امتى رفضاني كده
رهف: اظن يا دكتور الموضوع ده اتقفل يعني حضرتك اتقدمت وكلمتني ولسه بتكلمني وانا لسه ردي هو.. هو حضرتك متجوز ومخلف لو مش على مراتك بص لعيالك وياريت متكلمنيش تاني فى اي حاجه خارج المادة.. بعد اذنك يا دكتور
جات تمشي شافت تميم واقف وسامع كل ده بصتله بق'رف وبصلها بعص'بية وكل واحد مشي عكس التاني
صلوا على النبي
~هند ايمن~
حور: طبعاً كان عايزك فى نفس الموضوع
رهف: ده طبعاً بس المرة دي انا اتعص'بت عليه وحقيقي لو اتكلم فى الموضوع ده تاني يبقى معندهوش كرا'مة
حور: طب ما تجربي يا رهف الراجل شاريكي
رهف: شاري ايه وبايع ايه هو انا حتة ارض؟!... اسكتي ومتفتحيش الموضوع ده تاني جات تعدي الطريق لقت موتوسيكل راكبه واحد لابس نظارة كان هيخ'بطها
رهف: انت يا حيوان مش تفتح يا اعمى انت
تميم وهو واقف مكانه شال النظارة: انا بفتح لما بشوف قدامي بني ادمين غير كده لا
رهف: انت مشوفتش بربع جنيه رباية
تميم: وانتي لو ممشتيش دلوقتي هعمل اللى متعملش من شوية
رهف بتحدي: مش متحركة من مكاني وريني هتعمل ايه
تميم: طيب سلام مش هضيع وقتي على واحده زيك
مشي و رهف واقفة استغربت بس لفت لحور وهي رافعة راسها وفخورة بنفسها
رهف: معرفش يعمل حاجه ميقدرش اصلا
فجأة لقت الموتوسيكل عدى من جنبها بالظبط بسر'عةة رهيبة لدرجة انها وق'عت من سرعته، تميم وقف وبص عليها
صلوا على النبي
~هند ايمن~
تميم بضحك: بلاش تتحديني طالما مش قدي... مشي وحور جريت على رهف قومتها
حور بتريقة: متعمليش فيها السبع رجاله فى بعض تاني بقى ماشي؟
رهف: حور اسكتي خالص بدل ما اتعصب عليكي
حور: انا مالي انا يا ست هو انا اللى وقع'تك؟ ايه ياربي الناس دي
روحوا بيوتهم
«فى بيت رهف»
رهف: السلام عليكم ورحمه الله وبركاته يا ماما
مامتها: وعليكم السلام ورحمة الله و.... يلهووييي ايه ده؟ ايه عمل فيكي كده؟... كنتي بتلعبي مع العيال فى الشارع ولا ايه؟
رهف بوش مكشر: ده عيل رخم وحيوان وق'عني فى الشارع وجري
مامتها: معلش يا حبيبتي طفل دول احباب الله... خشي استحمي وانا هحضر الاكل
رهف: لا يا ماما انا كلت مع حور انا هستحمى وانام ودخلت
«فى مكان مهج'ور»
مجهول: سمعت قولتلك ايه؟
=تمام يا باشا
مجهول: مش عايز اي غلطة... اس غلطة بتساوي عمرك
=متقلقش يا باشا إن شاءلله خير انا مظبط مع الرجالة وهما فاهمين
مجهول: تمام... اما نشوف بقى ازاي تعمل معايا انا كده... والله لاخليها تندم على اليوم اللى فكرت فيه تعمل معايا انا كده....
تتوقعوا مين ده ومين اللى بيتكلم عليها وياترى عملت ايه؟ 
الثاني من هنا
