رواية زوجي الخائن كامله بقلم هبه حجي
_ نور.
-......!
_ نور، أنتِ مش بتردي لي.
_ أنا بقالي شهرين يا نور بطلب منك تسامحيني وأنتِ مش بتردي عليا، ولا حتى راضية تقفي تتنقشي معايا.
- اظن وقت المناقشة خلص وأنت عارف كده يا عَمار، ولو سمحت ممكن تعديني عشان أعرف أمشي مينفعش نقف كده مع بعض مفيش حاجه بتجمعنا مع بعض.
_ أي اللي أنتِ بتقوليه ده يا نور أنتِ مراتي ازاي مفيش حاجه بتجمعنا.
- طليقتك لو سمحت....
_ نور يا نور أستني بس.
-.....!
" مشيت وسبته وأنا بيدور في دماغي ميت حاجة وحاجة مش قادرة استوعب ازاي وصلنا للمرحلة دي أنا وعَمار، ازاي بعد السنين دي كلها بقينا بنطارد بعض في كل مكان، ازاي بعد الحب اللي بنا اللي دام سنين وعافرنا سنين عشان نكون مع بعض دلوقتي مبقناش قادرين نبص في وش بعض، ازاي شعوري اتغير من نحيته لِـدرجة دي، لي الإنسان بيتخلى عن وعوده بسرعة؟! ليه مش بنضحي أو نتعب نفسنا عشان منأذيش غيرنا ليه بقينا أننين من أجل راحتنا وبس لي مش بنفكر انو في طرف تاني موجود معانا في العلاقة ونفكر فيه وفي شعوره هل ده ممكن يأذيه أو يوجعه ليه بقينا بنشوف نفسنا بس وننركن الطرف التاني على الرف وكأنه مش موجود أساسًا... "
- صحيت من تفكيري لقتني على باب البيت كنت مرهقه جدًا انهاردة كان يوم صعب جدًا في الشغل واللي زاد أرهاقي تفكيري وتعبي النفسي وكنت داخله الأوضة عشان أنام لقيت ماما بتندهلي، لفيت وشي وأنا بكلمها بإبتسامة..
_نعم يا ماما.
: يلا أتغدي يا نور يا حبيبتي شكلك تعبانه.
- جدًا جدًا يا ماما.
: طيب يلا غيري عقبال ما جهز السفرة.
- حاضر يا قلبي.
" دايمًا أمهاتنا اللي بيحسوا بينا مهما حولنا نخبي عليهم تعبنا أو نبين عكس اللي جوانا، دايمًا هما اللي حافظنا وحافظين كل حاجه فينا، لو الناس كلها زي أمهاتنا أو بتتعامل بحنيه وحب وإحتواء الأمهات مكنش حد زعل أو تعب في الدنيا دي كلها... ".
- غيرت وصليت فرضي وإتغديت ودخلت نمت على طول من التعب من غير أي لحظة تفكير زي كل مرة، صحيت على رنه تيلفوني لقيتها دُعاء صحبتي بصيت في الساعة لقيتها تمانية العشا متخيلتش إني نمت كل ده فتحت عليها فجأني...
" نورررررررر أنتِ لسه نايمة يا غيبوبة سُكر.
- وطـــــــي صوتــــــك.
" قومي بسرعة عايزة اقولك حاجه مهمه جدًا جدًا هتحدث في حياة صحبتك قومي هستناكي عشر دقايق القيكي تحت بيتكم سلام.
- بت يا دُعاء، قفلت بنت ال**.
صحيت صليت المغرب والعشا ولبست وقلت لماما ونزلتلها لقيتها واقفه هتفور من الغضب.
- قلت بإستفزاز : عشان تقفلي السكه وفي وشي تاني.
" ما خلاص بقى يا ست نور مكنتش مرة ما أنا بقفل السكة في وشك كل يوم مجتش على انهاردة يعني.
- خير كنتِ عايزاني في أي؟!
" بصي يا ستي، أدهم جه اتقدم انهاردة.
- بجد ألف ألف ألف ألف ألف مبروك يا حبيبتي ربنا يسعدكم يارب، وقولتيله أي؟!.
" الله يبارك فيكِ يا حبيبتي، قلتله سبني افكر بيني وبينك قلت أتقل عليه شوية وسيبه على نار كده اسبوع.
- هلتلها وهيا بتضحك يخرب دماغك طول عمرك مجنونة.
" متشكرة يا اخت، قوليلي بقى مالك فيكِ أي مش مظبوطة بقالك كام أسبوع.
- مفيش حاجة يا روحي.
" نـــــــــــــور في أي.
- عَمار.
" ماله سي عَمار؟!
-........!
الثاني من هنا
