رواية قتلت ابي ف احببتها كاملة بقلم مي جمعه
قتلت ابي ف احببتها 1
_ق. تلته انا الي ق. تلته ابعد لا متقربليش
_حور ياحبيبتي اصحي دا كابوس اصحي
_لا لا ابعد عني ابوس ايدك
صحيت على صوتي الي اتنبح من الصراخ كالعادة
_هو في غيره ورايا ف كل احلامي ياماما
_ليه بس ماهو مات وراح لحاله
_لا مماتش انا الي ق. تلته ياماما انا الي موته
وفضلت تصرخ بهستيرية وتقول انا الي ق. تلته لحد مامامتها خدتها ف حضنها وقعدت تقرألها قران
_اهدي بس ياحور مش انتي والله يابنتي حرام عليكي نفسك انا السبب ربنا يسامحني على الي عملته فيكي بس
نمت ف حضنها ومحستش بحاجة بحاول دايما اهرب من الواقع فالنوم بس بردو هنا مش سايبني فحالي دايما بحسه معاية روحه بحسها حواليا وعايزة ت. نتقم مني
-انا حور عندي ٢٤ سنة متخرجة من كلية حقوق ورافضة تماما اشتغل بشهادتي لان مش معقول هدور على حق الناس وانا بنفسي ق. تلت روح بني ادم قبل كدة عايشة مع ماما بعد موت بابا وملناش قرايب اهل بابا كل واحد مشغول ف حياته وماما مكنش عندها اخوات ف انا وهي ملناش الا بعض
تاني يوم صحيت على صوت القران الي ماما بتحرص دايما انه يكون شغال حواليا ف كل مكان وكأني واحدة م. لبوسة
_صباح الخير ياحبيبتي جهزي نفسك وصلي لحد مااحضرلك الفطار واعملي حسابك النهاردة هتروحي الدكتور ومفيش نقاش انا مش هقعد اتفرج عليكي وانتي بتروحي مني كدة
_ياماما وهو الدكتور هيعملي ايه يعني هيغير حقيقتي ولاينسهالي متتعبيش نفسك مش رايحة ف حتة
زعقت ولاول مرة من الي حصل تزعقلي بالطريقة دي
_اسمعي بقى انا طاوعتك كتير بقالي شهور مطاوعاكي وبقول بكرة تهدى وتعرف حقيقة الي حصل هي كبيرة بالشكل الكافي لكن شكلي كنت غلطانة انتي هتسمعي الكلام والا والله لقلبي يكون غضبان عليكي ياحور فااهمة
اتصدمت من كلامها حرفيا يعني بعد ماكانت هي السبب الرئيسي ف كل حاجة باختيارها الغلط كمان بتقول كدة حاولت اهدي نفسي واطاوعها مع اني عارفة انه مفيش فايدة
_حاضر ياماما هروح عايزة حاجة تانية مني
_لا ويلا عشان تلحقي تفطري وتنزلي
_حاضر
دخلت اوضتي وانا حزن العالم كل ف قلبي ازاي مش قادرة تفهمني انا ق. تلت شخص مش نملة عشان اتعامل عادي وكأن مفيش حاجة حصلت دخلت خدت شاور وصليت وانا ببكي من ندمي وحزني لربنا بشكيله حالي لاني متاكدة ان الحل عنده بس قادر يزيل كل حزني وتعبي خلصت وطلعت فطرت معاها واحتا الاتنين كان السكوت سيد الموقف بينا
_ماما انا جهزت هتيجي معاية ولا لا
لا روحي لوحدك ياحور انا مش هفضل معاكي ف كل حاجة دايما كدة
_تمام
خدت حاجتي بسكات وطلعت اتمشيت بلا هدف على البحر منظره بيخليني احس براحة ف قلبي طلعت موبايلي وقررت اوافق على كلام ماما يمكن معاها حق فعلا دورت على اقرب دكتور نفسي من مكاني وروحتله
لقيت عنده ناس تتعد على الصوابع سجلت اسمي الاولاني بس وقعدت استنى دوري لحد مادخلت كان شاب تقريباً ف التلاتين من عمره متوقعتش يكون صغير كدة بس يلا مش هتفرق قعدت وفضلت ساكته مش عارفة ابدأ منين
_ها يستي عاملة ايه انا دكتور احمد دكتورك المتواضع واتمنى ترتاحي ف الكلام معاية بس احنا مش هنعتبرها جلسة نفسية كاني واحدة صاحبتك وبتحكيلها
قال كدة وهو بيضحك وانا مقدرتش مبتسمش على كلامه
_طب كويس الابتسامة بداية مبشرة ها بقى مالك ايه الي خلاكي تيجي لدكتور غلبان زي كدة
_انا ق. تلت جوز امي يادكتور
ملامح الصدمة على وشه مقدرش يخفيها بس حاول يتماسك قدامي وسألني ليه
_الحكاية بدات من موت بابا السند والحضن الحنين بالنسبالي ماما وقتها كانت بتعزه جدا مقدرش اقول حب بس كانت عشرة ومعزة وزعلت على موته جدا فضلنا انا وهي ست شهور لوحدنا بنواسي بعض وبنحاول نكمل ونعيش حياتنا من بعده لحد ماجه هو كان مجرد وشه بيخلي كل حتة فيا تنفر منه مكنتش ابدا برتحله بس هو دخل علينا بحجة انه صاحب بابا وعايز ياخد باله مننا وفضل يرسم لماما الوش البرئ لحد مااقنعها ان بجوازه منها انا كمان نفسيتي هتتحسن لاني هحس بوجود الاب من تاني ف حياتي وانه هيعوضنا ماما صدقت بكل طيبة قلب كلامه وفعلا اتجوزته اول كام شهر كان بيحاول دايما يظهر طيبته فيهم واد ايه بيحبنا وبيخاف علينا لكني بردو مكنتش برتحله بحس بنظرة عنيه بترعبني معرفش ليه لحد ماجه اليوم الي كل حاجة فيه اتغيرت ماما كان عندها واحدة صاحبتها بتولد فااضطرت تروح معاها وقالتلي انها لازم تبات معاها لان جوزها مسافر ومش هيلحق يجي غير بكرة وكانت مطمنة ان معاية جوزها الي بتعتبره بمثابة اب تاني ليا متعرفش حقيقته فضلت يومها طول النهار لوحدي لحد ماجه بليل حسيت انه مش تمام وفيه حاجة كان مدروخ وبيقول كلام مش مفهموم فهمته بس لما حاول يحضني بالعافية وانا بجري منه ف الشقة وبقاومه بكل قوتي لحد ماوقعت ايدي على فازة كسرتها على دماغه وقع قدامي ب. ينزف من وشه كله معرفتش اتصرف جريت على برا وكلمت ماما جت بعدها بساعة كنت انا قاعدة فيها ف مكان بعيد عن البيت معرفش وصلتله ازاي خدتني ف حضنها وفضلت تهديني وطلعنا عشان نشوفه تاني لان كان عندها امل يكون لسة عايش انا فضلت برا وهي دخلت بعدها بفترة مش كبيرة خرجت وهي بتعيط. اكتر وتحضني وتقولي ليه عملتي كدة لييه
رديت وانا جسمي كله بيترعش من الخوف
_ه و هو ياماما الي حاول ي. تهجم عليا والله مليش ذنب معرفش ازاي اول مالقيت المزهرية ض. ربته بيها
لقيتها فجاة بعدتني عنها
_ايه مزهرية ايه يعني انتي ضربيته على دماغه بس
_ايوة ياماما وفضلت اعيط واصرخ اني بقيت م. جرمة وق. تلت شخص مكنش يستحق يعيش بس موته مكنتش اتمتى يكون على ايدي
ماما هديت فجأة شوية وحاولت تهديني وقالتلي انها هتكلم البوليس
_لا ياماما عشان خاطري هياخدوني يعدموني
_متخافيش انتي معملتيش حاجة مش انتي الي موتيه
كلمت ماما البوليس وجم وفضلوا يعاينوا المكان والج. ثة ويسمعوا شهادتي والي اكتشفته ان في حد ط. عنه بسكينة هي الي ادت لوفاته التحقيق قال كدة بس انا مش مصدقة انا الي ق. تلته وقع قدامي غرقان ف دمه انا الي موته انا
_طب خلاص اهدي اهدي كفاية كدة للنهاردة بلاش تتعبي نفسك بس قبل مااخلص عايز اقولك ان الي انتي فيه دا وهم وهمتي نفسك بيه ضميرك مستوعبش الي انتي عملتيه عشان تدافعي عن نفسك وصورلك عقلك الباطن انك انتي السبب ف موته مع انه مش انتي لان زي ماقولتي ات. قتل بسكينه
_لا انت كمان بتقول زي ماما عشان تريحني انا ق. تلت ومش هسامح نفسي ابدا
فضلت اعيط وهو بيهديني وكان معاد الجلسة خلص
_بصي بقى انا مش هكتبلك على اي ادوية ف الوقت الحالي عشان متتعوديش عليها بس عندك جلسة تاني بعد تلت ايام وان شاء الله وقتها تكوني احسن وحاولي تحرري نفسك من ذنب مش ذنبك ياحور نفسك تستحق دا
مكنتش قادرة ارد عليه مجرد حركت راسي بعلامة تمام وانا باخد شنطتي عشان امشي بس وقتها دخلت علينا الممرضة
_معلش يادكتور بس الانسة كتبت اسمها بس وكنت عايزة الاسم كامل عشان الملف بتاعها
افتكرت اني فعلا كتبت اسمي بس من التوتر
_معلش ياانسة حور بس دي اجرأت ف لازم اسمك كامل
_تمام مفيش مشكلة اسمي حور محمد عبدالله
لقيت فجأة الدكتور بيبصلي بصدمة ونظرة معرفتش افسرها وهو بيقول
_اييه هو انتي حور محمد..
الثاني من هنا
