رواية صدفه ام قدر ( العشق الخماسي ) كامله بقلم سميه عبدالسلام

رواية صدفه ام قدر ( العشق الخماسي ) كامله بقلم سميه عبدالسلام 

*هو اي اللي احجز الدروس قبل ما الحجز يخلص ،هو انا بحجز حفلة لحماقي*

قالها عمر الذي يبلغ من العمر ثمانية عشر عاماً وهو يتحدث مع صديقه عبر الهاتف،

ولكن قاطع كلامه جرس الباب فقال اخوه الاكبر احمد ،وهو يخرج من غرفته متجه نحو المرحاض *افتح الباب ياعمر*

عمر بغضب وهو يتجه نحو الباب *ياجدعان انا في تالتة ثانوي عايز اذاكر ،عايز اذاكر*

فتح الباب وجد ابنة عمه ابراهيم ندى هي من تطرق على الباب.

عمر بملامح جادة *ناااعم ،في اي على الصبح*

ندى وعيونها تطوف داخل المنزل لعلها تراه *ماما ومرات عمي بعتوني عشان اقلكم الفطار جاهز*

عمر بسخرية *وحضرتك نازلة من شقتكم عشان تقولي الكلمتين دول*

ندى وقد اكتفت من حديث وسخرية عمر لها *على فكرة انا مع ماما ومرات عمي تحت من الصبح بساعدهم نجهز الفطار*

عمر بلا مبالاة *طيب ياختي متشكرين*

*في ايه*

نظر كلاهما اتجاه الصوت كان يقف بثبات لا يليق سو به يرتدي سروال اسود مع قميص اسود ضيق يبرز عضلات جسده.

ندى وقد سحرت برأيته هكذا ،قائلة برتباك *ماما ومرات عمي بعتوني عشان اقلكم الفطار جاهز*

ادهم بجدية وثبات *تمام،انزلي انتي تحت ،واحنا جايين وراك*

ندى اسرعت بالنزول فـ هي لا تقدر ان تقف امامه اكثر من ذلك .

اما عمر كان يتجه ببطئ اتجاه غرفته خوفاً من النمر.

ادهم بجمود*تعال هنا*

عمر وهو يقترب قائلا ً بخوف *صدقني يانمر ،اقصد يا اخي انا لم اقصد ان اتفوه بمثل هذه الكلمات انا فقط ...*

قاطعه صوت احمد الذي خرج لتوه من المرحاض *اهو قلب سبيستون*

رمقه بنظرة محتقنة ثم اعاد بصره لـ شقيقه *انا بس في تالتة ثانوي وانت عارف السنة دي مهمة ازاي*

ادهم*وعشان حضرتك في تالتة ثانوي تتكلم بالطريقة دي مع الاكبر منك؟!!*

شعر بالخزى من نفسه *اسف يا ادهم*

ادهم*متعتذرليش انا ،تنزل تعتذر من ندى*

واكمل حديثه محذراً*وياريت متتكررش تاني*

عمر بطاعة*حاضر*

ادهم*يلا عشان ننزل نفطر*

عمر *لأ انا مش جعان انا..*

نظر له ادهم جعله ابتلع باقي كلماته وقال سريعاً*بس مفيش مانع لو فطرت معاكم*

احمد وهو يكتم ضحكه على اخيه الاصغر *انزلو انتو وانا هغير وانزل وراكم*

::::::::::::::::::::::::::::::::::::::

بالاسفل

نزل ادهم الدرج ومعه عمر الذي دلف للمطبخ واتجه صوب جده الذي يجلس على رأس الطاولة وقام بتقبيل يد جده قائلا ببسمة بسيطة تزين ثغره *صباح الخير ياجدي*

زكريا المنشاوي *صباح الخير ياولدي*

اعاد نظره لابيه وعمه *صباح الخير يابابا ،صباح الخير ياعمي*

مصطفى وابراهيم *صباح الخير*

ونظر للذي يأكل الطعام بنهم*صباح الخير يا مراد*

مراد وهو يمضغ الطعام *صباح العسل*

زكريا متسائلاً *امال سليم واحمد منزلوش ليه؟*

كاد يتحدث لكن قطعه صوت عايدة زوجة عمه ابراهيم *سليم نزل الشغل يابا الحج*

ثم نظرت لادهم بتوسل حتى لا يخبر جده انه مزال نائم ولا يذهب للعمل فـ هي تخشى عليه من غضب جده.

فهم ادهم ما تريده زوجة عمه وقال *واحمد بيلبس ونازل ورايا*

:::::::::::::::::::::::::::::::::::

عمر بنبرة هادئة *ندى*

ندى وهي لم تلتفت له *ايوة ياعمر ،عايز حاجة؟*

حكَ خلف رأسه وقال *انا بس جيت اقلك اسف على طريقة كلامي معاك من شوية،انا بس مضغوط اليومين دول في المذاكرة والدروس ،وانتي عارفة بقا ،مش عايزك تزعلي مني*

التفت بجسدها ناحيته *وانا مقدرش ازعل منك ياعمر ،دا انت ابن عمي*

*واخوك ياندى*

قالتها عايدة بعدما دلفت للمطبخ وسمعت اخر حديثهما *ابن عمك واخوك ،يعني انتو سند لبعض محدش يزعل من التاني*

ندى ببتسامة لوالدتها *طبعاً ياماما ،كلهم اخواتي*

همس لها عمر قائلا ً بخبث *بس اعتقد ان في حد مستثني من قاعدة الاخوات دي*

لكمته ندى في معدته فصرخ بألم *اااه*

ندى وهي ترمقه بغضب *انا بقول تروح تفطر احسن مراد هيخلص على الاكل وانت لسه هنا*

:::::::::::::::::::::::::::::::::::::

مسح يديه دليل على انتهائه من تناول الطعام.

زكريا*وه متكمل وكلك يا ادهم*

ادهم *الحمدلله ياجدي ،شبعت ،بعد اذنك عشان متأخرش على الشركة*

ابراهيم وهو يقوم من على الطاولة *استنى يا ادهم وصلني معاك في طريقك للشغل عشان العربية عطلت مني وودتها لاسطى اسماعيل الميكانيكي*

ذهب ادهم وابراهيم وتبقى مصطفى واحمد ومراد الذي مزال يأكل .

*امال فين ريهام ياندى؟*

سألها مصطفى عندما رأها تخرج من المطبخ هي وعمر

ندى وهي تشير بيدها ناحية المطبخ *في المطبخ هيا وماما*

قام من على المائدة ذهب ناحية المطبخ.

زكريا وهو ينظر لكلا من احمد ومراد *عامل ايه في شغلك يامراد؟*

مراد ابعد نظره عن الطبق ونظر لجده *الحمدلله ياجدي*

زكريا وهو يوصيه ويأمره في نفس الوقت *مش عايزك ياولدي تجبل على نفسك جرش حرام ،ولا توجف (تقف) مع ظالم ضد مظلوم ،انا مرضتش ان احمد يشتغل في بنك رغم انه خريج تجارة انجليزي ،وايتها بنك في مصر كلاتها تتمناه ،واشتغل في شركة عشان فلوس البنك مش عارف فلوس حلال ولا حرام*

مراد اتجه ناحية جده وانحنى ثم قام بتقبيل يد جده قائلاً ببتسامة *متقلقش ياجدي ،حفيدك مش هيخذلك*

رتب على كتفه بحنان *وانا متوكد من اكده*

قام من على مقعده ذهب للداخل.

::::::::::::::::::::::::::::::::::

*اي دول يا مصطفى؟*

قالتها ريهام متسائلة وهي تنظر للمال الذي يحمله زوجها.

مصطفى بسخرية *كارت شحن* واكمل بجدية *هيكون اي يا ريهام فلوس*

ريهام ببتسامة *تسلم يا ابو ادهم ،مش محتاجهم ،ادهم واحمد ادوني فلوس الصبح قبل ما انزل من الشقة*

مصطفى وقد بدى على ملامحه الحزن *هو عشان ولادك كبرو وبقو رجالة يعتمد عليهم ،يبقى خلاص تلغيني انا خالص؟*

ريهام بسرعة *انا مقدرش اعمل كده دا انت الخير والبركة يا ابو ادهم*

مصطفى بجدية *يبقا خلاص تاخدي الفلوس ،وتاني مرة لما اديك حاجة تاخديها على طول*

ريهام ببتسامة *حاضر وحقك عليا انا مقصدتش*

مصطفى *حصل خير ،بس بلاش تبقي تاخدي فلوس من ادهم واحمد دول شباب على وش جواز ومحتاجين كل قرش*

ريهام*والله مش ببقا عاوزة اخد ،بس انت عارف دماغ ادهم ولدك ناشفة كيف الحجر*

اكملت بمرح *طالع لابوه*

*هو في حد زيي* قالها بغرور وهو يعدل من ملابسه.

ضحكت ريهام فحمحم مصطفى وتحدث مع زوجة اخيه ابراهيم "ام سليم ،خدي الفلوس دي*

عايدة ببعض الحرج *تسلم ،بس ابراهيم ومراد عطوني*

مصطفى بصرامة* وانا مش زي ابراهيم ولا ايه ؟وزي ما ابراهيم جوزك انا كمان ابن عمك ،يلا خدي الفلوس*

مدت يدها واخذت المال قائلة ببسمة *ربنا ما يحرمنا منكم*

ريهام والابتسامة تزين وجهها *اللهم امين*

::::::::::::::::::::::::::::::::::

نظر مراد لاحمد الذي بات على ملامحه انه يفكر في شيء ما *يلا ياحمد عشان متأخرش على المحكمة*

فاق احمد من تفكيره على صوت مراد *تمام يلا*

ولكن قطعهم صوت ندى *استنو هجيب حاجتي من فوق وصلوني معاكم للكلية*

مراد بسخرية من اخته *وتحبي نوصلك بالمرسيدس ولا الچب؟*

ندى وهي تحاول استفزار مراد *لأ مبحبش دول خلينا في ال لمبورجيني*

احمد وهو يحاول فض هذا النزاع فهو يعلم انهما سوف يتشاجران ولا يريد ان يتأخر اكثر من ذلك.

*خلاص يامراد ،نوصلها وخلاص كده كده طريقنا واحد*

مراد بغيظ من اخته *ومركبتش مع ادهم ليه مـ هو الوحيد فينا ال معاه عربية ولا عاجبك التاكسي يعني؟!!*

عمر *نق على الواد بقا*

مراد*ياعم مقصدش،ادهم اكتر واحد فينا بيتعب في شغله يستاهل الصراحة*

ندى بعصبية*يعني هتوصلني ولا لأ*

مراد ببرود *لأ*

*انا هوصلك ياندى ولا تزعلي*

ندى بفرحة بعدما التفت خلفها ورأت مصطفى *حبيبي ياعمو*

نظرت لمراد واخرجت لسانها له وركضت على الدرج الى شقتهم لتحضر اشيائها.

احمد ببتسامة واسعة *طيب ما تاخدني معاك انا كمان يا بابا*

ولكن سرعان ما اختفت تلك الابتسامة عندما قال *لأ ،انتو رجالة يعني هتعرفو تتصرفو*

واكمل حديثه*وعشان مترضاش توصل بنت عمك حلو*

قال مدافعاً *وانا مالي ،ده هيا ومراد*

مصطفى وهو يرى ندى تنزل الدرج متجه نحوها *مـ هو عشان مراد ،مينفعش اخدك ونسيبه لازم حد معاه يونسه*

احمد بغضب *عاجبك كده ياخويا ،ادينا هنتنفخ في الموصلات ،عالله يعجب الباشا*

مراد وهو يأخذ قطعة من الفاكهة ويقطم منها *ايه يعني*

احمد بسخرية *تحب الملك بقية الاكل وابعتهولك دليفري على المحكمة*

مراد بستفزاز *ياريت والله ،حتى الواحد هفتان اليومين دول*

احمد بغيظ من ابن عمه *هفتان ااه ،منك لله هتأخر على الشغل بسببك*

مراد *مـ خلاص ياسوسو ،انت هتندب حظك زي النسوان كده كتير*

لم يمر ثانية واحدة حتى وجد طبق الطعام في وجهه.

؛::::::::::::::::::::::::::::::::::::::::

*علا...انتي يابت ياعلا قومي هتتأخري على الكلية*

قالتها نجلاء وهيا تنظر بيأس وملل ،فـ هذا الحال الذي يتكرر تقريباً كل يوم *يابت قومي*

نظرت لسماء قائلة *ياربي مخلفة غيبوبة، الله يكون في عون الواد احمد هيتجوز دب باندا*

علا بصوت ناعس مع ابتسامة على وجهها *بس على قلبه زي العسل*

نجلاء بغيظ *طيب قومي يامحنو ،لـ اخلي الشبشب هو العسل على خدك الحلو ده*

انتفضت علا من مكانها وركضت إلي المرحاض فـ هي تعلم ان والدتها سوف تفعل هذا حقاً.

::::::::::::::::::::::::::::::::

*ها يابشمهندس ايه رأيك؟*

يجلس على مكتبه يتقرب ملامح هذا الرجل الاربعيني الذي يدعى طارق عبد الحميد قائلا ً بغرور * في ايه*

كاد طارق يتحدث لكن قاطعه صوت الطرق على الباب.

ادهم *ادخل*

دخل شاب في عمر ادهم 28 عام يحمل صينية عليها كوب من القهوة.

ادهم وهو يشير امام طارق *حطها هنا يا فارس*

اخذ طارق يرتشف القليل من القهوة لعلها تهدئه من توتره قليلاً .

طارق*انا الحمدلله عندي بدل الشركة اتنين وتلاتة وبصراحة ال خلاني اجيلك سمعت عنك كتير عن كفاءتك وشطارتك في الشغل ولما كلفت حد يجبلي معلومات عنك عرفت انك كنت بتطلع الاول على دفعتك كل سنة وكل المشاريع ال صممتها كانت مشتريع ناجحة ومميزة جداً*

كان يتطلع له دون ان تتغير ملامحه فـ من يراه يقول انه اتخذ من الغرور عنوان له ،اردف قائلا ً *مكنش في داعي تكلف حد يجبلك معلومات عني ،عشان دي لو سألت اي حد عندي هنا في الشركة هيقلك الكلمتين دول ،بس لو العكس بقا اكيد هيجيلي معلومات اكتر عنك وعن شركاتك ال بتتكلم عنها من شوية،زي مصدرها ايه اتسست امته وازاي وكده*

ابتلع طارق لعابه فحمحم قائلا ً *احم...انا عارف انك لسه في البداية وانا متأكد ان بدماغك وشطارتك هتكبر وتوصل للي انت عايزه، بس ناقصك الدعم المالي ،لما شركتك تنضم لشركتي هتكون قادر تتعرف على ناس مهمة والشغل هيذيد وفي وقت قصير تقدر تكبر شركتك*

ادهم بثبات *ايوة وحضرتك مستفاد ايه من الحكاية دي*

طارق *انا بحب اساعد الشباب الطموح اللي زيك كده*

ادهم * طموح !! امممم،بس حضرتك مش هترمي فلوس في الارض ولا هتضحي بسمعتك وسمعة شركتك عشان خاطر الشباب الطموح ال زيي ،زي ما بتقول ،اكيد هتستفاد وهتستفاد اوي كمان*

طارق بأعجاب من ذكائه *مكدبوش لما قالو انك شاطر وذكي ،عندك حق انا هستفاد اكيد ،هستفاد من الموهبة ال عندك اني اكبر في السوق اكتر ويبقا ليا فرع من شركات طارق عبدالحميد للمعمار في كل محافظة في مصر*

اخذ الملف الذي امامه وضعه امام ادهم *الفايل ده في كل المعلومات عن شركاتي وعن الصفقة وكل المعلومات اللي محتاج تعرفها تقريباً*

ادهم وهو يأخذ الملف *تمام،هفكر وارد عليك*

وقف وقام بغلق ازرار بدلته *تمام وانا مستني ردك*

خرج طارق ليدلف اسامة سكرتير ادهم *ادهم باشا كان في...*

قاطعه ادهم *قلنا بلاش باشا دي ،وبعدين احنا هنا كلنا واحد ،الشركة دي كبرت وهتكبر بأذن الله بفضل ربنا ثم فضلكم*

ابتسم اسامة واكمل حديثه* كان في شوية ورق محتاجين امضتك عليهم يابشمهندس*

ادهم *خليها بعد الاجتماع وخد الفايل ده عايزك تجبلي معلومات كاملة ودقيقة عن الشركة دي واظن انت فاهم انا اقصد ايه بمعلومات دقيقة*

اسامة *تمام يابشمهندس*

::::::::::::::::::::::::::::::::

*وحشاني ياشوشو والله*

قالها سليم الذي خرج من غرفته عاري الصدر يتحدث عبر الهاتف.

*منا لو وحشاك كنت جتلي الشقة انا فضلت مستنياك*

قالتها المدعوة شوشو برقة من على الجانب الاخر.

سليم * انتي عارفة اني مليش في الشقق ،انا اخري كلام في الفون ولو اتقبلنا في مكان عام يبقا كده حلو اوي واتعشت*

*انت وحشتني اعمل ايه*

سليم *خلاص نتقابل*

واكمل بتوضيح *بس في كافيه مش في شقتك*

*موافقة يا سلوي*

سليم *خلاص هبقا ابعتلك المعاد امته واللوكيشن ،باي ياشوشو*

*مين شوشو دي يا سليم*

كانت عايدة مع ملامح غاضبة.

سليم وهو يقوم بتغيير الموضوع *بصي انا هموت من الجوع حطيلي افطر ابوس ايدك*

*تفطر؟! احنا العصر ياسليم ياحبيبي*

سليم بستغراب *مراد! جيت امته من الشغل*

مراد *جيت من بدري ياخويا وانت لسه نايم*

عايدة بحزن على حال ابنها *يابني مش هتبطل بقا انزل شغلك مع ابن عمك ادهم وبطل تكلم البنات دي*

مراد بسخرية *عشم ابليس في الجنة*

سليم قبل يد والدتها *حاضر*

ونظر لمراد قائلا ً بحدة*ملكش فيه ومتنساش اني اخوك الكبير*

مراد اتجه نحو الباب واردف *انا مالي ،انا نازل اصلي العصر*

عايدة*هروح احضرلك الاكل وانت يابني توب عن ال بتعمله ده وبأذن الله هيكرمك ومتقلقنيش عليك*

سليم*متقلقيش عليا ياست الكل انا كويس*

دخل احمد لشقة بعدما رأي مراد يخرح منها *اتمنى مكنش قطعت اللحظة الحلوة دي*

عايدة ببتسامة *ادخل يا احمد*

واتجهت للمطبخ

سليم *ابقي هاتي الاكل ياماما في الاوضة*

ودلف كلامها غرفة سليم.

::::::::::::::::::::::::::::::::

رمى جسده على السرير ينظر لسقف الغرفة *امممم*

احمد وهو يضيق من عينيه *حجزتلي ياسليم زم ما قلتلك*

ضرب مقدمة راسه بيده *نسيت والله ياحمد*

احمد *كنت عارف وعلى العموم انا عامل حسابي وهخليها هيا ال تختار المكان*

*معلش ياحمد* ولم يكمل باقي كلماته عندما رأه يرتدي ساعته *ولا اوعى تكون الساعة دي بتاعتي؟*

احمد بتأكيد *هيا بشحمها ولحمها*

سليم بجدية * طيب اخلعها يلا*

احمد * متبقاش معفن بقا ياسليم انا لسه شاري الطقم جديد والساعة دي لايقة معاه*

سليم وقف واتجه نحوه *قلتلك اخلع يا احمد*

تعجب احمد لما يصر سليم هكذا فهو دائما يرتدي ساعته ولم يعلق لما هذه الساعة لا يريده انه يرتديها.

*عيب ياسليم ،مش كده يا راجل*

سليم وهو يقترب اكثر *هتخلع بالذوق ولا اخلعك انا*

لم يعلما ان هناك من استمع اخد حديثهما او سمعت بمعنى اوضح هذا الكلام المقزز بالنسبة لها.

سليم بحدة*يعني مش هتخلع برضو*

احمد ببتسامة باردة *تؤ تؤ*

سليم بخبث*كده،مااشي*

امسك به وهو يحاول ان يقوم بأخذ الساعة من يده ولكن نظراً لجسدهما العملاق وتساويهم في القوة لم تجعل سليم يأخذ الساعة بسهولة فقام بعرقلة احمد وقع على السرير وفوقه سليم ولكن لسوء حظهم دلفت عايدة التي تحمل الطعام في يديها والغضب يعتلي ملامح وجهها

انتبه احمد وسليم للتي تثور غضبا فقال احمد ببتسامة *بسيوني بسيوني*

سليم وهو يقوم من فوق احمد *ايه يا عايدة مش تخبطي على الباب الاول ،ميصحش كده*

صرخت بهما عايدة وقالت *اخبط عليكم ياشوا"ذ يولاد الكل"ب*

وقف احمد سريعاً من على السرير وقال *اهدي يامرات عمي انتي فاهمة غلط*

سليم وهو يعلم ما يدور برأس امه الان فقال بخبث *مش انتي قلتيلي اتوب وماتكلمش مع بنات ،واديني بتوب اهو وبشوف صنف جديد*

احمد بغيظ من سليم *انت بتهبب ايه ،الله يحرقك*

عايدة بنفس الغضب والصوت العالي *انا قلتلك تتوب مش تدخلي جهن"م بالطيارة*

احمد وهو يحاول ان يفهم زوجة عمه الوضع *متقلقيش يامرات عمي ،هو ملحقش يعمل حاجة أصلا وانتي دخلتي*

حاول سليم كبت ضحكاته على هذا الغباء الذي تفوه به احمد فبدلاً من ان يصلح الوضع ذاده سوءاً.

اما عايدة غلت الدماء في عروقها قائلة *لييه انتو كنتم عايزين تعملو ،يلا يا رمبو منك ليه برا الشقة*

احمد التفت لسليم *الحق ياسليم امك عارفة يعني ايه رمبو*

سليم *مش ابنها وابن اختها كده يبقا لازم تكون عارفة*

وضعت صينية الطعام على الطاولة المجاورة لها وصرخت بصوت عالي *اطلعو براااا*

*عايدة وريهام ونجلاء شقيقات*

:::::::::::::::::::::::::::::::

*سلومتي*

سليم بملل*خير عايز اي تاني*

احمد ببتسامة*طلب اخير*

نظر له بمعني اكمل حديثك*انت عارف اني الوحيد فيكم ال بعد ما اخلص شغل بروح اقف في السوبر ماركت بتاع جدك ال على اول الحارة *

سليم بمقاطعة*طيب وانا مالي*

فكر قليلا وقال *ثانية واحدة ،هو جدك ميعرفش أصلا انك خارج مع خطيبتك؟*

احمد مصححاً*أولا اسمها مراتي احنا كاتبين الكتاب* واسترسل حديثه بخوف *و لأ جدك ميعرفش*

سليم بعدما فهم ما يود ابن عمه قوله *وانت بقا عايزني اقف مكان سياتك لحد ما تيجي*

احمد*لأ لحد ما فارس ييجي ،اول ما فارس يرجع من الشركة من عند ادهم سيبه وتعالى هو هيوقف لوحده عادي*

سليم*طيب ده كان شرط جدك انك تقف مع فارس في السوبر ماركت بعد شغلك عشان تخطب لانك اصغر واحد فينا ،انا مالي بقا*

احمد*اول حاجة انت وادهم اكبر مني بسنة ومراد هو شهر واحد*

واكمل برجاء*عشان خاطري ياسليم وافق*

سليم بسخرية*تصدق صعبت عليا ،يلا بينا*

كاد يخطو الدرج لكن يد احمد اوقفته

احمد *يلا فين ،انت لو جدك شافك كده هيعمل منك شاورما ومش بعيد يعلق راسك على باب الحارة*

نظر سليم إلى ما يرتديه فكان سروال قطني فقط.

سليم*وانا هعمل ايه ،بعد ما امي طردنتا من الشقة*

احمد*ماهتعملش تعالى البس اي حاجة من عندي*

::::::::::::::::::::::::::::::

*السلام عليكم ورحمه الله وبركاته ، السلام عليكم ورحمه الله*

قالها امام المسجد بعد انتهائه من صلاة العصر ورددها الناس من بعده.

نظر احمد لجواره وجد سليم يدعو الله هو ليس سيء كما يبدو،كلا منا عنده عيوب ،وعيبه انه يتكلم ويعرف الكثير والكثير من الفتيات التي يتحدث معهم عبر الهاتف ويعلقهم به ثم يتركهم ،ويهمل شغله ومع ذلك يقوم باداء فريضة الله ويحب اخوته وابناء عمه.

ادهم *سليم*

انتبه له سليم فقال *تقبل الله يانمر*

ادهم *منا ومنك بأذن الله* واكمل *مش ناوي ترجع الشركة بقا ياسليم؟*

سليم بلا مبالاة *شركة ايه*

ادهم*شركتك ،شركتنا ياسليم ال عملناها سو وتعبنا لحد ما بقالها اسمها ومكانتها بين الشركات التانية*

سليم *اه،ان شاء الله*

ادهم*سليم مش اي حد يحصل معاه زي ال حصلك يعمل زيك كده ويسيب كل حاجة ورا ضهره ويمشي*

سليم بعصبية *ادهم لو سمحت ،متتكلمش في الموضوع ده تاني ،انا حر*

ادهم بحدة وهدوء*متعليش صوتك واحترم المكان ال انت فيه ،احنا في مسجد*

زفر بضيق *ايوة عايز ايه مني متسبني في حالي*

ادهم بملامح متهجمة *طيب اسمع بقا ياسليم انت لو مبعتدش عن الطريق ال انت ماشي فيه ده محدش هيوقفلك غيري*

ثم وضع يده على كتفه *واللي متقبلوش على اختك متقبلوش على بنات الناس*

وتركه وذهب.

::::::::::::::::::::::::::::::::::

كان يجلس الجميع على مائدة الطعام لتناول العشاء.

احمد بهمس وصوت منخفض كي لا يسمعه احد*واد ياسليم هو جدك بيبصلنا كده ليه*

سليم وهو يدعى عدم الاهتمام*يمكن معجب ولا حاجة*

ولكن قاطع همسهم زكريا عندما قال بجدية*خطيبتك عاملة ايه ياحمد*

احمد كان يمضغ الطعام وفجأة اتته نوبة من السعال فاعطاه سليم الماء لتناوله.

احمد وهو يسعل*الحمدلله ياجدي...بخير*

قام من مقعده *احمد وسليم خلصو وكل وحصلوني على الجاعة*

ثت تركهم وذهب

احمد بخوف *رحنا بلاش*

اما ادهم كان ينظر لشقيقه الصغير عمر الذي يبدو انه سعيد بما يحدث فأضاف معلقاً*روحو شوفو جدكم عايزكم في ايه*

احمد*في مصيبة طبعا هي دي فيها كلام*

سليم*شكلنا هنتشلوح يا ابو حميد*

عمر ببتسامة جاهدة في إخفائها*لعله خير يا ابن العم ،لا تقلق*

سليم بعصبية*بالله حد يسكت الواد الـ فاكر نفسه في فيلم الرسالة ده*

اتجههم ناحية القاعة ولكن وقف احمد عن السير ال ذي يسبق سليم بخطوات

سليم بتسائل *وقفت ليه*

احمد*ادخل انت الاول*

سليم بسخرية*ليه ياصغنن خايف تدخل*

احمد بنفس سخريته*طالما عملي فيها راجل اوي كده متدخل انت*

سليم بثقة مزيفة*ادخل مدخلش ليه*

ثم اكمل*دا انا لو داخل امتحان فزيا تالتة ثانوي مش هخاف كده*

قاطعهم صوته الصعيدي *هتفضلو واجفين على الباب كتير اكده*

فـ دخل احمد واتبعه سليم ليقلى كلاهما مصيره مع زكريا المنشاوي.

...لسه الحكاية مخلصتش...

الثاني من هنا

تعديل المقال